يالا نشارك كلنا ونشجع بعضنا

من طرف elhour السبت يونيو 25, 2011 2:19 pm

السلام عليكم ورحمه الله وبركاته
بدايه مبارك عليكم الاجازه وان شاء الله تكون اجازه سعيده وتستفادوا منها بجد وتستثمروها صح
ازاى نستفاد منها هقولكم ،،فى اكتر من حاجه ممكن نعملها ،، وحاجه بسيطه جدا وسهله جدا ومهمه جدا جداا من الحاجات دى
اننا هنعمل برنامج نمشى عليه كل يوم فالاجازه وحضارتكم اللى فالنهايه هتحددوا استفادتم ولالأ وان شاء الله الاستفاده كبيره جدا
ونقول على طول البروجرم هوه:
1)نبدأ اليوم بصلاه الفجر فى ميعادها والحفاظ عليها(لان فى ناس كتير بتسهر عالانترنت او التلفاز او باى شكل اخر وفى النهايه تضيع صلاه الفجر)
2)الاذكار ،اذكار الصباح والمساء المواظبه عليها يوميا وفى ميعادها
3)واخيرا نحدد سوره معينه من القران الرحمن مثلا او الكهف ونبدا نحفظ كل يوم صفحه واحده بس فاليوم وده مش هياخد اكتر من نص ساعه او بالكتير اوى ساعه
ونيجى فى اخر اليوم كل واحد يقول عمل ايه
وبكده الموضوع هيبقى نشط طول الاجازه ولو نجح وحصل تفاعل نستمر بعد كده ولو ده حصل انتو اللى هتقولوا نستمر
وهما 3 حاجات بس و مش صعبه خالص بس مهمه جدا ومش هتاخد وقت وكتير بيعملوا ده بس المهم المواظبه وده الهدف اننا نواظب على عمل ده
وعلى الاقل فى نهايه الاجازه نحس اننا انجازنا حاجه فعلا واستفادنا لما نلاقى حفظنا كم معين من القران وحافظنا على صلاه الفجر فى معادها بثوابها العظيم وكمان الاذكار
وده عن طريق التشجيع والتحفيز والتحدى بيننا اننا عايزين ندحل فأاخر اليوم واحنا انجازنا الحاجات دى وبالاستمرار هناخد علي كده
--------------
والبدايه هتكون انهارده باذن الله السبت 25/6
صلاه الفجر&الاذكار&صفحه من سوره فالقرأن
والسوره اللى هنبدأ بيها هى سوره الكهف يعنى انهارده نحفظ اول صفحه منها ومش هوصيكم مش حفظ اى كلام
والاذكار بتيجى كل يوم الساعه 4ونص تقريبا على قناه العفاسى ممكن تقولها معاه بتبقى حلوه اوى او من اى مكان تانى
وطبعا صلاه الفجر اللى كلنا عارفين اهميتها
ياريت نشارك كلنا ونستفاد كلنا
ومش تنسوا اللى هيشتركوا معانا يدخلوا فى نهايه اليوم ويقولوا عملوا ايه
اتمنى مشااااااااااااااااااااااااركتكم وتفاااااااااااااااااعلكم
يااااااااااااااااااااااااااااااااااااااااااااالا نبدأ

من طرف هداية الرحمن الإثنين يونيو 27, 2011 5:42 pm

فكره جميله جدا
جزاكى الله كل خيرا ياقمر

من طرف red rose الإثنين يونيو 27, 2011 5:43 pm

جزاكى الله كل خير

من طرف Genol الإثنين يونيو 27, 2011 10:16 pm

جزاكى الله خيرا
فكره جميله جدا والله بس أنا بالفعل بعملها أنا وزوجى من أول يوم زواج

من طرف moka الأربعاء يونيو 29, 2011 1:25 am

فكرة جميلة ياحور و انا كنت باعمل نص كدة بس انتي كاتبه تقريباً نفس البرجرام دة تحت موضوع افضل موضوع تفاعلي و من وقتها بنفذو حرفياً
جزاكي اللة خير ع مجهودك

من طرف elhour السبت يوليو 02, 2011 7:23 pm

ازيـــــــــــــــكم ازيــــــــــــــكم ياللى انا زعلانه منكم
اولا يارب تكونوا مبسوطين فالاجازه وتكون اجازه سعيده للجميع
ثانيا ميرسى جدا للناس اللى مرورها اسعدنى فعلا
ثالثا فين اللى قلت عليه لكن ده اللى كنت متوقعاه
بس انا رخمه هههه وهفضل وراكم
كويس اوى ان فى ناس بتعمل ده زى ميكو وجينول واكيد فى ناس كتير بس انا اقصد من الموضوع المتابعه
يعنى قلت فى اخر اليوم كل واحد يقول عمل ايه وليه مش عمل وكمان علشان نعرف مين اللى متابع معانا ومين اللى هيستمر ويبقى فى تنافس وتحدى والحاجات الحلوه دى مش كل واحد يعمل وخلاص
وبعدين لو حفظ صفحه كتير قولوا وتناقشوا كده
ممكن نخليها مثلا خمس ايات بس او اقل او اكتر زى ما انتو تقدروا
واللى مش بدأ ممكن نعمل بدايه تانى ده على اعتبار ان التقصير كان منى لعدم المتابعه وانا اسفه لده
بس الاهم اعرف مين اللى معانا ومشاركنا ونقول عملنا ايه فى نهايه اليوم
ياااااااااالا بئه صحصحوا شويه كفايه كسل

