آخر نكتة......(متجددة).

**=========================================
واحد بلديتنا سافر بره بعتوله برقيه ارجع فورا يوجد امر خطير رجع على اول طياره قابل

اخوه الكبير فى المطار تعبان وحالته حاله ودقنه طويله قاله فى ايه طمنى ابويا جراله حاجه راح مطبطب عليه وخده فى حضنه وركبوا العربيه لقا اخوه الثانى فى السياره تعبان وحالته حاله ودقنه طويله قاله فى ايه طمنى ابويا جراله حاجه راح مطبطب عليه وخده فى حضنه سافروا لقا اخوه الثالث على باب البيت تعبان وحالته حاله ودقنه طويله قاله فى ايه طمنى ابويا جراله حاجه راح مطبطب عليه وخده فى حضنه دخل على ابوه فى السرير لقاه نائم تعبان وحالته حاله ودقنه طويله قاله فى ايه طمنى يا ابويه انت كويس رد عليا راح ابوه قاله يا حسنين وديت ماكينه الحلاقه فين========================================

مرة واحد بخيل راح يزور امه في المستشفي لقي مكتوب علي الباب

(ادفع) قال ابقي ازورها في البيت اوفر
=========================================
بلديتنا عايز يعلم ابنه انجليزى راح ابتدائي منفعش، راح ثانوى منفعش، راح الجامعة منفعش، قال لازم اوديه انجلترا واجوزه واحدة من هناك عشان يعرف يتكلم انجليزى، راح فى الصباحية بيقولها "مستر هريدى موجود؟" قلتلوا "نجولو مين؟"

**========================================
واحد كسلان جداً ...بيقول لصاحبه : مش انا اشتغلت . قال له مبروك اشتغلت فين ؟؟ قال له

في مطبعه... اقعد علي الورق علشان ما يطرش
**=========================================
ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه

كمان؟ قاله ايوه ، تاني يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه
**=========================================

**=========================================
مرة واحد بيعدي الشارع مع صحابه خبطته عربية مات نقوا واحد منهم عشان يقول لمراته فراح لها فتحت له الباب قال

له: " جوزك ضيع كل فلوسه ع القمار"
قالت له: " إلهي ينشل البعيييد!"
قال لها: " و باع البيت"
قالت له: " إلهي يبيعوا عنيه!"
قال لها: " و اتجوز عليكي على فكرة"
قال له: " إلهي يدخلوا عليا شايلينه"
الراجل قال: " بس.. خشوا يا شباب..."
**=========================================
واحد قبل ما يموت جمع ولادة التلاتة وحب يوصيهم

يفضلوا ايد واحدة واعطى لكبيرهم عود خشب كسره بسهولة اعطاه اثنين كسرهم بسهولة اعطاه خمسين عود كسرهم بسهولة قالهم طالما معاكم البغل ده مفيش خوف عليكم

**=========================================
مرة واحد غنى اوى جاب فيل كبير اوى وقال الى هيحرك رجل الفيل ده هكتبله نص ثروتى فى واحد جاى لقى

لمه بيسأل هو فيه قالولو على الحكايه راح رايح لحد الفيل وشده من ديله راح الفيل جرى وخد نص ثروته بيبص تانى يوم لقى الناس ملمومه قالهم هو فى ايه قالولو الراجل جايب فيل وبيقول الى هيحرك دماغ الفيل ده هكتبله نص ثروتى التانى راح الراجل صاحبنا راح عند ودن الفيل وقالو ها اعمل زى امبارح راح فيل هز دماغه لالالالا

**=========================================


مرة واحد كسلان وقف تاكسى ... راح التاكسى وقف بعد ما وقفه الكسلان بخطوتين ....قال الراجل الكسلان

يا خسارة التاكسى وقف مكان ما هنزل

**=========================================
مرة واحد صعيدى جزمتة اتقطعت راح

خبطها وبعد اسبوع لقاها بقت كويسة راح فك الخياطة


**=========================================
واحد ندل جيرانه خبطوا عليه بالليل وقالوله

ماتشربش مياه من الخزانات لانها ملوثة دخل ينام فمراته بتسأله فى ايه قالها مافيش حاجة اشربة مياه و نامى

**=========================================
مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت

له "ولا حاحه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك."

