مطلوب .........؟

من طرف السيد اسماعيل الجمعة أكتوبر 15, 2010 9:40 pm

مطلوب منك الاتى .......
. لا تلاقى باتهامات للحكومة ولو كانت تلك الاتهامات صحيحة .
. احزر ان تطلب بحق لك فانت لان تتحصل عليه .
.التزم الصمت فهو خير وسيلة للنجاه .
.لا تفكر فى الغد فالغد اسوء مما انت عليه .
.اترك القيم وعايش الواقع .
. لا تنتظر التغيير فلن يأتى بجديد .

احزر ان تهمل تلك الاشياء فتكون من المطلوبين

وانتوا عارفين هتروحوا فين ..

من طرف ehab.pop الجمعة أكتوبر 15, 2010 9:48 pm

هنروح مارينا شكلك ناوي تقفلنا المنتدى ده
بس قشطة لا تفكر في الغد فالغد اسوء من ما انت عليه
جامدة

من طرف Genol الجمعة أكتوبر 15, 2010 10:49 pm

لا ع فكره هو كل كلمه قالها مظبوطه وعنده حق فيها ودى الحقيقه وبعدين هو موش بيغلط ف حد بالعكس ده موشوع يستحق التعليق

من طرف هداية الرحمن السبت أكتوبر 16, 2010 2:52 am

عندك حق والله ياسيد
احنا الشعب الوحيد اذا عملنا كده نكون من المطلوبين فعلا
ويطلعونا مجرمين وضد البلد غالبا
لكن مهما نقول كده مفيش فايده

من طرف السيد اسماعيل السبت أكتوبر 16, 2010 9:57 pm

شكرا لردود حضرتكم

من طرف **Omar Fathy** الأحد أكتوبر 17, 2010 1:23 am

ايه اللى انتوا فيه ده ، و الله حرام عليكم نفسكم ، بطلوا الأوهام دى
= الرحمن فى علاه قال " أنا عند حسن ظن عبدى بى "
= الرسول الكريم قال " تفاءلوا بالخير تجدوه"
اياكم وان حد يقنع نفسه بالكلام ده ، لا هيروح و لا هييجى ، الناجح هو اللى بيقدر يقنع نفسه انه هينجح و انه يقدر ، و الفاشل اللى بيستسلم للظروف ، بيقنع نفسه انه فاشل ، و ان الظروف المحيطة به من فساد و بتاع هيا اللى هتخليه واقف مكانه .
حرام عليكم نفسكم ، و لقد خلقنا الإنسان فى أحسن تقويم ، وكل واحد فينا عنده نقص فى شىء ما ، مفيش حد كامل لكن جوه كل واحد فينا طاقة تكفى لأن تضىء الكرة الارضية لمدة 7 ايام هههههههه .

من الكفر بالنعمة انك ما تعرفش قيمتها و تبهدلها .
احنا بقى ربنا سخر لنا الكون ، وادانا قدرات فضلنا بيها على سائر المخلوقات ،، فحرام علينا نحبس نفسنا بين جدران الإحباط ، و قضبان الظروف العامة او الخاصة .

أيها الشاكى و ما بك داء .. كن جميلا ترى الوجود جميلا

غير من جواك ، عدل ادراكك للأشياء ، ثق فى قدراتك ، كن مصراً على النجاح ، و قبل كل هذا وذاك توكل على الله وارض بحالك ولكن كن طموحاً

خليكم فاكرين يا جماعة ان الفجر ما بيطلعش الا بعدما يعم سواد الليل المظلم الدامس ،،

كن بشوشاً فإن البشاشة لن تمنع خير و لن تجلب شر و ما حدش يوهم نفسه بالكلام الفاضى ده مع انه واقع ، لكن احنا اللى بنصنع الواقع و احنا اللى بنغيره ،، اجعل مما يحبطك شىء يقويك ، حدد هدفك و اركض ورائ حلمك ، و اجعله أمامك فى كل شىء حين تأكل و حين تشرب و حين تمشى و حين تناجى ربك ،، بيصعب عليا اشوفكم فى الحالة دى من اليأس و الاحباط ،، لأنى جربتها فى فترة من الفترات ، طريق المجد ملىء بالعقبات ، فهل تريد أن تسلكه ، أم تظل تنعى حالك و تعول على الفاشلين ، و تعيش بين كآبات الأحلام الضائعة ،، أصدقائى !! كونوا كالنملة و لا تكونوا كالنعامة ،، جرب كما جرب ابراهيم الفقى و حاول تسد طريق النملة و شوف هتعمل ايه حاول تسد عليها الطريق و شوف هتعمل ايه و اتعلم ، هتضرب نفسك 900 جزمة ....... وإلى لقاء آخر فى موعد مع أصدقائى المحبطين