اشعار فى حب مصر

اهلا بعودتك
بجد انا مبسوط قوى انك رجعت
وعقبال الباقى

وشكرا على القصيدة الروعة دى

أهلاً بعودتك إلى بيتك ، الذى ساهمت كثيراً فيما وصل إليه من نجاح
نرجوها عودة حميدة ، و صفحة جديدة ، أهلا بيك فى بيتك يا محمد

انا صبرينة من الجزائر لكن والله مصر هي بلدي التاني الله يحفضها و يصونها يا رب

واخييييييييييييييرا : عادت تلك الروح تمثل شباب اعلام الحقيقيين...هؤلاء الذين كانوا يصطفون فى بنش واحد كانهم البنيان المرصوص.....كان البعض يظنه انكماشا متحفظا ضد اى فتاة تحاول اقتحام السور المنيع....ولكن:كنا نسميه وحدة وترابط على افكار ومبادىء ما لم نعرفها الا حينما اقتربنا منها عبر هذا المنتدى.

ساقول لكم شهادة اخرى-لتتذكروها عند اى بادرة خلاف تفرقكم كالسابق-حيث:عندما كنا نمر بكم بالحديقة وقد اتحدت رؤوسكم فى همس سرى وتلاقت اذرعكم فى عناق جماعى كمثل لاعبى الكرة قبل المباراة....كان الجميع يتسائلن فى فضول عن سر ذلك المشهد .....وكنت اجيب بمزاح يحمل طابع الجدية وبرغم عنصريتى القاتلة وتحيزى لبنات جنسى : دعوهم يتفقون ولو على ابادتنا -البنات-......اتمنى ان يكون مغزى العبارة وصل للجميع .....ليعرفوا ان الوحدة امر لايستهان به....وانها كما تكسبك الاحترام والقوة ....يمكن ان تجعلك تخسر ايضا وكثيرا طالما كنتم متفرقين.

-الحق يقال اننى اردت كتابة هذه الكلمات منذ زمن تاجج الخلاف ...ولكن :ابى على كبريائى وحيائى ان اتدخل فى شئون من لايعنينى من امر جنس ليس من جنسى ....والان : بعد الثورة وقد تغيرت النظرة واصبحنا جميعا اخوة فى المصير الثورى المحتوم -كما يرددون-انا لاعلاقة لى ان اتجرا بهذه الكلمات على مسامعكم لاشعركم بهذه النعمة التى فرطتم فيها واننا ومصر ننتظر منكم اكثر مما تقدمونه فرادى ......كما كنتم متجمعين....فحمدا لله على سلامتكم.....وعودتكم لبعضكم كشباب اعلام حقيقين.

*اتمنى ان لايناقش كلامى باى رد...وخذوا شهادتى مجردة من شخصى لانها شهادة فتيات كثيرات وانا احداهن...فلا تكثروا فى النميمة عن السطح وتنسون المضمون .

-والان: ارحب بالزميلة الجزائرية(صبرينة) باننا نفخر كثيرا ان تشاركنا افكارنا واحدة من ابناء بلد المليون شهيد.

وهاهى مشاركتى الاصلية للموضوع : وهى قصيدة للخال الابنودى:
والتى اطلق عليها منافستو الثورة:

