ادخل وقول رايك

ماهو الحب؟
هل هوانتصار للقلب ام هزيمه للعقل ؟
هل هو بدايه ابتسامه ام مقدمه للدموع ؟
هل هو شك وثقه ام راحه وتعب؟
هل هو كقلب يقسمه اتنين ولا تعب قلب لواحد من الاتنين؟

في انتظار اجابتكم

تحياتي

ماهو الحب؟
هل هوانتصار للقلب ام هزيمه للعقل ؟
اكيد انتصار للقلب على العقل ، لاننا اذا ما استخدمنا العقل فى الحب مستحيل هنحب ، يبقى انتصار للقلب وهزيمة للعقل

هل هو بدايه ابتسامه ام مقدمه للدموع ؟
مقدمة خيانة
هل هو شك وثقه ام راحه وتعب؟
شك وثقة اكتر منه راحة وتعب
هل هو كقلب يقسمه اتنين ولا تعب قلب لواحد من الاتنين؟
تعب قلب واحد من الاتنين

فى الحقيقة انا مش هقدر اجاوب على اسئلتك امممممممممم لان حاليا ماعنديش اى اجابة
بسى لو يسمح لى السيد انى بس هعلق تعليق بسيط على جزء من رده

(هل هوانتصار للقلب ام هزيمه للعقل ؟
اكيد انتصار للقلب على العقل ، لاننا اذا ما استخدمنا العقل فى الحب مستحيل هنحب ، يبقى انتصار للقلب وهزيمة للعقل)

فى الحقيقة انا اختلف معاك لانى فى رايى ان الحب لا ياتى الا بعد اتفاق مسبق بين القلب والعقل على المحبوب
يعنى لو فى هزيمة هتكون الهزيمة للطرفين ولو فى انتصار فهو ايضا للطرفين

تقبلوا مرورى
ولكم خالص تحياتى

احتمال يكون كلامك صح
بس لو فيه الاتفاق ده يبقى ده الحب الامثل ، وتقريبا مش موجود فى الزمن ده

اشكرك على تعليقك على ردى

هو احنا لية دايما بنفترض السوء يعنى الحب الصادق نقول مابقاش موجود،، الطيبة لا دى مش فى زماننا طيب لية لو فضلنا نظن ان الحاجات الحلوة انتهت فعلا هاتنتهى لكن لو قلنا لا لسة فى حب مثالى ولسة فيه اصحاب حقيقين ولسة فيه ناس طيبين وبدانا نتعامل مع الواقع على هذا الاساس اكيد كل دة هيبقى موجود ولو مش موجود هينوجد من تانى لان باختصار احنا اللى بنوجد او بننهى هذه الاشياء من حياتنا .



اما موضوع الاتفاق فهو مش شرط يتواجد فى الحب الصادق انا اقصد ان اساس اى حب حتى وان كان حب وهمى او حب مؤقت فهو يقوم على الاتفاق اولا او اساس بداية الحب نبت الحب فى القلب هو العقل

اعتذر للاطالة

لما قولت انه مش موجود ، كانت بقول واقع
بس عمرى ما استسلمت للواقع ده
بمعنى ان الحب الصادق مش موجود ، بس هحاول وادور لحد ما الاقيه
بمعنى كلامك اوجده

لا الاتفاق شرط الحب الصادق ، لان لو فيه حاجة عكس كده ، يبقى وهم ويبقى مافيش اتفاق

امممممم انا مقلتش نستسلم لانه مش موجود انا قلت انه موجود فعلا ومش معنى انه فى حد مش وصل له يبقى مش موجود

