لا لجمعة الرحيل

جمعة الرحيل هتبقي جمعة الخراب لو تمت لا لجمعة الرحيل لا للتظاهر مرة أخري لا

للفتنة لا للعنف نعم للإستقرار نعم للأمان نعم لإعطاء فرصة للحكومة الجديدة نعم

لصوت الحق الواعي نعم لمن يخاف علي مصر نعم لمن يحب مصر لا للمصالح الشخصية

لا للاحزاب ذات الاهداف الشيطانية ارحموناا بلاش تظاهر عشان نعرف نلم اللي راح مننا

فوقوا بقي قبل ما نبقي عراق تانيه...


ان كنتم تريدون فوضي ..... فقد حققتوها إن كنتم تريدون تغيير ..... فقد غيرتوه إن كنتم

تريدون الرئيس ..... فهو معنا حتي نهايه الفتره إن كنتم لا تريدون الرئيس ..... فقال لن

يرشح نفسه مره اخري إن كنتم تريدون النهضه ..... فقد حان الوقت لنساعد بعضنا

لننهض مره أخري إن كنتم تتظاهرون بدون هدف ..... فأتركوا مصر لأن شعبها أعظم

الشعوب

باءذن من الله وكرمه
ستكون جمعة النهايه
للظلم والقهر
هذا الطاغيه استطاع ان يلعب على الوتر المشدود بمشاعر الناس , و يا ليت شعرى اننا شعب تأخذنا الكلمة الجميله ولا نفيق الا على واقع أليم اذا ما استمر
ستكون جمعة الحق
الحق
اظنها كلمة قد نأت بجانب عنا
اما اذا اردت ان يبقى فرتلى
يعيش الرئيس واحنا مش مهم

ومن قال انه سيبقى ...............؟
الرئيس سيرحل انتهت فترة الرئاسة وستقام انتخابات عادلة لاختيار الرئيس القادم ، ما بقى غير اشهر معدودة ، ماذا تريدون ان يموت اشخاص جدد ، ان ينهار اقتصاد البلد اكثر مما هو عليه .

لتعلموا
ان التغيير قد اتى لا محالة
وما يحدث الان فى ميدان التحرير ما هو الا اشخاص يريدون مصالح شخصية .
بالله عليكم ماذا تريدون ...............؟
ان يرحل ...فهو راحل لا محالة .



لك الله يا مصر

الى كل من يريد اسقاط مبارك
▼▬▬▬▬▬▬▬▬▬▬▬▼

◄اولا يا جماعة ديه حاجة اسمها الخروج على الشرعية
سيبك منها دلوقتى
...
◄ثانيا البلد هتخرب ,, سيبك من دلوقتى برضه عشان الناس عاملة نفسها رجالة و قال ايه بتقولك احنا هنعمرها ( ابقى قابلنى )

◄ثالثا انت اللى بيحكمك الدستور
الدستور مش بيتغير الا برئيس منتخب
طيب لو مبارك تنحى ,, هنعين حد بداله ( اى كان ) فترة 60 يوم
اللى هيتعين ده مش هينفع يغير الدستور عشان مش منتخب
طيب هننتخب حد جديد بعد 60 يوم
للاسف هتنتخبه على اساس المادة 76 و 77 بنصهم القديم
يبقى انت كده بترجعنا لنقطة الصفر

فالناس اللي عملوا المظاهرات يوم 25 ناس فاهمه وواعيه للكلام ده
فأقتنعوا بالكلام ده ومشيوا اما الناس اللي موجوده دي موجوده عشان تخلق الفوضي اللي هما مكلفين بيها وواخدين فلوسها من الدول اللي مستنيانا نقع
وولا واحد في الموجودين في التحرير يفهم معنى الكلام ده !!

والله ياسيد انت وجيتول ده رايى فعلا
وراى كل واحد خايف على مصلحه البلد دى
اما ايزيس مش عارفه انتى مصره ليه ان احنا نستمر فى مظاهرات وسفك دماء كده كده حسنى راحل بس مش ينفع يرحل دلوقتى الدنيا هتخرب اكتر
وهنبقى مطمع لاعدائنا
وشباب 25 يناير ادلوا فى برنامج 48 ساعه ان يوجد عناصر غير معروفة هى التى قامت بتشويه المظاهرات وقامت باعمال تخريب ونهب فكروا معايا مين اللى ليه مصلحه فى كده غير الاعداء الخارجيه ؟؟
الى جانب يوجد منشورات توزع بين صفوف المتظاهرين من عناصر خارجيه تحث على الفوضى والدمار
واخر خبر سمعته واتاكدت منه ان المتظاهرين اللى موجودين فى ميدان التحرير اكلين شاربين نايمين ببلاش تفتكروا مين اللى بيمولهم فى كل ده اكيد عنده مصلحه فى اللى بيحصل فى مصر ده وهم اعداء مصر والدليل لو مش مصدقنى فى واحده مسكوها من المتظاهرين متدربه من الموساد الاسرائيلى على انتشار الفوضى والفتنه وحث المواطنين على التخريب والدمار وجت فى برنامج48 ساعه لو سمعتوها
فكروا بالعقل... وانتوا هتوصلوا للسبب فى ده كله

