لا يوجد قنوات دينيه الان يمكنك مشاهده فيلم او مسلسل او اغنيه لحين التفكير فى رجوعها او لالالالالالا

بدايه انا كنت عايزه انزل الموضوع ده فى صحيفه المنتدى بس اى خبر لابد وان يتسم بالموضوعيه لكن فالخبر ده مش هعرف اطبق اى موضوعيه.
تم اغلاق 14 قناه فضائيه وانذار 20 قناه اخرى وده بقرار من اداره الشركه المصريه للنايل سات والحجه سورى السبب للتوقف عن اثارت النعرات الطائفيه والحض على ازدراء الاديان والالتزام بثوابت الاديان السماويه وعادات وتقاليد المجتمع المصرى والعربى وميثاق الشرف الاعلامى والصحفى. وطبعا الايقاف ده لحين تصويب مسارها وتغير رسالتها الاعلاميه او لوقف الاعلان عن مستحضرات طبيه واساليب علاج بدون الحصول على تصاريح من الجهات المختصه.
خدوا بالكم ده ليه بئه لتنقيه الفضاء المصرى والعربى من القنوات الدينيه المتطرفه التى تشيع روح التفتنه وتشكك فالعقائد وقنوات الدجل والشعوذه التى خرجت عن الاطار المرخص به
لسسسسسسسسسسسسسسسه فى كلام كتير بس كفايه علشان مش اطول عليكم.

والقنوات التي تم إيقافها هي كالتالي: 4 قنوات تم إيقافها بسبب تعرضها للأديان السماوية، والعقائد، والترويج للدجل، والشعوذة، والخرافة، وهم قناة صفا التابعة للشركة العربية للإنتاج والخدمات الإعلامية، وقناة آيات التابعة للشركة الأردنية السعودية للبث الفضائي، وقناة الأثر التابعة للشركة الأردنية السعودية للبث الفضائي، وقناة أهل البيت التابعة لقناة ASC محمد علي هادي.
و4 قنوات تم إيقافهم بسبب الترويج لأساليب علاجية غير مصرح بها، وللدجل، والشعوذة، ومنتجات طبية غير مصرح بها، وهم قناة مرح الخليج التابعة لشركة إم تى يو، وقناة عالم حواء التابعة لشركة بيت الإعلام، وقناتي ريحانة، والرقية، المملوكتان لشركة ART.
و4 قنوات أخرى تم إيقافها بسبب إباحية متجاوزة اجتماعياً هم قناة أيميل email@tv التابعة لشركة عادل خليل للتجارة، وقناة مرح تى فى الفضائية التابعة لشركة إم تى يو، وقناتي live tv و strike المملوكتان لشركة الأولى للإعلام.
أما القنوات التي تم إنذارها فجاءت كالتالي"الغير"، و"صدى الإسلام"، و"بداية" ، و"الفجر"، و"المجد" ، و"قناة وصلة"، و"الصوفية"، و"الأنوار"، و"القيثارة"، و"مواهب"، و"جوردون ميد"، و"صمد"، و"مرسال"، و"سهمTV"، و"الحقيقة"، و"الإمارة"، و"غنوة" ، و"الذهبية"، و"حواس" ،و"hi tv".


تقريبا معطمهم مش عاوزه اقول كلهم قنوات دينيه
بلاضافه الى ايقاف نسائم الرحمه والحكمه بشكل منفرد لم يشملهما بيان الايقاف
كل ده ماشى طيب نسائم الرحمه عملت ايه اللى اتفاجئنا بوقفها يعنى وقفوا الرحمه اتفتحت نسائم الحمه تتقفل ليه
انتو شوفتوا برنامج السهم اللى بيذاع على قناه الرحمه شوفتوا قافله الرحمه هقولكم دى اللى عملتها قناه نسائم الرحمه وكانت بقياده الشيخ محمود حسان عليها كل اللى تتخيلوه وللى مش تتخيلوه من الخيرات ماشاء الله ودى اتوزعت على محافظات وقرى بجد تشوفوها حاجه تفرح تحسوا ان لسه فى خير فالدنيا لسه فى ناس بتعطى بس او بتاخد علشان تعطى مش زى كتير كل همهم يعبوا ويلحقوا قبل ما يخلعوا
يعنى بدل ما يشجعوا قناه الرحمه على ده ويحيوها ويدعموها يقفلوها والله حرام مافيش قناه بيتعمل كده ما فيش حد عمل كده الناس بتساهم بكل رساله ومكالمه على مساعده القافله وكانت اول قافله مش يسعدوها عالتانيه و0000000
اممممممممممم
وبعدين ايه عايزين ينظفوا القمر الصناعى ويخلوه ملتزم بتقاليد المجتمع اه اه اه يعنى سايبين الافلام والقنوات سورى فاللفظ الزباله والاغانى والمسلسلات اللى مافيهمش حاجه من تقاليد المجتمع المصرى وبينضفوه من نسائم الرحمه
وكمان لتغيير رسالتهم الاعلاميه
قناه الرحمه فيها ايه غلط علشان يغيرووووه انها كويسه وكل الناس نتشوفها وبيساعدوا بعض من خلالها قالوا نوقفها
احنا قلنا جاااااااااااااااايز اى قناه اتوقفت فيها حاجه من اللى قالوا عليها ولكن نسائم الرحمه لالالالالالالالالالالا
يعنى اتوقفت من مدينه الانتاج الاعلامى وبدون سابق انذار او اى مخالفااااااااات
على فكره الكلام كتير ومش بيخلص
وربنا عالظاااااااااااااااااااالم والمفترررررررررررررررررى

