ياجماعه انا مش ميت!!!!!

قمت من النوم فجأة

في عيني نور غريب وقوي جدا

أستغربت النور ده كله جي منين

واندهشت لما لقيت الساعه بتشاور على 3 صباحا

وأن مصباح الغرفة مطفي

طيب النور ده كله جي منين

وانفزعت لما لقيت نص ايدي جو الحيطه

شديتها بسرعه

خرجت

وانا ببصلها بكل اندهاش

رجعتها تانى لقيتها دخلت جوه الحيطه

استغربت ايه اللى بيحصلي ده

وسمعت صوت ضحك

بصيت نحيته

لقيت اخويا نايم جنبي
ولقيته بيحلم

بيحلم انه راكب عربيه اخر موديل

وانه رايح حفلة كبيره قوي

لناس اغنياء قوي

وانه لابس اغلى واشيك لبس

عشان يكون احلى واحد فى الحفلة

وكان بيضحك

وفرحان

ابتسمت(بس انا عرفت هو بيحلم بأيه ازاى!!!!!)

بعدين اتفزعت من اللى بيحصل

وقمت من على السرير

وجريت على غرفة امي وابي

قعدت اصحى فى امي واطبطب عليها

وانديها بس هى مش بتستجيب

قعدت انديها كتير واطبطب كتير

ولقيتها فجأه قامت

كانت مخضوضه قوي

وبتبص يمين وشمال

قولتلها يا ماما انت مش شيفانى

لقيتها مش بترد

ولا بتبصلي

قعدت أنادى

ماما

ماما

كانت حاطة ايدها على قلبها

وبتقول بسم الله الرحمن الرحيم

لقيتها بتطبطب على بابا وبتصحيه

ولما قام

قالت له قوم نطمن على الاولاد

قالها ده وقته

قالتله معلش قلبي مش مطمن

في حاجه غريبه

وانا واقف مستغرب

قعدت اقولها يا ماما

انا اهو يا ماما
انت مش شيفانى

ياماما

قامت ومشيت

حاولت امسك هدومها لكن الهدوم مش بتتمسك

جريت وق فت قدمها

عدت من جوايا

ملقتش غير انى امشي وراها

وبابا كان ورايا

محاولتش ابص له

عشان ما يتجاهلنيش برضه

ودخلت امى الغرفة وفتحت النور

مكنش عندى

فرق لأن الدنيا كانت منورة اصلا

انفزعت لما لقيتنى نايم على السرير

وقعدت ابص لجسمى وايدى وانا مستغرب

انا ازاي بقيت اتنين

انا مين

ومين اللى نايم على السرير ده ان مكنش انا

وقطع استغرابي
جملة بابا "استريحتى يا ستى اهم نايمين اهو "