ثانيا انا بتكلم عن الحب كلفظ شامل مش نوع من انواع الحب


اما عن موضوع الاتفاق فانا كنت اقصد ان اى احساس او اى حاجة بنحس بيها فالمخ هو اللى بيدى الاشارة لمراكز الاحساس فنبدا نحس يعنى كل اعضاء الجسم بتشتغل باوامر من العقل فمثلا لما انا ببدا احب شخص معين ايا كان هو مين بعد لقائى وتعرفى عليه سواء فى المرة الاولى او فيما بعد ذلك
بحب الشخص دة لانى وجدت فيه صفة او شىء معين انا شفته فيه خلال كلامى مع الشخص دة او موقف مثلا سواء انى كنت عارفة ان الحاجة دى مخزنة فى عقلى او لا بسى هى موجودة فى ذاكرتى فلما بشوفها بتتفق مع هو مخزن داخل عقل فببدا اتوماتك احس اللى هو احب
فممكن نسال حد انت بتحب الشخ دة لية يقولك معرفش هو مايعرفش لانه مايعرفش اية اللى كان مخزن فى عقله ولما شافه فى الشخص دة اتفق معاه ،، والعكس فى حد تانى يجاوب انا بحب الشخص دة عشان كذا وكذا لانة عارف الصفة او الشىء اللى شافةاو حسه ودة كان متفق مع احتاجاته المخزنه فى ذاكرته

وبكدة يبقى القلب بيحس بامر من القلب يعنى اتفاق مسبق يمكن بعد كدة يكتشف ان الحب دة وهمى لانه كان فى خطا ما او حب صادق ومثالى ودة يبقى الاتفاق كان سليم من البداية للنهاية
هو دة الاتفاق اللى انا اقصده.


اممممممممم انا معرفش انا كان رايى دة صح ولا لا وان كان العلم يؤيده ولا لا بسى انا بصراحة مقتنعة بيه .
اانا مكنتش عغارفه اشرح الموضوع ده ازاى فاتمنى انى اكون وفقت فى شرحه لكى يصل بالطريقة التى اريده ان يصل بها


وشكرا لتقبلك لرايى
واعتذر عن الاطالة

تقريبا من الناحية العلمية صح على حد معرفتى
بس انا كنت اقصد حاجة تانية

وشكرا على المعلومات دى

الحب عبارة عن مجموعه من المشاعر الجميله اللى بتخلي الأنسان يقضي اسعد لحظات حياتة مع حبيبه الحب خوف عالحبيب وحنان متبادل وعمر بيكملوة سوا
الحب هو هزيمة للقلب طبعا لانه بيهاجم القلب ومش بيقدر يقاومة اما العقل بعتبر ان ملهش وجود لما الحب بيوصل
الحب هو مزيج او خليط من الإبتسامات و الدموع لان الحب حياه كاملة فيها البسمة وفيها الدمعه
أكيد اكيد اكيد عمرة ماكان شك الحب ثقه ولو الشك دخل هيحول لكره بس ممكن نقول انه سعات بيكون راحه وسعات بيكون تعب بس في الحالتين عمرة مبيتحول
الحب طبعا كقلب يقسمه اتنين او تعب قلب واحد يقسمه الأتنين

وميرسي عالموضوع الجامد دا وياريت تقبلوا رأيي

السيد اسماعيل
انا عرفت انه انت تقصد حاجة غير اللى انا اقصدها عشان كدة كتبت التعليق المفصل السابق اللى اتمنى ان وجهة نظرى تكون وصلت فيه



ثانيا"" وشكرا على المعلومات دى ""


الحقيقة دى مش معلومات حقيقة لاستحق الشكر عليها
دة مجرد استنتاج انا توصلت الية بتفكيرى قد يحمل الخطا او الصواب

قال رسول الله ص:< من خاف أدلج ومن أدلج بلغ المنزلة ألا أن سلعة الله غاليةألا ان سلعة الله هى الجنة> رواه الترمذى
جزاكى الله خيرا على طرح السؤال
الحب هو التعلق بلا علائق 0000 أى مقدمته ثقة واخلاص
وليس فيه انقسام بين العقل والقلب لأنه مخلص 00ومنه حب الله عزوجل،حب أشرف خلق الله، حب الوالدين، وحب الزوجين ، وحب الأصدقاء 000 فيوم القيامة ينادى الله عزوجل <أين المتحابين فى جلالى> حفظكى الله ورعاكى