مطلوب محررين لصحيفة المنتدى

من طرف **Omar Fathy** الثلاثاء أغسطس 24, 2010 1:26 am

أهلا بكم أعضاء منتدى شباب إعلام الأعزاء
تحقيقاً للهدف الذى أنشئ من أجله المنتدى ، و تحقيقاً لرغبة الكثيرين منكم
سوف نبدأ فى تقديم نظام جديد فى الكتابة فى صحيفة المنتدى

حيث ستكون صحيفة إلكترونية مواكبة للحدث عبر منتدى شباب إعلام

ومن أجل ذلك ، سيتم حذف كافة المواضيع بأقسام الصحيفة فى المنتدى و ذلك بعد اختيار محررى أقسام الجريدة .

==================================================

قسم الأخبار السياسية و الاقتصادية
قسم الأخبار الرياضية
قسم الأخبار العلمية
قسم الأخبار الفنية
قسم الحوادث
قسم المعلومات العامة

== و سوف يتم فى و قت لاحق عمل قسم مستقل لأخبار الجامعة
==================================================
فمن يرى فى نفسه القدرة على الالتزام بقواعد المشاركة فى أحد الاقسام فليرسل لى برسالة خاصة عنوانها " صحيفة المنتدى " و يكتب فيها اسم القسم المراد الانضمام الى أسرة تحريره ،، و فى وقت لاحق سوف يتم تحديد رؤساء لتلك الأقسام .
==================================================
شروط المشاركة :
= أن تكون عضو فى منتدى شباب إعلام
= أن تكون من طلاب كلية الآداب قسم الإعلام
= مستوى جيد فى كتابة اللغة العربية
= عدم نقل أى موضوع من موقع آخر ، بل لابد وأن تكتب الخبر بأسلوبك
==================================================
و ننتظر آرائكم و مقترحاتكم على هذه الفكرة

من طرف hany4445 الثلاثاء أغسطس 24, 2010 3:50 pm

استاذ عمر فكرتك رائعة كان نفسى انضم للمحررين فى
الصحيفة الالكترونية لكن الشروط صعبة لانى عضو فى المنتدى
فقط مش فى كلية الاداب معاكو
اتمنى التوفيق للجميع

فكرة كويسه والله

على ما اعتقد تشبه المجلة التى لم تكتمل

بس ياااااااااارب دى تكتمل

من طرف **Omar Fathy** الثلاثاء أغسطس 24, 2010 6:18 pm

بيتهيألى يا فيلسوف عصرك و زمانك انا و انت عارفين ما كملتش ليه
و ان شاء الله دى هتكمل لأنها بسيطة و أصعب ما فيها انتم
فين مشاركتك ولا مش ناوى تبقى معانا

من طرف elhour الثلاثاء أغسطس 24, 2010 8:49 pm

هى فكره كويسه فعلا وان شاء الله تكمل على خير وتنجح
بس اهم حاجه يبقى فى تخطيط جيد
وكمان اللى هيشتركوا يكونوا قد كلمتهم وعلى طول مش شويه وخلاص
اوك

من طرف elhour الثلاثاء أغسطس 24, 2010 9:19 pm

معلشى حاجه كمان بس
سؤال لو ممكن
مثلا لو حد من الاعضاء غير المحررين كان عنده اى خبر او معلومه عن اى من الاقسام السابق ذكرها ووصلت او فالغالب مش وصلت للمحررين
ينزلها ولا لا
يعنى المحررين اللى هيتم اختيارهم هما بس اللى ليهم حق الكتابه فى هذه الاقسام والباقى ليس لهم وجود فى هذه الاقسام ولا اى حد عنده حاجه ينزلها

من طرف شهرزاد الثلاثاء أغسطس 24, 2010 9:38 pm

ربنا معانا ياااااااااارب وان شاء الله نحاول بذل اقصى جهدنا لتحقيق احلامنا واهدافنا فى هذه الصحيفة باذن الله

بس بالله عليكم اى حد يكون ناوى ان شاء الله يكون فى الصحيفة يكون قد المسئولية بجد مش شوية كده وخلاص

من طرف **Omar Fathy** الثلاثاء أغسطس 24, 2010 11:53 pm

طبعا هيكون أعضاء أسرة التحرير فقط هما اللى ليهم الحق فى كتابة الموضوعات و أى حد تانى عايز يحط موضوع يقدر يحطه فى اى قسم تانى غير اقسام الصحيفة ... أو يبلغه لحد منهم و يكتبه بالنيابة عنه
====
لكن مش دى المشكلة ،، المشكلة ان محدش لحد الآن طلب الانضمام لأسرة التحرير سوى " شهرزاد " ...... علشان تعرفوا مدى السلبية اللى انتوا فيها ... و ابقوا سلمولى على اعلاميين المستقبل .... يلا يا جماعة كده ما ينفعش ،، و على فكرة دى باذن الله مش هتبقى مجرد أخبار فى منتدى لكن دى هتكون بداية لحاجة اكبر ،، بس زى ما قال دكتور علاء قبل كده " المشكلة فى اللى هيشاركوا " و نرجع فى الاخر نقول واسطة و بتاع

