قال ايه قال اه .......!

من طرف السيد اسماعيل الأحد نوفمبر 28, 2010 7:06 pm

قال ايه قال اه ، قال انتخابات قال مسرحية بتتشاف

قال ايه انا روحت ادلى بصوتى ، معرفشى ليه حسيت بصوت

بيقولى انتخب حسنين رمز المعزة والخروفين ، انتخب

وانت عارف انه هو شخص واحد الى بينجح خليك معانا

محتار ليه ياعم ده مجرد صوت مش مهم علم يله وريح بالك

بلاش ابليس يلعب فى دماغك

انا عارف انك مستعجل عايز تلحق شغلك

عطلة وهم كبير وكلام مافيش منه جديد

بس معانا فيه بقشيش وهدية للعيال وكام قميص

احترت انا ، دى برضوا فلوس وكده ولا كده ليهم نفوذ

ولا اقولك اعلم على صاحب التغيير

ممكن ينجح ويغير حاجة وارتاح لسنين

مش مجرد يوم افرح فيه وسنين محتاس

قال ايه قال اه ، قال انتخابات قال مسرحية بتتشاف

وكل حاجة متسطرة من زمان

انا عارف انك بتقول ريح نفسك واقعد فى البيت خد رحتك

بس الصوت ده امانة يا صحبى ربك هيحسبك عليه

قال ايه قال اه

من طرف ???? الأحد نوفمبر 28, 2010 7:18 pm

سيد تسلم ايدك يا سيد
---------------------------
أحب اعلق على الموضوع بواقعة حصلتلى انهارده
برغم أننى كنت قد اتخذت قرارا بعدم المشاركة
وكانت حجتى ان هذا المشهد الذى يسمى بــ"الإنتخابات" ما هو الا مقطع في مسرحية او فيلم كتبت مشاهده من وقت طويل على مزاج ثلة من المقربين.

إلا اننى كنت حانقا بشدة على هذه المهزلة وكنت اريد ان افعل شيئا بهذا الصوت الذى تدّعى أنه أمانة في زمن ضاعت فيه الامانات.

توجهت الى اللجنة الانتخابية التى تقع في المدرسة الابتدائية في بلدتنا
ودخلت وهى المرة الاولى التى ادخل فيها الى لجنة "مسرحية"، وعندما جهزت نفسي للإدلاء بصوتى وأخذ المسؤول عن الصندوق البحث عن أسمى فإذا به يخبرنى بأن "اسمك مش موجود" ، مع العلم باننى قد تخطيت السن الذى يسمح فيه للمواطن بالإدلاء بصوته بحوالى عامين .....

فسألته "هو سعادتك أسمى مش موجود ليه"
"فكان رده" : أصل اسم سعادتك فريد من نوعه ولذلك لم يوضع على القائمة الانتخابية....... لم أعلق على اجابته الكوميدية.....

وحمدت الله اننى لم اجد اسمى وان شاء الله لن أصوت ولن أدلى بصوتى في ظل هذا النظام المسرحى مادام قائما......
-------------------------
الصراحة كنت انوى الا اعطى صوتى لأحد..
كنت هشخبط واكتب كلام عن المسرحية دى او رسالة اوجهها ليهم في الورقة الانتخابية.
الحمد لله طلع انهم مش حاطين اسمى "اصل اسمى فريد من نوعه سعادتك"

