مستقبل بلدنا فى ايدينا

انا لم جيت وقولت انا هبدأ هتبدأ معايا لاقيت اقبال كبير قوى من الشباب على ممارسة التغيير ، واراء ومقترحات حلوة ، وافكار جميلة جدا ، وها هو يحدثنا عن اماله فى التغيير ، وها هى تحدثنا عن رغبتها فى البناء ، وذلك وتلك كلهم يتحدثون ......... ام وقت العمل واقفوا صامتين .

استغربت واندهشت ، وبدأ هذا الاستغراب يتلاشى شئ فشئ ، عندما علمت ان الثورة لم تغير فى الناس شئ .

تعجب كما تريد ! واضع استفهام كما تشئ ولكنها الحقيقة الاولى التى واجهتنى بعد ثورة 25 يناير

ومن ثم وجدت اناس يتسائلون اين انت من التغيير فاندهشت وقلت بل اين انتم قالوا موجدين ، فبدأت ازيل حطام اليأس التى كانت قد تراكمت على جسدى ، بمساعدة احدى المتفائلين دائما وبدأ العمل الجاد

مشكلة اخرى واجهتنا
ان هناك من مارس الحرية خطأ وتلك كارثة مازلنا نعانى منها


علمت يا بلادى انى حبى لك كحاجتى للماء وقت العطش
ساصنع كل ما اقدر عليه لاستحق هذا الماء
انا هنا طالب علم لا استاذ
ولكنى استطيع باجتهادى ان اصبح مفيدأ للوطن
سئمت اليأس واصحابه ، ولكنى ساكون واقعى لا متفائل
حتى لا استغرب مرة اخرى ما تخاذل بعض ابناك


شكرا على الموضوع يا شهرزاد
وياريت نسمع رايك انتى كمان

أولا : أحب أن أعتذر عن انقطاعى الطويل عن المنتدى .

ثانيا : لماذا كل هذا التشائم وخيبة الأمل أن أرى أنه بالفعل قد حدث تغير كبير للمصريين بعد الثورة
ثم ان الدكتور عصام شرف لا يألو جهدا فى تقديم كل ما فى استطاعته ويعمل فى كل الاتجاهات من أجل خدمة مصر وصالحها .

ثالثا : من رأيى ممكن ننقذ مصر بشئ بسيط جدا لو كل شخص تنازل عن جزء بسيط من راتبه اذا كان يعمل أو من مصروف جيبه اذا كان لا يعمل وخصص ولو حتى 10 جنيهات شهريا لشراء سهم فى البورصة
وبكده أمواله تبقى محفوظه مش هضيع فى البورصة ويبقى ساهم فى النهوض باقتصاد مصر وبناءه من جديد ولو حتى فالنفرض فى أسوء الأحوال انها ضاعت المبلغ بسيط ومش فى خوف عليه .

وشكرا على الموضوع الاكثر من رائع

السيد اسماعيل
بشكرك جدا وفعلا فى موضوع (انا هبدأ هتبدأ معايا ) لاحظت كتير قوى كانوا متحمسين للموضوع وانا واحدة منهم لكن للاسف الموضوع مكملش لانه مكنش ليه اهداف واضحة يعنى ايه اللى المفروض نعمله بالظبط عشان كده كله مفكرش يقترح حاجة وكلنا نشترك فيها لان الاعضاء هنا من الاخر عايزين كل حاجة على الجاهز من غير ما حد يتعب فى حاجة

بمساعدة احدى المتفائلين دائما وبدأ العمل الجاد !!!!!؟؟؟
ازاى ده تم وايه اللى عملتوه؟؟؟؟؟
علمت يا بلادى انى حبى لك كحاجتى للماء وقت العطش
ساصنع كل ما اقدر عليه لاستحق هذا الماء
تعبير جميل وفعلا كلنا لازم نعرف ان حبنا لمصر مش سهل واللى يحبها بجد لازم يضحى بكل شئ من اجل ترابها
ياريت اسمع اقتراحات ممكن ننفذها