من طرف شهرزاد الأربعاء أغسطس 25, 2010 12:33 am

لا بجد يا جماعة كده ماينفعش امال احنا داخلين اعلام ليه اسم وبس طب فين الفعل ياريت كل الاعضاء يشتركوا فى الصحيفة عشان تتعمل فى اقرب وقت ممكن ان شاء الله

لان دى فعلا اول الطريق اللى هيوصل كل واحد لتحقيق احلامه وطموحاته باذن الله

من طرف ( أسيل ) الأربعاء أغسطس 25, 2010 8:25 pm

اولا هي فكرة تحفة جدا وشكرا ليك استاذ عمر

ثانيا السبب في عدم اشتراك الاعضاء هو صعوبة الشروط ايه الغرض انه

لازم

يكون من الكلية وكمان من القسم اي صحفي بيشتغل في اي جريدة مش

بيسألوه انت خريج اعلام الزقازيق ولا اعلام القاهرة او غيرهم

وبعد اذنك هل ممكن الاشتراك في اكثر من قسم؟

وهل ممكن اني اكتب خبر او مثلا حادثة شوفتها في اي مكان

مش شرط انها نزلت الجرائد ولا ايه؟

وتقبل مروري

امممممم
ماشى يا عمر

اتقدم انا الموقع ادناه بطلب التحق بالجريده الالكترونية المرتقب اصدارها من قبل الاستاذ عمر فتحى ومنتدى شباب اعلام ، وارغب فى الانضمام الى قسم الاخبار السياسية

رجاء
الرد على هذا الطلب فى اقصى سرعة

ولكم جزيل الشكر والاحترام

السيد اسماعيل

من طرف elhour الخميس أغسطس 26, 2010 1:11 am

بس طبعا مش شرط كمان انه يبقى صحافه

هوه بصراحه انا عايزه اشترك
وعلى فكره كنت بادرت انا ومجموعه علشان نشترك فالفكره السابقه
بس المشكله انا مش عارفه اختار اى قسم او اسقر عليه
او ممكن اقول انى مش بحب اكون مقيده بقسم واحد او حاجه واحده
احب لما اعوز اكتب خبر او موضوع عن اى حاجه اكتبه او مشكله انزلها مش اقول بقه لا دى مش من قسمى يبقى كده مش هعمل حاجه
هههه
فلو كان فى قسم منوعات يبقى كويس

من طرف **Omar Fathy** الخميس أغسطس 26, 2010 1:25 am

شكرا لكل من تجاوب معنا :
أولا : الشرط بتاع انه لازم المشترك يكون اداب اعلام ده منطقى جدا لأن عيب قوى نكون بنعمل صحيفة المنتدى و نجيب حد من تجارة او اداب انجليزى ،، هههههه ،، ولا انتوا شايفين انكم ما تقدروش تقوموا بالمهمة ولا ايه .
ثانيا : أكيد المواضيع مش هتكون مقتصرة بما تكتبه الصحف لا ، بل على العكس ياريت كل اللى تشوفوه تكتبوا عنه فى اى منطقة محيطة .
ثالثا :حكاية الأقسام : حلها بسيط جدا جدا ،، فى البداية هنعمل اسرة تحرير الجريدة كأسرة تحرير بدون تقييد بأقسام مش مشكلة ،، بس هيا الحكاية ان لازم يكون معروف ان فى حد مسئول عن كل قسم علشان ما نهملش اقسام على حساب غيرها .
====
و لحد الآن المشتركين معانا بس " شهرذاد " و " السيد"

====
للاشتراك : ابعث برسالة خاصة لى عنوانها " صحيفة المنتدى"
موضحا اسمك الأصلى . و طلب الانضمام الى اسرة التحرير
= طريقة أخرى = اكتب رد على هذا الموضوع موضحا فيه السابق ذكره .

من طرف elhour الخميس أغسطس 26, 2010 1:32 am

ماشى
يبقوا كده تلاته لو تم موافقه الاداره يعنى
وانا كمان بطلب الانضمام لصحيفه المنتدى
وربنا يقدم اللى فيه الخير
وربنا المعين
وان شاء تنجح وتتقدم باذن الله

من طرف **Omar Fathy** الخميس أغسطس 26, 2010 1:46 am

تمام كده تلاته ...
محتاجين عدد كبير علشان هتكون فيه فترة تجريبية هيكون فيها تقييم لكل الأعضاء

من طرف ( أسيل ) الخميس أغسطس 26, 2010 10:16 pm

لا الحمد لله نقدر نقوم بالمهمه واكتر

لأ طبعا حضرتك لا تجارة ولا اداب انجليزي انا اقصد اعلام عامة مش كليه

معينه مع العلم ان ممكن يكون في ناس من الكليات دي عندهم موهبة

اكبر من الاعلاميين نفسهم

عامة انا معاكم كدة بقينا اربعة ربنا يسهل بالباقي

من طرف hisham88 السبت أغسطس 28, 2010 11:54 pm

والله يا استاذ عمر لو كان في قسم خاص بتكنولوجيا المعلومات والحاسبات والذي منه كنت تقدمت بطلب لان دي الحاجة اللي اقدر اخدم فيها
وبجد ربنا معاك في فكرتك الهايلة دي

