دعوه للتغيير....تعالوا نوضح وجهات النظر

من طرف قلب برئ الخميس مارس 03, 2011 8:12 am

https://shabab-e3lam.alafdal.net/t5936-topic#26371

تعالوا نوضح وجهات النظر

اولا مليار مبروك للثورة وللى حققوا شباب مصرماهى المليار بقت لغه عاديه جدا دلؤقت فلازم ابارك باللغه السايده

ثانيا تقريبا كده الحياة اثبتت ليا ان اللى فى طبع صعب كتير يتغير وان اللى بيخانق دبان وشه زى ما بيقولوا بيفضل طول عمره يخانقوا

بس الدين مش بيقول كده ابدا
الدين بيقول ان الانسان بيبقى كافر وبعدين يبقى مسلم ومن اهل الجنه كمان

طبعا انا ابدا ومستحيل اكون باقصد حد بكلامى لكن باتكلم عن نفسى بالتقريب علشان ما تبقاش قضيه وتبقى اشكاليه جامده

الاهم ادخل فى الموضوع

المهاجمين للثورة زى ما بيسموهم المؤيدين ليها
والى كانوا ضد الثورة وبيقودوا دلؤت سيناريو الثورة المضادة
برده بالنسبه لوجهة نظر الثوار

والثوار اللى هيضيعوا البلد وهيودوها ف داهيه
من وجهة نظر منتقدى الثورة
والثوار اللى ضيعوا الانجازات وخلوا الاقتصاد ينهار والبلد بتخسر كل يوم ملايين
برده من وجهة نظر الثوار

اعتقد ان لم اكن مخطئه ان ديه وجهة نظر كل طرف فى التانى

مش عارفه هنفضل كده لحد امتى
لحد ما الغرب يضحك واحنا بنضيع انجاز انعم ربنا علينا بيه بايد شباب ما تخيلش حد ابدا انه يكون بفضل الله سبب فى كده
ولا لحد ما فعلا يتحقق نموذج الثورة المضاده وتضيع البلد
ولا لحد ما ينهار اقتصادنا ونبقى محتاجين عشرات السنين لاعاده هيكلته

طب تعالوا نتكلم بالعقل
بالعقل
يعنى الكلام للعقلاء اللى هيفهموه اما غير ذلك ولا اعتقد ان لهم وجود فى المنتدى فالكلام مش ليهم طبعا

تعالوا نفسر وجهات النظر

1)الثوار وانصار الثورة
واللى انا ما كنتش منهم لانى ما كنتش اعرف اطلاقا انها ثورة وباعترف ان رؤيتى كانت قاصرة وانى كان اعتقادى انها مظاهرة وان السيناريو الاقرب لمصر لو استمر الوضع على ما هو عليه ان تتحول لما الت اليه الامور فى ليبيا وده كان تقدروا تقولوا قصور نظر للمرحله المستقبليه او عدم المام بالواقع المصرى او ممكن انا اسميه جهل

بالنسبه لهم ان الثورة كانت لازم تستمر علشان نحرر البلد من فساد كبير وصل للركب زى ما سماه بعض السياسيين ولازم نتحرر من قيود العار اللى اوحلت مصر فى برك الانحطاط فى كافه الاتجاهات سواء انحطاط مادى او خلقى او مهنى وحتى الكرامه انحطط جدااااااااا وده اللى اثبت شباب الثورة انه حقيقى بس للساسه اما ابناء مصر فهم يحتفظون بكل هذه الاشياء وان كانت غير معبر عنها لذا قامت الثورة للتعبير عنها بروح شديده التغيير لقطع رؤوس الفساد والقضاء عليهم حتى الانتهاء من اذنابهم وبكده نرجع لمصر كرامتها ونعيد مجدها بفضل الله

وعلشان ده يحصل كان لازم نقدم تضحيات سواء شهداء (نحسبهم ولا نزكيهم على الله)او خسائر اقتصاديه ووقف حال البلد زىـ ماكان الاعلام المصرى بيغنى ـ وان ديه حاجات وقتيه وضئيله جدا بجانب المكاسب الكبيرة اللى هتتحقق

ولازم نكمل المشوار علشان اللى بداناه عشان مجهودنامايروحش بلاش او حتى يكون تمنه هو حياتنا بعد الخمول اللى كان محتمل او ينشده بعض الكبار من الرؤوس السابقه

2)معارضى الثورة
واللى كانوا بيتناقص عددهم يوم بعد يوم خاصة مع انكشاف الحقائق واللى كنت انا منهم وباكد ده لانى ما كنتش ملمه بحقائق كتير واولها ان ديه ثورة

