ليبيا .................؟

من طرف asmaa الإثنين فبراير 21, 2011 8:29 pm

الى متى سيظل هذا السفاح يقتل ويسفك الدماء
40 سنه من الحكم والاستبداد
ما يفعله معمر القذافى الان ماهو الا جنون ولابد
من وقفه وعلى جميع الدول العربيه ان تلتفت لمثل هذا
السفاح وجمعيات حقوق الانسان ايضا
واحنا الطلبه ماعلينا الا الدعاء لهم ومشاركتهم على احداث هذا
التغيير الذى يطالبون به والذى كلفهم مئات الضحايا
لذلك ان ادعو بإقامه مظاهره للتعبير عن رأينا فى معارضتنا
لمثل هذه المجزره التى تحدث
وان تكون اول ايام الدراسه
مستنيه رأيكم

مش اول ما نخلص من الى عندنا

من طرف elhour الإثنين فبراير 21, 2011 8:49 pm

علشان تعرفوا الفرق بين القذافى والرئيس السابق لمصر وبن على وبتاع اليمن وغيره من رؤساء دول
القذافى بقاله 40 سنه والرئيس مبارك سابقا بقاله 30 سنه وبتاع اليمن بقاله 33 سنه
والقذافى وابنه الاشاعات عنهم كتيرواللى بيقول القذافى هرب وابنه بيقول هخليها بحر من الدم وحتى مش عرض عليهم اى اصلاح او استجابه لمطابهم
وبتاع تونس اتكلم مش عجبهم الكلام سابها وهرب
وبتاع اليمن عامل نفسه رئيس بلد تانيه غير اليمن
والرئيس المصرى السابق عرض اقتراحات وحقق مطالب وتحايل على الشعب ومش عجب الشعب رغم انه حقق اغلب مطالبهم.. تنحى
عرفتوا بئه مكانه الرئيس المصرى السابق مبارك بين روساء الدول العربيه
............................
وبعدين يا اسماء مش لما نستقر على وضع بلادنا نبقى نبص لغيرنا ونتعاطف معاهم كماااااان ولا انتم مش عننتم قادرين تقعدوا شويه من غير مظاهرات وخدتوا عليها واستحلتوها
وبعدين بتقولى اول ايام الدراسه مش لما نشوف الدراسه هتبدأ فى سنتهم دى ولا لا كمان بعد ما شالوا هانى هلال مش عارفين هيستقروا على ايه
-----------------------------

من طرف asmaa الأربعاء فبراير 23, 2011 7:58 pm

الى الحور
بصراحه انا مش عارفه انتى بدفعى على مين
وبتقارنى بين شلة حراميه وفرحانه ان الرئيس المخلوع بتعانا
كان هو اقل واحد فى الفساد بين شلةالحراميه دول
كل واحد لى قناعات بس بصراحه الوحش مش بيختلف عليه اتنييييييييين
واللى بالى بالك مش وحش وبس ده..........................
اما عن الدراسه هتكون ان شاء الله 6\3\2011
ووزير التعليم العالى هو الدكتور احمد جمال الدين
اما عن المظاهره فهى تعبير عن الرأى ومساندة الشعب الليبى
للتصدى للفساد خلاص ياجماعه انتهى زمن السلبيه والصمت والخوف
وكمان احنا اعلام مالكم فى ايه؟

من طرف elhour الأربعاء فبراير 23, 2011 8:14 pm

والله كل واحد ليه رأيه
وبعدين انا بقارن علشان تعرفوا الفرق فعلا اللى لما بنصارحكم بيه بتنكروه بالشكل ده يعنى تنكروا انه افضل من دول كلهم!!!!!!!!!!!!!!!!!
وبعدين مهما كان كرهك لحد المفروض تتكلمى عنه بشكل احسن من كده شويه مهما كااااااااااان ده خلاص مشى
وبعديـــــــــــــــــــــــــــــــــــــــــــــــــن معاكم بئه..

من طرف الملاك البرىء الخميس فبراير 24, 2011 3:32 pm

القذافى دة مجنون و حسبى الله ونعم الوكيل فيه

من طرف توأم الروح الخميس فبراير 24, 2011 6:31 pm

القذافى دة مش هيجى الا ان حد يحط متفجرات فى المكان اللى فيه لانه مش هيمشى مهما حصل واوباما مش عايزة يمشى اما ايام حسنى اوباما كان عايزة يمشى

