حوار اليوم :ياترى رايك اية...........؟؟؟؟؟

من طرف الطير الحالم الأحد أبريل 25, 2010 5:07 pm

انا قريت جملة فى جريدة .ياترى رايك فيها اية والجمله هى:

"السلام عايز سلاح"

من طرف elhour الأحد أبريل 25, 2010 10:12 pm

انا شايفه ان الجمله دى متناقضه
ازاى سلام وازاى سلاح مع بعض
السلام عايز اتفاق وتفاهم
والسلاح عايز حرب علشان الحرب فيها غالب ومغلوب
والمغلوب مش هيسيب حقه ويسكت للغالب وحتى لو يكت وقال سلام يبقى بيفكر فى خطه جديده بس عمره ما هيسكت حتى لو بطريقه غير مباشره

من طرف توأم الروح الأحد أبريل 25, 2010 10:35 pm

انا رأيى ان الواحد يكون مسالم بس مش عشان هو ضعيف يعنى مثلا انا اسامح فى حقى بس مش عشان انا مش قادرة اخده

من طرف ???? الإثنين أبريل 26, 2010 5:41 pm

"السلام عايز سلاح"

من وجهة نظرى الجملة صحيحة

فلا سلام بدون سلاح وقوة تحمى السلام والاستقرار
اما اذا كان سلاما وهميا مفروضا عليا وقد سلب حقى وسلبت ارضى ويقولون سلام.... فهذا استسلام بكل ما في الكلمة من معنى..
------------------------------
شكرا على الموضوع

من طرف محبة مصر الإثنين أبريل 26, 2010 5:56 pm

انا شايفه انه مافيش اى تعارض
وده مذكور ف القران
قال تعالى" واعدوا لهم ما استطعتم من قوة "
وقال "وان جنحوا للسلم فاجنح لها وتوكل على الله"
والتوكل هنا يعنى الاخذ بالاسباب ولا شك ان هذه الاسباب هى القوة والتسلح
يعنى السلام مطلوب مع اعداد القوة احتمالا للغدر

من طرف hany4445 الإثنين أبريل 26, 2010 6:14 pm

السلام هو بين قوتين متعادلتين لكن احنا بنوهم نفسنا بكلمة السلام لا اسرائيل سباقنا بالاف الخطوات فلازم يبقى قوة تحمى السلام لان الطرف التانى هايتعامل على انه استسلام وعودة القدس هاتبقى بايمان بقضية القدس لان تفاعلنا امام نشرات التلفزيون مجرد تعاطف مش ايمان بقضية

هانى ابراهيم

من طرف بنت الشاطئ الإثنين أبريل 26, 2010 7:39 pm

أنا اول مرة قريت الجملة دى كانت فى حفل اكتوبر الجيش التانى وكانت بعنوان (السلام عايز سلاح)
انا فى الأول أستغربت من الجملة ازاى سلام وازاى سلاح
جملة متناقضة بس لما فكرت فيها لاقيت انها صح جدا
لأنه سلام مش أستسلام
انا شايفة أن أقوى الشعوب هى الشعوب التى تصنع العدل بالحكمة وتقوم الحكام بالعدل وتطفئ النيران قبل أن تكبر
وهذة الشعوب هى القادرة على صنع السلام الحقيقي.
ولكى يتواجد السلام الحقيقي لابد من تواجد سلاح يدافع عن هذا السلام وعن أستمراره
وفى أنعدام السلاح تنعدم معه القوة والقدرة ويتحول من سلام الى أستسلام ثم عبودية.( دا من وجهة نظرى طبعا)
ويالتالى أنا بأؤيد جدا وجهة نظر رائف ومحبة

من طرف شهرزاد الإثنين أبريل 26, 2010 8:05 pm

انا رأيى ان فعلا الجملة سلاح ذو حدين احيانا يكون السلام محتاج للسلاح عند استرداد حق تم اغتصابه بالقوة ولا ينفع معه غير القوة مثل احتلال ارض مثل فلسطين او كانت مصر كذلك فى حرب 73 فذلك لا ينفع معهم تسامح ولا تهاون

ولكن عندما يكون السلام مرتبط بالتسامح ويكون امر بسيط فلا يحتاج سلاح ولا اى شئ انما بالتسامح والرحمة

اشكرك على طرحك للموضوع الرائع