اول يوم في الجامعة!!

من طرف ehab.pop الأحد أكتوبر 02, 2011 4:37 pm

بسم الله الرحمن الرحيم
,,,,,,,,,,,,,,,,,,,,,,,,,,,,,,,,,,,

بين الهيصة والفرحة خرجنا ببصيص الامل
..........................................................

النهاردة روحنا الجامعة مش عشان نحضر محاضرات وكلنا عارفين ان ما فيش محاضرات هتبدأ في اول اسبوع خصوصا ان جميع الدكاترة بتشوف الجدول الي يمشي معاها ووبيعدلوه بمزاجهم يعني عشان كدا مش رضيت اخدت الجدول لكن اكتر حاجة قهرتني هو انا دعواتكم على شعبة العلاقات العامة والاعلان جاء بالايجاب ويبدوا انكم ستفرحون بنا هذا العام فدكتور محمد عوض لن يعطينا اي مواد سوى في التيرم الثاني وهي مادة التخرج وانها الصدمة بوجود دكتور عبداللطيف في جدولنا الموقر ومن خفف علينا كل ذاك هو وجود العسل دكتور زيدان والجميلة دكتور جيهان ودكتور اسما
بالنسبة لصحافة خبر قد يجعلهم قلقون وهو وجود دكتور محمد الغرباوي في او ظهور له منذ سفره حيث تم التأكد انه سوف يعطي صحافة مادة ترجمة صحفية تقريبا بدلا من دكتور جيهان

هيصة وزيطة
.............

منذ الدقيقة الاولى لدخولي الجامعة شعرت بالاختناق لكثرت روادها يا الله من كل هؤلاء حقا انها الاجازة المملة التي دفعت للجميع للنزول يا الله من كل هؤلاء الاجسام الصغيرة في الجسم يااااااه تذكرت انه بداية عام دراسي حقا انها بداية العام الجديد طيب وايه الجديد الجديد انت مش عارف ان الي زاحم الجامعة والكلية هي الدفعة الجديدة ولا ايه اه تصدق فعلا لا اصحى مش تنام طيب مهو كان في ناس كتير من الدفعات القديمة ولا انت مش شفت منظرهم وفرحتهم العجيبة في استقبال بعضهم البعض بين قبلات واحضان تستمر لدقائق طويلة
فعلا عندك حق واقولك على حاجة كمان بصراحة في منهم الي كان نازل يصطاد ليستكشف الدفعات الجديدة ربما يقع على فريسة ياراجل بعد الثورة لسه في صدقني يا صاحبي والله ده كتير جدا احنا بس عشان محترمين احم احم

والله يا بوب عندك حق كانت هيصة وزريطة زي ما يكون نازلين يتفسحوا في المصرية بلازا ولا حاجة (ملحوظة بس انا شايف ان شوية شوي الولاد هيختفوا من كليتنا )احم احم خليها في سرك يا عم انت الناس بتتفرج علينا (طيب خلاص مش تزق لو سمحت )

,,,,,
الفرحة
,,,,
تقصد ايه بالفرحة بقى اقولك يا سيدي اقصد ايه بالفرحة الفرحة كانت موجودة بشكل جميل جدا عارف بدأت امتى بدات لما لقينا فعلا بعض الطلبة لبوا النداء بتاعنا اننا هنعمل اجتماع وكل شخص عنده فكرة يقدمها الي قولناه قبل كدا يا ابني انت نسيت اه اه افتكرت البتاع الي انت كنت نزلته ده معلش يا بوب انا مش بقرى الحاجات المهمة دي
انت هتقولي !!!!

ما علينا بجد لقيتهم مستنين بقالهم ساعة قلقنين لدرجة ان في ناس بدات تقول هو كلام وخلاص بس هما مش كانوا يعرفوا اننا غيرنا المعاد وخلناه عشرة اه صحيح مهو انت قولت خليها عشرة عشان الناس الي بتسافر

ايون شاطر ركز ركز خليك صاحي معايا

كمل يا بوب

اوك وبعدين يا سيدي قابلت الدكتورة انا والسيد وحسام وقالتلنا اجتمعوا مع بعض واعرضوا افكاركم ونبقى نقعد نجتمع ونتكلم فيها

حسينا ان العدد كتير على حجرة الاستاذ عبدالهادي وفعلا قد كان طلنا مفتاح المعمل ودكتور محمود طلع معانا وبدا كلامنا هنينا بعض بسنة جميلة تكون سعيدة وقولنا يارب تكون فعلا عملية استثنائية عرضنا فكرة الشركة الاعلانية وعجبت الناس والحقنا ليها المجلة الاعلانية طيب مش في افكار تانية يا ابني
انت عبيط ولا ايه لا طبعا في احنا طلبة اعلام شباب
وايه هي يا اعلامي
اقولك يا سيدي
اتكلمت زميلتنا (لحن ) عن مشروع عمل حوارات مصورة مع الدكاترة وعمل فيلم تسجيلي وكدا وكمان عمل العلانات مصورة نقدر نعرضها على شاشات القسم