وجهة نظرهم كفايه كده واللى عملتوه كفايه وان شاء الله البلد هتتصلح كفاية الامن اللى ضاع والمليارات اللى خسرتها البلد خلينا نعيش بقى ونعمر اللى خرب كفايه خساير فى الارواح وان شاء الله الوضع هيتحسن
وكل ما يعدى يوم والاخبار تزيد يلتهب الوضع اكتر
خاصة مع التناقض التام اللى كان بين الطرح الاعلامى المصرى او بالاحرى الحكومى والطرح الاعلامى غير الحكومى
وطبعا بان جدا زيف الطرح الاعلامى الحكومى واللى الزيف ما كانش جديد عليه لانه اصلا مفقود الثقه فيه من ايام عبدالناصر والايهام الكبير باننا خلاص دخلنا تل ابيب وحررنا كل شبر فى فلسطين

يا جماعه خلينا نكون مؤمنين بان خلاص الثورة انتهت ونجحت بالفعل وما عدش فى مؤيد ومعارض لان كلنا بقينا فى سفينه واحده يا ننقذها يا نقعد نايد ونعارض لحد مانجرح جدرانها ونسقطها

ديه بلدنا احنا مش بلد الرئيس والوزير واحنا اللى لازم نختار الرئيس والوزير اللى يمثلونا وكفايه حرب كلاميه ملينا منها ماهى ديه اللى ضيعت البلد وغطت على الفساد ورموزة

خلينا نرجع ونقول كلنا مصريين واللى كان معارض الثورة يقول انا كنت معارضها لكن عرفت الحقيقه ودلؤت باشجع كل فرد فيها ايا كانت الحقيقه ودوره اللى عمله فيها حتى لو كان فى بيته لان ما اعتقدش ان فى مصرى ما كانش له دور فيها

كفايه تراشق بالالفاظ واتهامات هتودينا لورا وهتخلينا متخلفين بعد ما كنا ناس ناجحين

اعجب ما سمعت كلمه للشيخ حسان قال فيها انه قرا كلمة لرئيس امريكى سابق قال فيها عجبا للمصريين انهم ينهبون طوال هذه السنين ومازالوا حتى الان باقين

لو كملنا حياتنا اتهامات وخصامات وهيكملوا هما نهب وسرقه فى مصر وبرده هنفضل عايشين لكن مذلولين وكلنا اسى على ثورة ضيعناها بسبب تراشق بالكلام

اول حاجه بتضيع الامم الاختلاف
قال تعالى ولا تنازعوا فتفشلوا وتذهب ريحكم
قال تعالى واعتصموا بحبل الله جميعا ولا تفرقوا

يا جماعه الغرب مفترق فى كل شئ لكن مجتمع فى الاتحاد الاوروبى
بلاد الغرب تعلمت من مستشرقيه ان الامه العربيه خير خيار لها هو فرق تسد علشان كده عملوا سايكس بيكوا عندنا وراحوا عملوا عنهم الاتحاد الاوروبى

نحن نتفق فى كل شئ لكن لا نجتمع فى اى شئ
والسبب خلافنا المستمر فى كل شئ
اصرار كل واحد على رايه

الوصول لدرجة التقاتل من اجل ان يبقى كل فرد فينا هو الراى السائد
رغم اننا لو بصينا عليها بموضوعيه هنلاقى انه لا مشكله فليختلف معى من شاء ولكن لنبقى احباء وليطبق كل منا رايه ولتثبت لنا الايام من منا كان على صواب ومن كان على اخفاق

الاسلام علمنا ان من اجتهد واصاب له اجران اجر الاجتهاد واجر الصواب وان من اجتهد واخطا له اجر الاجتهاد

يا جماعه كفايه ضياع .........كفايه اتهامات......كفايه نقاشات هدامه
خلونا نبقى ايجابيين شويه بقى علشان نبنى بلدنا ونعمرها

خلينا نقول لها والله انك لاحب بلاد الله الينا والى قلوبنا
اللى يحب بلده بجد يعليها ويبنيها علشان حتى لو ما لحقش يفرح ويعيش فى اللى بناه يكون عمل ليها مجد يعيش ابنائه واحفاده فيها
اللى يحب بلده بجد يدور فى الوقت ده على كل ايجابى وينميه ويشوف اى سلبى وينحيه ويقضى عليه

خلينا نعيش ايام احلى خلونا جيل جديد بجد
خلوا فكرنا يرقى عن كده
خلونا نعمر بلدنا ونكون من اللى استثمروا الثورة حتى لو ما شاركناش فيها
خلونا نستثمر كل خير لبلدنا مش نحاربه ونحارب بعض كمان

خلونا نعيش احلى حياة على احلى الاوطان واغلاها

اسفه على الاطاله

محبــــــــــة مصـــــــــــــــر

من طرف السيد اسماعيل الخميس مارس 03, 2011 11:58 am

كلنا بقينا فى سفينه واحده يا ننقذها يا نقعد نايد ونعارض لحد مانجرح جدرانها ونسقطها

