أولى الخطوات العملية لتنفيذ مشروعنا

إنه لإحساس جميل حينما تشعر أن هناك من يعمل لأجلك ، من تشعر بأنه يعمل من أجل مصلحتك بل و يسعد بكل ما يشعر هو أنه يجلب لك الخير .... شكراً دكتور جيهان إلهامى .
------------------------------------------------------
تشرفت اليوم بلقاء الدكتورة جيهان وقد تناولنا كل ما يخص المشروع ، وحقاً شعرت بما ذكرته أعلاه ، بأنها حقاً تعمل من أجلنا ..... حقاً كسبنا الرهان .
أبدت الدكتورة موافقتها النهائية للمشروع ووعدها بالدعم و المساندة الجادة ، وعرضه على مجلس القسم فى أقرب اجتماع ، و كان الاتفاق على البدء فى التنفيذ من الآن ، و أول خطوة هى جمع فريق العمل والذى يتكون من ثلاث مجموعات و أن تقدم قائمة بهم إلى سيادتها بعد العيد مباشرة :
المجموعة الأولى : مجموعة التحرير " شعبة الصحافة "
عدد من 7 : 12 أفراد ليكونوا قوام أسرة تحرير الصحيفة الالكترونية ،، لا أعنى بذلك أن ذلك العدد سيكون هو مجمل المشاركين ، ولكن كما ذكرت أستاذتنا أنهم سيكونوا المسئولين أمام الدكتورة و إدارة الموقع و السادة المشرفين - لتحرير الصحيفة الإلكترونية ، و تكوين مجموعات العمل .
المجموعة الثانية : محررى القناة الإلكترونية :
نفس العدد السابق و الوظيفة مع اختلاف انهم المسئولون عن إعداد البرامج و التسجيلات المصورة للقناة الإلكترونية ، و الميزة التى أثنت عليها أستاذتنا هى أننا هنا لا نحتاج لأجهزة مكلفة للتصوير ولكن يكفى فقط كاميرا 3 ميجا أو تزيد .
المجموعة الثالثة : مجموعة العلاقات العامة و الإعلان :
ستتكون من مجموعتين " مجموعة الإعداد و العلاقات العامة " ، و " مجموعة الدعاية " ، و أيضا نفس العدد السابق .
===============================================
للتوضيح : الموقع خاص بالتغطية الإخبارية لمحافظة الشرقية بكل مراكزها ، بالإضافة إلى أخبار الجامعة ، ذلك يعنى أن عمل محررى المجلة و معدى برامج القناة ، لابد أن ينصب على تغطية أخبار الشرقية و الجامعة .

من يرغب فى الانضمام لابد أن يشعر بالمسئولية ، و أن يكون قادرا على العمل و العطاء ، و أن يعرف أنه مسئول عن ذلك أمام الجميع ، بالنسبة لمجموعة الصحيفة الالكترونية ياريت اللى حابب ينضم معانا يبعت أى عمل سابق ليه .

الخطوة الحالية هى تجميع فريق عمل الموقع الأساسى ، وطبعا هيكون من الفرقة الرابعة مبدأياً ، خلينا نبدأ و نقول مين معانا ،، و ياريت أعرف تعليقاتكم .

ترسل طلبات الانضامام الى البريد التالى:

رابط موضوع المشروع

جميل جدا وربنا يوفق يارب ان ش الله

هى المجموعه التالته مستاهله اوى تتقسم لمجموعتين ,,, طيب الدعايه وعارفين اللى فيها ,,طيب العلاقات العامه والاعداد يتعمل فيها ايه لموقع الكترونى
ده على اساس ان المجموعتين التانيين شغلهم واضح

ايه بس اللى مش واضح فيهم ؟!

