}} حذير لكل بنت مهم جدا {{

نظرا لتعدد حالات الاختطاف وفى ظل الظروف الحاليه يرجى عمل الاتى:
1-متركبيش تاكسى لوحدك ابدا ولا الصبح ولا بليل لاى ظرف
2-المكروباصات متركبهاش وتكون فاضيه او كلها رجاله لان حصل اختطاف من مكروباصات وكانت ماشيه فالخط لكن الركاب كانو تبع السواق .
3-متمشيش لوحدك فالشوارع الجانبيه سواء الصبح او بليل..وطبعا الشوارع الخاليه من الماره ابعدى عنها تماماااااا
4-رجاء رجاء رجاء مش هقولك عشان خاطر ربنا بس هقولك عشان خاطر نفسك انتى مش حد تانى اتخلى شويه عن اللبس الضيق واى حاجه تظهر او تبرز حاجه من جسمك...معلش استحملى شويه وتعالى على نفسك الفتره دى
5-البنات اللى بتروح دروس او كورسات بليل حصل حالات اختطاف من هناك ياريت لو ابتدائى او اعدادى او حتى ثانوى حد يوصلها ويروح معاها من اهل بيتها
6-حاجه مهمه جدااا بقى لازم تتعمل..لازم كل واحده تكون حاطه معاها حاجه فشنطتها حمايه ليها(صاعق كهربائى-اسبراى اللى بيتحط فيه الشطه-لو مش عارفه تشتريه اعمليه انتى فالبيت اشترى ازازه برفان بتاعت التركيب من اى محل واعملى انتى المكونات وتكون طبعا حاميه جداا-لو مش عارفه تشترى او تعملى حاجه من الحاجات دى ولو وصل الامر حطى اى اسبريه من الحاجات بتاعت الحشرات والله مش بهزر لان التركيبه بتاعتها مؤثره برده-اى وسيله لازم تبقى معاكى فالشنطه)
وتكونى مستعده فاى وقت وفاى لحظه ومتخافيش محدش هيفتشك ولا هيقولك افتحى شنطتك
7-بالنسبه للتاكسيات تانى متركبيش مع تاكسى ويكون فيه واحده راكبه معاه لانها فالغالب بتكون تبعه
8-الناس اللى بتسافر سواء رجاله او ستات بقى حصل ان بيلاقو عالطريق حد مرمى قدامهم فبينزلو يشوفوه وفجاه يتلاقو ناس طلعت من الجنب ياريت تخلى بالكو كويس اوى
9-اخيرا طبعا النصايح العاديه محدش يقولك شيلى دى او ساعدينى فدى او تعالى
امسكيلى حاجه الخ الخ الخ

ربنا يحميكو يارب ويحفظكو من اى شر واى سوء

واللى عنده اى نصيحه تانيه ياريت تقولوها وانا ازودها

جزاكى الله خير
ربنا يسترها

اللهم أمين يارب العامين ربنا يسترها معانا كلنا إن شاء الله

جزاكى الله كل خير وربنا يسترها
بس هو خلاص الدنيا مش بقى فيها امان للدرجه دى

هنعمل إية لازم ناخد بالنا يابنات لحد لما ربنا يعدى الفترة دى علي خير

ايه اللى بيحصل دا فى ناس كدا فى الدنيا دلوقتى مفيش اخلاق ولا احترامى ربنا يستر علينا وعلى امه محمد جميعا ان اشاء الله وميرسى ليكى يا قمر على النصايح

للأسف يامشمشة في ربنا يستر على بنات مصر كلها

يا رب ان شاء الله

ازيكو يا جماعه متقلقوش والله لسه فى امان.......................انا رحت من الشرقيه للميدان وكنا بنات لوحدنا والله ما حد علق بكلمه واحده ...................متقلقوش وارجوكو متخوفوش الناس بكلمكو ده.......................يعنى لما كان فى الظباط هما يعنى كانو بيحمو البنات ولا العسكرى يعمل نفسع مش واخد باله ان حد بضيقك..................................ان شاء الله ربنا هيحفظنا وانا معاكو ان الاحتياط واجب بس مش لازم نخاف ولا نخوف اى حد.

صدقينى يامحجبه احنا مش بنخوف البنات بس دى وقائع حقيقيه حصلت بتحصل وعلى فكرة مصر فيها امان كتير بس متسيش ان لسة فيها بلطجية برضو ويوم مرحتي الميدان البنات هنا كانت مستخبيه في بيوتها من البلجية اللى نزلوا عالبيوت وكنت انا منهم يعنى كل شئ فيه الكويس فيه الوحش والحذر في كل الأحوال مهم ومتشكرة علي إضافتك ياقمر

احنا مش بنخوف حد بس بنقول نحرص بس