مش رجوله منــــــــــــــــك!!!!

- مش رجولة منك تعاكس واحدة ف الشارع (أياً كان لبسها) لمجرد انها لوحدها
رغم انك عارف كويس جداً انها لو كانت ماشية مع واحد عمرك ما هتعرف تبصلها
... (أياً كان لبسها بردو) وبعدين ليه تعاكس !!!!!!!

-مش رجولة منك
انك تبتسم ف وش خطيبتك أو زميلتك ف الكلية لحد ما يجيلك شد عضلي ف وشك
وترجع البيت متحاولش تبص ف وش أمك أو ابوك أو حتى تكلمهم وبردو تقول عايش
وحيد ومحدش فاهمنى !!!!!

-مش رجولة منك تسقّط البنطلون ولما تتسأل
ليه تقول بكل بساطة علشان حجره ضيق وانت عارف كويس اوى انها موضه عالميه
وانت بتقلد بس !!!!!!!!!

-مش رجوله منك انك تفضل ماسك السيجاره
طول اليوم وانت لسه بتاخد مصروف من ابوك ويا فرحتى تقول محدش له دخل انا
راجل .. من امتى كان التدخين رمز الرجوله !!!

-مش رجوله لما تسمع
اللي بيحصل في فلسطين وتقول وانا مالي لما يبقوا ييجوا مصر وانت اصلا عايش
ف كل حاجة فحياتك كدا وحتى لما يجو مصر هتقول لما يجو البيت !!!!!!

- مش رجوله لما تبقي عارف انك غلطان وبتكابر لمجرد انك مش عايز تقول اني
غلطان ..طب ليه هو مين فينا مش بغلط .. الراجل اللى يعرف غلطه ويصلحه مش
بالمكابرة !!!!!!

- مش رجوله انك تكدب علي حد لمجرد انك تضحك او تتريق وتستخف بعقل الناس ع الفاضى خليك مسئول انت راااجل !!!!!!!

- مش رجوله لما تقف ساعتين تتخانق مع واحد صاحبك عشان هو اهلاوي وانت
زملكاوي ..في حين انك مش هتقف خمس دقايق تتكلم في مسأله دينية ... ويمكن حتى مش بتصلــى للأسف !!!!!!!

- مش رجوله لما تضرب واحد اصغر منك في الجسم
مع انك هتبقي كتكوت لو هو اكبر منك حبتين مع انه نفس الموقف .. فالرجوله
مش انك تتعالى ع الناس كلنا بشر !!

-مش رجولة منك انك تتريق على
اللي رايح واللي جاي لمجرد التريقة وكل واحد فينا فيه العبر وناسي اننا مش
ملايكة وانك لو دورت شوى هتلاقي زيك زى الناس !!!!!!!!!

-مش رجولة منك لما تكون قاعد ف مواصلة وتلاقي راجل كبير مش قادر يقف ومتقوملوش.... وتكبر دماغك ولا كانك شايفه !!!!!!!!!!!

-ومش رجولة خااااااااالص انك تكون ف نفس المواصلة وتشوف بنت أو ست كبيرة
الناس عمالة تعدي من جنبها وتخبط فيها وانتا قاعد كالثلجة الشمالية ولا
فــ دماغك وناسي انك راجل !!!!!!!!

مش رجوله ابداااااااااا يبقي
الاذان بياذن حى ع الصلاه وانت واقف تعاكس ف البنات ولا قاعد ع النت وناسي
ان ربك بيناديك .. وناسي ان هوة اللى خالقك ودا واجبك !!!!!!!

وكمان مش رجوله ابدا توعد و تلعب بقلب دى و دى تحت شعار الحب وانت اصلا
بتتسلى وناسي ان بنات الناس مش لعبه حتى لو هم اللى غلطانين ... طيب نسيت
انك انت غلطان اكتر !!!!!!!
الخ....الخ....ألخ

وعموماً......في ناس الكلام مش هيأثر فيهم لسبب بسيط جـــــــــــــداً

ان الرجولة ملهاش قطع غيـــــــــــــــــــــــــــــــــــــــار..........عارفين ليه لان الرجوله كلمة ومعنى واساس شخصيه ف كل فعل او عمل ف الدنيا مش مجرد كلمـــــــــة.. يا ريت الولاد ميزعلوش .. لان مش كل الولاد كدا ... احنا مش بنعمم ... ربنا يحميكم جميعا

تسلم ايدك على الموضوع الجامد دا

موضوع رائع بجد وصح جدا
جزاكى الله خير

عندك حق فى كل اللى قولتييييييييييييييييه
موضوع رائع
للأسف فعلا كل الحاجات دى الشباب بيحسبها
رجوله وروشنه ويبقى كده هو الشاب الكووووووول الروش
اللى البنات بتحبه وهتجرى عليه ويلفت انتباهها ........للأسف
شكرا ليكى