رد: دعوة لطلبة علاقات عامة

من طرف red rose السبت سبتمبر 24, 2011 11:25 pm

حمدا لله على سلامتك
الموضوع بأختصار انى فكرت فى فكرة وحبيت انى اعرف رايكم فيها ايه علشان كده عرضتها فى موضوع خاص على المنتدى هنا فى قسم العلاقات العامة والاعلان لانه تبع شعبة علاقات
شوفى الموضوع من اوله وقولى رايك ايه فى الفكرة دى

من طرف توأم الروح الأحد سبتمبر 25, 2011 8:57 pm

المهم نتخرج

من طرف elhour الأحد سبتمبر 25, 2011 9:18 pm

ههههههه
ماهى الفكره دى يا سمكه للى مش عايزين يتخرجوا وبس او يتخرجوا ويقعدوا فالبيت
وبعدين ده بدل ما تشجعينا حتى لو مش هتكونى معانا

من طرف توأم الروح الأحد سبتمبر 25, 2011 9:40 pm

ومين قال انى مش معاكوا ........اوعدك لو فعلا الموضوع اتنفذ انا معاكوا جداااااااااااااا

من طرف elhour الأحد سبتمبر 25, 2011 10:35 pm

. كتب:ومين قال انى مش معاكوا ........اوعدك لو فعلا الموضوع اتنفذ انا معاكوا جداااااااااااااا

هوه اللى بيشارك بيشارك بعد ما يتنفذبرده ولا لما تشوفى النتيجه
بس النتيجه عمرها ما بتظهر الا لما نمتحن الاول

من طرف red rose الأحد سبتمبر 25, 2011 10:46 pm

بالظبط كده يا حور عندك حق
وبعدين حتى لو لا قدر الله محصلش نصيب والفكرة مش اتنفذت على الرغم من ان الدكاترة مش معترضين عليها فا يكفينا شرف المحاولة

وعلى فكرة اللى له هدف بيسعى دائما انه يحققه مهما كلفه ده من مشقه وزى ما حور قالت عمر النتيجه ما بتظهر الا لما نمتحن الاول
وفى الاخر كل واحد وليه وجهة نظره ورايه الخاص بيه

من طرف توأم الروح الأحد سبتمبر 25, 2011 10:51 pm

انتو مالكوا سخنتوا عليا كده ليه يا جماعه

من طرف ehab.pop الجمعة سبتمبر 30, 2011 8:14 pm

بسم الله الرحمن الرحيم
,,,,,,,,,,,,,,,,,,,,,,,,,,,,,,,,,

اولا طبعا بهنيكم جميع على العام الجديد واتمنى انه يكون عام استثنائي
وهيكون ان شاء الله اسثنائي بينا عشان احنا قررنا نكون واحد ان شاء الله
في افكار كتير جدا اتقالت وانطرحت في منها منها الي اتفال على المنتدى وفي منها الي اتعرض بين الاصدقاء في حوارات شخصية
المهم ان الكل قرر انه يبدا بشكل جديد شكل يكون في تغيير عشان كدا لقينا
الجميع بيفكر يعمل بشكل موضوعي اكتر بكتير من السابق لكن محتاجين تدعيم
اولا الافكار بدأت بفكرة واطورت لتكون في طريقها للتنفيذ يا ترى ايه هي
الفكرة الي تم عرضها من قبل زمايلنا في اذاعة وصحافة اننا نعمل فيلم تسجيلي
عن القسم نفسه وان الي يقدم الفيلم ده احنا
بمعنى ايه يا ايهاب ممكن توضح اكتر اوك
يعني اننا هنعمل حوار مصور مع الدكاترة بترتيب الاهمية وترتيب التوك شو
لكل دكتور بمعنى ان مثلا هنبدأ بدكتور جيها رئيسالقسم تتكلم عن القسم
وتجديدات المعمل والمطالب الي بطالب بيها من استوديو للقسم وما شابه
يجي دور المايسترو دكتور محمد عوض ويعرض افكاره عن تغيير القسم وما شابه
بس انا فكرت بدل ما ان الحوار يكون متواصل قولنا نغير الطريقة ونعمل
الحوار حوار حيوي بمعنى سؤال واجابة يعني ايه يعني هنقعد مع بعض نحضر اسئلة
بعد الاجتماع على ترتيب دور وواهمية الاسئلة ونعرضها بشكل منظن على
الدكاترة ونختار شخص عنده القدرة على مجاراة الحوار مع الدكاترة
قولنا
هنعمل فواصل اعلانية بين كل فقرة وما بعده يعني بتوع علاقات هما الي
هيشتغلوا في الفواصل ده يعني مهمتهم تكمن انها يفكروا ازاي يعملوا اعلان
ويقدروا يقدموه بشكل مصور خلال عرض الفيلم الوثائقي ده
عشان كدا قررنا نعرض الفكرة عليكم دي كانت اول الافكار والي المفروض انها تكون صميم عملنا

