مسابقة المنتدى الاسبوعية

السلام عليكم ورحمة الله وبركاته

اخباركم اية ياشباب ؟؟ يارب تكونوا فى افضل حال


انا قلت نبدا مسابقة كدة ونستفيد كلنا من المعلومات اللى هتحتويها ان شاء الله
والمسابقة هى :
مسابقة كل اسبوع هنزل اسئلة ان شاء الله كل يوم سبت وهيكون قدام اى حد الفرصة فى انه يشارك باجابات ويوم التلات هو اخر يوم للاجابة لان فى اليوم دة هنعلن عن اسم الفائز
والفائز هو اول واحد هيرد بسى طبعا لازم يكون فى رده الاجابات الصحيحة

والجايزة ؟
المدير مشكور وافق انه يعمل على المنتدى تصميم او جزء يعنى للمسابقة والفائز اسمه هيتكتب عالمنتدى لحين اعلان اسم الفائز اللى بعده


يارب المسابقة تبقى كويسه ويكون فى مشاركة وبالتوفيق

ياله نبدا اول حلقة من مسابقتنا
وعشان اول حلقة هنبدا بحاجة مش صعبة

س1/ ماذا تسمى هذه الحروف (الا _ خلا ؟
س2/شىء اوله هنا واخره وآخره فى كرمنشاه؟
س3/يميل لون العنبر الى اللون. . . .
س4/الانكشارية هى فرقة من الجيش. . . .
س5/ما اسم المعركة التى انتصر فيها العباسيون على الامويين سنة 750م؟
س6/ماهى الاتفاقية التى تراعى اسرى الحرب؟
س7/من هو أمبراطور اليابان خلال الحرب العالمية الثانية ؟ ومدة حكمه؟
س8/ مااسم اول فيلم صامت فى مصر ؟وفى اى عام كان ؟


دول 10 اسئلة الناس هتقول لا 8 هقولكم السؤالين السابع والتمن يحملوا جزئين يبقوا عشرة
وحظا موفقا للجميع

هي الاسئله متهيئلي انها صعبة شوية
1- حروف استثناء
2- حرف الهاء
3-اللون الرمادي
4- الجيش العثماني
5-معركة الزاب
6- اتفاقية جنييف
7-
8-
9-
10-

امبراطور اليابان في الحرب العالمية التانية كان (هيروهيتو)وده مسك في 1886 محققا اكبر امبراطورية يابانية امتدت في معظم اسيا وحققت انتصارات على العدو الامريكي في بدايت العشرينات من القرن العشرين والحقت به خسائر فادحة في السفن والارواح خلال الحربالاولى
واستمر التفوق الياباني حتى جائت الضربة القاضية وهي القنابل النووية التي تم اتلاقها على مدينيت
هيروشيما ونكازاكي في 6 و9 اغسطس من عام 1945 وفي اليوم العاشر
هنا سقطت الامبراطورية اليابانية واستسلمت ووقعت على اتفاقية الاستسلام وتركت مقاليد الحكم لاول رئيس وزراء يحكم اليابان وهو يوشيدا


السؤال الاخير
اول فيلم صامت كان تقريبا في 20 يونيو 1907 وكان فيلم تسجيلي تقريبا
اول فيلم ناطق كان فيلم اولاد الزوات

تعقيب بسيط عن اجابة المصري
انا تقريبا لون العنبر بيميل الى الازرق ولا ايه

معركة الزاب تقع بين اربيل والموصل بالعراق ببلاد الرافدين ودي المعركة الي هزم فيها العباسيين الاموين ووفر الجيش الاموي الى مصر وتم قتل مروان ابن محمد الحاكم الاموي وانتهت بعده الخلافة الاموية في مصر وبدأت الخلافة العباسية

الانكشارية هي احدى فرق الجيش العثماني بل هي خيرة الجيش العثماني التركي واعلاهم رتبا والانكشارية كانوا عقبة من العقبات الي واجهت محمد علي في الانفراد بالسلطة والحكم

تحياتي

سؤالي بقى
(ما هو الشيء الذي يتحدث وينطق بكل لغات العالم
ما هو الحيوان الذي يستطع انا ينام على ظهره

تحياتي
ايهاب الكاشف

الشئ الذى يستطيع ان يتحدث كل ان ينطق ويتحدث بكل لغات العالم هو الراديو او الصدى ....اما الشئ الذى ينام ع ظهرة هو الانسان يا انسااااااان ..سؤالى انا بقى .ما هو الشئ الذى صانعة يبيعة وشارية لا يستعملة ومستعملة لا يراه ؟؟

اهدوا ياجماعة شوية وسهلو الاسئلة راعوا الناس التانية
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

السلام عليكم
انا سعيدة جدا بالاجابات دى واللى بتاكد ان الاسئلة سهلة
وشكر خاص لايهاب والمعلومات الرائعة
ولكن فى ملاحظتين
الاولى ياريت اللى يجاوب يجاوب عن كل الاسئلة حتى وان كان فى عضو سبقه وجاوب عليها صح او زى ماهو عايز يجاوب لان اكتر واحد هيجاوب فى رده عن الاسئلة او هيجاوب اكتر عدد من الاسئلة هو الفائز تمام