من طرف elhour الإثنين أغسطس 30, 2010 1:15 am

ايه يا جماعه فين الاعلامين والصحفيين وقسم اعلام والكلام الكتير مش بينيين ليه دلوقتى
على فكره ممكن يكون اى حد يقرأ الموضوع يقول ده كلام او فكره وهتفشل
بس لا باذن الله طالما فى عزيمه واصرار وامل وتفاؤل (مع ان مافيش حاجه تدفع لكده خالص) بس بينا وبيكم وبالعزم واللاصرار على النجاح وباذن ربنا قبل كل شىء نقدر يبقى لينا مستوى ومش قليل
جايز بفكره الجريده دى نقدر نعمل حاجه
امال اى حد فى اعلام فاكر هيبقى ايه طول ما هوه قاعد ونقول لما نخلص يبقى ربنا يفرجها
وممكن فكره الصحافه دى توسع الافق اكتر وتزود علاقاتك اكتر بالناس
ماهوه محدش يعتمد عالجامعه فى اى حاجه
كل واحد لازم يبنى نفسه بنفسه

ومحدش يقول بقه ايه الامل ده كله
والله انا اكتر واحده فى يأس من بعد النتيجه
بس مش ينفع نفضل كده

يالا يا جماعه ايد لوحدها ما تسقفش
نبنى الجريده مع بعضينا

من طرف منة الأربعاء سبتمبر 01, 2010 10:50 pm

دى فكرة رائعة جدا وجميلة وانا عايزة اشارك بس المشكلة انى فى قسم
جغرافيا مش اعلام فلو ممكن اكون عضوة ولو مش امكن ممكن لو عندى خبر ابقى انشرة بس اكون عارفة انشرة فين وكدة

من طرف شهرزاد الجمعة سبتمبر 24, 2010 4:01 pm

يا جماعة اللى مااشتركش فى الصحيفة ياريت يشترك عشان نقدر نبدأها بقى خلاص الدراسة بدأت وكل الاعضاء اللى كانوا غايبين معظمهم رجعوا المنتدى خلاص يبقى فين المشكلة بقى فى عدم الاشتراك فى الصحيفة؟؟؟؟؟؟؟؟؟؟؟؟

من طرف PRINCESS الجمعة سبتمبر 24, 2010 7:39 pm

الفكرة جامدة مووووووووووت وهتفيدنا كتير قدام

وانا حابة اشترك ممكن

من طرف **Omar Fathy** الجمعة سبتمبر 24, 2010 8:39 pm

المشتركين معانا حتى الآن :

الفيلسوف الصغير
شهرزاد
elhour
No love for ever
Princess

لازم العدد يكون كبير علشان لو حد كسل يبقى فيه غيره
" هوه احنا ليه ساعة الجد ما نلاقيش حد ،، و الحاجة الهايفة بس هيا اللى دايما عليها اقبال"[b]

من طرف **Omar Fathy** الجمعة سبتمبر 24, 2010 10:45 pm

يلا يا جماعة علشان هنبدأ الاسبوع الجاى ان شاء الله حتى لو ماحدش اشترك تانى

انا احب انى انضم ليكم فى تحرير هذه الصحيفة
واتمنى ان تكون فكرة ناجحة
وادعو الله لتحقيق ذلك

من طرف هداية الرحمن السبت سبتمبر 25, 2010 10:41 am

هاكون سعيدة لو انضميت معاكوا
ويارب نقدر نحقق اهدافنا فى هذه الصحيفة

مطلوب محررين لصحيفة المنتدى

مطلوب محررين لصحيفة المنتدى

رد: مطلوب محررين لصحيفة المنتدى

رد: مطلوب محررين لصحيفة المنتدى

رد: مطلوب محررين لصحيفة المنتدى

رد: مطلوب محررين لصحيفة المنتدى

رد: مطلوب محررين لصحيفة المنتدى

رد: مطلوب محررين لصحيفة المنتدى

رد: مطلوب محررين لصحيفة المنتدى

رد: مطلوب محررين لصحيفة المنتدى

رد: مطلوب محررين لصحيفة المنتدى

رد: مطلوب محررين لصحيفة المنتدى

رد: مطلوب محررين لصحيفة المنتدى

رد: مطلوب محررين لصحيفة المنتدى

رد: مطلوب محررين لصحيفة المنتدى

رد: مطلوب محررين لصحيفة المنتدى

رد: مطلوب محررين لصحيفة المنتدى

رد: مطلوب محررين لصحيفة المنتدى

رد: مطلوب محررين لصحيفة المنتدى

رد: مطلوب محررين لصحيفة المنتدى

رد: مطلوب محررين لصحيفة المنتدى

رد: مطلوب محررين لصحيفة المنتدى

رد: مطلوب محررين لصحيفة المنتدى

رد: مطلوب محررين لصحيفة المنتدى

رد: مطلوب محررين لصحيفة المنتدى

رد: مطلوب محررين لصحيفة المنتدى