بسم الله الرحمن الرحيم

الشهور القادمة _ ان استمر _ لقدر الله
أيام احلك من السواد فى ليل بل قمر

وبعدين ايه كلمة الشرعيه التى تمسكون بها وانها النجاة
هذا الرجل فقد الشرعيه حينما سقط جندى على الحدود ميتا بدون حق , او هذا الذى قتل فى السويس حينما قتلته احدى السفن دون حق , او هذا الذى تخرج برتبة الاول على الكليه ولم يعين بدون حق, عندما افترت الداخليه على كل الشعب دون حق, على ايه ولا ايه ولا ايه
اما عن 30 سنه فى الحكم نحن لم نعش فيها سوى خمس سنوات على اساس ادراك الواقع لم نرى الا السواد والسواد والسواد
حفنه تتحكم فى البلاد

الجمعة القادمة هى غرة ربيع الاول وهو من الاشهر الحرم التى حرم الله فيها القتال وكان القصد هنا القتال مع الكفار مابالنا واحنا بنقتل بعض فالتكن الجمعة القادمة هى جمعة الصلاح والمصالحة الوطنية والشعبيةياريت ماتطنش ده مصر الغاليه علينا

ياجماعة مش عايزين ننسا ان الشباب اللى خرجوا فى المظاهرات دى هما اللى فوقوا البلد وغيروها لو قعدنا مليون سنة مكناش هنقدر نعمل حاجة الشباب دى حقها علينا اننا نبقى وراهم ونديهم حقهم لانهم طالبوا مطالب لصالح الشعب كله وياريت متخلطوش الامور مش ذنبهم ان فى ناس استغلوا دة
احنا كلنا مع التغير ومع ان حسنى يفضل لاخر فترة حكمه علشان مينفعش البلد دى تفضل دقيقة من غير رئيس لانهم مش هيستقروا على حد والصراع على السلطة هيبدا
اما الناس اللى مدربة على ايد الموساد والكلام دة واللى واكلين شاربين نايمين فى ميدان التحرير حرااااام بجد ان اننا نقول على اللى حررونا من النظام الفاسد والظلم اللى عشناه واهلنا عاشوه كدا ولو فى ناس كدا بلاش نعمم ماهما بيقولوا على مؤيدين مبارك هما بلطجية اعضاء الحزب الوطنى ومن النظام الفاسد وانهم ادوهم فلوس وان الحزب هما اللى طالبوا منهم يعملوا ده فى المتظاهرين علشان فى الاخر يقلبوها على المتظاهرين ويسؤا اهدافهم قدام العالم ياريت بلاش ننسى الحاجة الحلوة اللى حصلت ونلقى التهم على بعض كلنا زعلانيين على اللى حصل فى ميدان التحرير امبارح
وبعدين مين مسئول عن انسحاب الشرطة فى اول المظاهرات السلمية الشريفة وكان فين المسئولين والرئيس لية من الاول ماقالش انه هيعمل كدا وهيحقق المطالب كان مستنى اية وعايز اية
وبعدين حق مين علينا الراجل دة دمر احلام الشباب ودمر اجيال وخلى الفساد ملى البلد حتى لو مش هو وان حكومته هى اللى عملت كدا طب مين اللى اختار الحكومة ومين اللى بيديها الاوامر الحمدلله انه مش هيترشح تانى
تحيااااااااااااااااااااااااااااا مصر بشبابها
ولا لجمعة الرحيل نعم لجمعة العمل والتعاون والتكاتف لاصلاح مصر ولتصدى للمحاولات اللى عايزة تشوه الصورة الجميلة اللى ابتدوها الشباب الرائع المحترم العظيم ان شاء الله هتكون جمعة التعبير عن حب مصر
اسفة انى طولت عليكم بس ياريت تبرؤا الشباب اللى عبر عن مطالبه بكل احترام وفضلو اسبوع فى مظاهرات سلمية ودون اى مشاكل من اللى حصل بعد كدا وحصل امبارح