اممممم حلو ده
عارف مش عايز رايك اسكت خليني اكمل

ثانيا كانت شهرزاد في الصورة بتعرض فكرة جميلة هي عبارة عن عمل مجلة او جريدة دورية تصدر عن القسم زيها زي انباء الجامعة وعلى حد قولها ان المفروض ان يكون مقر انباء الجامعة الطبيعي يكون قسم الاعلام وقالت نعمل مندوبين في كل الكليات وننقل كل الاخبار للطلب وكدا يعني والي عنده اي موهبة هيورنا نفسه يا سيدي في الجريدة قولنا تمام كدا

خرج كتير الكلام هو مين اوعى تقولي الفيلسوف
لا لالا لا والنعمة السيد غلبان
اومال مين يا بوب
ده حسام
ههههههههه
عمل ايه قول قول
اقولك يا سيدي
عرض فكرة حلوة خالص وقال ان جمعية رسالة في الشرقية عرضت علينا عرض مغري جدا عرضت اننا نكون منسقين للجمعية وان الجمعية متكفلة بكل حاجة واحنا هنكون مسؤلين عن كافة شيء دعايا وااعلانات وغيرها من التنسيق وقالت هنعمل ليكم مقر كمان والتكلفة عليهم وقالت عايزة 15 عضو يكونوا ننثلين للقسم الفكرة حلوة جدا يا حسام والله بس محتاجين الضمان وقال ان الدكتورة موافقة جدا على الفكرة

قال هناخد خمسة من كل شعبة بحيث يوصل العدد 15 عضو

طيب وبعدين

عرضت الوردا الحمرا فكرتها الخاصة بشركة الدعايا وقالت ليه مش تكون فكرة خاصة بمشروع التخرج ووضحت الفكرة والفكرة على العموم لاقت اعجاب الجميع واحنا شرحناها في البوست الي فات

طيب في افكار تاني
اه استنى والله كنت هنسى
ايه خير
بص يا سيدي في وسط الكلام خرج اخونا دكتور محمود وقام عرض الفكرة دي

فكرة ايه

اقولك يا سيدي

قال اننا نعمل نشرات اخبارية مصورة يكوون مسؤل عن صياغتها طلبة اذاعة ويكون مسؤل عن كتابة التقارير طلبة صحافة

طيب مين هيقدمها يا بوب

الي هيقدمها مش شرط يكون من اذاعة او صحافة او علاقات الي يقدمها يكون عنده القدرة الجيدة على القراة والتقديم يعني يكون لبق في حواره

اها فهمتك والله فكرة جامدة مووووووت

استنى انت عارف قال ايه كمان عجبتني
قال اننا نعرض الانشطة المختلفة والدعايا المختلفة للاسر في الكلية وايه الي بتقدمه كل اسرة في شكل مصور سريع

يعني ممكن مثلا نجيب امين كل اسرة يخرج يتكلم في عشر دقايق عن اهداف استه كنوع من الدعايا وكدا مقابل اجر بسيط وليكن

انا كدا خلصت الفرحة

لا لا لا يا بوب استنى انت نسيت حاجة عيب عليك والله

امممممم يا نهار ابيض دي احلى فرحة صحيح ده كان عيد ميلاد صلحن حبي صفاء عملت عيد ميلاد كدا سريع وجاتوهات وبيبسي اي نعم قلبت احراج بس احلى احراج عشان خاطر عيون الجميل

كل سنة وهي بكل الصحة وبالمناسبة دي بنقول

سنة حلوة يا جميل ويارب دوما بالخير والصحة ان شاء الله

اوعى تنسى الاتش يا بوب

لا لا ده حبيب قلبي كل سنة وانت طيب يا علاء
وبنتهز الوضع كل سنة وانتي طيبة يا ايمي
كل سنة وانتي طيبة يا يمنى
كل سنة وانتي طيبة يا همسة
كل سنة وكل من يحتفل بعيد ميلاده النهاردة بخير
ودايم عليكم بالخير والفرحة
اتمنى استمرار الامل امين ان شاء الله

ملحوظة
قمت بتلخيص ما حدث واهم الافكار للدكتور جيهان وقالت هنتكلم فيها ان شاء الله يوم الثلاثاء القادم بس هي حبت يكون عندها خلفية عشان كدا كتبت اهم الافكار في ورقة واخدتها النهاردة

ان شاء لله الي جاي احلى

بي هيصة وزيطة كانت الفرحة
وبين كل ذاك خرج الامل
واتمنى الا يعود للظلام من جديد

تحياتي
بوب