الميــــــــدان

ايادي مصرية سمرا ليها في التمييز

ممددة وسط الزئير بتكسر البراويز

سطوع لصوت الجموع شوف مصر تحت الشمس

آن الآوان ترحلي يا دولة العواجيز

عواجيز شداد مسعورين اكلوا بلدنا اكل

ويشبهوا بعضهم نهم وخسة وشكل

طلع الشباب البديع قلبوا خريفها ربيع

وحققوا المعجزة صحوا القتيل من القتل

اقتلني قتلي ما هيعيد دولتك تاني

بكتب بدمي حياة تانية لأوطاني

دمي دة ولا الربيع الاتنين بلون اخضر

وببتسم من سعادتي ولا احزاني

تحاولوا ما تحاولوا ما تشوفوا وطن غيره

سلبتوا دم الوطن وبشيمته من خيره

احلامنا بكرانا اصغر ضحكة علي شفة

شفتوتش الصياد يا خلق بيقتلوا طيروا

السوس بينخر وسارح تحت اشرافك

فرحان بيهم كنت وشايلهم علي كتافك

واما اهالينا من زرعوا وبنوا وصنعوا

كانوا مداس ليك ولولادك واحلافك

ويا مصر يا مصر آن العليل رجعتله انفاسه

وباس جبين للوطن ما للوطن داسه

من قبل موته بيوم صحوه اولاده

ان كان سبب علته محبته لناسه

الثورة فيضان قديم

محبوس مشافوش زول

الثورة لو جد متبانش في كلام او قول

تحلب وتعجن في سرية تفور في القلب وتنغزل فتلة فتلة في ضمير النول

متخافش علي مصر يابا مصر محروسة حتي من التهمة دي اللي فينا مدسوسة

ولو انت ابوها بصحيح وخايف عليها اي تركتها ليه بدن بتنخره السوسة

وبيسرقوكي يا الوطن قدامنا عيني عينك

ينده بقوة الوطن ويقلي قوم

فينك ضحكت علينا الكتب بعدت بينا عنك

لولا ولادنا اللي قاموا يسددوا دينك

لكن خلاص يا وطن

صحيت جموع الخلق قبضوا علي الشمس بايديهم

وقالوا لا من المستحيل يفرطوا عقد الوطن تاني

و الكدب تاني محال يلبس قناع الحق

بكل حب الحياة خوط في دم اخوك

قول انت مين للي باعوا حلمنا وباعوك واهانوك

وذلوك ولعبوا قمار باحلامك

نيران هتافك تحرر صحبك الممسوك

يرجعلها صوتها مصر تعود ملامحها تاخد مكانها القديم

والكون يصالحها عشرات السنين تسكونوا بالكدب في عروقنا

والدنيا متقدمة ومصر مطرحها

كتبتوا اول سطور في صفحة ثورة

وهما علما و خبرة مداورة ومناورة

وقعتوا فرعون هرب من قلب تمثاله

لكن جيوشه مازالوا بيحلموا ببكرة

صباح حقيقي ودرس جديد اوي في الرفض

اتاري للشمس صوت واتاري للارض نبض

تاني معاكم رجعنا نحب كلمة مصر

تاني معاكم رجعنا نحب ضحكة بعض

مين كان يقول ابننا يطلع من النفق

دي صرخة ولا غني ودة دم ولا شفق

اتاريها حاجة بسيطة الثورة يا اخوانا

مين اللي شافها كدة مين اول اللي بدأ

مش دول شاببنا اللي قالوا كرهوا اوطانهم

ولبسنا توب الحداد وبعدنا اوي عنهم

هما اللي قاموا النهاردة يشعلوا الثورة

ويصنفوا الخلق مين عنهم ومين خانهم

يادي الميدان اللي حضن الذكري وسهرها

يادي الميدان اللي فتن الخلق وسحرها

يادي الميدان اللي غاب اسمه كتير عنه وصبرها

ما بين عباد عاشقة و عباد كارهة

شباب كان الميدان اهله وعنوانه

ولا في الميدان نسكافيه ولا كابتشينو

خدوده عرفوا جمال النوم علي الأسفلت

والموت عارفهم اوي وهما عارفينه

لا الظلم هين يا ناس ولا الشباب قاصر

مهما حاصرتوا الميدان عمروا ما يتحاصر

فكرتني يا الميدان بزمان وسحر زمان

فكرتني بأغلي ايام في زمن ناصر

شايل حياتك علي كفك صغير السن

ليل بعد يوم المعاناة وانت مش بتأن

جمل المحامل وانت غاضض

بتعجب امتي عرفت النضال

اسمحلي حاجة تجن

اتاريك جميل يا وطن مازلت و هتبقي

زال الضباب وانفجرت باعلي صوت

لا حركتنا نبتسم ودفعت انت الحساب

وبنبتسم بس بسمة طالعة بمشقة

فينك يا صبح الكرامة لما البشر هانوا

وأهل مصر الأصيلة اتخانوا واتهانوا

بنشتري العزة تاني والتمن غالي

فتح الوطن للجميع قلبوا و احضانوا

الثورة غيض الامل وغنوة الثوار

الليل اذا خانه لونه يتقلب لنهار

ضج الضجيج بالندا اصحي يا فجر الناس

فينك يا صوت الغلابة وضحكة الانفار

وأحنا وراهم أساتذة خايبة

تتعلم ازاي نحب الوطن وامتي نتكلم

لما طال الصدي قلبنا ويأسنا من فتحه

قلب الوطن قبلكم كان خاوي ومضلم

أولنا في لسة الجولة ورا جولة

دة سوس بينخر يا ابويا في جسد دولة

ايوة الملك صار كتابة انما ابدا

لو غفلت عينا لحظة يقلبوا العملة

لكن خوفي مازال جوة الفؤاد يكبش

الخوف اللي ساكن شقوق القلب ومعشش

واللي مش راح يسيبه ولسة هيبقوا

وهيلاقولهم سكك وببان ما تتردش

وحاسبوا اوي من الديابة اللي في وسطيكم

وحاسبوا اوي من الديابة اللي في وسطيكم

والا تبقي الخيانة منك وفيكم

الضحك علي البق بس الرك علي النيات

فيهم عدوين اشد من اللي حواليكم المصدر .

-هذه اخر مشاركاتى تقريبا.....ولن نتقابل مجددا على هذه الصفحات الا كما يريد الله....لذا :ارجو احترام رغباتى السابقة لاننى لم اكتب هذا الكلام الا لوجهه الكريم...وجزاكم الله خيرا.

اهلا بعودتك يااخ محمد
كلنا فرحانين بعودتك
وياريت مش تسبنا تانى

محمد وحشتني كتير بجد اهلا بيك مجددا

مصر كل زمان زمانها واحنا بنقوي في كيانها كل عين صاحية في مكانها وكلنا ليه مخلصين
عايشة روح مصر في جسدنا وباقية لينا ليوم الدين
المصري مسلم او مسيحي مش قضية لو في يوم في زنقة ينادي واحد يلقى مية هنا ابسط الناس عارفة معنى الانسانية من قال الدم عمره ما يبقى مية
الابن وارث عن ابوه عرق الشهخامة ومن البنات الجدعة تلقى في مصر ياما
هنا دعوة الام لبلدها ليها السلامة والطيبة فينا ما لهاش منكان لو قمنا قومة
مصر كل زمان زمانها واحنا بنقوي في مكانها كل عين صاحية في مكانها وكلنا ليها مخلصين
عايشة روح مصر في جسدنا وباقية فينا ليوم الدين

وحشتني يا محمد وبجد بقالي كتير مش شفتك من بعد انتخابات الاتحاد يا واد