لماذا يرسب الطالب في الأمتحان ؟؟؟

‎لماالطالب في الأمتحان ذا يرسب ؟؟؟

سؤال يطرح نفسه علي ساحه الحياة الأكاديميه ....
إن الذنب ليس ذنب الطالب إذا رسب .... واحد هيسألني ويقولي أزاي ؟؟؟
السنه فيها 365 يوم علشان عارف ان فيه فالح فيتفلحس وهيقولي والسنه الكبيسه ... لاغلاق أفواه المتفلحسيين...
وها نحن نقدم لكم تفصيلا كاملا عن السنه الجامعية للطالب ... تعالوا بينا نحسبها ...
1 _ أيام الجمعات : 52 جمعه في السنه . يتبقي من السنه 313 يوم ( أيوا كدا متعني أشجيني وقوووول ) ..
2 _ العطلة الصيفية : 50 يوم ( يا بلاش يا أخي ) . يبقي باقي عندنا من السنه 263 يوم .. ( قول كمان وكمان )
3 _ النوم : 8 ساعات نوم ف اليوم ( دا بالميت اووي مع الرأفه بيهم كمان ) . يبقي نشيل 122 يوم .
يبقي عندنا 141 يوم ف السنه .. ( ايييييييييييييه الحلاوه دي ) ..
4 _ ساعة واحده يوميا ( لزوم تهييس ولعب ونت . ونبقي عاملين لهم دسكوند كمان . ينصح بها الأطباء لانها مفيدة للصحه ) . هذا يعني 15 يوما أضافيا . يبقي باقي عندنا 126 يوم ف السنه . لاولسه أحنا لسه قولنا حاجه
5 _ الأكل : ( خد عندك فطار وغدا وعشا وشوية نحكشه ف النص كدا )ودا بقي أهم شيء الغذا نديله ساعتين كل يوم وماله مش خسارة فيه علشان المضغ الجيد والحفاظ ع الطاقه ( أحنا دافعين حاجه من جيب ابونا ) . يبقي عندنا 30 يوم كمان ابسط يا عم.. يبقي يا سيدي ما اللي أهو انت باقي 96 يوم ( حبيب قلبي اطربني كمان وكمان
6 _ نيجي بقي لأهم نقطه ساعه يوميا ( لزوم نضافه زي التسريح والتسبسيب قدام المرايا والحلاقه ) .
( علشان منحرمش الطالب من حاجه ) . ادي كمان يا سيدي 15 يوم . يبقي باقي عندنا 81 يوم ..
8 _ الأمتحانات : 15 يوم امتحانات ف الترم . ويا عيني السنه فيها ترمين . يبقي نضرب ف اتنين . اه يبقي عندنا 30 يوم أمتحانات . يبقي باقي 51 يوم ( ولو مش مصدقني احسب ورايا ) .. ألا ان اخالف ضميري أبدا ...
9 _ الاجازات : ودي يا سيدي يعني العطل الصيفية , والربعية , وأيام الاعياد الدينية , والقومية , والتحريرية , والوطنينة , والانسانية , والحيوانية , والاجتماعيه . كل دا في 45 يوم ( شوفت بنقسي علي نفسنا أزاي ) .
يبقي باقي 6 أيام . ( خلاص هانت اهه والسنه تخلص ) ..
10 _ أيام المرض السنوية : ودي أقل تقدير ليها 3 أيام بين قوسين كدا ( بعد الشر علينا ) لو مش موجود التعب سوف نستغلهم في زيارة الأهل والأقارب والأحبه والأصحاب وأي حد ( اه صله الرحم بتنقح علينا أوي ) .
يبقي باقي عندنا 3 أيام ف السنه ...
11 _ هنقسي علي نفسنا شوية معلش وناخد يومين بس متابعه الافلام والمهرجانات الترفيهيه والدوريات العربيه والاوربيه ( يعني نعيش حياتنا شويه بقي ) . هاااااااااااااااا يبقي باقي يوم واحد ف السنه كلها ...
12 _ اليوم دا بقي أهم يوم .. ودا يوم عيد ميلادك .. ( كل سنه وانت طيب ) ...
والسؤاااااااااااااااااااااااال هنا .....
كيف سينجح الطلاب وهم مشغولون طوال السنه ؟!؟!؟!؟!؟!
وفيه هنا حكمه بنقولها :
زغرتي يا أنشراح ... علي الترم اللي راح
زغرتي يا أم شاكر ... ما اللي ذاكر ذاكر
زغرتي يا أعتماد ... أنا شكلي هشيل مواد
زغرتي يا ام ناجي ... علي ما أمتحن وأجي
وعلي رأي المثل :
رايحه فين يا بجعه ... رايحه امتحن وراجعه
لذالك شاركونا حملتنا ...

حملة المزنوقين فى المذاكرة برعاية
؛؛ابقي قابلني لو نفعت؛؛

أرفع شعارك و قول يا رب.

شعارنا

* ذاكر و انت و نصيبك *

أهدافنا

1- * ذاكر ساعة تكسب ولاعة *

2- * ذاكر ساعتين تكسب سجارتين *

3- * ذاكر 3 ساعات هتنسا كل اللي فات *

4- * ذاكر طول اليوم تبعد عنك الهموم *

5- * ولو مذاكرتش حاجة تبقي المادة مش محتاجة *

شجعنا ... وأرفع شعارنا ...

راعي الطالب الفاشل...

وفي النهاية يلا نقول النشيد
يلا جاهزين الكل معايا بليز
زغرتـــي يا انشراح ع الترم إللي راح زغرتــى يا ام شاكر ما اللى زاكر زاكر زغرتـــي يا اعتماد دة انا شكلى حشيل مواد زغرتــى يا ام نــاجى على ما امتـــحن وأجــى و رايحـــه فيــن يا بجعــ...ه رايحـــه امتحن وراجعـــه تحت شعار : ااااااا اااااااا ... مذاكرتش من الأول ليه
مع تحياتي للجميع بالنجاخ من امام كشك ابو عيده للبرشام وكلنا هننجح ان شاء الله ععععععععع

موضوع لذيذ يابوب تسلم ايدك

يا ترى بعد الي حصل النهاردة عرفتم ليه بنسقط ولا لسه
ربنا يستر

ايه التفاؤل دا

ميرسى على التوبيك ده بجدجميل اوى وشكرا للمجهود

والله بجد تمام حلو قوي ان في ناس بترد لسه على الموضع ده في الظروف دي
بجد حاجة حلوة خالص بتقول ان الحياة مش هتقف عمرها
شكرا لمروركم وبجد انا ضحكت لما قكرتوني بالموضوع
شكرا لمروركم الرائع واهلا بيكي يا ايمي في منتدانا