من طرف ehab.pop الأحد نوفمبر 28, 2010 7:52 pm

ههههههههههههههههههههههههههه
اسكت بقى يا رائف
انت بتقول ما لقيتش اسمك
انا بقى وصلت اللجنة تمانية الا عشرة يعني قبل الغلق بعشر دقايق وما كنتش رايح العب ماتش زي ما قلتلك انت عارف لقيت اسمي وكل حاجة بس المشكلة مش في اسمي المشكلة اني لقيت اسمي متعلم عليه اني انتخبت كارثة طبعا مش سكت
قلت لعامك الحاج المسئول لما انا اكون انتخبت طيب في الحبر قالي كبر دماغك يا بني اعتبرني انتخبت مكانك يلا عشان مش فاضيين هي جات على صوتك وراح مخلي واحد جاي وقاله اانت جاي تصوت قاله اه قاله اعتبر صوتك وصل قاله ازاي قال كدا هو وراح جايب ورقة انتخاب وعلم فيها وقاله مع السلامة سعيكم مشكور ههههههه وفي النهاية قال فركش
ههههههههههههه
انا همي اكبر والله يا رائف العجيب اني مش قدرت اتكلم ورجعت بيتنا
وانا خايف جدا لان بابا في لجنة في منيا القمح وربنا يستر ويجي سليم مش مضروب اصل سامع ان في خناقات وضرب كتيير في اللجان هناك وكمان الصعيد في ضرب نار والى جانب ذلك وجود ثلاث قتلى جراء الفوضى الانتخابية هههههههههه مسرحية اجمل تعبير عن الفوضى دي هي وماليش دعوة بقت كلمة عامة مش عارف ليه احنا بقينا ازلي كدا وربنا يستر يا ريس يالي خليت الشعب مهيس وبقيت قاعد على الكرسي تقول شفافية مصرية مئة بالمئة علنية قصدك يا ريس

من طرف ???? الأحد نوفمبر 28, 2010 8:23 pm

جميل جدا ياسيد
لاادرى من اين ابدأ حديثى ولكنى مذهول حتى الان مما حدث اليوم فـ مقار اللجان تحولت الى مواقع حربية واليكم الاحصائيات
200 حالة اعتداء واحتجاز واعتقال
9 حالات وفاة مؤكدة كان آخرها طفل في المرحلة الإعدادية من محافظة الإسكندرية
واليكم واقعة طريفة جدا حدثت بدائرة بولاق ابو العلا فى القاهرة بعدما لاحظ مشرفو اللجنة تأخر أحد الناخبين خلف الستار أثناء إدلائه بصوته، وعندما حاول أحد المشرفين استكشاف الأمر اكتشفوا أنه يحاول إدخال 100 بطاقة انتخابية في صندوق الاقتراع، وحينما هم المشرفون بضبطه لاذ بالفرار دون أن يحاول رجال الشرطة المتواجدون بكثافة اعتراضه.
اما فى دائرتى فقام احد المرشحين باعطاء 100 جنيها لكل من يدلى بصوته له
نعم انه يوم النزاهة والشفافية فى مصر

من طرف elhour الأحد نوفمبر 28, 2010 8:55 pm

اولا انا بحيى حضرتك عالموضوع الرائع ده.......قال ايه قال اه......
انا دلوقتى اللى مش عارفه اقول ايه.. غير..لا حول ولا قوه الا بالله العلى العظيم
واحد مش لاقى اسمه وواحد لاقى نفسه منتخب من غير ما ينتخب وواحد بيتكلم عن الكارثه..مش هقدر مش اعلق
من الواضح يا استاذ رائف ان مش حضرتك بس اللى اسمك فريد من نوعه سعادتك لانى سمعت برده اكتر من حد قال كده
اما استاذ ايهاب فمش كان المفروض تسكت انا لو مكان حضرتك عمرى ماكنت هسكت لو حتى صوتى مش هيوصل لحد ..ومن الواضح ان رؤساء اللجان هما اللى بينتخبوا بالنيابه عن الناس.........وايه موضوع الضرب اللى فى منيا القمح ده انا واحد قريبى راح برده...ربنا يستر ويرجعوا سالمين
اما بالنسبه للتعليق الاخير فكل ذلك يدل على مصر الامن والامان والنزاهه والشفافيه ....وقال ايه قال اه
انا اه روحت انتخبت بس الحمد لله مش شوفت ولا حاله من الحالات دى اللجنه كانت تمام وخدت وقتى وقريت الورقه كلها كويس علشان احل اقصدى انتخب وكان فى هدوء غير عادى وكنت مسغربه جدا من كده بس كل خطوه حد يقولى انتخب مرشح لدرجه فى ناس تبع مرشحين جولى لحد البيت علشان يوصلونى للجنه وانتخبهم هههه بس على مييييين
حسبنــــــــــــــــــــــــا الله ونعم الوكيــــــــــــــــــــــــــــل

