كل واحد يدخل يقول مطالبه من الكلية

من طرف الملاك البرىء الخميس مارس 03, 2011 3:53 pm

كل واحد يقول عايز يغير أيه فى الكلية لتكون أفضل أو على مستوى الجامعة ككل

ونمشى على الحكمة اللى بتقول ابدأ بنفسك

ونغير نفسنا وبالتالى المجتمع كك يتغير

مستنية ردودكم

من طرف elhour الخميس مارس 03, 2011 5:07 pm

عايزه ايه
اممممممم
عايزه حقى فى السنين اللى فاتت من الجامعه
عايزه ورقى يتصحح بما يرضى الله واخد حقى كامل
عايزه الدكاتره يرحمونا من الكتب اللى بيستنفزونا بيها
عايزه الدكاتره يحترموا محاضراتهم يعنى مش يبقى عندنا محاضره واحده والطلاب جايين مخصوص والدكتور مش يجى
عايزه الدكتور يتعامل مع الطلبه كأنه ابنه او بنته مش عدو عايز ينتقم ويحط امتحان يا أنا ياهما ومش كل لما احد من الطلبه يعمل حاجه عايز يعاقب الدفعه كلها ويقول الحسنه بتخص والسيئه بتعم
عايزه احس بتشجيع وتحميس الجامعه ليه لمستوى افضل
عايزه اعرف اتحاد الطلاب بيعمل ايه او المفروض يعمل ايه
عاوزه بتوع الشؤون يتعاملوا مع الطلبه كويس او حتى يقوموا بشغلهم اللى بيخدوا عليه مرتب مش علشان نخلص طلب يطلعوا عينينا يعنى انا مثلا اسمى فيه غلط والى الان مش عارفه اصححه
عايزه استفاد من الجامعه بجد علشان لما اخلص احس انى استفدت بجد
عايزه كل واحد ياخد اللى يستاهله من غير واسطه ومحسوبيه مش علشان اخد حقى او حتى اخد حق مش حقى ادور على وسطه او حد اعرفه
عايزه يتعملوا او حتى ينظروا للطالب الجامعى بشكل احسن من كده
...........
كفايه كده دلوقتى

من طرف YUSEF_HAMZA الخميس مارس 03, 2011 8:02 pm

والله انا كنت ناوى افتح الموضوع ده للنقاش لانه الاهم دلوقتى
فجزاكى الله خيرا

واتمنى ان المطالب اللى هقولها دلوقتى تناقشوها وتعدلوا فيها من وجهه نظركم وتزودوا عليها

انا يمكن مطالبى قالوها ناس كتير بس انا زودت عليهم مطالبى
واتمنى تعدلوا فى التفاصيل

اولا)-من وجهه نظرى المتواضعه لا يمكن التغيير من قسم الاعلام قبل التغير من الكليه نفسها قبل التغيير من الجامعه اولا..
_اذا كانت رموز الفساد والحزب الوطنى قد تم التخلص منها"فما زالت زيول الحزب الوطنى موجوده فى اماكنها تحاول بالوعود بالاصلاحات بالتغيير بالاعتراف بالثوره والشباب ان تبقى فى سطلتها حتى نهايتا المحدده"
اطلب من كل من"رئيس الجامعه_عمداء الجامعه كافه"بتقديم استقااااااااالتهم...وترك جامعتنا لنا ننتخب من يرئسنا ويدير مصالحنا ويرعاها ومن نأتمنه على ان يكون عميدنا"

ثانيا)_بالنسبه للحرس الجامعى اطلب بأن يزوووول هذا الحرس الحكومى تماما والذى شهدنا له فى العديد من الوقائع بالخسه والظلم والاعتداء على الطلبه.....وان يتم التحقيق فى الشكاوى المقدمه من الطلبه ضد الحرس ومعاقبته بما يستحقه.

ثالثا)_ان يتم تعيين رؤساء الاقسام بالانتخاب التام من طلبه القسم نفسه واساتذته..

