يا ترى مين اللي سرق علبة السجائر؟!!!

من طرف ???? الجمعة سبتمبر 11, 2009 2:02 am

إبراهيم وفارس و..
يا ترى مين اللي سرق علبة السجائر؟!!!

(كرومبو.. كرومبو.. معانا معاكم.. كرومبوووووووو).، على صوت المسابقة الشهيرة "المفتش كرومبو" استيقظ إبراهيم من تعسيلة ما بعد الإفطار، فانتفض من سريره بحثاً عن علبة السجائر الخاصة به -وقد بدأ التدخين منذ فترة وزوجته لا تعرف- وملأ الدنيا بحثاً لكن لم يجد شيئاً.

خرج إلى الصالة وعينه مشتعلة بالغضب؛ فوجد زوجته بسمة وابنته إسراء وابنه الصغير فارس جالسون جميعاً أمام التليفزيون يتابعون حلقات المفتش كرومبو الجديدة؛ فأطفأ الجهاز بعنف وقال: مين فيكو اللي دخل الأوضة وأنا نايم.. فنظر له الجميع في دهشة واستغراب، ولم يرد أحد؛ فأعاد على مسامعهم ما قال لتوه، فردت عليه بسمة قائلاً: ليه يا هيما، إنت بتدوّر على حاجة معينة يا اخويا أجيبها لك؟ فرد إبراهيم في ارتباك: إيييه آاااه أوو.. آه آه الـ.. الـ.. الكتاب بتاع إحسان عبد القدوس اللي كنت باقرأ فيه مش لاقيه.

لم تمر سوى ثوانٍ معدودة، وقالت إسراء: الللللله يا حبيبي يا بابا، إنت بتقرأ لإحسان عبد القدوس.. يا روحي عليه.. يا قلبي عليه.. شفت شخصية مدحت في "لا تطفئ الشمس1"، قطّع قلبي لما موّته في الجزء الثاني، ولا أختـ...، يقاطعها إبراهيم: بس يا ماما، بس يا أمي إنتي ما صدقتي، شكلك إنتي اللي دخلتي الأوضة.. فترد إسراء في مسكنة تحسد عليها: والنبي يا بابا أبداً ده أنا حتى كنت قاعدة باتفرج على فيلم "حبّيتك تحت الدائري وتركتك في نزلة الهرم".. وقعدت أعيط لما الاتنين سابو بعض عند مدخل المنيب.

يلتف إبراهيم لفارس والشك قد استبد به وقال: يبقى ما فيش غيرك إنت يا مقروض.. فقال فارس: شفت يا بابا حلقة المفتش كرومبو الأخيرة... ينظر له إبراهيم في توجس: لا يا اخويا ما شفتهاش... فيستطرد فارس: الحلقة بتقول: يا ترى مين اللي سرق علبة السجائر من غرفة أستاذ... أستاذ... أستاذ... يقاطعه إبراهيم في هذه اللحظات بضحكة مصطنعة مليئة بالارتباك؛ بينما يحضن ابنه قائلاً: أيوة يا حبيبي عارفها وعرفت مين اللي كان سارق... اسكت مش الراجل اللي اتسرق سامح اللي سرقه، وراح جاب له العجلة اللي كان عايزها من الأسبوع اللي فات.

من طرف شهرزاد الجمعة سبتمبر 11, 2009 2:42 am

ههههههههههههههههههههه جميلة قوى
[url=http://uploadpics.a2a.cc][img]http://up2.up-images.com/up//uploads2/images

من طرف بسمة الأربعاء أكتوبر 28, 2009 5:24 pm

هههههههههههههههههههه
طبعا مش عايزة كلام
اكيد فارس اللى خدها
جميلة اوى القصة دى

يا ترى مين اللي سرق علبة السجائر؟!!!

يا ترى مين اللي سرق علبة السجائر؟!!!

رد: يا ترى مين اللي سرق علبة السجائر؟!!!

رد: يا ترى مين اللي سرق علبة السجائر؟!!!