الكل باعني في عيد الحب !!!

مش تقولولــى ان النهــارده عيــد الحب يا جمــاعه ..!

كنت قـاعد مع واحد صــاحبى النهــارده فبطلب منه يعدى عليـا النهارده بالليل محتـاجه ..فقـالى حاضـر , بس المهم نخـلص قبـل السـاعه 12 صبـاحاً ..
وهــو بيضحك وبيقـولى .. كل سنـة وانت طيب بقى ياعسـل . ده الواحـد مستنى النهـارده بفـارغ الصـبر .

انـا طبعــاً مش فاهم حـاجه .. ليــه هو النهـارده ايه يـاترى .؟!
ومش أخدت فى بالى .. وقولت ربنا يشـفى ..

رجعت ودخلـت الغرفــة بتـاعتى .. ساكن معايا ( 3) من أصدقـائى فى الدراسـة .. وانا معـروف انى بسهـر بالليل .. فواحد من اصحـابى لقيته جـاى يبوسنى ..ويطبطب عليـا ..ويدينى عصـير .. هههههههه ويقــولى مش عايز حـاجه اعملهالك ..؟

فانا استغــربت وقولت ..يبقى الموضــوع فيه طلب أكيد .. فضحكت ..وقولتله ..هــات من الأخر .. عايز ايــه ..؟!

فقــالى النهــاردة بقى ..وكل سنـة وانت طيب .. وبعوده الأيام ..و هنيالك يافاعل الخيــر والثــواب .. و... و...

حطيت ايدى على فمـه .. وقــولته .. هـات من الأخر انت عــاوز ايه .. ؟!

قـالى اول ما السـاعه تيجى 12 ..تسيب الغرفــة نص سـاعه بس وتـرجع تــانى ..

نعــــــم يا خويـــــا ..!! الجــو برد جدا .. اطــلع فين .. !
انســى .. ماتحــاولش ..

قام فتــح الدولاب ..وطلع منـه نعنــاع .. ( بحــبه اووى ) .. من غــير كلام ..قولتــله حاضــر بس كــده ..لو عايزنى اســافر كمان حالا .انا مــوافق .. هههههههه .. شوفتوا بيضحــكوا عليــا ازاى ..؟!

فـقولت اطلب واحد صــاحبى تــانى اطمن علــيه . واشوف أخبــاره .. اتصــلت بيه .. لقيت الرقــم .. Witing .. بيدينى انتظــار ..

قــولت استنى شـوية ..واطلب تــانى .. هيــــــــه .. الرقم بيدى جرس ... صـاحبى بيرد اهــو: الوووووووو

ايــوة ازيك يا صــاحبى يا حبـيى ..وحشـتنى اوى . اخبـارك ايه .. والدراســة عاملة ايــه .. و..و.. ولسه هاكــمل ..!!

وفجــأه .. !!

لقــيت صاحبى بيقولى : اهــلا يا سيــف ..بقــولك ايــه .. انت كمــان وحشـتنى .. وبحبـبك .. وكله ..كله تمــام .. بس هاكــلمك تــانى اصــل الســاعه قــربت على 12 .. وانت عارف بقـى النهــارة وكــل سنة وانت طــيب .. وجزاكم الله خيــرا ..
والســلام عليــكم ..

وتيــــــت ... تيــــت ... تيــــيت .. بووووووم
( قفـــل الســكة فى وشــى .. احــم احــم يادى الأحـراج )

لا .. الموضـــوع كبــر بجـد .. هو فعــلا فيــه ايه النهــارده ..؟!

قررت اكشــف سر اللغــز ..وقولـت اسأل عمــى ابراهيم اللى فاتــح سوبــر ماركت تحتـنا .. ده راجــل كبيــر فى السن .وأكيد يعنــى مش مســتنى الســاعه 12 ..
وجريـــت عليــه بســرعه .. ولكن..!!

الصـــــدمة الكبــرى ,,.! عمــى ابراهيـــم بيتكـلم فى التلفون والســاعه كانت 12 .. لااااااااااا .. حتى انت ياعــمى ابراهيــم
وقــربت منه .. وكــنت لســه هاقولــه .. لقيــته بيقول للى بيكــلمه : خلاص يا سيـد .. يبقى كرتــونة بالجبنة ..وكــارتونة بالفراخ .. ههههههههههه

يــــــاخبر .. ظلمت الراجــل ..وكنــنت هاروح فى الرجليــن ..
أحمــدك يااااااارب .. وبدردش معــاه وبقــوله :
هــو النهــاره ايه يا عــم ابراهيــم .. الكل مستنى الساعه 12 ليــه ..؟!

قــالى .. النهــارده أل ايـــه أل .. بيقولوا عيـــد الحب .. ومش عــارف فلانتين ايــه .. والعيــال ولادى .. كل واحد داخلى امبــارح بدبدوب ..وقلب .. واحنــا مش لاقيــن لقــمة العيش

قعــدت اضحــك واقوله : قولـــتلى .. بقــى النهــارده عيــد الحب .. علشــان كده .. الكل باعنى النهــارده .. هههههه
ربنـا يهديكم يا اصحــابى ياااارب . ويحلــى قلوبــكم بحــب طاهــر وجميــل .. ويجمع بينكــم وبين اللى بتحبوهم على خيــر وقريــب اووووى .. علشــان ربنا يكون راضى عنــكم ويبارككم ..

وبصيــت لعمى ابراهيــم وقولتله : والله ياعمى ابراهيــم شبابنا وبناتنـا ..لو عرفو حلاوة طعــم وروعـة الحب الحلال والطــاهر .. لانتظروه ولو بعــد مئــات السنين ..

وحكــتله موقف,, شوفته قـدامى النهـارده وانا رايـح أصلى المغــرب .. قدام باب المســجد ..كــانت فيه عربيــة ماشيــة
وفجأة ..! اول ما الأذان قال الله أكبر .. لقيــت العربــية وقفت مـرة واحده .. ونزل منهــا زوج وزوجــته ومعاهم أولادهــم..
وسألونى : مصلى السيدات منين ..؟ ووصــل زوجته للمسجد ..ودخل صــلى معانا .. وخرج وركب هو ..وزوجتــه وكمــلوا طريقهم ..

الله بجد على الروووعــــــــه .. الله على الحب الجميل والحلال .. حقاً .. الطيــبون للطيبــات ..

ربنــا يرزقنا جميعــاً بحب طـاهر وحلال وجميل .. ويهدى جميع شبابنا وبنانتا للخير يـــارب

منقول

ههههههههه بجد جميلة قوووى
طبعا المواقف دى حقيقية لان محدش فاضى لينا النهاردة فعلا
ربنا يرزقنا جميعا بالحب الحلال الطاهر الذى يعيننا على طاعة الله اللهم اميييين

ربنــا يرزقنا جميعــاً بحب طـاهر وحلال وجميل .. ويهدى جميع شبابنا وبنانتا للخير يـــارب

آآآآآآآمين شكرا على هذة البسمات

شكرا لكم لمروركم الرائع الذي اضفى بريقا ع التوبيك