بحث د\جيهان

من فضلكم اريد ضروري معرفة هل بحث د\جيهان عن احد الجرائد هو الشيت ويريت تعرفوني اكتر عن البحث ضرووووووووري

ياريت فعلا حد يقول كل حاجه عن البحث

وياريت كمان الشيت

بدايه بحث وكالات الانباء والاستعانه بالجرائد الورقيه ده غير الشيت والدكتوره انهارده قالت انه ممكن يتسلم مع بحث الشيت
اما بئه البحث بتاع الشيت ..فهوه مكتوب فالشيت
تفاصيل اكتر للتوضيح
1)نختار جريده الكترونيه من عالنت (جريده الشرق الاوسط-الاهرام الدولى -الحياه- جريده القدس الكويتيه)
2)نكتب البيانات الكامله المتعلقه بيها (مجلس الاداره-رئيس التحرير-مكاتب الجريده فى دول العالم- شعار الجريده-اماكن التوزيع-اماكن الطباعه-العدد-التاريخ)
3)رصد الاخبار الموجوده فى الصفحه الرئيسيه ..يعنى نشوف الاخبار المهمه او اللى شاغله مساحه اكبر او اللى شاغله الساحه الدوليه ونكتبه بالظبط وبعدين نحلله من حيث نوعه (سياسى- اقتصادى )مصدره (وكاله انباء -محرر) ومصدر المعلومات داخل الخبر (اللى صرح بالخبر )..(صرح رئيس وزاراء -محافظ..-دكتور..)ونذكر اسمه ووظيفته فهو ممكن يكون مسؤول او شخصيه عامه او متخصص.
4)بعض الاخبار بيكتبوا العنوان والتفاصيل فالصفحات الداخيله ...نختار نموذجين منهم ونرجع لهم ونكتبهم ونحللهم.
5)توثيق الصفحات المتخصصه (رياضه -دين-رأى -فن)ونقول نموذجين ليهم يعنى ممكن خبر رئيسى فى كل صفحه وخبرين فرعيين
صفحه الرأى نقول اسماء الكتاب فيها ولو فى عناويين ثابته ليهم -يعنى ممكن نعمل فئه لابرز كتاب المقالات .
صفحه الدين نقول مثلا لو فى فتوى او حديث او حوار مع شخصيه (نحدد الشخصيه والموضوع )
الصفحه الاقتصاديه (نحلل ازمه اقتصاديه واى حاجه زى كده)
6)لو فى اعلانات نشير اليها وفى اى صفحه ونوع الاعلان وتحليل عليه
7)الصور اللى مرفقه للاخبار اللى هتختاروها نحدد صوره شخصيه -موضوعيه -اخباريه
لو فى ندوه او مؤتمر موجود عالجريده برده نكتب عنه يعنى ننوه اليه ونقول موضوعه والشخصيات اللى فيه ويهدف لايه وكده.
9)نضيف جزء تاريخى عن الجريده (نشأتها -اصدارها-مكان وجودها)
10) لو فى تقارير برده نرصد نموذجيين.

واخر ميعاد لتسليمه الاحد اللى بعد العيد مباااااااشره
حاولوا تخلصوه قبل الميعاد
ويارب اكون قدرت افيدكم
على فكره هو ممكن يكون شكله كبير بس لما نيجى نطبق عملى هنلاقى كله حاجات بسيطه ان شاء الله
والله انا شايفه ان ده بسيط جدا جنب بتاع دكتوره اسما (ربنا يسهل)
وربنا يعينا ويعينكم
وتمنياتى بالتوفيق والنجاح للجميع

طب البحث اللى غير الشيت نعمله ازى بالظبط

معلش هنتعبك معانا بس المضطر بيركب التاكسى

جزء نظرى وجزء عملى
النظرى.....نجيب اسماء وكالات الانباء الدوليه وشبه الدوليه والمحليه
وكمان تواريخ ونبذه عن نشأه بعض هذه الوكالات.......وكل ده طبعا من عالنت. ولو اى حد عنده اى اضافه اوك
اما العملى ....نجيب اى جريده ونشوف الصفحه الاولى والصفحه الخارجيه او الدوليه ونشوف النسبه فى الاعتماد على وكالات دوليه او اقليميه فى مصادر الاخبار دى وكمان نشوف المراسلين الخارجين

