انا بنت مسلمه

أنا بنت .. كل مرة أمسك فيها المشط وأسرح شعري الطويل الناعم قدام المراية بيلفت انتباهي قد ايه شعري جميل وقد ايه انا جميلة وجذابة ورائعة . أنا بنت .. كل لما تعدي من قدامي بنت زيي ولابسه فستان شفاف وبيبين مفاتنها ويغري كل اللي يبص عليها بفتكر دايما جسمي وحلاوته في الفستان ...اللي كنت لابساه امبارح في البيت. لكــــــــــــــــن .... لكن انا بنت مسلمة حافظة آية الحجاب ، عارفه كويس اوي ان جسمي لازم يتستر وشعري لازم يتغطي ، لازم الحجاب يغطي رقبتي ، لازم العباية تغطي جسمي .. أعجابي بنفسي وبجمالي مش هيكون سبب أبداً اني مش اطيع ربي واستجيب للي أمرني بيه ودعاني ليه رسولي محمد صلي الله عليه وسلم. انا بنت .. كل مرة أخرج من الكلية بتاعي وأشوف زميلتي وصاحبها اللي مستنيها عشان يتمشوا سوا ويعيشوا لحظات رومانسية جميلة واغير وقلبي يرتعش لما افتكر الحب وقد أيه هو جميل وافتكر وحدتي واني لوحدي من غير حد يحبني زيها. لكــــــــــن ... لكن انا بنت مسلمة وهفضل دايما وفيه لجوزي وعارفه انه جاي عشاني انا ، وربنا يحميني ويخليني واثقة من ده اوي وهفضل مستنياه عشان اكون عشانه زي ما علمني القرآن الكريم. أنا بنت .. ونفسي لو اخرج وأروح رحلة مع اصحابي والعب واتنطط زي ما كله بيعمل. واحس بحلاوتي في عين كل اللى حواليا . لكـــــــــن ... أنا بنت مسلمة وارفض الاختلاط المحرم اللي الرحلات والحاجات دي معموله عشانه بس وعارفه كويس خطورته عليا وقد ايه هشيل ذنوب كتيرة . أنا بنت .. بحب الحياة واحب اني احس بنفسي وبوجودي. لكــــــــن ... أنا بنت مسلمة وعارفة معني وجودي وعارفه انه مرتبط بالتزامي ، عارفه إن ربنا كرمني بالحجاب وخلاني مصونه ، ربنا خايف عليا من كل عين مبتخافوش . أنا البنت المسلمة اللي هتعيش دايماً مسلمة ، اللي هتعيش حياتها اللي عايزاها في بيتها مع عيلتها وجوزها ولما تفكر تخرج هيفضل ربنا سبحانه وتعالي حاميها والحجاب صاينها ومخليها أميرة في الأرض ودايما ربنا هيكون معايا وحافظنى
أعاهدك يارب انى هكون كده يا ترى يا جماعة معايا كام بنت مسلمة بجد