من طرف شهرزاد الخميس فبراير 24, 2011 11:18 pm

يا جماعة انتوا بتتكلموا فى ايه وبتقارنوا بين مين خلاص مبارك تنحى وهيتحاكم دلوقتى ومش عارفين اخر المحاكمة بتاعته هتكون ايه وبعدين يا حور احنا كنا عايزين تغيير النظام كله بما فيه الرئيس وطالبين الحرية فمكنش ينفع نرقع بقى بدل ما نغير تغيير كامل كنا لازم نقضى على الافعى كلها بدون ترك ذيلها لان لو تركنا الذيل هيتكون تانى افعى والحمد لله الفساد انتهى وان شاء الله مش راجع تانى وهو كمان متنحاش برغبته لانه عارف الشعب المصرى كويس جدا وعارف انهم خلاص كانوا هيوصلوا ليه ويقضوا عليه

اما اسماء وموضوع المظاهرات من اجل اسناد ليبيا فده مش ممكن دلوقتى لاننا فى حالة حرجة جدا وبلدنا بتمر بظروف صعبة فاكيد احنا مانتمناش اننا نكون السبب فى حدوث فوضى كبيرة لا نعرف اخر مداها فلازم نصبر شوية وندعى لهم بالنصر والحرية ان شاء الله

من طرف asmaa الجمعة فبراير 25, 2011 4:52 pm

شكرا على كل ردودكم
الى شهرزاد معلش احب بس اعلق على موضوع المظاهرات
المظاهرات ماهى الا تعبير عن رأى انتى مقتنعه ومؤمنه بيه
مش فوضى محنا خلاص الحمد لله بقينا منظمين ومتقدمين
ملحوظه
الشعب البريطانى على لسان اوباما
ان ثورة الشعب المصرى سوف تدرس للغرب
فزى ماشوفنا انها كانت شعارها سلميه سلميه
بالإضافه الى مافعله شباب التحرير بخصوص نظافة الميدان

من طرف Genol الأربعاء مارس 02, 2011 3:29 pm

يا جماعه اللى بيحصل قدامنا ده ربنا عاوز يورينا هو كان يقدر يعمل فينا إيه احنا بجد ربنا بيحبنا ورحمنا من كل ده
كان يقدر الرئيس بتاعنا يعمل فينا أكتر من كده بس ده دليل بسيط من ربنا

تحية للجميع.........مع ان الجدل الدائر على صفحتكم يغرينى بالانضمام الا ان ماادخلنى ليس الحوار ورغبتى فى تاييده او معارضته...قدر الابيات الشعرية التى اردت وضعها والتى تنطق بالتعبير عن ليبيا وهى:-

شعوب بعصر يفتك بعضها ببعض
كما يعدو على الحمل الذئب
اذا قنص الليث الغزالة ساغبا
فما عذر شعب بات يقنصه شعب
ذنوب الضعاف العاجزين كثيرة
ومالقوى اذا تحاسبه ذنب
كان ليس بين العاجزين شرائع
ولا خلفهم بعث؛ ولا فوقهم رب.

وهكذا:كما ترون انه اذا كان الزعيم يدفع فاتورة اعماله مرة واحدة؛ فالشعب يدفعها الاف بل وملايين وكما يظهر بعدها انها مليارات مثل شعبنا الذى كنا نحسبه فقيرا وهو الذى سلم امواله لكل هؤلاء....لذلك : لابد من ثمن يدفع وتكون عملته لدينا دماء ولديهم مقاعد ومناصب.....وهناك من يفقد عقله مثل القذافى عندما يخشى تخيل ذلك لانه لم يعلم ان الخيالات تصبح حقيقة على يد الشعوب....لذلك:فهو كمن ينطح الحائط ولاعجب فى ذلك لانه متوقع من مريض نفسى كما يجمع اغلب الاطباء.....وهذا ايضا يضاف لفاتورة الشعب الليبى المناضل والذى نتمنى له ان لاتطول هزلية دفع فاتورته.

اعانهم الله واعاننا وكل العرب على التطهير الذاتى.

من طرف asmaa الأحد مارس 13, 2011 9:28 pm

Women hell
عندك حق وبلا شك ولانزاع توفيق ربنا هو العامل
الاول والاساسى لنجاح هذه الثوره البيضاء
وفعلا اللى حس بده اكتر اللى نزل الميدان كان هناك روحانيات
تجعلك مش عايزه تروحى
فقدرة ربنا تفوق الكل
اما بخصوص ليبيا بجد من كل قلبى بقول
ربنا يثبت اقدام هذا الشعب الابى وينصره
على سقوط هذا الطاغيه ويصبر اهالى الشهداء
ومش يطول عليهم اكتر من كده
اللهم امييييييييييييييييييييييييييين

ليبيا .................؟

ليبيا .................؟

رد: ليبيا .................؟

رد: ليبيا .................؟

رد: ليبيا .................؟

رد: ليبيا .................؟

رد: ليبيا .................؟

رد: ليبيا .................؟

رد: ليبيا .................؟

رد: ليبيا .................؟

رد: ليبيا .................؟

السلام على من اتبع الهدى........

رد: ليبيا .................؟