شكرا على ردودكم ومشاركتكم معى فى هذا الموضوع المهم
بس ليا تعليق بسيط
اولا ياملاك وبرنسس انا مش اقصد خالص المتظاهرين السلميين لان المتظاهرين السلميين انسحبوا فعلا من المظاهرات بعد خطاب مبارك لانهم لقوا مطالبنا اتحققت اما اللى موجودين الان دول عناصر خارجيه ومدسوسه من قبل مؤسسات مشبوهه الى جانب البلطجيه
وعشان تتاكدوا من كلامى برنامج 48 ساعه كشف عن بعض هذه المؤسسات المشبوهه واهدافها وعناصرها
انا بؤيد جدا التغير والمظاهرات السلميه ولا استطيع ان انكر فضل هؤلاء الشباب السلميين لكن بكره ناويين يحصل مجازر امام مبنى الرئاسه وهذه العناصر المدسوسه والمشبوهه ستقوم بعمليات تخريب ونهب وقتل
اللى جانب قناة الجزيره قالت ستصور هذه الحرب او المجزره لانتشار الفتن بين المواطنين المصريين
ربنا يستر بجد وتقدر القو ات والجيش عدم الاحتجااج بين المتظاهرين وحقن دماء الشباب
اتمنى ان تكونوا فهمتوا وجهه نظرى

ممكن تقروا الكلام ده للآخر ؟
مصر تحت تهديد الاحتلال اقسم بالله سيبيكوا بقى من النظام والسلطه ومش عارف ايه والرئيس وحش لا الريس حلو كل الكلام ده مش وقته خالص
1- توزيع منشورات بلغات فرنسيه واجنبيه واخرى غير مفهومه
2- توزيع وجبات كنتاكى وغيرها على فئه معينه من المتظاهرين بجانب مرتب يومى فى حيز الـ 200 دولار
3- كلام مرتضى منص...ور : البلد بتت...باع ومسكوا شخصيات غير مصريه وتم تسلميها الى الجيش المصرى للتعامل معه
4- كلام الفنان محمد عطيه : وقفنى شخص غير مصرى وبيتكلم عربى مكسر وقاله لو كنت داخل مظاهره التحرير تعاله معايا !! ده غير ناس تانيه ايرانيه شافها فى المظاهرات
5- كلام شيماء على قناه المحور انها تدربت على يد يهود امريكان مع غيرها لاسقاط النظام والاستقرار فى مصر
6- اعتقال 4 صحفيين اسرائليين فى ميدان التحرير
7- سقوط كور ناريه فى ميدان التحرير ونشر الزعر والنيران
8- معظم متظاهرين 25 يناير اقسموا انهم لا علاقه لهم بمظاهرات مجددا بعد تحقيق معظم مطالبهم هذا بالاضافه الى بكاء الكثيرين من المصريين بعد سماع خطاب الرئيس العظيم مثال للحكمه

- مش عايزين دلوقتى اى نوع من المظاهرت ولا تؤيد ولا تعارض البلد حتنهار ابوس ايدكوا
فوقوا ارجوكم يا رجال مصر حافظوا على مصر

قلنا وبنقول وهنقول...مصر مستهدفه..بلدى مستهدفه.مستهدفه ..
وزى ما قلتى يا هدايه (توزيع وجبات كنتاكى وغيرها على فئه معينه من المتظاهرين بجانب مرتب يومى فى حيز الـ 200 دولار) يبقى زى اللى فالميدان يروحوا ليه...كل واحد واخد عائلته وبيقضوا شم النسيم وشويه يقلبوه حفله ..هيصه
والريس عمل اللى عليه وزياده وقلنا ميت مره تظاهرتم فالبدايه اوك صح وكلنا كنا معاكم وحققتم اغلب مطالبكم بل جايز مطالب زياده كمان استنوا بئه فرصه زى ما عمر سليمان قال ولو مطالبكم مش اتحققت تظاهروا تانى سلميا
يا ريت خلاص كله يروح علشان نقدر نوصل ونسيطر عالعناصر المندسه غير المصريه..
وربنا يحفظ مصر من كل سوء
وتأكيد اخير ابعدوا عن القنوات (كلكم عارفنها)اللى بتوقع وتولعها وتشعل الفتنه وغيره وغيره انا كنت بقول كده وكان فى ادله بس انهارده اتأكدلى زياده
ربنا يستر ويعدى الازمه دى على خير ويخللنا الريس

.....

معااااااااااااااااااااااااااااكى يا هداية ف كل اللى قولتية .....يارب احمى مصر وشبابها يااااااااااااااااااااارب..ابعد عن بلدى كل شر وكل سوء

اللهم امين
شكرا على مروركم
اللهم احفظ مصر وانصرها