انا مش مسؤل لو ما دخلتش ده تحدي الاقوياء !!

الاول الراجل ده بيرسم فين في الهوا ولا على الحائط


طيب ده كمان بيعزف لمين للجمهور ولا البيوت


طيب سيبك من ده الشكل ده دائري ولا لولبي


طيب الصورة دي الورق بيتحرك ولا لا يلا جاوب بتبحلق في ايه عينك هتوجعك


طيب يا سيدي ركز في الصورة دي وشوف البقع دي هتختفي بعد عشر ثواني يلا بسرعة واتحداك تعرف


ركز قوي في الصورة دي وقولي فاهم منها ايه يا ترى شايف وجه الجنين ولا لا


طيب ده وجه رجل ولا حديقة حيوان جاوب يا عم بسرعة ايه الملل ده


طيب ده وجه ولا صورة من الطبيعة سبحان الله


طيب دي صورة صخور مجمدة ولا صور خيول


طيب دي غريبة خالص عايزك تتحددلي مين هما الاشخاص الي فوق ومين هما الي تحت يلا يا عم بلاش كدا الله


طب دي واقفة ولا بتتحرك جاوب يا ناصح


ركز على النقطة هل يتغير اتجاه حرف المكعب

طيب حرك دماغك للخلف كدا وشوف ايه الي هيحصل للصور ة دي


نصيحة من بوب محدش يبص لدي كتير اوك

يلا مستني ردودك حبيت اكسر حدة الملل برونقا من ابداعات الصور يلا يا من اعتز برفقتكم مستني ردودكم تحياتي
EHABELKSHIFE

بصراحه ياايهاب الموضوع جامد جدا بس انا مش عارفه اى حاجه ولا صوره هههههههههههه

لأ موضوع حلو وممتع شكراااااااااااااااااااااا

هههه شكرا لممروكم الرائع

بجد موضوع هايل
اشكرك

عنيا اتعميت الحمد لله
هههههههههههههه
بس جميل اوى

شوف هو النت مهنج والصور مش حملت كلها فعلى اللى ظهر عندى ممكن اقول الاتى ::

الصورة الاولى : هى مش باينة كلها بسى من اللى ظاهر ممكن اقول انه ولا بيرسم عالهوى ولا بيرسم على الحيط امممممممممم ممكن يبقى بيرسم على لوح ازاز دة لو كان بيرسم اصلا


التانية : اللى راسم اللوحة دى راسم بيوت من بعيد ممكن تشوفها اشخاص ولو بصيت عالرسمة من قدام هتلاقى البيوت واضحة ومن الخلف الاشخاص امممممممممم بصراحة مش فاهمة يقصد من رسمته اية

التالتة : الشكل دائرى بسى الطريق او الزاوية اللى اتصور منها توحى انه لولبى

الرابعة : الورق مش بيتحرك امممممم يمكن الخلفية او الارضية هى اللى بتتحرك فبتدى ايحاء ان الورق بيتحرك

الخامسة : البقع مااختفتش طبعا

السادسة : ماحملتش خالص

السابعة : امممممم ممكن تكون شكل لفنان شكل منحوت نحت يعنى من الخشب جايز اية المغذى منه امممممم مش فاهمة بصراحة

الثامنة :: هى حملت يمكن ربعها او اقل بسى هى شكل يظهر فيها ابداع الخالق سبحانه وتعالى معنديش غير كدة بصراحة


التاسعة:: مش عارفة بسى هى الطبيعة الصخرية المتجمدة فى تداخل مع الصخور ممكن كونت الشكل دة

العاشرة :: بصراحة مش عارفة تفسير بسى حاسة انها مستوية وكل مافى الموضوع خداع بصرى اممممم

الحادية عشر :: بصراحة انا مش ناصحة عشان كدة مش هجاوب
بسى ممكن تكون واقفة

الثانية عشر :: الحقيقة انا مش فاهمة ازاى يعنى امممممم بسى ممكن اقول .......لا

الثالثة عشر : لما ترجع لورا تحس الدايرتين بيلفوا عكس بعض

الرابعة عشر:: فعلا الوان الصاخبة وتداخلها بالشكل دة قادر على انه يصيب الشخص بالعمى


امممممممممم مش عارفة يمكن صورك ملهاش اجابات بسى حاولت اشوفها بشكل معين وطبعا كتبته
اما لو لها اجابات فاتمنى ان اجاباتى ماتكنش كلها غلط

بسى فعلا موضوع جميل وجديد وهذا يكفى
تقبل تحياتى

بص بأه يا بوب ان شاء الله .....العبد لله ابو نظاره ده واللى عنيه اتفختت هو اللى هيعرف معظم الاجابات ان شاء الله.....وده كله طبعا بفضل النظاره السوده ....هههههههه

المهم.......انا على قد ما قدرت عرفت شويه



1)_هو فنان متمكن جدااا وبيرسم لوحه على حائط شارع وده لان الوان الزيت واضحه وكمان خطوط طوب الحائط ظاهره الى حد ما........