من طرف Genol الإثنين يوليو 04, 2011 12:09 am

أنا بصراحه كنت بحفظ يا حور بس دلوقت بقيت بقرأ فقط عشان الحمل بجد مخلينى عندى زهايمر وبنسي كل حاجه والله بس بجد أحلى حاجه فى الدنيا هى قراءة القرآن وحفظه
أنا بس مواظبه والحمدلله على صلاه الفجر والأذكار والتسبيح
بجد ربنا يبارك فيكي ويسعدك ويجعله فى ميزان حسناتك

من طرف elhour الإثنين يوليو 04, 2011 1:52 am

ربنا يخليكى يا حبيبتى
والف مليون مبروك عالحمل وربنا يكملك على خيريارب ويرزقك بأطفال صالحين زيك كده يا عسل والله انا فرحانه بيكى جدا وكان نفسى اشوف زيك كتير هنا بس للاسف الناس اللى هنا بتحبط وبس يعنى ما تشجعوش على اى حاجه تحبطونا،،يالا الله المستعان
واكيد مافيش احسن من القرأن وحفظه بس فى ناس هنا مش عارفه ده ربنا يهدى

من طرف red rose الإثنين يوليو 04, 2011 2:18 am

اكيد مفيش احسن من قرءة القرآن وحفظه وانا معاكى فى الفكرة دى وربنا يجازيكى كل خير عليها انا الحمد لله مواظبه على صلاة الفجر يوميا والاذكار وبحفظ قرآن ومستعده ابدأ معاكى
بس ابعدى عنك الاحباط كل حاجه فى اولها صعبة بس بعد كده بتكون سهلة ان شاء الله

من طرف elhour الإثنين يوليو 04, 2011 2:45 am

ماشى يا جميل
طبعا صلاه الفجر والاذكار مافيهاش كلام وبالنسبه للحفظ انا كنت حفظت اول شويه بس ممكن اراجع معاكى من بكره ان شاء الله اول خمس ايات بس علشان تقدرى تحفظى من سوره الكهف وخلى بدايتك من بكره وانا معاكى ولو فى حد تانى يا مرحبا بس تقريبا هما فى عالم تانى،،يالا يا عسل ربنا يعينك واشوفك بكره بئه تكونى حفظتى

من طرف red rose الإثنين يوليو 04, 2011 3:00 am

ان شاء الله وربنا يقوينا باذن الله

من طرف red rose الثلاثاء يوليو 05, 2011 12:58 am

انا بدأت من النهارده فى حفظ سورة الكهف والحمد لله حفظت جزء منها وان شاء الله هكمل كل يوم جزء. انا كنت بفكر من فترة انى ابدأ اكمل حفظ على اللى انا حفظاه ولما انتى عرضتى الموضوع اتشجعت جدا وفعلا بدأت اواظب على الحفظ كل يوم الحمد لله

من طرف elhour الثلاثاء يوليو 05, 2011 1:13 am

برافوووووووووووو عليكى اهم حاجه انك كان عندك اراده وعزيمه وكان عندك النيه وربنا قدرك وربنا يعينك ويقويكى
وانا كمان حفظت النهارده وراجعت وكله تمام
وياااااااااااااارب نكمل على خير ونخلصها على طول وندخل عاللى بعده
يالا هستناكى بكره ياقمر ان شاء الله

من طرف Genol الثلاثاء يوليو 05, 2011 9:53 pm

أهم حاجه إنك بدأتى بأحلى صوره بحبها وأنا الحمدلله حفظاها كلها دى صوره جميله جدا وسهله فى الحفظ ربنا يعينكم وأنا إن شاء الله هبتدى أراجع ع الصوره تانى معاكم

من طرف elhour الأربعاء يوليو 06, 2011 9:06 pm

طبعا ياجينول سوره جميله جدا قلت نبدأ بيها علشان تشجعنا ومن المفترض اننا نقراها كل يوم جمعه وبجد يا بختك بحفظها عارفه بس نصيحه عن تجربه اهم حاجه اللى تحفظيه تراجعيه باستمرار لانه بيتنسى واكيد يشرفنا انك تراجعى معانا شوفى بئه انتى تقدرى تراجعى قد ايه كل يوم
وبعدين فين ريد روز او الورده الحمره مش قلتى عملتى ايه انبارح حفظتى ولا لا طب انا ما دخلتش لانى كنت مسافره طول اليوم بس حفظت شويه وهكمل انهارده باذن الله ياريت مش تغيبى علينا تانى
وهذي احاديث في فضل سورة الكهف

1_ (من حفظ عشر آيات من أول سورة الكهف عصم من فتنة الدجال)
2_(من قرأ سورة الكهف في يوم الجمعة أضاء له من النور ما بين الجمعتين)
3_(من قرأ سورة الكهف يوم الجمعة أضاء له النور ما بينه و بين البيت العتيق)
4_(من قرأ العشر الأواخر من سورة الكهف عصم من فتنة الدجال)
5_(سورة الكهف تدعى في التوراة الحائلة تحول بين قارئها و بين النار)

من طرف red rose الخميس يوليو 07, 2011 12:44 am

معلش اصلى كنت مشغوله شويه عشان كده مش عرفت ادخل بس انا ماشيه على البرنامج وحفظت لحد دلوقتى عشرين آيه الحمد لله
وبشكرك جدا على احاديث فضل سورة الكهف وجزاكى الله كل خير وربنا يجعله فى ميزان حسناتك .

