زوجتي وظيفتي !!

من طرف ehab.pop الثلاثاء نوفمبر 01, 2011 12:29 am

تتهمني زوجتي دائماً بأنني أحب عملي أكثر منها، وهذا صحيح تقريبا ...ولست وحدي..
الرجالة كلها كده بتحب شغلها أكتر .. عارفين ليه ؟

... * الشغل بيصرف عليا .. بس أنا اللي بصرف على مراتي

* في الشغل ممكن تزعق براحتك وزعيقك يجيب نتيجة .. مع مراتك صعب إنك تزعق براحتك ومهما زعقت مش هييجي بنتيجة

* ممكن تزوّغ من الشغل في أي وقت وما حدش ياخد باله أو تلاقي حد يغطيك .. إنما تزوّغ من مراتك .. هيهات

* في الشغل عندك مدير ممكن ترضيه لو اشتغلت كويس، بالنسبة لمراتك عندك حماة مستحيل ترضيها مهما عملت

* في الشغل ممكن تاخد اجازة ومن حقك رسما 21 يوم اجازة في المناسبات
الدينية والوطنية.. لكن صعب تاخد الاجازة اللي بتاخدها من الشغل لازم
تقضيها معاها

* في الشغل ممكن تترقي وتاخد منصب ويبقي لك مكتب
لوحدك .. بالنسبة لمراتك هاتعيش زوج وتموت زوج والترقية الوحيدة اللي ممكن
تديها لك لما تنادي لك وتقولك " يا ابو العيال ".

* في الشغل لما تزهق منه تسيبه بسهولة .. إنما تسيب مراتك أو مراتك تسيبك حاجة مش سهلة أبداً

* ممكن لما تسيب الشغل تسوي معاشك وتاخد مكافأة .. لما تسيب مراتك بتدفع لها إنت المكافأة " مؤخر ونفقة .. إلخ "

* ممكن تغير شغلك بسهولة لما تلاقي شغل أحسن منه.. في حين إنك طول الوقت بتقابل ستات أحسن من مراتك بس ما بتقدرش تغيرها

* في الشغل إنت متأمن عليك علشان لو حصل لك حاجة .. لو حصل لك حاجة مراتك اللي هيا بتقبض التأمين

لــ عـمـر طـاهر