تاني حاجة شعبة علاقات عامة
@@@@@@@@@@@@
بعض الزملاء عرضوا فكرة جميلة جدا ونزلنا عرضناها على الدكتور محمد عوض
وهي خاصة بمشروع التخرج الفكرة بايجاز كانت فكرة اننا نعمل شركة دعايا
واعلان تكون هي دي فكرة مشروع التخرج بحيث ان نفس الاصطف او الجروب الي عمل
شكرة الدعايا يقدر انه يكمل الشركة بعد الدراسة بمعنى انها هتكون امتداد
لينا بعد الدراسة ان شاء الله عشان كدا لما تم عرض اللفكرة من خلال زميلتنا
على المنتدى رحب الجميع بيها ومانن في حماس الى حد ما بس كنا محتاجين
نتحرك شوية فعلا نزلنا الجامعة وقابلنا دكتور عوض وعرضنا فكرتنا وهو رحب
بيها وقال انا عايز الفكرة مكتوبة تكون معروضة بشكل منظم وانننا هنعمل شركة
محاكاة لواقع وليست شركة رسمية
وقولنا اننا نعمل مجلة دعايا خاصة
بالشركة نفسها وان الشركة تعمل شغل دعائي على اختلاف انواعه هو قال الفكرة
كويسة جدا بس محتاجة ترتيب الافكاار في شكل منظم وكتوب عشان كدا اتقفنا
اننا فعلا نحاول نكثف اتصالنا ببعض شوية ونعمل اجتماعات وكل شخص يقول الي
عنده ويعرضه بشكل كويس
فكرت اننا نقسم الشعبة الخاصة بعلاقات الي خمس
مجموعات مثلا وكل مجموعة نختار منها شخص يكون مسؤل عن الجروب بتاعه ويعمل
اجتماع مع الجروب الخاص بيه ويعرض الافكار وبعدين نعمل اجتماع مع رؤساء
المجموغات ونشوف كل مجنوعة طلعت افكار ايه والافكار الناضجة الي تستحق
التواجد والتنفيذ يتم عرضها ومحاولة تنفيذها
عشان كدا قررنا نعرض
عليكم الفكرة محتاجين دعمكم محتاجين اننا نكون في عام استثنائي محتاجين
ايجابية محتاجين نقول وداعا للسلبية الفردية محتاجين نكون واعيين

مستني ردودكم وافكاركم
يلا شاركونا ارائكم
مستني ايه خليكي ايجابي شوية
تحياتي

من طرف asmaa الجمعة سبتمبر 30, 2011 8:58 pm

انا موافقاك تماما ونفسى بجد السنادى
تكون سنه مختلفه وتكون بدايه لينا لممارسه الحياة
العمليه والشغل والاعتماد على الذات وكفيانا بقى كسل
ونوم
انا عندى فكره خاصه بشعبه اذاعه
نكون كاست برنامج البرنامج ده يكون عباره طرح قضايا
تهم الشباب فيما يتعلق بتوفير فرص عمل حملات توعيه
حمايه البيئه مساعدة الشباب فى التطوع للعمل الخيرى
وتشجيعهم على المشاركه فى العمل السياسى والانضمام للأحزاب المختلفه .............. وغيره
وكمان نعمل استطلاعات رأى فى الجامعه حول مايحدث
حولنا من احداث ويتم عرض البرنامج ده على شاشه عرض
ذى الشاشه اللى كانت امام غرفه دكتور عبد اللطيف
ويكون مره كل اسبوعييييييين ومدته من ساعه لساعه ونصف

من طرف توأم الروح الجمعة سبتمبر 30, 2011 9:06 pm

اى نعم الفكرة كبيرة اوى ومتحاجه حاجات كتير لكن ان شاء الله احنا قدها ومع بعض نقدر نعمل كتييييييييييير اوى
وان شاء الله السنه دى هتكون احلى سنه ف عمرنا ومش هننسى منها ولا يوم
ربنا معانا واللى ربنا معاه مستحيل يقلق او يحس اى احساس سلبى
وحطوا ف بالكوا كويس اوووووووووى
ان
الملتفت لا يصل
يعنى لازم مش نلتفت لاى حاجه تقلل من عزيمتنا وانما نفكر كويس ازاى نحل اى حاجه تعترض طريقنا

من طرف اميره القمر الجمعة سبتمبر 30, 2011 9:09 pm

امممممممم ربنا معاكوا

من طرف اميره القمر الجمعة سبتمبر 30, 2011 9:25 pm

ياريت الافكار دي تتنفذ فعلا يا جماعه ونعمل حاجه بجد وان شاء الله احنا ناوين نجتمع مبدايا يوم الاحد القادم الساعه 9 مع الدكتوره ونشوف الافكار ونفذها كلها

من طرف red rose الجمعة سبتمبر 30, 2011 9:45 pm

ان شاء الله ربنا معانا ويقوينا واحنا كمان هنسعى ونجتهد على قد ما نقدر وباذن الله نقدر نعمل حاجه مختلفة ومفيدة للكل
التجمع عند مدرج ( ب )

بالنسبة للمعاد ياريت لو يكون الساعه 10 مراعاة لزمايلنا اللى بيسافروا

من طرف elhour الجمعة سبتمبر 30, 2011 9:54 pm

ان شاء الله يوم الاحد نحط حجر الاساس لمشروع التفاؤل لكل الشعب فى اخر سنه لينا وتكون اجمل واحلى سنه لينا يارب
سواء روحنا 9 او بعدكده مش هنتجمع قبل 10
بالتوفيق ياااااااااااااااااااااااااااااااارب

من طرف shosho السبت أكتوبر 01, 2011 1:51 am

ربنا يوفقنا كلنا وتبقى سنه خير علينا واحنا ان شاء الله هنعمل اللى علينا والباقى على الله وعلى الدكاتره

من طرف red rose السبت أكتوبر 01, 2011 3:12 am

ان شاء الله
ربنا يوفقنا جميعا ويكفى ان الدكاترة بيسمعونا وبيشجعونا ودى حاجه تسعدنا كلنا وتخلي عندنا اصرار وعزيمه اننا نحاول نكون عند حسن ظنهم دائما وان شاء الله تبقى سنه سعيدة علينا جميعا

بالتوفيق ان شاء الله