**=========================================
كمسرى بيقول لابنه

تذااااااااااااااااااااكز تنجح

**=========================================
مره واحد مسطول بيقول لواحد صاحبه اقولك سر قاله

فى بير قاله سلفنى 10جنيه قاله ولا اكنى سمعت حاجه

**=========================================
سألو واحد بخيل طحن: تعمل ايه لو الدنيا برد؟ قال:

أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله
==========================================
مره واحد شاف واحد زعلان قاله انتا زعلان ليه قاله

والنبى شبسى فى حالى قاله ليز قاله ابويا كرنشى من البيت قاله يا عم قلبظ دماغك

*==========================================*
واحد ماشى ورا وحدة قالها

الحلوة وراها مشوار قالتلة لا وراها حمار

**==========================================
مسئول بيقول لمسئول ايه اخبار

الصوره الى على علبه السجاير قله ناس كتير بطلتها يا ريس قله الحق نزلها على رغيف العيش

===========================================
واحد مسطول خبط شرطى بالعربية فااتصل 122 و قالهم

احب ابلغكم انكم بقيتم 121

**=========================================
كان فيه تعلب كل يوم يضرب الأرنب ويقوله أنته ودانك طويله ليه راح الأرنب أشتكى للأسد راح قال

للتعلب أتتحججله بحجه غير دى مثلا قول له هاتلى جزر لو جاب ليك جزر أصفر قوله عايز جزر أحمر راح للارنب قاله عايز جزر الأرنب قاله أحمر ولا أصفر راح التعلب نزل فيه ضرب وقاله ودانك طويله ليه

**========================================
مرة ولد يسال والده تعرف تقرا في الظلام؟
قال له ايوا
قال الولد: اطفئ النور ووقعلي على شهادتي

**========================================

مسطول عنده بغبغان وهوه قاعد يحشش راح البغبغان اكل الحشيش المسطول اتغاظ وراح

حابس البغبغان فى عشة الفراخ .. البغبغان لقى الديك رايح جى يبصله بصه اعجاب ... البغبغان قاله ... بقولك ايه انا جى فى مخدرات مش فى اداب

**========================================

مره واحد غنى اوى عمل مسابقه بين واحد صعيدى وواحد امريكى وواحد المانى على الى يجيب

اكبر سمكه فى البحر نزل الامريكى مجبش حاجه والالمانى برده مجبش حاجه ولسه الصعيدى مطلعش وفضل مده كبيره فنزل منظم المسابقه يدور عليه لاه ماسك سمكه صغيره وبيقلها فين بابا فين بابا فين بابا

**========================================

انجليزى و فرنساوى و يابانى واقفين على جبل بيعملوا اختبار صدى صوت فالانجليزى قال هاللو رد عليه الصدى

هاللووووو
الفرنساوى قال بونجور .. رد عليه الصدى بونجوووور
اليبانى قال شيهنجها .. رد عليه الصدى قالو .. اييييه ؟

**========================================
ندل يبكي في جنازة سألوه تعرفه ؟ قال:

لا بس سمعت ان البكاء يعذب الميت

**========================================

وحدة قالت لجوزها لازم تمشى السواق دة كان هيموتنى مرتين..قالها

طيب نديلة الفرصةالثالثة هاهاهاها

=========================================
مرة ست عجوزة تاهت في غابة طلع لها اسد قالت له ارجوك

ماتكلنيش قال لها اطمني ياحاجة ماباكلش نواشف

**========================================
مره فيل كل اما بيعدى على عشة النمل يهدهه ام قائدهم فتحى قرر انى يهجموا على الفيل فلما عدا

هجموا عليه هز نفسه فوقعو كلهم الا فتحى اتشعلق بشعرايه فى رقبته فقال النمل :اخنقه يا فتحى اخنقه يا فتحى .


========================================


******** ايه رأيكم بقى فى النكت دى ********

هيا دى يعنى اللى عجبتك بس
صحيح.... كلٌ يبكى على ليلاه
ههههههههههههههههههههههههههههه

لا والله بهزر

[b]نكت جامده اخر حاجه انا موش قادره ابطل ضحك والله

[b]نكت جامده اخر حاجه انا موش قادره ابطل ضحك والله