==============

فى الامس مررت بأصعب موقف من الممكن أن يمر به إنسان على وجه الاطلاق لقد رأيت طفل لم يتجاوز الثانية عش من عمره غارق فى قناة الماء الموجودة بالزقازيق وما أصعبه من موقف فهذه المرة الاولى التى أرى فيها جثة حقيقية بعينيى ومن لحظتها وصورته لا تفارق خيالى لأنى والله العظيم قبل غرقه بدقائق كنت أحكى لصديقتى رانيا عن منام قد رأيته وكان عبارة عن شقين والاول قد حدث منذ بضعة أيام والثانى تحقق بالأمس هو غرق ذلك الطفل لدرجة انى اشعر بانى السبب فى قتله لان منامى كان سىء للغاية وبمجرد ان قلته لصديقتى فتحقق بغرق ذلك الطفل الجميل
ولكن انى لا أذكر ذلك بسبب منام حقق ولكن لأن ما رأيته بالأمس عند غرق هذا الطفل جعلنى أشعر بكم نحن سلبيين ومهملين
واليكم تفاصيل ما حدث فبينما انا وصديقتى نسير بجوار سينما عرابى اذا بطفل يبكى بكاء شديد داخل الماء ويقف ينظر اليه بعض الرجال والشباب وكان الطفل يردد (انا صاحبى غرق هنا وكان لسة مطلع ايده دلوقتى) ووقفت اسأل ماذا يحدثظ
فأجاب عليا أحد الرجال : (فى عيل صغير لسة غرقان هنا وصاححبه بيدور عليه فى الميه دا احنا لسة شايفينه بيطلع ايده من هنا ) واشار الى مكان فى الماء بقرب الشاطىء واستمر الطفل الصغير يبحث عن صديقه
وبعد حوالى عشر دقائق جاءت فرقة الانقاذ واستمرت حوالى ربع ساعة تتجهز لانقاذ الطفل او البحث عن جثته ثم اخذ يبحث عنه حوالى عشر دقائق ثم صعد من الماء حاملا جثة الطفل والقى بها على الحشائش وما كان من الجماهير التى احتشدت بالمئات لترى ذلك العمل البطولى لفرقة الانقاذ الا ان انطلق من البعض منهم الصفير والتثقيف واحضروا ملابس الطفل وفى هذه اللحظة لم اتمالك نفسى وبكيت بشدة فقامت صديقتى باصطحابى وتوجهنا الى بلدتنا
ولكن اليكم بعض العبارا التى سمعتها اثناء وقوفى كمتفرجة سلبية على هذا الموقف

كل من مر بسيارته يسأل ماذا يحدث
يجيب احدى الواقفين
مرة (عيل غرق)
ومرة (ده عيل من ولاد الشوارع غرق)
ومرة (ده كان بيلعب هو صاحبه وغرق)
ومرة (ده صاحبه هو اللى غرقه)
وهكذااااااااااااا.......................................................

والاكثر من ذلك النساء يتحدثن مع بعضهن البعض (يا حول الله الواد غرق)
فتجيب الاخرى عليها (دول ولاد شوارع هما ليهم اهل يسألوا عليهم)

والاكثر من ذلك الضابط المسئول عن الانقاذ يركب فى احدى الزوارق ويتحدث فى الهاتف ويضحك وهذا الطفل المسكين يغوص فى الاعماق تحت اقدامهم مباشرة


والسؤال الآن من تسبب فى موت هذا الطفل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هل سلبية الناس الذين رأووه منذ اللحظة الأخيرة وهو يغرق ولم يمدد أحد يدا لإنقاذه مع انه غرق ع الشاطىء وكان من السهل انقاذه
ام من فرقة الانقاذ التى اتخذت وقت طويل لتأتى لانقاذه ووقت اكبر لتستعد للبحث عنه
ام اسرته ام صديقه
ام انااااااااااااااااااااااااااااااااا السبب بسبب حلمى وسبب سلبيتى مثل الباقييين


ارجوا الرد بكل مصداقية لأنى والله بدأت أفقد المصداقية فى نفسى وبكل ما يحيط بى
ومن الامس عينى لم ترى النوم لانى احس ان دم ذلك الطفل معلق حول رقبتنا جميعا وما عليا ان افعل

بجد انا مش عارفة اقولك ايه لأنى تأثرت جدا بتلك الموضوع ولا ادرى من المسئول ولكن كلنا مسئولين بسبب اهمالنا واستهتارنا فى امور كثيرة ولا نعلم من السبب ولكن المفروض كل واحد يبدأ بنفسه وماينفعش نقف نتفرج بس من بعيد كالناس الذين وقفوا يشاهدوا دون فعل شئ
ربنا يرحمه يارب ومفيش حاجة اسمها اطفال شوارع لانهم مثلنا من حقهم انيعيشوا ويتعلموا والحلم مش هو السبب ولا حاجة لان دى ارادة ربنا وقدره

لا اله الا الله انا مؤمنة بإرادة ربنا وقدرة لكن احنا مخدناش بالاسباب بعيدا عن موضوع الحلم ده لانه احساس داخلى جوايا انا بس لكن اللى حصل ده كله يا ترى مستنين ايه عشان نتحرك

لا حول ولا قوه الا بالله العلى العظيم
وده طبعا ضحيه الاهمال للكل وما فيش اى حد معفى من اكبر راس ليا انا شخصيا
وعلى فكره كل ثانيه بيحصل زى كده كتير وما فيش حد بيتحرك الكل بيتفرج وبس ويقول (لا حول ولا قوه الا بالله العلى العظيم)
بس لأمتى هنفضل كده ما كفايه ضحايا بقه هتستنوا لامتى
وطبعا مافيش حاجه اسمها اولاد شوارع حرام لما يروح ضحيه وجريمه للاهمال زى دى ونقول ولاد شواع كفااااااااااااايه
وطبعا اللى انتى فيه ده يا ايمى شعور نبيل منك

وان شاء الله ليه الجنه الطفل ده (فالغريق شهيد)
بس مش كل مصيبه نقول مقدر ومكتوب مش نهمل ونقول كده المفروض نعمل كل اللى علينا ودى اخر حاجه نقول
وربنا يرحمنا بقه من اللى احنا فيه ده كفايه اهمال وظلم وضحايا وتلوث كفايه كفايه كفايه

طب المفروض انا اعمل ايه

ادعيله وادعى على كل ظالم ومقصر ومهمل فى حق البلد دى

حسبنا الله ونعم الوكيل

تعددت الأسباب والموت واحد
إنا لله وإنا إليه راحعون
(حسبي الله ونعم الوكيل فى الشعب كله لأننا شعب يستاهل اللى بيتعمل فينا لما كل واحد يقول وانا مالى يبقي اللى بيتعمل فينا مش حرام .)

لا اله الا الله ما اصعب هذه اللحظة عليا انها رسالة لى لكى احاسب نفسى مجددا وليهدينى الله وليغفر لى
اللهم اغفر لى ولوالدى وللمؤمنين والمؤمنات الاحياء منهم والاموات
اللهم آمييييييييييييييييييييييييييييييييييييين

وحسبنا الله ونعم الوكيل فى السلبية والاهمال