2)_ودى بأه لوحه لفنان برضو متمكن جدا.....ولكنه اعتمد فى لوحته لتوصل فكره او ايحاء او حتى نظريه .....ان شكل البيوت على الطراز الوروبى والاجنبى عامه واللى من فوق مثلث الشكل وفيه شباكين وباب ......واللى كل ما بيبتعد عن الرؤيه بتميل العين للتقريب بين الاشكال مما يظهر شكل انسان له شعر.. واعين وفم وحتى نصف الجسد.......والله اعلم

3)_ الشكل الثالث دائرى الشكل ولكن التلاعب بالظل اوحى بانه لولبى الشكل....
4)_ فى الصوره دى مافيش حاجه بتتحرك.....ولن الورق مرصوص بطريقه خادعه للعين .....بمعنى اذا نظرت للوحه عامه ككل تجدها تتلاعب....ولكن اذا نظرت الى واحد واحده فيها تجدها لا تتحرك....
5)_ البقع لا تختفى اذا ظللت تنظلر للبقع نفسها ولكن قولك "هتختفى بعد عشر ثوانى" جعلنا ننتظر اختفاؤها بنظرنا لعلامه + التى تتوسط اللوحه والتى بالتركيز فى النظر اليها يوحى للعين باختفاء البقع ذات اللون الباهط اساسا....
6)_الصوره دى باه اللى يركز فى تفاصيلها يجد اغصان الشجره مكونه لاطراف الجنين.. فقدمى الجنين متجانبتين يحددهما الغصن الاساسى فى بدايه اغصان الشجره والشجره نفسها....اما اليدان فن الغصن فى نهايته يحددهما.....اما الوجه فالغصن الاخير والمتفرع من السابق يحدد الجبين فى الطفل وينثنى من وسطه جزء ليحدد الانف....ويتفرع منه غصن صغير يكون الحاجب للطفل والعين............
7)_اكيد دى مش خدعه بس ده عرض لامكانيه فنان فى تجميع انواع مختلفه من الحيوانات والحشرات والطيور ليكون بها شكل لوجه انسان وذلك بوضع كل حيوان حسب شكله ووضعيته ليكون جزء يناسب هذا الجزء فى وجه الانسان من حيث الشكل العام والوضع.

_ طبعا ده منظر طبيعى...استغل المصور فيه لحظه تواجدعناصر الطبيعه فى اماكن موزعه لنكون على هيئه وجه انسان..طاتران يمثلان عينيى النسان واخر يغطى بجناحيه عليهما مثل الحاجبان ...والقارب قام بدور الابتسامه ذات التجاعيد التى قام بدورها الرجلان على طرف القارب.

9)_الصوره دى باه صحيح صخور مجمد ولكن يوجد بها خمس احصنه يتطابق الوانها واشكال جلدها مع الصخور والجليد...

10)_ انا احترت فى الصوره دى وشكلها كده معموله بالفوتوشوب.....
11)_ الست اشكال دى طبعا مابتتحركش لك هى برضو مرسومه بطرق دائره تخدع العين انها تتحرك ودى معروفه ومنتشره اكتر بالالوان الابيض والاحمر متداخلين.....

12)_ المكعبات نفس خدعه البقع ...
13)_دى طبعا معتمده على الشكل الدئرى واللى لما تحرك دماغك للخلف توحيلك انها بتلف..... وطبعا التنين بيلفو عكس بعض لان الاشكال المكونه للدوائر متراصه بشكل عكسى للدائره الاخرى..
14)_حراااااااااااااااااااااااااااام عليك اتعميت...دى باه تشوفها لما حد يديك بونيه فى عينك ..... وشكلى هعملها فيك يا ايهاب نظرى راااح... ختمتها بزغلله كده...





طولت عليكم انا عارف ....

معلش باه اصلى بحب التحدى ..... ولاونى اكيد حليت حاجات غلط وحاجات بعبط....