رابعا)_بالنسبه للجانب العملى من الدراسه واهميته الكبرى التى تغاضى عنها التعليم عامه فى مصر..ولم نرى منه سوى معدات يمنع استخدامها من قبل الطلبه "لانها عهده"..
_ يجب توفير المعدات العمليه للطلبه بشكل حقيقى فى كل الكليات وخاصه العلميه منها..

*خلق شئ من التواصل الفكرى العام بين طلبه الجامعه كافه..عن طريق نشاطات يقوم بها الطلبه كل فى مجال دراسته ...بمعنى..
فيما يخص اداب اعلام....
_إنشاء استوديو اذاعى داخل كليه الاداب يقوم فيه طلبه الاذاعه بالتدريب وانشاء البرامج الاذاعيه واستضافه الاشخاص التى يريدها الطلبه من الجامعه للمناقشه"عميد الكليه_رئيس اتحاد الطلبه_موظف بالكليه_طالب عادى"....على ان تكون هذه الذعه متصله بباقى الكليات بالجامعه عن طريق سماعات فى اماكن معينه
فى الكليات يستطيع من يريد سماعها انا يسمعها..
_إنشاء جريده جامعيه يكتب فيها طلبه"الصحافه"..وتوزع على مستوى الجامعه بسعر رمزى..

_تخصيص رحلات علميه"شهريه او نصف شهريه"مجاااااانيه للطلبه فى مختلف الاقسام والكليات..

خامسا)_بالنسبه للمصيبه الكبرى التى تدعى ب"إتحاد الطلبه" والذى لاينتمى ولا يمس الطلبه بشئ سوى "الاسم"
_يجب اقاله اتحاد الطلبه الحالى...والتحقيق فى الشكاوى الموجهه اليهم..ومحاسبتهم على الاموال التى استنزفوها...
_انشاء اتحاد طلبه جديد مبنى على اسس وشروط يتفق عليها الطلبه والاساتذه لكل كليه..بما يحقق للطلبه حقوقهم السياسيه والفكريه

سادسا)_بالنسبه للمحاضرات
_يجب فرض عقوبه ماليه لا يتهاون فى سدادها على كل من
الطلبه التى لا تحترم محاضراتها ولا اساتذتها بعدم غلق الهواتف المحموله اثناء المحاضره...وفرض عقوبه اكبر على المتجاوزين من الطلبه اولائك المستهترين المستهزئين بالاساتذه وبزملائهم..بتشغيلهم اغاااااانى داخل المحاضره...
_الالتزام التام من الاساتذه الكرام بمواعيد المحاضرات والحضور فى الموعد المحدد للمحاضره ومراعاه الطلبه التى تسافر من بلاد بعيده لحضور هذه المحاضرات..

_تحديد المنهج الدراسى فى بدايه السنه لطلبه كليه الاداب..والالتزام بهذا المنهج فى كتابه المتحانات..

سابعا)_تشكيل لجنه مخصصه للنظر فى الشكاوى العامه للطلبه...سواء فى الامتحانات او الاسعار المبالغ فيها لاسعار الكتب الدراسيه او احد موظفى الجامعه او غيره...

_بالنسبه للكتب واسعارها فيمكن ان يوضع سعر محدد لها يناسب امكانيات الطلبه ومطالب الدكاتره"اى بما يتفق عليه من قبل الطرفان"

ثامنا)_وهذا طلب انسانى
_انشاء صندوق مالى لجمع التبرعات الماليه لمساعده الطلبه زوى الحاجات الخاصه والطلبه زوى الامراض المزمنه للمساعده فى علاجهم
ولحل الازمات الماليه لبعض الطلبه

سابعا)_توفير الجامعه مبنى خاص لاهداف معينه مثل تنفيذ المشاريع الصغيره للطلبه واقامه معارض لهذه المشاريع او تسويق الانتاج الخاص بهم

ثامنا)_أنشاء مكتبه خاصه بكل كليه...ليس لقراءه الكتب..ولكن لصناعه المذكرات والتلخيصات والامتحانات ...التى يبحث عنها الطالب خارج الجامعه من مكتبات لا تلخص ولا تشرح وانما تقوم بعمليه"قص ولزق" للكتب الدراسيه...على ان يقوم بعمل هذه الملخصات الطلبه انفسهم..وتكون بسعر ارخص ينافس المكتبات الخارجيه..