دة اللى اتسلم
فيه واحد قالت عليه بعده

ايه اللخبطه دى
يا بنتى ..هما اتنين بس
اللى قلتهم

هى قالت البحث اللى انتى قلتى عليه وخدته
لما قالت مش هتاخد الا م اللى عملوه

وقالت واحد تانى بعدها

ماشى اللى بعده بئه اللى هوه بتاع الشيت اللى فوق خالص

عموما شكرااااااااااااااا وهنيالك يافاعل الخير

السلام عليكم.

ألف شكر ليكِ يا حور على المعلومات. ربنا يجعله في موازين حسناتك.

يعنى ياجماعة اكيد دة الشيت اللى عايزاة يوم الاحد

اه....ولازم يا جماعه يكون معاكم عالاحد ان شاء الله.........اوك
وربنا يوفقنا ويوفقكم ..يااااااااااااارب
والسنه دى تكون احسن من اللى فااااااااااااااااااااتوااااااااااااا
وناخد حقنا الصح ....ياااااارب

انا مش عارفه اعمل الشيت
ممكن حد يقولى اشترى الجريده منين؟

انتى لسه..........
جريده ايه...
الشيت نعمله من جريده الكترونيه زى اللى قلتهم قبل كده
اما البحث بتاع الوكالات والتطبيق عليه جريده ورقيه عادى من اى حد بتاع جرايد
وحاولى تخلصيه على طول

انا عملت البحث دة بس مش عارفه اعمل الشيت
عندى احساس انى هفضل فى تالته سنه كمان
الواحد زهق من كل حاجه وكمان بفكر اسيب الكليه ودة بجد مش هزار

لا حول ولا قوه الا بالله العلى العظيم
ايه الكلام ده..لا لا لا..لازم يبقى هزار..على فكره احنا فى االوقت ده حاجات كتير بتدفعنا نقول الكلام ده وخصوصا فى الكليه واللى بنتعرض له منها ..بس لو كلنا قلنا كده ..يبقى عليه العوض ومنه العوض..لازم نستحمل ونعاند ..ما ينفعش نستسلم ونقول كلمتين زى دول.

_وبعدين يا ستى ماله الشيت مش علشان حاولتى مره ومش عرفتى يبقى خلاص .لا حاولى تانى وتالت وعاشر ..انتى عارفه انا عملته بس كنت بدخل على موقع الجريده كل يوم قبلها باسبوع لحد ما رتبت هعمله ازاى ..وبعدين ما انا شرحت فوق بالتفصيل تعمليه ازاى......اقول كمان
بصى لوكنتى كتبتى حاجه ورا الدكتوره اقريها كويس واقرى اللى انا كتباه واستهدى بالله وادخلى على موقع الجريده تانى...بصى اعملى الشرق الاوسط سهله..لازم تحطى نقطه البدايه انهارده وتكملى بكره وتسلميه الاحد ان شاء الله...خلى عندك العزيمه والاصرار والتحدى مع نفسك انك تخلصيه فى يومين..وربنا هيعينك ان شاء الله

يالالالالالالالالالالالالا بسم الله

جزاكى الله خيرا elhour
انا استفدت كتير من شرحك للشيت
وده ساعدنى انى اخلصه فى وقت بسيط

بس فيه سؤال البحث بتاع الوكالات هى قالت مش هتاخده من حد تانى
لو تعرفى كلام غير كده قوليلى لان مش سلمته
معلشى هتعبك معايا

وجزاكى خير
ممكن تسلميه بكره ان شاء الله مع الشيت ...فى ناس راحت توديه قبل العيد قالت ..لا.سلموا الاتنين مع بعض
فلو مش كنتى عملتيه حاولى تخلصيه على طول وتسلم الاتنين بكره
وربنا يوفقكم