مزيدا من التفاعل

نظرا لجو الأجازة الممل هذا و الكئيب فكرت فى فكرة أتمنى أن تنال اعجاب أعضاء المنتدى تتمثل فى الأتى :
طبعا نحن لدينا فى المنتدى قسم وهبه لنا القائمين على المنتدى لهم منا جزيل الشكر قسم اسمه :
قسم ألعاب شباب اعلام
صح ؟ ماشى

وطبعا من منا لا يحب ألعاب الحاسب وخاصة السباقات يعنى سباقات الدراجات البخارية والسيارات والتزلج على الجليد وغيرها

هتسألونى طب دى تزود التفاعل بين أعضاء المنتدى ازاى ؟
أقولكم ازاى
طبعا تسمعوا وأكيد بعضكم جرب الألعاب الجماعية أون لاين
هو ده المطلوب نتفق مع بعض على معاد محدد يناسب الأغلبية وطبعا علشان مافيش معاد واحد يجمع الكل نعمل مجموعات وكل واحد يدخل المجموعة اللى ينسبه معادها يعنى الصبح ,الظهر ,بلاش العصر علشان اللى بيناموا هههههههه ,وبليل يعنى من المغرب لبعد الفجر
بس للأسف ماعنديش غير الأعاب اللى بنزلها من اسطوانات الأاعاب أو الألعاب الفردية اللى بدخل ألعبها مباشرة أو أحملها من مواقع الألعاب
فياريت يا شباب وفتيات المنتدى اللى عنده العاب من النوعية دى ينزل اللينك بتاعها على المنتدى علشان ندخل عليها كلنا
ومحدش يقول مابحبش ألعاب الكمبيوتر
عارفة أنها فكرة مجنونة شوية مش كتير يعنى
أتمنى أنها تعجبكم وتلاقى تفاعل منكم
لأنى اللى بيخلينى متعلقة بالمنتدى وليل نهار قدامه هو انى مابحسش بالوحدة واننا بمجرد ما بناخد الأجازة صلتنا كأصدقاء بتنقطع عن بعض وكل واحد بيحس انه وحيد وصحابه بعيد عنه ومافيش تواصل و ربما يكون ده احساسى أنا لوحدى ومحدش بيواجه المشكلة دى غيرى بس لقيت المنتدى له فوايد كتير و أهمها و أفضلها عندى هو تواصلنا عليه وان مش كل واحد بينشغل فى حياته وبينسى صحابه
أسفة على الاطالة لكن حبيت أعرض فكرة جديدة وفى نفس الوقت
أقدم برقية شكر وعرفان بالجميل للمنتدى ومشرفيه و أعضائه الذين لم أشعر معهم يوما أنى غريبة عنهم أو وحيدة منذ أول لحظة دخلت فيها للمنتدى

بصراحة فكرة لذيذة قوي وممتعة جدا اي نعم انا مش ليا في حكاية الالعاب قوي بس مستعد ليها يعني هي غارقة والله اي نعم مجنونة بس حلوة جدا
وطبعا كلامك كله تمام
وبجد منورة المنتدى ودايما مليئة بالامل والتفاؤل كدا على طول ويارب نفضل متجميعن على طول ان شاء الله ويفضل المنتدى عنوان لتواصلنا جميعا ان شاء الله
تحياتي

حبيت أسيب لكم هدية أقبل ما أروح دى بعض اللينكات لبعض الالعاب الجماعية أون لاين أتمنى من الجميع أنهم يتحمسوا للفكرة وتكون مشاركة جدية نابعة من الرغبة فى توطيد العلاقة فيما بيننا كأصدقاء

1-http://www.myplaycity.com/online_games/
2-http://www.onlinegames.com/
3-http://zone.msn.com/en-us/home
4-http://www.playedonline.com/
5-http://www.shockwave.com/home.jsp
6-http://www.freeonlinegames.com/
دى بعض المواقع ولو الفكرة عجبتكم ونجحت هنزل المزيد بس ياريت عايزة مشاركة عايزة احس بروح الجماعة ياريت نكون ولو حتى جروب واحد كبداية ويكون ولو حتى ان شاء الله من خمسة افراد
اللى هيشترك يدخل يقولى ويعرفنى وهتلاقونى منتظراكم وفى اكثر موقع يعجبكم من المجموعة المتنوعة دى

هي بصراحه فكره جميله اوي و احلي مافيها انها مجنونه شويه وانا معاكو فيها ان شاء الله

فكرة جميله جدا لانى بحب الالعاب اوى وان شاء الله هشترك معاكى فيها

أشكرك جدا يا ايهاب على هذا التشجيع وطبعا لا أستطيع أن أنسى أن أتقدم بأجمل التحيات لجينول وهمسة حب و red rose فكلامكم جدد بداخلى الأمل بأنه لا يوجد مستحيل وكل شئ يمكن تحقيقه بالاصرار وقوة العزيمة فأنا أول ما قمت بتنزيل هذا الموضوع كنت أظن بأنها مجرد فكرة عابرة ولن تلفت انتباه أحد ولن تحظى باعجابكم
لكن شدة اصرارى على أن يكون هناك تواصل أكثر بيننا ولكن بشكل جديد ومختلف بعيدا عن الامور التى اصبحت تقليدية مثل ال yahoo و facebook هو ماجعلنى امضى فيها دون استسلام او يأس
شكرا لكم كثيراااااااااا