دوره سباحه 71 جنيه

السلام عليكم يارب تكونوا كلكوا كويسين و مبروك عالاجازه بس الاجازه فى الاول حلوه و بعدين مسيره ملل فانا حبيت اقدملكم اقتراحات للافاده من الوقت و تغيير كمان (1) فى دوره سباحه جامده بالجامعه فى مبنى خاص للسباحه بعد رياضه بنات المكان متامن جدا كلوا بنات و مغلق و عليه حراسه من الخارج و مش شرط بكينى او مايوه اى لبس تحبيه الشروط صورتين شخصيه صوره بطاقه قفل للدولاب بتاعك الدوره مدتها شهر 12 ساعه 3 ايام بالسبوع لو انتى بتعرفى تسبحى اساسا خلاص بتكونى لوحدك مش لازم تدربى و ممكن فى الحاله دى تخدى اكتر من ساعه فى وقت واحد السعر لو طالبه بالجامعه71 لو انتى و اختك 61 لكل و احده لو ماما او بابا بيشتغلوا بالجامعه 51 و فى اطفال و كل الاعمار و كل مرحله بسعر و فى اوقات كتير بتختارى الوقت اللى تحبيه ده لو عادى مش دوره تعليم من البدايه فى دوره هتبتدى من يوم السبت بعد بكره يعنى ان شاء الله عشان تنتهى قبل رمضات من5 الى 6 انا هشترك فيها لو حد عاوز يجى معايا متهيقلى انا قلت كل حاجه عنها لو اى استفسار هجوبكوا باذن الله (2) فى قصر الثقافه اللى عند المحافظه فى تعليم نحت و رسم و عالزجاج و حاجات كتير و الاهم تعليم ميوزك على معظم الات تقريبا و الاشتراك 20 جنيه تقريبا فى الحدود دى مش فاكره (3) فى جيم بالجامعه اشتراك 71 برده (4) فى جيم باستاد الجامعه و احد كويس بس مواعيده الساعه 9 الصبح بعد تراك الجرى و فى و احد تانى فى المبنى اللى جمبه اى كلام خالص (5) قورصات الانجليش باه انا عارفه مراكز كتير باسعارها بس مش عارفه ايه احسن فلو حد عارف ياريت يفيدنى بالسعر و المكان و مدى الاستفاده جرافيك و فوتوشوب رجاء خاص اللى يعرف اماكن كويسه و عندى اقتراح لو يعجبكوا كتير منكوا بيحبوا المجالات دى و متعلمين فيها كويس و الخبره اللى اخدوها مش بيستفادوا بيها غير باللعب عالكمبيوتر و شهاده فى الدرج ليه مش تستخدم العلم ده هيرجعلك بفائده بالوقت و ثواب و مبلغ مادى الى حد ما معقول عن طريق تعلمنا كتير ذيى عاوزين جدا المجال ده و حبينوا و مش عارفين يبتدوا منين بسبب المراكز الكتير و الشهادات و الاسعار و خصوصا الجرافيك ممكن من الف ل 3 الاف و لو دبلومه يوصل6 دى اسعار مراكز حقيقى هنا بالبلد هتقولوا ازاى و فين حقيقى مش عارفه بس الى عرفاه لو الى هيعلمنا عنده اراده و فى عدد اتجمع عاوز يتعلم فى الوقت ده المكان هيتحل و لو الموضوع لقى ردود منكوا انا عندى اقتراحات كتير للاماكن و كلها طبعا محترمه و عامه يارب اكون افدتكوا او باه عندكوا افكار لمحاربه الملل و سورى عالاطاله

مرسى ليكى