حوارالاسبوع:"ما وراء الخبر"

انا كنت بشوف قناة الجزيرة وكنت بسمع "ما وراء الخبر"
وزيه زى اى برنامج ايا كان نوعه بيظهر على الشاشة بعض العناوين اللى بتوضح الخبر او عن الموضوع المثار.
فلفت انتباهى حاجتين او لفظين قريتهم احب اعرف ياترى موافقين على اللفظين دول انهم يتقالو علينا ولااااااااااااا

]b]الجملة الاولى :" واشنطن وحليفتها مصر"[/
b]
ياترى احنا بقينا حلفاء لواشنطن فى اية؟ ولا من امتى؟ وفعلا ممكن نكون حلفاء؟مش عارفة.


]b]الجملة التانية:"مسلحين اسلاميين"[/b]

الصفة دى اطلقوها على الناس اللى قتلوا السادات .تفتكروا دة ينفع؟

بصى يا طير الحالم
بصفه عامه قناه الجزيره انا شايفه انها ضدنا واظن انه ظهر قبل كده بشكل واضح ومن المتوقع منها اى حاجه
اما بالنسبه لموضوع الحلف مع واشنطن فده ما اظنش انه ممكن يكون
اما نقطه مسلحين مسلمين
فده غلط معروف ان الارهاب منتشر فى كل مكان وكتير شايفين ان المسلمين ارهاب وهذه الفكره متأصله عند الامريكان وغيرهم من ايام حادث 11 سبتمبر لكن ليس هناك صله تماما بينهما وده حصل لان افلامنا كانت بتظهر الارهاب فى زى الاسلام النفاب واللحيه وغير ذلك زى افلام عادل امام الارهاب وغيره
ولازم الكل يعرف ان الاسلام سلام ومش ينفع يتطابق مسلحين مع اسلاميين مش ماشيه او مش راكبه مع بعض
لان ديننا الاسلام امرنا بالسلام وده ظاهر اوى فى تحيتنا (السلام عليكم)
وفى ايات قرانيه كتير واحاديث نبويه فكفايه بقه لامتى فنفضل نوضح ومحدش عايز يفهم
والمعظم بلاش الكل بقى عايز يقضى على الاسلام وعاداته
يعنى سمعت خبر ان فرنسا منعت لبس النقاب فى الاماكن العامه وقالوا انه بيتعارض مع قيم الجمهوريه وفرض غرامه ماليه على من يرتدى النفاب وانه ليس من الدين
وللعلم كمان بلجيكا البلد الثانيه اللى منعت لبس النقاب
طب ده يرضى مين سايبين كل القضايا والمشاكل الاهم وماسكين فى النقاب انا مش عاوزه اقول المثل اللى ينطبق عالموقف ده بس ربنا يهدى وينتقم
ده غير حريق المسجد فاوروبا تقريبا اللى سمعنا عنه
والحكومه متجاهله وسايبين الفرصه والحبل على الواسع للى عايز يقضى عالاسلام

انا كنت هنزل الاخبار دى فى موضوع تانى بس جت كده بقه
وااسف انى طولت عليكم

شكرا يااسراء على مرورك الكريم .
وشكرا لاضافاتك.
انا بس استفزنى الكلمات يعنى اللى كتب جملة مسلحين اسلامين اعتقد انه مسلم تب لية، على اساس ان الدول الغربية المسيحية لما تحصل عندهم حاجة زى كدة بيقولوا مسلحين مسيحيين ،الارهاب موجود فى كل مكان وفى كل العقائد لكن اللفظ نفسه مستفز.
اما اللفظ التانى فمن امتى واحنا حلفاء لواشنطن ؟وياترى ممكن نكون كدة فى يوم من الايام ؟ ولا عشان بنحاول الحفاظ على سلامنا وعلاقاتنا الطيبة يبقى بقينا حلفاء .
معتقدش انه ممكن نكون حلفاء لهم مهما كانت العلاقات طيبة وجيدة معهم.