تاسعا)_عدم السماح بدخول موزعى الاعلانات والمذكرات داخل المدرجات والجامعه نفسه..
_عدم السماح بدخول الاطفال المتسولين "ليس لكونهم متسولين ظلمو من المجتمع"..ولكن لاحترام الحرم الجامعى ومكانته العلميه
وانه ليس بالمكان المناسب لمثل هذه الاقوال.."مناديل... يا ابله..مناديل يا بيه.."شكرا مش عايز"...طب ربع جنيه.."

عاشرا)_حق اختيار الطلبه لدعوه شخصيه ما...للحضور الى الجامعه ومناقشه الطلبه فيما يريدون...

حادى عشر)_المحافظه على نظافه الجامعه والعمل على تجميلها سواء بالنظافه او الرسم التشكيلى على بعض الاماكن فيها او بتجديد الحدائق وما الى ذلك.....ومعاقبه كل من يساعد على تخريب هذه الاعمال والخروج عن الاداب العامه...

دى بعض المطالب ليا واكيد لمعظمكم

اتمنى المناقشه فى هذه المطالب وعرض اوجهه النظر المؤيده والمعارضه للتفاصيل التى بها

شكرااااااااا

من طرف هداية الرحمن الجمعة مارس 04, 2011 12:12 am

انا مطالبى زى مطالب واراء الحور بالظبط
لكن هل يوجد امل فى تحقيقها ؟؟؟

الأهداف التى أراها من وجهة نظرى المتواضعه واسمحوا لى أبنائى بالتدخل معكم
وهى تخص مصر عامة وليس كلية او جامعه فقط
وهى كالآتى :ـ
الأهداف

1- أن يتم تفعيل مبدأ العداله الاجتماعيه والمساواة فى مناخ حر وديموقراطى يتيح تكافؤ الفرص

2- أن يتم غرس مبادىء الوحده الوطنيه بين نسيجى الأمة وتفعيل الدين لله والوطن للجميع

3- اطلاق حرية المعتقد والاعدام بشرط ان تكون حرية مسئوله لا تضر بالآخرين

4- الحد الأقصى للأجور لا يزيد عن عشرين ألف جنيه للقيادات السياديه ورؤساء الأقسام
والمحافظين ..... الخ بدلا من المليونات التى تسرق فى صورة رواتب

5- أن يتم تفعيل حد الكرامه والقضاء على التفاوت الرهيب فى الأجور وعدم تمييز جهة على جهة
اخرى فالكل متساوى مع مراعاة تقارب سقف الأجور بين الدرجات الوظيفيه بفارق لا يزيد عن 1/10
من المرتب مثال: موظف على الدرجة الثالثة السنه الأولى 100ج وآخر على الثانيه السنه الأولى 110ج
بحيث اذا وصل مرتب الأول فى اخر سنوات درجته 1000ج يكون الثانى فى نفس الفترة الزمنيه 1100

6- اعادة هيكلة المعاشات واعطاء المعاش لمن يستحقه

7- المحافظه على اموال المعاشات واستثمارها استثمارا مضمونا وتوزيع العائد على اصحاب المعاشات

8- الاهتمام بالتعليم واعادة هيكلته بداية من المبنى والمنهج والتلميذ والمعلم

9- الغاء جهاز محو الأميه وتوجيه الأموال التى تنفق عليه على التعليم لأنه مشروع فاشل

10- تفعيل دور الجهات الرقابيه بقوانين عادله تسمح بمراقبة عادله على المواد الغذائيه والصناعيه
المستورده والمصدره والمصنعه من حيث الجوده وعدم اضرارها بالجسد المصرى

11- عمل حمله قوميه جاده للتخلص من الأمراض الفيروسيه وعلى رأسها فيروس c
الكبدى الوبائى ويعتبر مشروع قومى حتى نعيد للشعب عافيته مما يعود بالخير على الانتاج
والنمو الاقتصادى

