رحمة الله واسعة

من طرف هداية الرحمن الإثنين أبريل 19, 2010 2:58 am

قالولي انك مش حتسامحني لان ذنوبي مغرقاني قولتلهم بس فيه حجات كتير كويسه في حياتي ردوا عليا بكلامهم القاسي وقالوا :ان السيئات يذهبن الحسنات عكسوا كلامك و ضحكوا علياو وقفت قدامهم عاجز و مفيش حاجه بايديا لا عارف أرد و لا عارف أغير اي حاجه فيا و الدنيا اسودت في عنيا و لما قعدت مع نفسي عشان افكر شويه خدت قراري باني ...افضل على حالي و عمري ما حتغير ولا حفكر في كده تاني اصل الدين صعب ..... و اللي فهمتوا منهم انك مش بتسامح العاصي اخويا و أختي ........عمر الدين ما كان شديد للدرجادي و عمر ربنا ما كان بيظلم العاصي ربنا كريم و بيسامح كل انسان نسي نفسه و ظلمها .... بحبه للذنوب و للمعاصي اوعى تسمع كلامهم السلبي الحق نفسك و ارجع للي خلقك من غير ما تفكر أكيد حيسامحك في ثواني اصله بيحبك و الدليل انه خلاك تكون من أمة النبي الهادي