وما الحياه الا حله محشي كبيره

لأصحاب الدماغ العالى والفكر العالى وبس


فرضيات
النظريه ...

المحشى
.. جوا الحله .. ف صفوف .. الاقرب منها الى
النار والابعد

المحشى
.. جوا الحله .. صوابع متخته واخده مساحتها
وصوابع مزنوقه

المحشى
.. جوا الحله .. مختلط .. البتنجان وورق العنب
وفلفل

المحشى ..
جوا الحله .. متختخ كان او مزنوق .. هيتاكل

..................................

احنا
.. جوا الحياه .. ف طبقات .. الاقرب منا الى النار ..مشقات الحياه

تلهبه
والابعد اليها تكتفى بلسعه

من لا يجد قوت يومه .. ومن لا يملك
مايكفى
لشراء حلم عمره ف الرفيرا

حتى ينضج الجميع ع نار هاديه ..
يحترق
منهم م يحترق ..

..................................

احنا
.. جوا الحياه .. ف ناس متختخه واخده مساحتها وناس مزنوقه

ناس
عارفه
تعبر عن رايها .. ومجرد متقول كلمه بتتسمع

وناس بتلالى ف
مالطه
ومحدش معبر ابوهم ..

حتى يتزنق الجميع .. يختنق منهم م يختنق
..

..................................

احنا
.. جوا الحياه
.. مختلط .. رجالا او نساء .. سودا او بيض

مصريين
او فرنسيين

يختلط
الجميع .. ينصهر منهم م ينصهر .. ليصبح مسخا
لاحدهم

..................................

احنا
.. جوا
الحياه .. متختخين كنا او مزنوقين .. بنلالى كنا

او مسموعين
..
محروقين كنا او مستويين .. مختلطين كنا او منصهرين

حتى يؤكل
الجميع
.. ’يهضم منهم م ’يهضم ..

ومن يأكل اليوم .. سيؤكل غدا ..

لانه
سيكون صوباع محشى ف حله اكبر ..

ولذلك

وما الحياه الا حلة
محشى
كبيره

حلوة فيها فكرة جديدة بس انا كدة جوعت

هههههههههههههههههههه
خليتنى اشتاق للمحشى
انت بقى لازم تعزمينا على حله محشى كلنا
دبستك صح ههههههههههههههه

وما الحياه الا حلة
محشى
كبيره
نظريه برده
حلوه حلوه

ههههههههههههه منورين والله

ايه النظريات الى تجوع دى

هايل

منور يا سيد