12- توفير فرص عمل حقيقية تنظمها قواعد سليمه او بدل بطاله لمن لم يصبه الدور فى التعيين

13- قتل منافذ الرشاوى والفساد

14- اتاحة الفرصه لجميع أبناء الشعب لشغل المناصب السياديه والالتحاق بالكليات العسكرية
والشرطيه دون التفرقه العنصريه التى كانت تحدث إبان النظام الفاشى الفائت بمعنى
ابن الغفير مثله مثل ابن الوزير

15- وضع مساحة سنية معينه لمن يتولون المناصب القياديه كالوزراء والمحافظين ورؤساء المجالس
والمحليات بحيث يبدأ من 45 الى 60 سنه ولا يشغل المنصب ويستمر فى نفس المكان اكثر من خمس سنوات

16- الغاء ما يسمى بالأمن المركزى " اليد العمياء " التى كان يستخدمها النظام القذر
لقمع الأحرار وتوفير الأموال التى كانت تصرف عليه وكذلك الغاء جهاز ارهاب
الدوله المعروف باسم أمن الدوله لإبان النظام الفاسد وتوفير الأموال التى كانت
تنفق عليه

17- الغاء سلاح الحرس الجمهورى والذى كان يحمى الفاسدين وتوفير ما كان ينفق عليه

18- التحقيق فى كل البلاغات التى دفنت وتم من خلالها اهانة افراد الشرطه لأى فرد من الشعب
وعزل كل من يثبت ضده اى اهانه ارتكبها ضد اى مصرى سواء كان مسلما او مسيحيا او لا يعتنق دين

19- تنقيح جهاز الشرطه من المتسلطين والفاسدين وتوطيد العلاقة بين الشعب والشرطه النظيفه
مع جعلها هيئه مدنيه لتنفيذ القانون وحماية الشعب دون تسلط او تجبر حتى لو كان المتهم قاتلاً
لا يجوز لرجل الشرطه ان يصفعه على وجهه او قفاه

20- تأمين وتشجيع رجال الأعمال الشرفاء وتسهيل اجراءات الاستثمار

21- تفعيل دور مصر العربى فى جو يسوده الحب والإخاء

22- ملاحقة ومقاضاة من يسىء لأى مصرى بالخارج سواء بالقول او بالفعل واعتبار ذلك اهم
اعمدة الكرامه المصريه

23- تطوير السياحه ودعمها سواء كانت داخلية او اجنبيه

24- تفعيل اتفاقية السلام وعدم الاعتداء على الآخر طالما لم يعتدى علينا

25- استرداد اموال الشعب المنهوبه سواء كانت فى اصول عقارية او نقديه

26- اعادة الشركات الكبرى الأهليه الى الشعب كشركة الاسكندرية للحديد والصلب وعمر افندى
وما شابه ذلك

27- اعادة شركات صناعة السيارات الأهليه

28- ايقاف تصدير الغاز الى اسرائيل ليس لكونها اسرائيل ولكن لسعره الضئيل وحاجة البلاد اليه

29- اطلاق حرية التصرف للمسئولين كل فى مجاله مع محاسبة المخطئين وانزال اشد العقاب بهم

30- ضمان الحياة الكريمه لذوى الاحتياجات الخاصه من مسكن وملبس ومأكل

31- التوسع فى زراعة القمح وتشجيع الفلاح وشراء المحصول منه بالسعر العالمى

32- استعادة مكانة القطن المصرى العالمية

33- فسخ جميع عقود بيع الأراضى والمنشآت الفاسده التى تمت بين النظام السابق وآخرين

34- استعادة كل الآراضى التى سرقت تحت ستار البيع بأبخس الأثمان

35- ترشيد الانفاق على المسئولين ومكاتبهم لأقصى درجة

36- الشفافيه التامه وعدم تضليل الشعب من خلال الاعلام مع تغيير وعزل كل اعلامى فاسد