لكن هي قالتله معلش

انا عاوزه اطمن على عمرو

ولقيتها بتقرب مني

قصدى من الشخص اللى نايم مكانى

وبتطبطب عليه

كانت بتقوله اصحى يا عمرو

لكن هو مش بيرد

وكانت بتطبط بشويش

وبدأت تهزه جامد

جريت عليها

وقلتلها يا ماما انا اهو

ردي عليا

لكن صوتها كان بيزيد خوف وكان بيعلى

كانت بتنادي

عمرو

عمرو

وفجأة صرخت ولقيت الصرخة بتوجعنى قوي

كانها بتضربنى

بكيت

وقلتلها ما تصرخيش

وهى بتقول عمرو

وبابا جري علي وحط ايده على وشى وصرخ وبكى

وحسيت بالوجع تانى

والبكاء بيزيد وانا مش عارف اعمل ايه

صحي اخويا على الصوت وهو بيسأل في ايه


ماما صرخت

اخوك مات يا

احمد

مات

وانا بقولها ببكائي لأ وا لله

ياماما

انا أهو شوفيني شوفينى


انت مش سمعاني

لكن ما فيش امل

بصيت للسما وقلت يارب ايه اللى بيحصل ده

لكن ما لقتش سقف

وشفت ناس

ولما شوفتهم

مشيوا

وحسيت بطعنه غريبه

وحجات بتقطعنى بصيت لأحمد لقيته بيصرخ

قلتله اسكت انت بتعذبني

لكنه كان بيزيد فى الصراخ

وماما بتبكي فى حضن بابا

والنحيب بيزيد

وقفت قدمهم عاجز

ومذهول

رفعت راسي تانى

وقلت يارب

ايه اللى بيحصل يارب

فى ايه

وسمعت صوت من كل حته

كان جي من بعيد

ركزت معاه

لقيته بيعلا

وبيزيد

كأنه قرآن

أيوه قرآن

والصوت بدأ يقوى

يقوى قوي

هزنى من شدته

كان بيقول


لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ

فَبَصَرُكَ الْيَوْمَ حَدِيدٌ


وفى زهول الصوت

لقيت ايدين بتطبق عليا

اتنين شكلهم مش من البشر

بيقوليلى تعالى

قلتهم انتم مين

وعاوزين منى

ايه

شدونى

صرخت

سيبونى

ما تخدونيش من اهلى

اهلى فكرنى مت

قالولى ما انت مت فعلا

قلتلهم ازاي

ما انا شايف اهو وبتكلم وحاسس بكل حاجه

ابتسموا وقالوا

عجيب امركم يا بشر كلكم فاكرين ان الموت نهايه الحياة

ولا تعرفوش ان حياتكم موت

وحلم طويل هتصحوا منه على اليوم ده

على العالم ده

سألتهم انا فين وانتو واخدنى على فين

قالولي احنا حراسك لحد القبر

اتفزعت

قبر ايه

انتوا هتدخلونى القبر

ردوا

كل انسان لازم يدخل القبر

بس انا عمرى ما دخلت القبر

ده مكتوب على كل البشر

طول عمرى كنت بكره الكلمه دي

مبحبش اسمعها بستعيذ بالله منها بحاول انسها

مكنتش بقدر اتخيل نفسي فى المكان الصعب
ده

سألتهم بخوفي

هتسيبونى!!!!