التانية انه ياريت نلتزم بالمسابقة وبالاجابة عن اسئلتها مش نقلبها لفوازير وكل واحد يدخل يكتب اسئلة جديدة عشان بس المسابقة تبقى محددة ويكون فى فايز عالاسئلة
ايهاب جاوبت اللى احمد تقريبا ماوصلش له بسى مش بالشكل المطلوب اوى
ياريت نلتزم بالاسئلة

اسفة جدا لاطالتى ،، اتمنى انى مكنش ضايقت حد
واشكركم جدا لتفاعلكم
وغدا الثلاثاء اعلان اسم الفايز

صفاء

السلام عليكم
النهاردة التلات ميعاد اعلان اسم اول فايز معانا
وطبعا واضح ان الفايز هيكون واحد من اتنين
الاول احمد المصرى
اما التانى فهو ehab.pop



ولكن قبل مانقول مين الفايز تعالوا نشوف اجابات الاسئلة

ج1/حروف استثناء
ج2/حرف الهاء
ج3/الاصفر
ج4/العثمانى
ج5/الزاب
ج6/اتفاقية جنيف
ج7/الامبراطور هو هيروهيتو _ ومدة حكمه 62عام
ج8/اسم الفيلم ليلى _ عام 1927



وهنا يجى دور اعلان الفايز واللى اظنه خلاص اتعرف ونقول


احمد المصرى اجاب عن خمس اجابات صحيحة

اما ايها فكان رده يحمل لثلاث اجابا فقط صحيحة متمثله فى معركة الزاب _الامبراطور هيروهيتو _ الجيش العثمانى


عوضا طبعا عن المعلومات الرائعة اللى زودنا بيها واللى بنشكره جدا عليها ونقوله حظا موفقا
وبكدة يكون الفائز هو
-
-
-
-
احمد المصرى


ونقوله مبررررررررررروك عليك الفورز فى اول حلقة من مسابقتنا


وانتظرونى فى الحلقة التانية السبت القادم ان شاء الله


صفاء

لا لا ده ظلم بقى والله انا جاوبت على الاسئلة الي احمد مش كملها مش رضيت ارغي كتير بس مش اكتر
بس بكل روح رياضية مبرووووووووووووووووووووووووووووك لاحمد المصري

ألف شكر

امممممممممم قبل كل شىء شكرا لروحك الرياضية ياايهاب بسى لو خدت بالك من تعليق ليا فوق هتلاقينى بقول حتى لو الرد اللى قبلك فيه ايجابات صحيحة او زى ماانت عايز تجاوب عليها لازم تكتبها تانى لانى بجمع عدد الاسئلة المجاب عنها فى الرد مش اللى انت عارفها بسى فوتها عشان مابتحبش ترغى وردى دة كان بعد تعليقك كملاحظة واشارة لك ولكنك لم تسمع لما اقول لذا فعدد الاسئلة المجاب عنها صح فى الردود كان من نصيب احمد المصرى

فبلاش موضوع الاتهام بالظلم على طول كدة لانه اتهام بشع

ومرة تانية شكرا لك ولروحك الرياضية وحظ اوفر المرة القادمة ان شاء الله
ومبرووووك لاحمد المصرى

ايه يا صفاء انا بهزر مش قاصدي اي حاجة والله عادي عين اتهام بظلم لا لا انتي كبيرتيها قوي انا واخد الموضوع فني مضحك مش اكتر انتي الي مش تحبكيها بقى وبعدين انا بهزر مش اكتر انتي الي فهمتي كلامي غلط طيب اعمل ايه بقى
معلش حصل خير
تحياتي

اممممممممممممم على فكرة انا مزعلتش وماخدتش الموضوع جد زى ماافتكرت بالعكس انا اخدته عادى بسى حبيت اوضح الصورة اكتر عشانك وعشان اى عضو تانى يدخل
وعموما زى ماقلت حصل خير
وان شاء الله تكون فائز قريبا فى المسابقة
واشكرك لمتابعتك للموضوع واهتمامك بالرد عليه

النهاردة ميعاد الحلقة التانية من مسابقتناا ونبدا الاسئلة ؟
س1/ما هو اصل زهرة اللوتس؟
س2/من هى اول الشعوب التى استخدمت طرحت العروس فى الزفاف؟
س3/ من هو الرئيس الذى قد اتم اطول مدة رئاسية حتى عام 2004؟
س4/ اين قابل سيدنا محمد عليه الصلاة والسلام سيدنا ادريس عليه السلام فى رحلة الاسراء والمعراج؟
س5/ ما هو الباب الذى يستحيل فتحه؟
س6/ ما هى كمية الهواء التى تدخل وتخرج من الرئتين كل يوم ؟
س7/من هو اول من جند المراة فى الجيش ؟ وما عددهم ؟
س8/ ما هى الرياضة المفضلة عند الاسرائيلين ؟
س9/ متى ؟ واين صدرت اول مجلة فى العالم ؟
س10/من هم الازهران فى اللغة العربية ؟


