النصائح العشر...للبنااااات

نصائح العشرة للبنات علشان متضفضحش قدام خطيبها فى اول خروجه

1- الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًااا .
2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص... لقمة وتحشري.. أوعي.. العيش بيتقطع بالسكينة في الطبق. وبعدين تاخدي لقمة.. لقمة.. ب.........العافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه.
3- الشوووربة.. أبوس كعب رجلك. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ في الحجر .. وطبعًاااااا عايزاكى تنسى تمامًا.. السلطانية اللي بتقيميها على بقك في البيت..وتدلدقي على روحك.. بالمعلقه وبدون صوت... سخنة ولعة برضه بدون صوت.. وتسيبي تلت الطبق ع الأقل... مش تميليه.... عشان تلهطيها لآخر نقطة...
4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه.
5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..
6- السمك.. مشكلة.. شوفي... بتفصلي اللحم عن الشوك.... إزاي..؟؟ تقطعي اللحم من النص.... بالطول وبعدين تفردي اللحم ع الجانبين ولما تخلصي ناحية.. متقلبيش السمكة.... بلاش فلح... شيلي السلسله بالشوكة والسكينة , وحطيها ف جنب الطبق وكملي أكل النص التاني... وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..
7- الجمبري.. -إذا كنتي عارفاه-.. أول ماطبق الجمبري ينزل... بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت بابااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..
8- البطاطس سواء مسلوقة أو محمرة... أوعي تهرسيها وتدبيها ع الرز وتبدي ....لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي....
9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي.
10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا أودامي أسبوع.. هابطل أكل فيه..... وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك.. وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.) ^_^

ايه دة هههههههههههه هو يا كده ياكده
احنا لا بناكل بالشوكه والسكينه ولا بنحف فى الاكل عادى يعنى بناكل زى اى حد انتى كده بتشوهى صورتنا

اذا كانت هاتعمل كده عشان هي مخطوبه
فبلاش تتخطب احسن ..........ولا ايييييييييييييييه؟؟؟؟؟
وبالهنا والشفا
هههههههههه

هههههههههههههههههههههه الراجل كدا ممكن يتصدم بعد الجواز ما تخلى البنت على طبيعتها احسن بس التوبيك رائع انا ضحكت كتيييير اوى هههههههههههههههههههههههههههه بس على فكرة انتى كدا شوهتى صورتنا على الاخر حرام عليكى دا احنا كائنات رقيقه وركزى على رقيقه دى اوى ههههههههه

موضوع جميل اوى
وشكرا على النصائح
بس انا شايفه ان احسن حاجه ان الانسان يتصرف على طبيعته

هههههههههههههه موضوع حلو أهلا بيكى معانا يا رينال

موضوع حلو يا ريتال وظريف 00000000000000
بس بجد شوهتى صورتنا ليه كدة ؟؟؟
ههههههههههههههههههههههههه

هههههههههههه حلو التوبيك ده اوى دمه خفيف بس حاسه انه فيه شويه مبالغه مافيش احسن من الطبيعه وخصوصا فى فتره الخطوبه عشان مش تحصل مشاكل بعد كده شكرا ليكى