انشرى صورك ع النت ولا يهمك

اولا بشكرك على النصيحة الجميلة دى واللى دايما بقولها لكل البنات اللى اعرفهم خافوا على نفسكم بس اعمل ايه بقي

عارفة والله انا تعبت مع واحدة صاحبتى علشان الموضوع دا الصور والياهو وممكن الصور دى تتسرق منها وكانت دايما متسمعش الكلام لما انا عملتها فيها مرة علشان اثبتلها ان دا غلط وسرقت صورتها و ورتهلها كانت هتتجنن
غير انى انا عن نفسي عندى برامج هكر اصلية كتير وكل واحد مصيبة عن التانى
يعنى ابسط حاجة ممكن ادخل على الجهاز بتاعها واتحكم في كل حاجة من عندى
( كانه بتاعى بس سايباه فى البيت عندها ههههه )
بس للأمانة انا مش استخدمت الحوار دا غير مرة واحدة وكانت بعلم صاحبتى

علشان كدا بنضم ليكي وبنصح كل البنات انهم يخافوا على نفسهم
ان مكنش من الولاد يبقي من نفسنة البنات

شكرا مرة تانية

جزاكى الله كل خير
وفعلا دى مشكله والاهم انهم مش بيحسوا بيها الا لما يجربوها

بس الجديد عليه موضوع انى ما احطش حاجه على الجهاز بتاعى بصراحه اول مره اعرفها
بس دى مصيبه يعنى محدش يقدر يتحكم فى جهازه
بجد الموضوع ده ضايقنى
انا عرفه انهم كل يوم بيطلعوا تكنولوجيا سلبيه ومنيله
بس مش للدرجادى يعنى

الله المستعان
ربنا يسترها ويحفظنا جميعا
وجزاكى الله خير

طيب ازاى يبقي جهازى وفي بيتى ومش عارفه احط عليه صورى دى تبقي مصيبه طيباحطها فين على الموبايل الى في اى لحظه ممكن يتسرق منىولا على فلاشا وتضيع منى

والله حاجة مزعجه فعلا ان الواحد حتى مع نفسه يكون حاسس انه مقيد
انما صور البنات الى على الفيس وغيره بقت كتير اوى والواحد لما يجى ينصحهم تحس انهم بيعاملوك على انك متخلف
ربنا يهدينا ويهدى بنات وشباب المسلمين يارب

مش للدرجادى يا جماعة ،، انتوا مكبرين الموضوع شويتين
= أولا بأى شكل من الأشكال سواء علشان هكر أو مش هاكر ما ينفعش بنت تحط صورها على الفيس بوك أو الياهو أو غيره
= ثانياً : بخصوص الهاكرز أو المخترقين .. فى كل الأحوال هو أسلوب معقد فى جميع أحواله ،، مش أى حد يعنى يقدر يقوم بعملية هاكرينج
الهاكرينج لو قسمناه قسمين يبقى عندنا
1 - اختراق المواقع :
و ده بيكون بسبب استخدام المواقع دى لبرامج مفتوحة المصدر غير مدفوعة ، زى لينكس ، و برامج إدارة المحتوى المجانية ، فدى بيكثر عليها الاختراق و بتكون المشكلة خاصة بصاحب الموقع يعنى مش بينا ، و هوه بيكون عارف انه عرضة لكده بسبب استخدامه للبرامج دى ، طبعا المواقع الكبيرة و المواقع الاجتماعية و المواقع اللى بتكسب بصفة عامة ما بتستخدمش الأسلوب ده فبيكون تعرضها للهاكرز بسيط ،، يعنى آخره يحط صورة لمنتخب مصر فى موقع الاتحاد الجزائرى .. هههههههه
و فى القسم ده احنا مش مضرورين
2 - اختراق أجهزة الحواسب الشخصية :
و ده يا جماعة عملية أكثر تعقيدا ، و احنا و أمثالنا لسنا متضررين منها غير بشكل واحد .
لأن العملية دى بتحتاج مجهود كبير و تعقيدات أكبر ، فدى فى أغلبها بتكون بين الشركات الكبيرة و البنوك و كده ،، اللى احنا مش منهم .
يعنى مثلا ؛ الشركات اللى بتنزل فيروسات لضرب منتجات شركات أخرى أو حتى ضرب منتجها نفسه لأهداف تسويقية تجارية ، و حتى الشركات اللى بتكون عرضة للعملية دى بتكون عارفة كده و بتكون مأمنة نفسها كويس .
فضررنا بيكون علشان خاطر الفيروسات المزعجة دى ، و أشهرها الاوتورن ،، فيعنى
الموضوع مش مستاهل الخوف ده كله

يعنى طالما انت مش رجل أعمال مشهور أو من ناهبى أموال البنوك أو مؤسسة إلكترونية كبيرة ،، فمفيش داعى للخوف


= فى النهاية أحب اوضح اننا فى ثورة تكنولوجية رهيبة لها مميزات و بعض العيوب التى لا تدعونا للرعب الذى رأيته فى تعليقاتكم و لكن تدعونا إلى الحذر فقط ، و التزامنا بتعاليم ديننا و أخلاق مجتمعنا الأصيلة سيجعل هذا الحذر شىء لا نحتاج إليه ،، و نسأل الله الهداية و التوفيق.

ربنا يسترها ويهدى الجميع يااااااااااااااااااارب
..........
جزاك الله خير عالتوضيح