اتمنى التوفيق للجميع

بسم الله االرحمن الرحيم
____________
اولا
اصلها اغريقي وهي الحب والجمال
___________
التاني
الاغريق برضو هم اول شعب استخدموا الطرح في الزفاف
_________________
الرابع
قابله الرسول عليه السماء في السملء الرابعة
_________________
الخامس
هههههههههههههههههههههههه الباب المفتوح
_______________
السادس
1000 لتر
ودي نفس كمية الدم الي بيحتاجها العقل تقريبا يوميا
يا خرابي
سبحان الله
___________________
السابع
الخليفة المأمون
_______
الثامن
الرياضة المفضلة عند الاسرئيلين
مش عارف بس الاكثر شعبية هي كرة القدم يليها كرة السلة
____________________
التاسع
تقريبا ناشينول جرافيك عام 1888
ودي صدرت في امريكا والله يعلم
____________
السؤال التالت
جون كيندي
ممكن
_________
الاخير مش عارف
يلابالتوفيق

لا يا جنى مبارك رابع اطول رئيس عربي يحكم حتى تنحيه 2011
بعد طبعا الرئيس اليمني
وكذلك الليبي
وكذلك العماني

تحياتي للاجابات الرائعة الي شكلها تفرح بدل على انها اجابات بنوتة مش انا منعفش كدا يا خرابيههههههههههههههههههههههههههه
بوب

خاااااااااااااااااااااااالص شكرى لكلا من ايهاب وجينول لتفاعلهم مع المسابقة

ايهاب انت جاوبت اربع اسئلة ونص وجينول جاوبت خمس اسئلة ونص



وبكدة نقول الف مبررررررررررررررررروك لجينول الفائز التاتى فى مسابقتنا

معلش ياايهاب بئة ان شاء الله تبقى فائز معانا فى المرات القادمة وعدم فوزك لايققل من قدرك بالعكس فانت المشارك الدائم معنا على مر الحلقتين ودة تفاعل نشكرك عليه

وشكرا لجينول ونتمى انك تكون معانا فى المرات القادمة ودلوقتى تعالوا نتعرف على الاجابات الصحيحة :


ج1/الهند
ج2/الاغريق
ج3/الرئيس الراحل ياسر عرفات
ج4/السماء الرابعة
ج5/الباب المفتوح
ج6/(1000)لتر
ج7/المامون -عددهم 700
ج8/ركوب الامواج
ج9/سنة (1633)-بفرنسا
ج10/الشمس والقمر

انتظرونى فى الاسبوع المقبل ان شاء الله

بالتوفيق للجميع

صفاء

ههههههههههههههههههههههههههههههههه
والله حتى لو انا الي فزت برضو هدي الفوز لجينول يا صفاء شوفي الفرق بين اجاباتي واجاباتها انا منعفش وشكلي وحششششششششششششششششش
اما هي بنوتة بنوتة انا منعفش هههههههههههه
يلا مبرووووووووووووووووووووووووووووووووووووك يا جنى
بس انتي متأكدة ان احابة اول سؤال يا صفاء
تحياتي

اشكرك ياايهاب


وانا فعلا اعتذر عن الخطأ


فاصل زهرة اللوتس اغريقية كما قمتم بالاجابة فعلا


ولكن زهرة اللوتس الحمراء هى التى من اصل هندى وهذا ماقصدته ولكنى نسيت كتابة الكلمة للتوضيح فحقا اعتذر عن خطاى الغير مقصود

فزهرة اللوتس تعتبر من الرموز الوطنية فى كلا من مصر والهند وفيتنام



يبقى اللوتس عامة من اصل اغريقى

اللوتس الاحمر من اصل هندى

شكرا ياايهاب فلولا تنبيهك لما عرفت الخطا وكنت اعطيت معلومة خاطأ احاسب عليها

ايون فعلا زهرة اللوتس من اهم معالم مصر
خصوصا استعملها الفراعنة في صناعة المكياج ومستحضرات التاجميل وفي سعي الان لدراسة التركيبة الفرعونية المستخرجة من زهرة اللوتس بعد ان ثبت علميا انها افضل المستحضرلت والتي ليس لها اي اثار جانبية على الجسم
وكذلك من اهم معالمنا في العصر الاسلامي حيث ان مأذن القاهرة جميعها مبينة على التراث اللوتسي في نهاية كل مأذنة تجد الشكل العامة لزهرة اللوتس
وكذلك اهم معالمنا في العصر الحديث وهو برج القاهرة الذي تم بنائه عام 56 يعد اهم شكل لزهرة اللوتس حيث نهاية البناءئ الرائعة التي تنتهي على شكل زهرة اللوتس
زكذلك شعار مبنى الاذاعة والتلفزيون هو على شكل زهرة اللوتس
اللوتس الحب والجمال
تحياتي