ما هيا عشان القنوات دى متبعة المنهج السيلم وبتقدم الدين الصحيح يبقى لازم تتقفل لانها خطر على النظام وعلى المجتمع كما يدعون وكما جاء فى تصريح سيادة وزيرة الثقافة المصرية ان النقاب والقنوات الدينية يهدمان المجتمع واحب اقول ياسيادة الوزير ما تفعلوه انتم هو الذى يهدم المجتمع اما القنوات الدينية تحاول اصلاح الفساد الذى سببتموه انتم فى المجتمع وطبعا النايل سات وضعوا شروط لـ اعادة بث هذه القنوات مرة اخرى ومنها
1-وجود وجوه نسائية طبعا امال المشاهد هيتفرج على ايه
2-عدم الخوض او التحدث فى عقائد الاخر اما الاخر فله الحق فى الطعن فى ديننا وقراننا وسب نبينا دون ان ننطق ببنت شفة واذا تحدثنا للدفاع فقط يبقى كده احنا اللى بنثير الفتنة الطائفية
3-عدم الخوض فى الانتخابات القادمة سواء انتخابات مجلس الشعب او الانتخابات الرئاسية
يعنى من الاخر كده لما تكونوا مثل القنوات الاخرى التى تقوم بتمييع الدين لما تسكتوا خالص
وطبعا الحرب لم تعتد مقتصرة على النقاب فقط بل اصبحت على القنوات الدينية ايضا التى بدات تبث الاخلاق الفضيلة فى المجتمع وجعلت العامة لديهم قليل من الوعى الدينى وطبعا ده خطر عليهم لذلك لابد ان تقفل هذه القنوات وتظل قنوات الاغانى والمسلسلات الفاضحة تبث سمومها فى المجتمع وانا لله وانا اليه راجعون
فى النهاية هى حرب شعواء على الدين الاسلامى داخل اراضيه وطبعا هى حرب محسومة من بدايتها لكنهم لايعلمون ذلك وههى نهايتهم تقترب يوما بعد يوم باذن الله

انا معرفش هما عايزين يوصلوا اعلامنا وامتنا لحد فين حسبى الله ونعم الوكيل شكرااااااااااااااااااااا على الموضوع

جايز فاكرين بكده الناس هتقول خلاص بئه وتروح للقنوات اياها
لكن العكس الناس هتكرهها اكتر واكتر
والله ناس كتير شفتهم مفتقديين قناه الرحمه فعلا
انا شايفه انهم كل لما يفشلوا فى اافساد حاجه يدوروا على غيرها بس اكيد ربنا مش هيوصلهم للى هما عايزينه
وربنا يستر عاللى جاى

شكرا لمروركم

اهوه الموضوع نااام والناس نسيت (او افتكروا انهم نسيوا) والقنوات اتقفلت وعليه العوض ومنه العوض
والله بجد حرام اللى بيحصل ده
عدى فتره كبيره ولسه مافيش جديد
وبيثبتونا ونزلوا ترددات وقالو الجديده وخلاص وطلعوا بيضحكوا علينا
وقال اييييه (اعلام حر ) يا عينى عالاعلام الحر ولا هوه بيجى على الاحترم والحق والصح والسليم ويقيدووووه .....وفى قنوات تانيه تبقى حريه مفرطه..
حسبى الله ونعم الوكيل .
وربنا ينتقم منهم.

االترميز لجميع القنوات 27500

اولا شكرا لحضرتك
ثانيا انا شفتها دى قبل كده
بس المهم حد جرب فعلا وجبها؟
انا عن نفسى جربت ومش وصلت لحاجه
وبعدين فى ناس قالو انهم جابوا قناه الروضه دى وكان فيها اغانى
ده معناه ايه ....اه هوه ده تغير مسار القنوات
ما اظنش ان دى الرحمه خاااااالص
ومعنى كده ان الرحمه وهى الاهم عالنايل سات مش رجعت

لا في قناة تانية اسمها روضة للاطفال
اما بالنسبة لقناة الروضة هيا المفروض انها تكون تم اعادة بثها منذ الاحد الماضى