قالولي مع عملك

طيب وعملى ده كويس

سكتم

و لقيت واحد بيصرخ وبيبكي و واحد تانى سعيد قوي

وكل واحد فيهم واقف معاه اتنين بردة زى اللى معايا

سألتهم ده بيبكى ليه

قالوا

ده عارف مصيره

طول عمرة كان من اهل الضلال

قلت

يعنى

رايح النار

واللي بيضحك ده رايح الجنه

طيب انا

رايح على فين

قولولي

ردوا عليا

هما كانو عارفين هما ايه فى الدنيا

ودلوقتى عارفين هما فين فى الاخره

وانت عشت طول عمرك

تايه

متردد

شويه تمشي صح وشويه تمشي غلط

شويه تتوب وترجع تعصي تاني

ما كنتش واضح

هتفضل بردة انهاردة تايه مش عارف حاجه

اتفزعت وقلت

ايه

يعنى ايه

انا رايح النار

قالو لى رحمة ربنا واسعه

ولسة الرحلة طويلة

بصيت وريا لقيت عمي

وابويا واخويا

ماشين وراهم امي واهلي

بيبكوا

شايلين صندوق

جريت عليهم

ناديت

محدش بيرد


ناديت على امى

قلتلها يا امى ما تبكيش

ادعيلى

ناديت على بابا

قلتله يا بابا

خلى بالك من امى واخويا

ناديت على احمد

قلتله يا احمد خلى بالك من نفسك سيبك من الدنيا ومتاعها

دى رخيصه اوى

صدقنى مش هتنفعك

ناديتهم كلهم

بس كانو مشغولين بالبكاء

ومحدش سامعنى

مكنتش بتمنى حاجه فى اللحظة دي

الا انهم يسمعونى

وشدنى

الملكين

ونزلونى القبر

ونيمونى فوق الجسد

عشان اشوف ابويا وهو بيرمى التراب عليا بنفسه

علشان اشوفهم وهما بيودعونى

وخوفى عليهم

انهم مش حاسين باللى انا حاسه

وحسدى ليهم انهم لسة فى الدنيا

بس للأسف

كنت ببكى وهما بيبكوا

كنت خايف عليهم من الدنيا قوى

واتمنى لو اصرخ ولو يسمعونى

وخرجم كلهم

وقفلوا الباب

والنور تحول سواد




(( اعمل للدنيا بقدر بقائك فيها

واعمل للآخرة بقدر بقائك فيها

واعمل لله بقدر حاجتك اليه

واعمل من المعاصي بقدر ما تطيق من العقوبة

ولا تسأل الا من لا يحتاج إلى أحد ))



حط نفسك انت كمان في الموقف ده

وحاول تعمل حاجه

لأخرتك من دلوقتى

يارب يارب أكون قدرت أعمل

خير بالتوبيك ده


يارب أغفر لنا وأرحمنا اللهم

آميـــــــــــــــــــــــــــــــــن

ياريت مش نكرر المواضيع

جزاكى الله خيرا
توبيك را ئع
مع انى قرأته قبل كده
بس مش اتأثرت بيه زى دلوقتى

ربنا يهدينا ويرحمنا ويرضى عنا

بحبك فى الله جويرية
وارجو الا تنسينى من دعائك لانى فى اشد الحاجة اليه

السيد اسماعيل كتب:ياريت مش نكرر المواضيع

اسفه مكنتش اعرف انه اتكتب قبل كد­ه وبعد­ين حضرتك زعلان ليه من الكلام ده ­حتى لو مكرر نعتبره من باب( وذكر فان الذكرى تنفع المؤمنين)
جزاكم الله خيرا على المشاركه

زهرة الاسلام كتب:جزاكى الله خيرا
توبيك را ئع
مع انى قرأته قبل كده
بس مش اتأثرت بيه زى دلوقتى

ربنا يهدينا ويرحمنا ويرضى عنا

بحبك فى الله جويرية
وارجو الا تنسينى من دعائك لانى فى اشد الحاجة اليه

وجزاكى الله كل خير يازهره
اللهم آآآآآآآآآآآآآآآآآآآآآآآآآآآمين
احبكى الله الذى احببتينى من اجله
وانا كمان بحبك فى الله
لن انسااااااااااااااااااااااااااااااااااااااكى والله

ومين قال انى زعلان بس
على العموم جزاك الله خيرا على الموضوع
وده كان مجرد رجاء بس علشان يبقى فيه مساحة للاطلاع للمواضيع الجديدة .



(اه لامة تريد التغيير ولم تصنع شئ من اجله )

ماد­فعنيش لكتابه الموضوع ده او نقله اليكم الا للتذكره والله
وجزى الله كل الاخوه اللى اتصلو بيا وعزونى لحاله الوفاه اللى كانت عندى يوم الثلاثاء الماضى كل خير
رايت ملك الموت وهو ينتزع روحها
امام عينى
كانت تنام معى وتضحك وتحكى لى وتشكو لى وفجاه هى الان بين التراب ولم تعد­ تنام بجانبى تغبر مكانها وتغير كل شىء لم اشعر يوم انها جد­ه والله كانت اخت وام وُصاحبه
والله المستعان

وَبَشِّرْ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ

السيد اسماعيل كتب:ومين قال انى زعلان بس
على العموم جزاك الله خيرا على الموضوع
وده كان مجرد رجاء بس علشان يبقى فيه مساحة للاطلاع للمواضيع الجديدة .



