رد: عملتوا ايه فى امتحان الترجمة وهتعملوا ايه فى الادارة؟؟؟

من طرف nona_e3lam الثلاثاء يونيو 15, 2010 7:09 pm

ملاك اكيد انتى بتتريقى صح؟؟؟؟
اوعى يكون رأيك ان فعلا المتحان سهل؟؟؟؟
انا كتبت كلام ملوش علاقة بالمادة وعمرى ماشلت مواد وحاسة كده ان انا هشيلها انا كتبن 6 صفح بس والله العظيم ما عندى اى فكرة كتبت ايه واكيد اللى كتبته ملوش اى علاقة بالمادة
princesnany متضايقيش انا واثقة ان هى نفسها مش فاهمة المادة العجيبة دى هى دى مادة تتفهم اصلا
حسبنا الله ونعم الوووووووووووووووووووووكييل

من طرف nona_e3lam الثلاثاء يونيو 15, 2010 7:10 pm

المهم هتعملوا ايه فى المادة الجاية انا عن نفسى هحاول اخلص 3 فصول النهاردة واسيب 3 لبكرة عشان ميحصلش اللى حصل ده

من طرف هداية الرحمن الثلاثاء يونيو 15, 2010 7:18 pm

هو الامتحان كان سهل ممتنع
السؤال الاخير مفتوح ومش حددت هى عايزه ايه
كله لخبط فيه وكل واحد عامل اجابة شكل ومش عارفين انهى الاجابة اللى صح
ربنا يستر ويوفقنا فى الماده اللى جايه
يارب تكون اسهل من اللى فاتت دى

من طرف nona_e3lam الثلاثاء يونيو 15, 2010 7:21 pm

يااااااااااااااااااااااااااااااااااااااااااااااااااااااااااااااااااااااااااااااااااااااارب يا هداية بجد لان احنا بجد الشعبة اللى اتظلمت النهاردة

انا طبعا بتريق يارب امال تيجى احسن علشان نعوض وان شاء الله محدش يشيل حاجةهو فيه امل بيقولوا ان الدكتور خالد هو اللى هيصحح

من طرف tato710 الأربعاء يونيو 16, 2010 3:39 pm

انا خايفة اوي يا جماعة هويدا كانت وحشة اوي
وكمان امال منهجها كبير اوي انا قلبي حاسس جدااااا اني هشيل السنة دي
بس لو الخبر بتاع الدكتور خالد دا صحيح يبقي ربنا هيكرمنا ان شاء الله

من طرف nona_e3lam الأربعاء يونيو 16, 2010 5:43 pm

بجد يا جماعة ندعى لدكتور خالد ربنا يكرمه يارب ده لو هو اللى صحح يبقى ان شاء الله هننجح يارررررررررررررررررررررررررررب عملتوا ايه فى ماده امال؟
انا لسه مخلصتش

من طرف هداية الرحمن الأربعاء يونيو 16, 2010 8:20 pm

انا مش عارفه احفظ حاجه والله فيها
ولسه هبدا فى الفصل الرابع ده لوحده مصيبه كبيره
ومش عارفه احفظ الرسومات
ربنا يستر

من طرف nona_e3lam الأربعاء يونيو 16, 2010 8:36 pm

هى الرسومات مقررة؟؟؟؟؟؟؟؟؟ واى رسومات؟؟؟؟؟؟ يعنى مثلا رسمة الميكروفون الديناميكى حفظتها ورسمة مراحل ارسال الراديو فاكرها شكلا كده ولسه برده مذاكرتش الرابع بس اكيد فيه رسمه مراحل الارسال التليفزيونى مقررة بس فى حاجه غير دول؟؟؟؟؟؟؟؟

من طرف elhour الأربعاء يونيو 16, 2010 9:07 pm

ربنا يعينكم
انتو خوفتونى من شعبه اذاعه
انا اصلا من الاول كان نفسى ادخلها بس د/هويدا هى اللى مش عاوزه ادخل مخصوص علشانها
لانها ظلمتنى فى الترم الاول
وانتو دلوقتى اكدتوا رأيى
ربنا يسطرها معانا ومعاكم

من طرف الملاك البرىء الخميس يونيو 17, 2010 2:54 pm

متخفيش يا اسراء بس ادخلى الشعبة اللى انتى تحبى تدرسيها . ايه رايكم ف مادة امال

من طرف هداية الرحمن الخميس يونيو 17, 2010 6:39 pm

ايه رايك انتى
كان الامتحان رغم وزباله اوى
محدش كان مذاكر السؤال الاول خالص
وسؤال بحث فى ناس كتيره اتلخبطت فيه وعملت برنامج تلفزيونى بدل الاذاعى
وانا لخبطت فى بيانات الرسمه ربنا يستر والله
عايزين ننجح وبس

