أغنية " مسلم ومسيحى "

"مسلم ومسيحى"
مسلم ومسيحى مفيش مشكلة كلنا اخوات ومصر أمنا
يا خلق الله الدين لله ومصر الغالية لينا كلنا
مين فينا اتولد من غير ديانته الكل اتولد لباباه ومامته
اتربى وكبر مؤمن برسالته صح أو غلط منه لربنا
هو اللى يحاسب أما احنا نحاسب لجل المراكب ما تعدى بنا
مسلم ومسيحى مفيش مشكلة
ليه قالوا وقلنا ليه كانوا وكنا ليه ان وأن ليه ننسى عقولنا
ايه غيّر حالنا ومشينا وراه
يا خلق الله الدين لله
ومصر الغالية لنا كلنا
مسلم ومسيحى مفيش مشكلة
يا ناس يا هوه بكره ارحموه أحسن نتوه من بعضنا
وندى الفرصة لوحوش كاسره وتبقى كارثة وحلت بنا
وبدل الضحكه تحل الآه
يا خلق الله الدين لله
ومصر الغالية لينا كلنا
مسلم ومسيحى مفيش مشكلة
قولوا لأبو جهل كلنا أهل أما انت يا جهل من غير أهل
هنا أو هنا ومنتاش مننا
نبتك شيطانى شرير عدوانى وحياة قرآنى ما تعيش وسطنا
وحياة انجيلى وشمسى ونيلى مهما تحكيلى مانتاش مننا
احنا الأحباب وانت الأرهاب احنا الصادقين وانت الكداب
احنا الملايين لكن انت مين واحد عشرين؟ لو ألف بلاه
يا خلق الله الدين لله
ومصر الغالية لينا كلنا
مسلم ومسيحى مفيش مشكلة
عيسى نبى ومحمد نبى وحياة النبى وكل نبى لو فينا غبى
انت الغبى ولا تهمنا ولا تهزنا وماانتاش مننا
كلنا اخوات صبيان وبنات رجاله ستات كل الأوقات
ومفيش مشكله
مسلم ومسيحى مفيش مشكله
كلنا اخوات ومصر أمنا

وهذا رابط الأغنية على منتدانا المتواضع لمن يود تشريفنا
http://elshaerredaabdelaziz.yoo7.com/t110-topic