Ikuto
اهلا بعودتك مرة اخرى وصدقنى ده مش تشاؤم طبعا احنا منقدرش ننكر اللى الدكتور عصام شرف بيقوم بيه من اجل تصليح شئ فشئ مما قام به النظام السابق وتحسين علاقتنا مع الدول على الرغم من تهاونه فى اتخاذ بعض القرارات الحاسمة وبطئه فيها وكذلك بطء القضاء فى محاكمته لرموز النظام السابق
بس احنا بنتكلم فى اللى احنا المفروض نعمله دون انتظار ان بلدنا بتتغير والدنيا زى الفل من غير ادنى مشاركة مننا بالعكس احنا هدفنا اننا نشارك فى كل حاجة بتحصل فى بلدنا وده فعلا اللى بنتمناه
وموضوع البورصة ده شئ مفروغ منه طبعا الاشراف فى البلد كتير واكيد مصر هتبقى احسن باذن الله

Genol
شكرا على مرورك وللاسف لسه فى ناس فاهمة الحرية غلط وهى انهم ياخدوا حقهم بدراعهم زى ما بيقولوا خرجوا من جحورهم ودول معظمهم من فلول النظام السابق والحزب الوطنى يعنى اما الشرطة واى حد لسه فاكر ان النظام السابق ممكن يرجع تانى يبقى بيحلم واحنا اللى لازم نفوقم باننا منسكتش على اى فساد بيحصل لازم نبلغ عن اى ضابط شرطة بيكلمنا بطريقة وحشة او اى حد مش بيشوف شغله كويس


انا كمان احبطنى كثيرا اراء واقوال اليائسين والذين ليس لديهم اى موقف فيما يحدث فى مصر كأنهم ليسوا من هذه البلد يحاولون ان يتجنبوا كل ما يحدث من اضطرابات وفوضى وما اكثرهم وشعارهم ("هو رايى او موقفى هو اللى هيأثر فى البلد يعنى/ انا مالى ما فى ناس غيرى كتير اكيد شايفين الغلط ده وهيتكلموا عنه
للاسف الاشخاص دول هيندموا كتير قوى لانى اراهم انهم لم شعروا بحبهم لبلدهم الغالية مصر لذلك لم يشعروا ايضا بالحرية التى استردناها
ولكنى احاول واحاول لكى افعل شئ افتخر به لبلدى باذن الله ولن اسكت على اى شئ خطأ بعد الان

ايه رايكوا نضع اقتراحات اعمال مع بعض ونحاول ننفذها مثلا زى حملة القضاء على الامية او مساعدة المحتاجين او الاهتمام باطفال الشوارع ومحاولة انقاذهم من الشارع
ونتابع برنامج بكرة احلى للدكتور عمرو خالد ونحاول ننفذ معاه الاقتراحات باذن الله

ياريت بجد الاقى اقبال على الخير ده زى ما بنلاقى اقبال كتير قوى على حاجات ملهاش لزمة

فعلا كان فيه افكار محددة يا شهرزاد
اولها تكوين اسرة تشتغل وتحقق اهداف معينة فى الكلية
ربط الوسط الجامعى بالعالم الخارجى عن طريق تحقيق بعض الاهداف زى الى حضرتك قولتى عليها فى الاخر


ما تم دلوقتى
اتكونت اسرة اسمها ولاد مصر
اول حاجة عملتها تعليق الجرائد اليومية فى قسم الاعلام
ان شاء الله فيه ندوة بكرة الاسرة الى منظماها بحضور
احمد بكر سليم رئيس تحرير موقع القاهرة اليوم واشهر شخصيه شعبيه عربية على الفيس بوك لعام 2010 وتاسع اشهر شخصيه عربيه فى استفتاء برنامج العاشرة مساء بحضور كل من الاستاذ محمود بكرى رئيس تحرير جريدة الاسبوع والشاعر الكبير السعدنى السلمونى احد شعراء الثورة

وطبعا هتكون موجودة الدكتورة جيهان الهامى باعتبارها رئيس قسم الاعلام ورائدة الاسرة ونخبة من اساتذة القسم

الندوة هتبقى فى قاعة الموتمرات الى فى الكلية الساعة 12

ياريت تشرفونا فى الندوة دى

بعد كده فيه معرض كتاب الاسرة هتعمله باذن الله يوم الاربعاء

وفيه اهداف تانية كتير يارب نعرف نحققها ، وياريت نشوف حضراتكم وتشاركوا معانا بافكاركم

شئ جميل جدا بالتوفيق ان شاء الله
انا كمان هحاول اشارك معاكوا باذن الله لانى فعلا مشتركة فى الاسرة لكن مبحضرش اجتماعتها

ان شاء الله كل الاهداف تتحقق