من طرف الملاك البرىء الجمعة يونيو 18, 2010 12:10 pm

هى جابت اسئلة كانت غير متوقعة خالص حتى سؤال البحث كنت فاكرة هتجيبه بصفة عامة ونكتب اللى احنا عملناه ف البحث يلا ربنا يستر وخصوصا ف المادة الجاية

من طرف الملاك البرىء الجمعة يونيو 18, 2010 12:36 pm

هى مادة التكنولوجيا هتذاكروها كلها واللى حددته بس

من طرف هداية الرحمن الجمعة يونيو 18, 2010 1:38 pm

هى مش حددت حاجه فيها اصلا
هى قالت نذاكر الكتاب كله
هنذاكره ازاى ده انا مش عارفه والله

من طرف tato710 الجمعة يونيو 18, 2010 1:44 pm

بصوا انا مش بفول علي حد انا هافول علي نفسي بس
انتوا مش ملاحظين ان الامتحانات زي الزفت علينا وعلي الثانوية العامة هما مش عاوزين ينجحونا ليه
ويعني ف مادة التكنولوجيا هي مش لاغية حاجة خالص؟
ربنا يستر علي قيت المواد لان بجد كدا حرام عليهم اوي

من طرف الملاك البرىء الجمعة يونيو 18, 2010 11:16 pm

دى حتى عايزانا نذاكر الجزء الاخير بتاع الوسائط المتعددة وانا مؤيدة لرأيك يا تاتو

من طرف الملاك البرىء السبت يونيو 19, 2010 1:52 pm

حد يعرف تعريف التكنولوجيا وتطبيقاتها فين بالظبط.ضرورررررررررررررررى

من طرف nona_e3lam السبت يونيو 19, 2010 9:06 pm

تطبيقات ايه يا ملاك Shocked

يا جماعة محدش يعرف من اول 199 كده ملغى ولا مقرر ولو مقرر هى مقرراه لاخر الكتاب ولا حاجة معينة؟؟؟؟؟؟؟؟؟؟؟؟

من طرف هداية الرحمن السبت يونيو 19, 2010 10:35 pm

هى مقرره من المواضيع الاخيره موضوع واحد اللى عنوانه
الراديو وتحديات
انا كتبه كده

من طرف manmona الأحد يونيو 20, 2010 10:13 am

صباح الخير
على فكرة مفيش فى الكتاب تعريف التكنولوجيا خالص بس تطبيقات التكنولوجيا هى نفسها اشكال التكنولوجيا يعنى زى ماقالت الجزء الاول من الكتاب اللى هو اول 5فصول وقالت كمان منزاكرش الفصول دى كلها هنختار موضوعين او 3 علشان لما هتجيب فيهم سؤال هيبقى مفتوح يعنى مثلا هيكون( -تكنولوجيا الاتصال تعددت اشكالها اذكر نماذج خاصه فى مجال الاتصال الجماهيرى مبينا فوائده -) والاجابه على السؤال دا هتكون من ص1 الى ص44 نختار نموذجين او شكلين او تطبيقين منهم بس- الميكرويف مثلا والالياف الضوئيه - او3 لوعايزين ونكتب اللى نعرفه عنهم فى حدود صفحتين لكل نموذج . اما بالنسبه للفصل 6 و7 فهنذاكر فيهم العناصر اللى كانت بتحددها فى المحضرات والسؤال فيهم بردو هيبقى مفتوح يعنى تحاولو تجمعو العناصر دى فى ورق وتذاكروه هيبقى اسهل بكتير هى المادة رخمة فعلا بس مهما كان اخف من الادارة شويه على الاقل الكتاب مفهوم مش زى الادارة الكلام مش ماشى مع بعضه ومبيتفهمش وبالنسبه للجزء الاخير فالمقرر فيه ص 223 و224 و 225 و226 يعنى الجزء بتاع الراديو بس وربنا يوفقنا كلنا وتجيب الامتحان سهل ان شاء الله

من طرف الملاك البرىء الأحد يونيو 20, 2010 2:18 pm

بس انا مش ضامنة انها تجيب الاسئلة دى ربنا يستر وشكرا على مرورك

من طرف nona_e3lam الأحد يونيو 20, 2010 7:11 pm

يااااااااااااااااااااااااااااااااااااااااارب يوفقنا بجد احنا تعبنا اوووووووووووووووووووووووووى السنادى وانا عن نفسى خايفة منها ف ان شاء الله هذاكر كله احسن بدل ما تغدر بينا كالعادة وربنا يسترها