ربنا يعنا ونبدأ فعلا العمل بعد العيد

مجموعة لتحرير الصحيفة الالكترونية كأى صحيفة .
و التانية خاصة باذاعة بدل ما هيعملوا أفلام تسجيلية هيعملوا برامجهم و تسجيلاتهم دى بس خاصة بموضوع الموقع ، وده خاص باذاعة .
أما عن المجموعة التالتة :
احنا عايزين نبقى موقع محترم ، موقع قوى ، لازم هيبقى ليه حملة دعاية قوية ، ده بالاضافة لمجموعة الاعلان يا جماعة والله المشروع ده فرصة فعلا ياريت ما نضيعهاش ، انا شايف ناس عملوا حاجات زى كده بمجهود أقل بكتير ،، فبلاش احباط وخلونا نشتغل .
----------
و بخصوص المجموعات دى هتكون هيا قوام العمل فى الموقع والمسئولة عنه هيبقى معاهم ناس تانية ..
-----------
ياريت بردو اللى عايز يعرف اى استفسار يتفضل يقول .

معلش بس حضرتك بتقول المجموعه التالته هتتقسم لاتنين فالدعايه معروفه
لكن العلاقات العامه والاعداد ايه اللى يتعمل فيها لموقع الكترونى بس ده اللى كنت اقصده
وعلى فكره انا مش بحبط خالص

طيب احنا ممكن نأجل كلام عن مجموعة العلاقات دلوقتى ... حاليا محتاجين اللى هيشارك معانا من صحافة و من اذاعة

وعلشان تستريحوا مجموعة علاقات هتبقى لوحدها مجموعتين الأولى الإعداد ، و هتبقى مهمتهم تنظيم مواعيد لقاء محررى الموقع مع المسئولين فى المحافظة و الجامعة واى حاجة ممكن يحتاجها المحررين و علاقات الموقع بالهيئات اللى هنتابعها فى الموقع ... الفريق التانى هيكون تنفيذ حملة الدعاية للموقع و الاعلان فى الموقع .... بيتهيألى ده دور مهم جدا جدا .وكل حاجة هتتضح اكتر بعد اجتماعنا بعد العيد بإذن الله

تمام بس ليه يكون خاص بمحافظة الشرقية والجامعة وميكنش عام يعنى ممكن تكون اخبار بوجه عام وتحقيقات على مستوى مصر كلها وليس الاقتصار على محافظة واحدة

صعب جدا نبقى صحيفة عامة أو تهتم بمصر كلها ، كده هندخل فى منافسة مع عمالقة الاعلام المصرى ، لكن احنا بندور على اللى ممكن نتميز فيه ، ولا انتى علشان مش من الشرقية بقى كل يبكى على ليلاه .. وكمان الشرقية مش شوية بس نغطيها ، وبردو مش معنى ده اننا هننسى مصر ( مين يقدر ينساها ) ، و على فكرة كل ده هنتكلم فيه فى أول اجتماع .. لتانى وتالت ورابع مرة اللى هيشارك لازم يكون عارف انه هيتعب بس صدقونى هيلاقى نظير تعبه ده .. ولا احنا عايزين كل حاجة بالساهل .
================
شدوا حيلكم يا جماعة يلا اللى عايز يشتغل معانا بجد يتفضل يشارك علشان هنبدأ بإذن الله بعد العيد ، مبدأياً اللى هيشارك معانا دلوقتى صحافة و إذاعة و أى حد عنده قدره على العمل الصحفى ، و عنده قدره على تحمل مهنة البحث عن المتاعب ، يلا يا جماعة .. صدقونى دى فرصة جامدة .. لا تراجع ولا استسلام
وحرام علينا نضيعها .. و لأنى واثق انى بفضل الله نوايايا من المشروع ده أسمى مما تتخيلوا والله أعلم بذلك ، فأنا متأكد وواثق من توفيق ربنا ...... وكمان احنا بيميزنا المرادى دعم دكتور جيهان و ده فرق كبير جدا و حاجة هتفيدنا لأبعد الحدود ، باذن الله قبل نهاية أجازة العيد هيكون الموقع أو على الأقل نسخة مبدأية منه جاهزة ، و الله المستعان .