احسنتى

من طرف الملاك البرىء الخميس مارس 03, 2011 3:17 pm

فعلا عندك حق أشكرك على الموضوع الاكثر من رائع

من طرف elhour الخميس مارس 03, 2011 3:27 pm

كلامك جميل اوى وصح..
بس علشان زى ماقلتى مجهودنا مايروحش بلاش..
او حتى علشان نعمل زى بتقولى نعيش،،نعمر،،نستثمر،،
ما عدش ينفع نسكت على حاجه بمعنى اصح على الظلم اللى بنشوفه او االى شوفناه ولسه زى ماهوه
الثوره غيرت حاجاات وناس.. لكن لسه فى ناس عمرها ما هتتغير
باختصار الجامعه اللى انا بقولها دلوقتى مش عنت هقدر اسكت على الظلم اللى بشوفه او بنشوفه كلنا من يوم ما دخلناها فى كل حاجه ونسكت ونقول هوه احنا بس ما كلنا كده
وعلشان مش احنا بس يبقى مش لازم نسكت
يعنى من الحاجات دى التصحيح اللى ما فيش حد بياخد حقه خالص فيه وده من اول سنه ليه فالجامعه وسكتنا وعديها والاغلبيه يقولوا "المهم نعدى من غير مواد"طيب وبعدين
كل حاجه كان نفسنا نحققها فالجامعه دى همه دمروها بظلمهم لينا واحنا ساعدنهم بسكوتنا
لما حد مش يحل فالماده ويجيب تقدير وحد تانى بيذاكر وطالع عينه وابحاث وشيتات وكل حاجه ممكن يعملها ويكوموا بمقبول..ده يرضى مين...انا ليه ما بشوفش حد يجيب امتياز وطلبه كتير تستاهل ده بالكتير اوى جيد جدا ولغوا امتياز من التقديرات هوه حرام
ولما نيجى نتكلم يقولوا اكشفوا عالورقه وادفعوا ميت جنيه ..اه ندفع علشان ناخد حقنا ده لو خدناه يعنى
بس احنا طلعنا خايبين ..لنا بتوع الاعداديه لاقوا نفسهم اتظلموا فالعربى عملوا ايه ،،مظاهره بسيطه وهيعملوا اعاده تصحيح للماده .
شوفوا بئه يابتوع الجامعه يا اعلاميين انتو خدتوا عالظلم وسكتوا ...هما مش سكتوا
هسأل سؤال بس احنا اقل منهم؟
ومش تصحيح وبس حاجااااااااااااااات كتييييييييييير وبرده ساكتين خليكوا ساكتين فى الوقت اللى حاجات ما بتتكلمش اتكلمت..

من طرف الملاك البرىء الخميس مارس 03, 2011 3:31 pm

الجامعة دى موال كبير جدا ومحتاجة إصلاحات جامدة من رأييى مفروض نعمل مظاهرة على اللى بيحصل

من طرف elhour الخميس مارس 03, 2011 3:34 pm

ايــــــــــــــــــــــــــــــــــــــــــــــــــــوه...انا مستنيه الكلمه دى..وده رأيى ..ونفسى اعرف باقى الاراء..لكن للاسف عارفاها سلبيه سلبيه سلبيه..امتى هتتغير ..مافيش وقت نقول مش لينا فالمظاهرات ...

من طرف الملاك البرىء الخميس مارس 03, 2011 3:48 pm

والله نفسى أقولها من زمان بس خايفة من رد الفعل ليكون سلبى زى ما قولتى والوزير الجديد بيقول هيعمل تغييرات واسعة فى الجامعات وفى اتحادات الطلاب
بس بردوا مش معقول يكون فى قسم الاعلام كام دكتور فقط ومعظم الدكاترة يمشوا ومش لاقيين دكاترة تانيين لو كانوا بيعينوا من زمان دكاترة مكناش لقينا أى عجز دا غير الاحجات التانية

من طرف elhour الخميس مارس 03, 2011 4:04 pm

اه ماهو مش بيدوا حد تقديرات كويسه علشان ماحدش يتعيين
وانا معاكى حتى لو انا وانتى بس

من طرف الملاك البرىء الجمعة مارس 04, 2011 11:52 am

شكرا يا قمر

دعوه للتغيير....تعالوا نوضح وجهات النظر

دعوه للتغيير....تعالوا نوضح وجهات النظر

رد: دعوه للتغيير....تعالوا نوضح وجهات النظر

رد: دعوه للتغيير....تعالوا نوضح وجهات النظر

رد: دعوه للتغيير....تعالوا نوضح وجهات النظر

رد: دعوه للتغيير....تعالوا نوضح وجهات النظر

رد: دعوه للتغيير....تعالوا نوضح وجهات النظر

رد: دعوه للتغيير....تعالوا نوضح وجهات النظر

رد: دعوه للتغيير....تعالوا نوضح وجهات النظر

رد: دعوه للتغيير....تعالوا نوضح وجهات النظر