عملتو ايه فى الامتحان

من طرف ريمو الثلاثاء يونيو 22, 2010 6:11 pm

الامتحان الى حد ما كان كويس بس كان طويل جدااااااااااااااااااا والسؤال التانى فعلا كان أجابته الفصل السابع كله؟؟؟؟؟ وبالنسبه للمشهد عند الدكتور خالد انا لو ذاكرته من الكتاب هفهمه وهعرف اجاوب عليه ف الامتحان ولا ؟؟
أصلى مش حضرته ف المحاضره خالص

من طرف nona_e3lam الأربعاء يونيو 23, 2010 12:55 am

بصراحة انا كنت تايهة جداااااااااا لحد ما دخل د/خالد اللجنة وقال اكتبوا اللى تعرفوه عن الماده ساعتها فضلت اكتب بس فعلا الوقت مكفاش بس انا نفسى اعرف ليه الدكتورة هويدا اسئلتها دايما غامضة جداااااااااا
وانتى يا ملاك عملتى ايه وكلكم عملتوا ايه؟؟؟؟؟؟؟؟؟
وهنعمل ايه فى المادة اللى جاية انا خايفة من المشهد ده بس مطمنة عشان ده امتحان د/خالد ياريت لو اى حد عنده اضافة هتساعدنا يكتبه ويبقى جزاه الله كل خير
ربنا يوفقنا

من طرف tato710 الأربعاء يونيو 23, 2010 3:58 pm

الامتحان كان الي حد ما كويس بس فعلا السؤال التاني كان غامض شوية
بس عاوزة اسأل مشهد ايه اللي بتقولوا عليه ف الدكتور خالد
انا كل اللي اعرفه بس ان احنا هنذاكر المقرر وبس مش فاهمة مشهد ايه اللي بتقولوا عليه؟

من طرف هداية الرحمن الأربعاء يونيو 23, 2010 4:59 pm

الامتحان كان يعتبر حلو فى السؤال الاول
اما التانى فكان غامض جدا ومش كنت عارفه اكتب ايه فيه
لحد ما دخل د/خالد اللجنة وقال اكتبوا اللى تعرفوه اطمنت شويه
هو الدكتور خالد هو اللى هيصحح والا ايه
والسؤال التانى اجابته من دماغك معتمد على فهمك للماده
وكله عمل كده وربنا يستر بجد لانا كلنا لخبطنا فيه ومش عارفين ايه الاجابه الصح
اما تاتو فالدكتور هيجيب مشهد واحنا نرسمه رسم كروكى كده ونطلع منه اللقطات وكده زى الشيت بالظبط
بس المقرر الفصول التلاته الاولى بس الملغى مش متاكده منه اللى هو الاستخدامات الدراميه للصوت وكسر استمراريه الزمان والمكان بس مش عارفه لاخر الفصل والا لا
حد يقولى ياجماعه لاخر الفصل يعنى من 72 الى 92 ملغى والا ايه

لامش لاخر الفصل وانا زيكو تمام ف هويدا ربنا يستر على بكرة الدكتور خالد هيجيب مشهد مكتوب واحنا هنفذه ع الورق اعتبرى نفسك كانك المخرج وحددى اللقطة والزاوية واسلوب الانتقال وكدة

من طرف هداية الرحمن الأربعاء يونيو 23, 2010 8:06 pm

امال المقرر من صفحه كام لكام ياملاك
خددى بالصفح لو سمحتى

تقريبا الفصل ال3 من ص 72 الى 85

من طرف tato710 الأربعاء يونيو 23, 2010 8:54 pm

يعني المشهد دا لما يجيبه المفروض نقول هتبقي زاويته ازاي واحنا نعتبر نفسنا المخرجين واحنا اللي هنصوره؟
وبعدين الفصل التالت من ص 72 الي ص 85 الملغي صح؟

من طرف nona_e3lam الخميس يونيو 24, 2010 1:18 pm

عملتوا ايه النهاردة؟؟؟؟؟؟؟؟؟؟
عن نفسى الامتحان كان الحمد لله كويس بس انتوا عملتوا كام لقطة فى المشهد؟؟

من طرف tato710 الخميس يونيو 24, 2010 4:12 pm

انا كمان حليت كويس والحمد لله وكنت فرحانة لان اخيرا امتحان جيه كويس واحسن من اللي فاتوا
وانا اللقطات كانت كتيرة بس مش فاكرة عملت كام بس عملت كتير