37- بدل من عمل خطوط مترو انفاق وكبارى وصرف مليارات لا جدوى منها يتم توجيه هذه الأموال لانشاء مجتمعات عمرانيه متكامله
38- التوسع فى انشاء الطرق وصيانتها والزام من أنشأ شيئا وسرق منه ان يعيده كما ينبغى

39- اقامة نصب تذكارى لشهداء الثورة بميدان التحرير مع تجميل هذا الميدان ووضع بعض القطع الأثريه المهمه به وجعله مزارا سياحيا وقوميا

40- الاهتمام بالصناعه المصريه ومراقبة صناعة الدواء مراقبه جاده وفعاله واقصاء الفاسدين به

41- اعفاء المشروعات الصغيرة كصالونات الحلاقه ومحال البقاله وورش المهن الحرة خاصة المتواجده بالأرياف من الضرائب الباهظه

42- تحرير صناعة الخبز بجميع انواعه واتاحة الفرصه لكل من يريد انشاء مخبز دون تعقيد
لخلق جو من المنافسه فى هذه الصناعه حتى يأكل المصرى رغيفا جيدا وغلق الأبواب على
المفسدين من باعة دقيق الخبز بالسوق السوداء وسار فيه واعطاء الدعم نقدى للشعب بمعيار سليم

43- الغاء القوانين التى عفا عليها الزمن والتى عادت لا تصلح مثال: موظف له حق لا يأخذه الا برفع قضيه هذا عبث واهدار للمال العام

44- تنفيذ القوانين على كل فئات الشعب من مستوى رئيس الجمهورية الى ادنى مستوى الكل سواء امام القانون

45- تنفيذ الأحكام القضائيه التى صدرت واوقفها النظام الفاسد كالحرس الجامعى

46- العمل على التطوير والتحديث وعدم الوقوف فى وجه كل جديد ما دام ذلك لا يؤثر على المضمون مثال : تغيير اسم كليات التمريض الى كليات الطب الادارى

47- الاهتمام بالصرف والرى الخاص بالأراضى فى ظل مراقبه حكيمة وقيادات شرفاء ذوى اياد بيضاء

48- استقطاب العلماء المصريين الذين طردهم النظام السابق والاستفاده من علمهم

49- تنفيذ مشروع د/فاروق الباز الظهير الصحراوى

50- الاهتمام بالطاقه من حيث التطرق الى المصادر الحديثه كالمفاعلات النوويه

51- تفعيل دور اجهزة البحث العلمى من خلال ادارات جاده والاهتمام بالمبتكرين والمخترعين وتفعيل الملكيه الفكريه ...... وطبعا أحب اشوف تعليقاتكم على المقترحات دى

واتشرف بزيارتكم المنتدى الخاص بى www.elshaerredaabdelaziz.yoo7.com
او زيارة صفحتنا عالفيس بوك https://www.facebook.com/group.php?gid=144690885541646

من طرف أحمد عادل الجمعة مارس 04, 2011 1:26 am

اه موضوع رائع ومهم ياملاك برئ
ويوسف حمزة ماشاء الله فعلا ده اللى كنت هقوله
رئيس الجامعه والعميد بره
واسعار الكتب فعلا اراء ممتازة ده عموما
فى حاجه فاسلوب الدراسه بقى نفسها
اننا نبقى عارفين المنهج ومانستناش لاخر محاضرة عشان يلغى الدكتور ويحدد

من طرف الملاك البرىء الجمعة مارس 04, 2011 11:50 am

أشكركم على المرور وأشكر الاستاذ الشاعر رضا عبد العزيز بس حضرتك لازم البيئة تبقى نضيفة عشان ميرجعش الفيرس من تانى وخاصة المياه

أن شاء الله المطالب دى توصل ونتفق كلنا إزاى نوصلها

لكن بداية تحبوا نوصل المطالب دى لمين
لوزير التعليم أم للرأى العام أولا

من طرف YUSEF_HAMZA الجمعة مارس 04, 2011 1:31 pm

شكرا..الشاعر رضا عبد العزيز
انا طبعا شوفت الاهداف بتاعت حضرتك للتطوير فى مصر وابديت اعجابى بها فى منتدى حضرتك..
لكن اتمنى حضرتك تفكر معانا فى اهداف للتطوير من الجامعه اللى بتخرج
الشباب اللى بيغير ويطور من مصر..لانه لازم يتخرج من الجامعه عارف طريقه واهميته فى بلده من خلال دراسته الصحيحه فى الجامعه.