من طرف elhour الجمعة يوليو 08, 2011 1:33 am

وجزاكم كل خير
وعادى ولا يهمك كلنا لها
وبرافو عليكى ماشيه تمام الى الان
ربنا يقوينا ويعينا

من طرف Genol الجمعة يوليو 08, 2011 10:57 pm

أنا والله براجع ع طول والحمدلله أهم حاجه فى حياتى الالتزام بالصلاه وبكتاب الله ودول هما السبب الرئيسي فى سعادتى فى حياتى الزوجيه

من طرف elhour السبت يوليو 09, 2011 12:30 am

ربنا يسعدك ديما يا رب ويحققلك كل اللى تتمنيه ويكتر من امثالك ياااااارب ويهدينا جميعا لما يحبه ويرضاه

من طرف elhour الإثنين يوليو 11, 2011 2:13 am

فين الحفظ يا حلوين
والاذكار وصلاه الفجر حاضرين
عايزين نشاط ورمضان عالابواب
امال فى مضان هتعملوا ايه
يالا علشان هنزود حاجات كمان على مضان
شدوا حيلكم مش هنقضى الاجازه كلها فى سوره واحده

من طرف الملاك البرىء الإثنين يوليو 11, 2011 2:46 am

جزاك الله خير موضوع رائع ربنا يثبتك ويجعله فى ميزان حسناتك
والف مبروك يا جانا على الحمل وربنا يتمملك بخير يارب ويرزقك الزرية الصالحة

بجد مش عارف اقول ايه غير ان ربنا يجزيكم خير الجزاء

وانا من النهارده هبدأ معاكم ، هبدأ من جديد

يله عايزين شغل من ده كتييييييييييييييييير

من طرف elhour الإثنين يوليو 11, 2011 6:42 pm

هاااااااااايل
وانا سعيده جدا بالحماس ده ويااارب يستمر
واهوه الشهر الكريم هيهل علينا ويشجعنا اكتر واكتر
ويالا بئه ابدأوا مش عايزين اى حاجه تعطلنا
بالتوفيق

من طرف هداية الرحمن الثلاثاء يوليو 12, 2011 2:37 am

انا الحمد لله حفظاها وهراجع عليها تانى
جزاكم الله كل خير
والف مبروك ياجيتول على الحمل ويارب يرزقك بالذريه الصالحه

من طرف elhour الثلاثاء يوليو 12, 2011 7:29 pm

كويس فى ناس حفظاها راجعوا معانا بئه واحفظوا معانا اللى بعدها باذن الله
يالا بئه اللى بيحفظوا وصلتوا لفين هى كلها 6 ارباع يالا انجزوا علشان ندخل على اللى بعدها
مش عايزين تاخير عايزين نخلصها مع بعض
ربنا يقويكم ويعينكم

يالا نشارك كلنا ونشجع بعضنا

يالا نشارك كلنا ونشجع بعضنا

رد: يالا نشارك كلنا ونشجع بعضنا

رد: يالا نشارك كلنا ونشجع بعضنا

رد: يالا نشارك كلنا ونشجع بعضنا

رد: يالا نشارك كلنا ونشجع بعضنا

رد: يالا نشارك كلنا ونشجع بعضنا

رد: يالا نشارك كلنا ونشجع بعضنا

رد: يالا نشارك كلنا ونشجع بعضنا

رد: يالا نشارك كلنا ونشجع بعضنا

رد: يالا نشارك كلنا ونشجع بعضنا

رد: يالا نشارك كلنا ونشجع بعضنا

رد: يالا نشارك كلنا ونشجع بعضنا

رد: يالا نشارك كلنا ونشجع بعضنا

رد: يالا نشارك كلنا ونشجع بعضنا

رد: يالا نشارك كلنا ونشجع بعضنا

رد: يالا نشارك كلنا ونشجع بعضنا

رد: يالا نشارك كلنا ونشجع بعضنا

رد: يالا نشارك كلنا ونشجع بعضنا

رد: يالا نشارك كلنا ونشجع بعضنا

رد: يالا نشارك كلنا ونشجع بعضنا

رد: يالا نشارك كلنا ونشجع بعضنا

رد: يالا نشارك كلنا ونشجع بعضنا

رد: يالا نشارك كلنا ونشجع بعضنا

رد: يالا نشارك كلنا ونشجع بعضنا

رد: يالا نشارك كلنا ونشجع بعضنا