(اه لامة تريد التغيير ولم تصنع شئ من اجله )

شكرا على حرصك وان شا ء الله المنت­ى كبير
فعلا اه لامه تريد التغيير ولم تصنع شى ء من اجله
قال النبى (صل الله عليه وسلم) (اكثروا من ذكر الموت )(اكثروا من ذكر هاددم اللذات)
النبى قال بتذكره الامه بالموت اذا من ترك الصلاه من الرجال عندما يذكر الموت سيذهب ليصلى اذا فهو غير من حياته وهكذا ارتداء الحجاب للبنات
فالذى يغير من حياته من الترك الى الالتزام فعلا هذه هى الامه التى تصنع الاشياء لتغير من نفسها عندما تلتزم بشرع ربها
والله المستعان

ربنا يرحمها ويدخلها فسيح جناته اللهم امييييييييين ويصبركم على فراقها

بس انا والله مكنتش اعرف وقولتلك كده ياريت تعذرينى لانك بالنسبة ليا اكتر من اخت

شهرزاد كتب:ربنا يرحمها ويدخلها فسيح جناته اللهم امييييييييين ويصبركم على فراقها

بس انا والله مكنتش اعرف وقولتلك كده ياريت تعذرينى لانك بالنسبة ليا اكتر من اخت

انا عمرى ماازعل منك والله وربنا يجزيكى خير يارب وانتى برده اكتر من اخت
انى احبك فى الله

البقاء الله
انا لسه عارفه حالا
ربنا يرحمها ويسكنها فسيح جناته
ربنا يجعل قبرها روضه من رياض الجنه
.....................................................
جزاكى الله خير عالموضوع

اسال الله عزو وجل ان يتغمدها برحمته وان يغفر لها ذنوبها
ويلهمكم الصبر والسلوان

انا طبعا مش عرفت الا دلوقتى
ربنا يصبركوا على فراقها
انتى من شهر كنتى بتعزينى
فى عمى اللى مات فى حادثة
يوم27/11/2010
وانا النهاردة بعزيكى فى جدتك
اللى ماتت من اسبوع

ربنا يصبرنا جميعا على فراقهم
وان شاء الله نحسبهم فى الجنة

زهرة الاسلام كتب:اسال الله عزو وجل ان يتغمدها برحمته وان يغفر لها ذنوبها
ويلهمكم الصبر والسلوان

انا طبعا مش عرفت الا دلوقتى
ربنا يصبركوا على فراقها
انتى من شهر كنتى بتعزينى
فى عمى اللى مات فى حادثة
يوم27/11/2010
وانا النهاردة بعزيكى فى جدتك
اللى ماتت من اسبوع

ربنا يصبرنا جميعا على فراقهم
وان شاء الله نحسبهم فى الجنة

ان شا ء الله نحسبهم فى الجنه
انتى من يوم ماحكتيلى والله د­عيت له وانا بصلى ان ربنا يتقبله فى الشهداء والله بجد دعيتله
والنهارده دعيتلك زى ماطلبتى منى
هيوحشونا والله بسى هنتقابل كلنا فى ارض المحشر ان شا ء الله
فكل باك فسيبكى وكل ناع فسينعى وكل مذكور سينسى ليس غير الله يبقى
ياترى باه مين فينا يازهره هيودع التانى الاول انا ولا انتى
الله اعلم !!!!!!!!!!

الله يرحم عم زهره الاسلام وجده جوريه

ويرحم جميع اموات المسلمين ويسكنهم فى فسيح جناته

امين يارب العالمين

اللهم ارزقنا حسن الخاتمة والنطق بالشهادتين

شكرا على الموضوع ياقمر

انى احبكم فى الله

اسال الله تعالى ان يرزقكم الصبر والسلوان
اللهم ارحمهم وتجاوز عن سيئاتهم
اللهم ثبتهم عند السؤال
اللهم اجعل قبرهم روضة من رياض الجنة
اللهم نسالك الثبات حتى الممات وان تحسن خاتمتنا يارب العالمين