للملاك البرئ....الراى العام لا يحتاج لمعرفه مطالبنا لانه بالفعل يعلمها ويشعر بها من خلالنا...بالتالى اعتقد ان مطالبنا لازم تتوجه لوزير التربيه والتعليم.....مع الاصرار على تحقيق مطالبنا..

من طرف elhour الجمعة مارس 04, 2011 7:17 pm

طيب كويسه اوى الاقتراحات والمطالب والاهداف دى
ويا ملاك المطالب دى لازم توصل لوزير التعليم بس ازااى؟

من طرف الملاك البرىء السبت مارس 05, 2011 2:37 pm

بكرة فيه مظاهرة إحنا نكتب هذة المطالب على لوحة ونصور المظاهرة والمطالب وننشرها على اليوتيوب وعلى موقع رئيس الوزراء الجديد موافقين

من طرف بنت الشاطئ السبت مارس 05, 2011 7:15 pm

و انا كمان بتفق مع الكابتن يوسف حمزة فى كل اللى قاله
ولازم نعمل عريضة بالمطالب دى
علشان يكون لينا اهداف محددة نطالب بيها

وكمان عاوزين نحدد اليوم المعين والمكان المعين اللى اعتقد هيكون امام مبنى الرئاسة علشان المظاهرة تبقي منظمة و كلنا نبقي لكيد موجودين

من طرف YUSEF_HAMZA السبت مارس 05, 2011 8:41 pm

انا هقول رأيى فى موضوع المظاهرات ورزقى على الله....

بصراحه...
انا ضد اى مظاهره تطالب بتطوير الجامعه حاليا...

المظاهره الوحيده اللى بأيد ضروره قيامها حاااالا...هى اللى بتطالب برحيل كل من"رئيس الجامعه_العميد_اتحاد الطلبه)
وانتخاب من يخلفهم...

اما باقى المطالب...فممكن تتبعت للوزاره فى الوقت الحالى فى صوره ايميلات او غيره...ونأجل المطالبه بيها فى شكل مظاهرات اذا لم تنفذ... لحين تغيير رئيس الجامعه والعميد اللى هنختارهم...واللى اكيد هيحققولنا المطالب دى
ولحين استقرار البلد امنيا وماديا....
لانه حراااام يكون موجود فى كل مكان مظاهرات واعتطامات واضلاابات تطالب بحاجات مختلفه وصعب تحقيقها فى الظروف المنيله اللى بلدنا بتعشها....

انا مش هوضح وجهه النظر دى اكتر من كده لانكم لو مش متقبلنها يبقى مالوش لازمه انى اتكلم فيها اصلا

وكل واحد اكيد ليه وجهه نظره اللى ممكن مع الوقت ومع الحقايق اللى بكره تظهر انها تتغير...

كل واحد يدخل يقول مطالبه من الكلية

كل واحد يدخل يقول مطالبه من الكلية

رد: كل واحد يدخل يقول مطالبه من الكلية

رد: كل واحد يدخل يقول مطالبه من الكلية

رد: كل واحد يدخل يقول مطالبه من الكلية

الأهداف التى أراها من وجهة نظرى

رد: كل واحد يدخل يقول مطالبه من الكلية

رد: كل واحد يدخل يقول مطالبه من الكلية

رد: كل واحد يدخل يقول مطالبه من الكلية

رد: كل واحد يدخل يقول مطالبه من الكلية

رد: كل واحد يدخل يقول مطالبه من الكلية

رد: كل واحد يدخل يقول مطالبه من الكلية

رد: كل واحد يدخل يقول مطالبه من الكلية