من طرف شهرزاد الأحد نوفمبر 28, 2010 10:24 pm

اشعر بالاسى والحزن فعلا على ما نحن عليه الان ولكن لا نملك شئ سوى الرفض وقول حسبى الله ونعم الوكيل
بس بجد صوتك امانة متضيعوش ومتديش فرصة لحد ياخده منك وينتخب حد انت مش عايزه ورافضه لان صوتك ده هتتحاسب عليه ولازم اننا نكون ايجابيين ومنستسلمش حتى لاخر لحظة فى عمرنا

اكيد بيحصل فى كل لجنة من لجان الانتخابات مهازل وايضا طرائف
انا بقى قلت لازم انتخب وارشح اللى انا شايفة انه الاصلح وده طبعا مش هيكون الحزب الوطنى فوجدت مهازل بالطبع واستهتار وجدت اشتباكات وخناقات كثيرة بين انصار الاحزاب والمندوبين التابعين للمرشحين ادى الى اصابة الكثير ووفاه البعض وكالعادة الجناة انصار الحزب الوطنى والمجنى عليهم الاخوان والمستقلين
ده غير طبعا قطع الطريق على السيارات والاعتداء على المواطنين الذين لا ذنب لهم
وفوجئت ايضا باسماء موتى فى الكشوف
على الرغم انه يوجد الكثير من الاشخاص لم يجدوا اسماءهم ؟؟؟؟؟!!!!!!!! فلمن مصلحة فى ذلك وكيف يحدث؟؟؟؟؟
ووجدت ايضا شخصا انتخب 23 مرة فكيف يحدث ذلك على مرئ ومسمع من الجميع دون ابداء اى رد فعل واحتجاج على ذلك
مع العلم انه لم يدخل اللجان الانتخابية سوى مندوبين الحزب الوطنى فقط!!!!
فاين هى الشفافية والنزاهة فى الانتخابات

لك الله يا مصر

من طرف ???? الأحد نوفمبر 28, 2010 10:32 pm

الاعجب والاغرب ان الحزب الوطنى قدم اكثر من شكوى يقول فيها ان انصاره يتعرضون للضرب وعلى راى المثل ضربنى وبكى سبقنى واشتكى
لاادرى لماذا كل هذا انها دنيا زائلة ولاتستحق ان يفعلوا كل هذا من اجل الفوز بكرسى او منصب زائل لن اقول سوى حسبنا الله ونعم الوكيل
وفعلا لكى الله يامصر

من طرف ايزيس الإثنين نوفمبر 29, 2010 5:32 pm

لست أدرى
سوى ان الكلمات هى التى فى النهاية تكتبنى
عندما دخلت الى حجرة الانتخاب وقام المراقب بأعطائى ورقة الانتخاب وقال لى :- اتنين من هنا , واتنين من هنا
ورفعت الستارة ودخلت , ووفقت امام الورقة ساكنا ولمدة تزيد عن الخمس دقائق وقفت ساكنا تتزايد دقات قلبى حينما اهم ان اعلم على احدهم , واخذت اتردد الى ان جذبنى القلم الى الصدفه التى قدرها الله لانى فى النهاية لا أومن سوى بصوت واحد هو .....................أنا

من طرف hany4445 الإثنين نوفمبر 29, 2010 7:42 pm

رائع ياسيد ده المتوقع فى الانتخابات لاننا
نحيا ديقراطية وهمية

قال ايه قال اه .......!

قال ايه قال اه .......!

رد: قال ايه قال اه .......!

رد: قال ايه قال اه .......!

رد: قال ايه قال اه .......!

رد: قال ايه قال اه .......!

رد: قال ايه قال اه .......!

رد: قال ايه قال اه .......!

رد: قال ايه قال اه .......!

رد: قال ايه قال اه .......!