إيهاااااااااااااب كلمه واحده بس هقولهالك أطلع برررررررررررررررررررره وجعتلى عيني يامفترى

هههههههههه
يوسف رائع
صفاء محاولاتك جامدة
حبيبة متعود على الطرد منك
جينول نورتيني
هداية يا هلا
شهرزاد ثانكس
الملاك اهلا اهلا
شوشو سلامات
لكم تحياتي ومروركم جامد جدا وعلى فكرة انا حبيت الموضوع لانه جديد وحبيت فعلا احطم الملل واغير الشعار مع بوب اتحدى الملل ههههه

لكم عظيم تحياتي وخصوصا لمن اجتهد وعلى رأسهم العالم يوسف
وكذالك صفاء نورتونا

اولا وقبل اى ما اقول اى حاجه لازم تقول اسمى زى الناس دول انا مليش دعوة اوك؟
تانيا بقى الصورة 1 دا راجل بيستعبط تقريبا معندوش ورق كفايه رايح يرسم فى الشارع بعيد عن انه هوا او حيطه اصلا
الصورة 2 واحد نازل عليه الوحى وعاش مع نفسه شويه بس مش اكتر
الصورة3 حلوة وعجبانى بصراحه بس مش عارفه اقول ايه النظام والنظريه فيها
الصورة 4 دى خداع بصرى بس الوانها مش عجانى خالص ابقى اختار الوانك يا بوب
الصورة5 انا بحب اوى اللونين دول مع بعض بس هى مش اختفت هى حسيت انها بهتانه بس
الصورة 6 هو فى اتنين واقفين ومش معقول اعرف فين الجنين انا مش واقفه وسطهم ههههههههه ومحدش يفهم غلط بليز
الصورة 7 انا مش شايفه قرد ولا زرافه اوك
الصورة 8 دى حلوة اوى بجد وسبحان الله فعلا فيها دى تحفه
الصورة9 حلوة برضو بس انا بفضل فى الحصان انه يكون ابيض بس
الصورة 10 لطيفه واكيد اللى رسمها شاب فنان
الصورة 11 برضة خداع بصرى
الصورة 12 بصراحه انا مش فاهمه انت عاوز ايه اصلا هههههههههههه
الصورة 13 الدايرتين بيلفوا عكس بعض
الصورة 14 واخيرا دى مفيش اى تعليق غير انها تجيب حول مش اكتر
والله المستعان والله على ما اقول شهيد والسلام عليكم ورحمه الله وبركاته

هههههههههه والله يا منار تمام قوي ايه الجمال ده انتي شوية شوية وهتاخدي الجايزة يا خسارة يا جماعة معلش مضطر ادي منار الجايزة فعلا تستحقها يا خرابي
هههههههههه
شكرا يا منوشة على مرورك الجامد ههههه

ميرسى انا فعلا استحقها بس ايه نوع الجايزة ولو ماديه انا مش هتنازل عن 1.45 قرش اوك ومفيش فصال وعاوزة تكريم كمان فى محاضرة تيفا ولن اتنازل ابدا ولن اتزحزح ولن اتنحنح ولن اقول ............... ههههههههههههههههه بلاش الكلمه دى

العالم يوسف هههههههههههههههههههه

اخجلتم تواضعنا...هههههه


طب ما تشوفلنا حاجه كمان من النوع ده بس تبقى اسهل شويه.....

انت عارف يوسف مخ......هههههه


انا مستنى.....لما اشوف

حرااااااااام
انا بجد صدعت
بس حلو اوى
والاحلى انه مقلب علشان كل اللى يدخل يتعمى
شكرا جزيلا عالصدااااااااااع قصدى عالموضوع

ههههه معلش يا حور بقى حبيت اخلص المنتدى من حالة الركود الي فيه فحبيت اجيب حاجة جديدة وعلى ما اعتقد اني نجحت الحمد لله هو فعلا انا عامل مقلب عشان الكل يدخل وبجبره من خلال العنوان انه يدخل ونجحت الحمد لله والردود بتاعتكم وصلتلي فعلا اني نجحت في ده معلش بقى عملت للكل صداع يلا ربنا يهديني اعمل ايه ههههههههههه
شكرا لمرورك الرائع بس فين الاجابات بتاعتك انتي هربتي ولا ايه ولا الصداعه مش مخليكي تركزي هههههههههههههه

شكرا للمرور الرائع للجميع والمحاولات الاروع

fantastic[i]

[b]thanks

لا بجد موضوع جميل تسلم
اينعم عيني وجعتني اكتر ما هي وجعاني بس لا موضوع جميل

ولا يهمك الف سلامة لعيونك اشرق التوبيك ضياء بمرورك ومرور الجميع تحياتي