اممممم هى بقت كده؟؟؟؟؟؟ انا منكرش طبعا ان احد الاسباب اننا مش من نفس المحافظة بس السبب الرئيسى هو امكانية توسيع نطاق العمل وتجديد الاخبار فى جميع المجالات

ربنا يوفقنا فى عملنا ونحقق كل الطموحات يارب

انا عايزه اشارك واكون من ضمن فريق
العمل وفعلا بعت الكلام ده على الميل اللى انت كتبه
ومفيش حد بعتلى الرد
اعرف ازاى انى من ضمن فريق العمل
خاصة ان الشغل هيبتدى بعد العيد زى ما بتقول

قريبا باذن الله توضع كل النقاط على الحروف

بخصوص الردود باذن الله هيكون فى رد ما تقلقوش
-------------------------
بس انا شايف فى تصنيفى اللى فوق ده عملت خطوة مش فى وقتها ...
الخطوة الصح يا جماعة اننا محتاجين اتنين من كل مركز فى الشرقية بالإضافة إلى اتنين لتغطية أخبار الجامعة و اتنين لتغطية الأخبار الرياضية بالمحافظة اللى طبعا بتتمركز فى الزقازيق ، و للعلم يا جماعة احنا مش عايزين حد يكتبلنا مقالات أكتر ما احنا محتاجين أخبار
وكل عام انتم بخير و عيد سعيد

يالنسبه للاتنين اللى انت عايزهم دول
هتختارهم على اساس ايه وامتى
المفروض ياعمر تعمل اجتماع مع كل الللى
مستعد يشارك فى المشروع ويكون الكلام ده بعد العيد
وتوزع علينا العمل

تمام ماهو ده اللى المفروض هيحصل هيكون فى اجتماع يوم الاحد ان شاء الله للى عاوز يبقى معانا .. وكمان بحاول يبقى لينا مكان فى الاتحاد علشان يبقى فى اجتماع اسبوعى ... بس اللى لخبطلى أفكارى بس ان الدكتورة طلبت منى 20 اسم فأنا اتلخبطت شوية وأفكاررى اتلخبطت آسف<br>

تمام كده
لو هتعمل الاجتماع ياريت تعلن قبليها
وطبعا تحدد المكان والزمان ويكون بشكل جدى
ويتعمل فعلا الاجتماع
بس تقصد ايه ب20 اسم انت هتخترهم قبل الاجتماع ازاى
وله هتختار اصحابك ؟

قالوا لو صبر القاتل على المقتول .......!!!
ياريت اللى حابب يشارك معانا بشكل جاد يا جماعة ان شاء الله هيكون فى اجتماع يوم الاحد ان شاء الله الساعة 11 وربع ، عند مدرج ب ،، ان شاء الله هيبقى فى مقر بعد كده و بحاول يبقى فى الاتحاد ...
----------------------------
وردا على asmaa أنا لو كنت عايز اختار اصحابى كنت اخترت من غير ما اعمل الدوشة دى يعنى ،، وكمان مفيش وجود معانا لحد مش هيشتغل أو مش قد الشغل وكمان مفيش وجود لحد علشان هوه صاحبى أو مش صاحبى ،، المقياس هو القدرة على العمل .

اختار ميعاد يناسب جميع الشعب انا فى اذاعه وعندى محاضره من 10 ونصف الى12 وبعديهاالمحاضره المشتركه بين ال3شعب
وبعديهم الساعه 1ونصف عبد اللطيف
فياريت تحاول تغير الميعاد وتبلغنا بيه قبليه

خلاص يبقى بعد محاضرة د / سناء بإذن الله
اى حد هيقدر يشارك معانا معادنا ان شاء الله بعد محاضرة د/ سناء بكره عند مدرج ب

مرسى كتييييييير ليك

انا عندى حل اسهل وهو ان يكون فى اجتماع لكل شعبة لوحدها يعنى مثلا صحافة ممكن تكون 11 باذن الله علشان نقدر نتفق على المطلوب وعلشان عندنا محاضرة الساعة 1
واذاعة اجتماعها فى ميعادها الساعة 1
وعلاقات فى وقت يكونوا فاضيين فيه برضه
وده عشان نكون منظمين وكل شخص فى شعبته ويعرف هيعمل ايه بالظبط

ايه رأيكوا؟؟؟؟؟؟؟؟