حوار اسبوعى: جهزوا الحلل .....!!

حوار اسبوعى: جهزوا الحلل .....!!

ربما كان الدكتور علاء طلعت عندما دعانا لتجهيز الحلل إستعدادا لمجاعة مائية تهدد مصر لم يكن يمزح أو يتندر علينا بكلمة نسمعها ثم تغمرنا نشوة ونضحك بعض الوقت وننسي ماقيل, لكن بعد الخلافات التى رأيناها بين دول حوض النيل في التوقيع على اتفاقية تقاسم المياه والتى يجرى التشاور حولها والاعداد لها منذ حوالى 11 عاما وكان اخر لقاء عقد للتوقيع عليها في شرم الشيخ 14/4/2010 وقد أخفق الاجتماع في التوصل لحل يبعد دول النيل عن حرب ربما تنشب للدفاع عن حصصها من المياه.
فأثيوبيا ودول المنبع تريد أن تزيد حصتها لإقامة مشروعات مائية لتوليد الكهرباء وزراعية ساعدت اسرائيل كثيرا في التسريع من تحويلا الى واقع للتأثير على حصة مصر من المياه ومحاولة خنق 80 مليون مصري ربما ما زالت اسرائيل حتى بعد اتفاقية كامب ديفيد تعتقد أنهم خطر عليها.
فمصر الغائبة بدبلوماسيتها عن دول افريقيا وخاصة دول حوض النيل او المنبع تركت الساحة هناك فارغة لإسرائيل وتفردت هى بدورها في انشاء مشروعات وتنمية هنا وهناك من اجل احكام سيطرتها على مجريات الامور جنوبا, وصدق من قال ان اسرائيل دولة عملية لا تتكلم بل تعمل اما نحن فنائمون ولن نستيقظ الا على كابوس العطش

واستعدوا وجهزوا حلل كتيييير وكبيرة الله يخليكم علشان نجمع مياه كتير.
وشكرا للدكتور علاء على نصيحة التى كانت في محلها
-------------------------------------------------------
أرجو أن يبدى كل منا برأيه وتوقعاته: هل ستتحرك حكومتنا وتحمى مصدر المياه الوحيد بالنسبة لشعبها؟
أم ستظل منشغلة بالمناصب والكراسي ونشيل حلل في الاخر؟
وهل يمكن ان تلجأ للقوة في حماية نصيبنا من المياه؟

وسلملى على اسرائيل

اشكرك على طرحك لهذا الموضوع المهم جدا والذى يمثل خطرا كبيرا علينا جميعا
بس والله انا مش عارفه بالظبط كل حاجه بقت متوقعه ممكن نقول لا دى حاجه غايه فى الاهميه ولا يمكن الانشغال عنها والحكومه بتاعتنا قادره انها تحمى مصدر المياه الوحيد وده ممكن يحصل فعلا وهى قادره ولو بأى طريقه من الطرق
وما يحصلش لقدر الله ونشيل حلل
وممكن نقول هى بالفعل مشغوله بالمناصب وكل واحد فى الحكومه دى مشغول بانه يخصص اكبر قدر من اراضى الدوله له ولعائلته وينهب اكبر قدر من اموال الفقراء والغلابه ونجهز الحلل
ونتفاجىء بانها تحمى مصدر المياه الوحيد لشعب مصر وده من ابعد الاحتمالات

بس برده ما فيش حاجه بعيده عن ربنا
وربنا يسطرها ويحمينا من كل شر
لكن موضوع انها تلجأ للقوه علشان تحمى نصيبنا ده ما اعتقدش خالص

شكرا على التفاعل

وربنا يستر فعلا لأننا 80 مليون مواطن مش قليل يعنى
---- أنا ذكرت نقطة استخدام القوة لأننى قرأت بأن السادات كان قد هدد أثيوبيا أثناء فترة حكمه بضربة جوية لأى "سد" يمكن أن تبنيه على النيل يقلل من حصة مصر أو أى مشروع مائى يمكنه ان يؤثر على حصة المياه المخصصة لنا.
---- فالموضوع خطير جدا ويجب ان توضع كل الاحتمالات.
وشكرا

ياجماعة حرام عليكم ربنا يكون فى عون الحكومة هيا كل حاجة عليها هتلاحق على ايه ولا ايه بس المفروض نعتمد على انفسنا ونجهز الحلل من دلوقتى زى ما الدكتور علاء قال وبلغوا الجيرن وخليهم يجهزوا الحلل واللى عنده حلة زيادة ميبخلش بيها على جاره
يارب هون علينا مصائبنا

يا استاذ رائف حضرتك بتتكلم عن استخدام القوه بس ده ايام السادات مش دلوقتى خالص
وطبعا مافيش وجهه مقارنه بين اى حاجه دلوقتى وايام السادات

وربنا المعين

محمد حمدى.... شكرا على المشاركة عندى ليك وليا سبوبة حلوة بقي بكرة نجيب حلل معانا بحجم اكس اكس لارج ونبيع للطلاب في الكلية وبكده نبقي مليونيرات وناخد الفلوس ونهرب على لندن.

إسراء... أعترف بأننى أخطأت فعلا في ذكر نقطة استخدام القوة تجاه اثيوبيا في حال تهديد امننا بنقص حصتنا من المياه. ... فلا مجال مقارنة بين اى حاجة دلوقتى وبين ايام السادات. فأمننا اليوم مهدد من قبل شباب 6ابريل الذين طالب بعض النواب بضربهم بالرصاص أثناء مظاهراتهم.

اولا انا عايزة اشكرك مرتين ؛
الاولى :عشان طرح هذا الموضوع الهام.
والثانيه:فلاسلوبك الرائع فى طرح المشكله.

بسى احب اقول بانك لم تخطىء عند ذكر نقطة استخدام القوة فربما يحدث هذا .فنحن لاندرى بماذا يفكر القادة .
ومش معنى ان فى ناس كل اللى يهمهم منصبهم ان كل الناس والمسؤلين كدة ، والا كان حالنا بقى اسوأ بكتير او على الاقل مكناش بنتمتع بحريه الارض .
ونتمنى ان شاء الله ان احنا منحتاجش لجمع الحلل والبحث عنها لان لو كل واحد دور على الحلل من دلوقتى هتيجى فترة ونتخانق فيها على الحلل مش عالميه لان الكل عيز يجمع حلل اكتر عشان ياخد ميه اكتر وهنسيب الميه وتضيع مننا فى الارض.
ومرة تانيه شكرا عالموضوع يارائف.

وعلى فكرة لعبة الحكم والسياسة دى لعبة كبيرة قوى محدش يقدر يتوقع لها حاجة،واعتقد انكوا عارفين كدة كويس ولا اية؟ وياريت بلاش نحكم على المسؤلين غير لما نعرف هما هيعملوا اية مش لسه معرفناش هما بيفكروا فى اية.

شكرا لــ"الطير الحالم" و"محبة مصر" على التفاعل.

وربنا يستر فنحن لا نتمنى ان ندخل حربا مع اى دولة من الدول الا اذا كان ذلك في صالح 80 مليون انسان.
وان شاء الله يكون المسئولين صاحيين ومدركين للخطر والمصيبة التى بدأت تلوح في الافق.

والله المعين