عااااااااحل طلاب الجامعه ( مراسلكم M.B من قلب الحدث )

من طرف mohamed badwi الإثنين أكتوبر 03, 2011 8:08 am

عااااااااحل طلاب الجامعه ( مراسلكم M.B من قلب الحدث )
.
.
.
.
.

.
.
.
.
.
.

صباحكم سعيد
ويومكم ان شالله عيد
يا صباح يوم جديد
يايوم بدايته ع البوابه فين الكارنيه
وجو المدرج حمد لله ع سلامة البيه
ولو دقيقه تاخير يبقي ياساتر استر
قامت قيامه ليك اصل سيادتك العين عليك
اسف يادكتور الدنيا زحمة وانت عارف ازمة المرور
هخلص المحاضره واجرى والشمس لسه حاضره
هكبر الدماغ اصل الدكتور كلامه وجع وصباحنا استقتاح
يعني مش طلبه هرتله ولا ناقصه رخامه وكلام دح
السنه ف البدايه واصل الحكايه كانه ما حصل
هننزل ندوس جو الجامعه هنقضيها
وف المدرج هنعليها
وحوارتانا هنفض ليها
بص يا عم الحرس جديد مش طلبه هرتله ولا حتى سرطنه
اليوم ف اوله لاتقفلنى احسن اقفله
ما تقولش كارنيه انا خلاص بقيت بيه
و انت يا استاذ خلصنا باذن الدفع محتاج ادفع مصاريفي
ومتقوليش عدى كمان شويه اصل لسه هفطر
وتسبنى بالساعات واقف ع الشباك
واصرخ واقول خلصني يااستاذ
ولو جت بنت حلوه تقوم وتقول
انتى ياحلوه عايزه ايه
وبصوت حنين ورقيق وجميل
تقولك عايز ادفع مصاريفي ياعمو
عمو يجرى ويقوم يخلص الورقه
وانا لسه واقف ف الطبور
اشكى ايه ولا ايه
رئيس الجامعه نهبها خلاص
وكل عميد مبقاش عده اخلاص
وكمان دكاترنا بقوا وحوش ياناس
كتاب كبير والكل قاعد ومش فاهمين
الدكتور ف وادى والقلب بيدعى رب يوفق
وكل طالب ف موال
لاما مستنى يضرب سيجاره اصلو خرمان
او معاد مع الموزه لانه مش شافها من زمان
او قاعد وعصافير البطن بتصوص اصله جعان
يعني كل واحد ف مرستان
من اولها بقول
كتبانا مبقاش نافع ولا حتى نسمع للدكتور
الكلام حفظنها والبرشام وجهزنا
ذاكرنا كتر ومفيش تقدير
الكل بيقول خلص اصل الجامعه مرحله وهتعدى
بقولها بصراحه وهعلى صوتى وخلى عندك قبول
الجامعه بيت من بيوتك
وكل واحد فيها لاما اب واجب احترامه
او اخ وزميل لازم تقديره
وكل بنت موجوده ااخت ليك وحافظ عليها
حابب جامعتك باذن الله هتنتج ف كليتك

هو حد عارف انا كنت بهيس وبكتب ايه
عامة قدر انى ما كتبتش
صباحكو موز
بقلم ابو مروان
M,B