رد: لااااااااازم يا جمااعة...

من طرف الملاك البرىء الأحد أكتوبر 11, 2009 4:33 pm

شكرا جدا يا هبة انا اسمى لقاء وفى واحدة معايا قالتلى ان فى واحد جارهم بعد مخلص دخل اكاديمية اعلام بالقاهرة لمدة 6 شور واشتغل بسرعة مساعد مخرج مع تيسير عبود ففى فرصة يعنى وهى تقريبا ب1000 جنيه

من طرف العشق الحزين الأحد أكتوبر 11, 2009 6:15 pm

اهااا اكيد طبعا احنا اخوات وكويس انك قلتلي اني مش رغاية Very Happy

طب كويس شفتي بقي ان فيه امل واننا منسلمش من اول مرة نقع فيها

كان الدكتور زيدان بدل ما يقول كدا يقول وممكن بعد ماتخلصوا تدخلو اكاديمة الاعلام وكدا يعني

دا انا مضايقة منه اووووووي
يالا ربنا يسامحه

وكويس والله يعني دا يعتبر كورس مش كدة بردوا يا لقاء
؟؟؟؟

من طرف الملاك البرىء الخميس أكتوبر 15, 2009 9:51 pm

اه هو كورس ومتتضايقيش للدرجة دى بس الدكاترة كلهم ضاغطين علينا الترم دة قوى ولا هو اللى صعب كدة

من طرف العشق الحزين الخميس أكتوبر 15, 2009 10:35 pm

لا هما مش ضاغطين ولا حاجة بس هما لازم يحسسوكوا انكوا خلاص لازم شغل جدا بقي عشان انتوا اتخصصتوا ..

ومتخافيش الترم دا سهل ان شاء الله بس لو ركزتي فيه Smile

من طرف الملاك البرىء السبت أكتوبر 17, 2009 7:25 pm

بس اصل خالد وهويدا مع حفظ الالقاب مسكين البحث الاعلامى ويبقولوا على حاجات عجيبة المفروض نعملها وانا مش فاهمة من هويدا حاجة وجيهان عايزانا نوصف لها جريدة وتوفيق طالب حاجات برضوا ودا كله من اول محاضرة امال الباقى هيبقى ايييييييييييييييييه

من طرف nona_e3lam الإثنين أكتوبر 19, 2009 11:29 am

لقاء هوه انتى حضرتى لهويدا وجيهان وطلبوا حاجات؟ اصل انا محضرتش لهم بس البنات قالوا مقالوش حاجة جديدة كلها تعارف

من طرف nona_e3lam الإثنين أكتوبر 19, 2009 11:44 am

هبه موضوعك جاااااااااااااااااااامد اخر حاجة وبجد انا قبل ما ادخل المنتدى دلوقتى كنت لسه بفكر فى الموضوع ومش عارفة ابد منين واللى خلانى افكر هوة ان واحدة صاحبتى قالتلى انها اخدت دورة تدريبية فى مركز اعلامى بس هوة فى ميت غمر المركز ده
واخدت شهادة وبالتالى طلبوا منها تعمل اسكريبت لبرنامج وعشان اللى ميعرفش معنى اسكريبت
هوة تقريبا اعداد شامل للبرنامج وبتحطوا على اسطوانة وبتنظم حركات الكاميرا والديكور والفواصل الاعلانية و التقارير وكده يعنى
وقالتلى انها بتدرب دلوقتى فى القناة الخامسة او السادسة تقريبا فى طنطا وقالتلى انها الخطوة اللى بعد كده هتاخد كورسات كمبيوتر ولغة وانا من ساعتها وعمالة افكر ومش عارفة اوصل لحاجة وعلى فكرة الدورة دى ب 300 جنيه وشوية
بس كلامك طمنى كتيررررررررررررررررررر وياريت اعرف رايك فى اللى صاحبتى قالتو وسورى انا طولت عليكم

من طرف العشق الحزين الإثنين أكتوبر 19, 2009 8:22 pm

منورة يا نوناا

طبعا كلام صاحبتك كويس جدا جدا وياريت تعرفيني مكان المركز دا بالظبط او رقم تليفونه.
وصاحبتك دي بجد بتفكر صح جداااا وشوفي بقي لما تاخد كورسات لغة كمان وكمبيوتر ولما تتقدم لاي وظيفة شوفي بقي

بس عرفيني بس معلومات اكتر عن المركز دا ومدة الدورة ايه وكدا ولو كان ليه فرع في الزقازيق او حتي رقم التليفون وانا ممكن استفتسر عن اي حاجة.

ولتاني مرة منورة الموضوع يا قمر .

مستنية ردك Very Happy

انا نزلت موضوع الشيت لجيهان بس هويدا انا لسة مش فاهمة منها حاجة هى قالت نجيب رسالة اذاعة وننقل الجدوال التكرارية فى نهاية الرسالة فاضية ونحلل ازاى كاتب الرسالة حول المعلومات للجداول دى انا مش فاهمة منها بالظبط بس المحاضرة الجاية نشوف كدة واسفة على التاخير

من طرف nona_e3lam الأربعاء أكتوبر 21, 2009 3:01 pm

هبه انا اسفة اولا على التاخير جدا بس انا كل اللى اعرفه ان هيه من ميت غمر تقريبا واخدت الدورة هناك فى ميت غمر و قالتلى تقريبا كانت خدتها فى شهر 3 ايام فى الاسبوع او يومين سورى اصل ذاكرتى فى الضياع خالص المهم ان انا كمان دورت على النت على مركز فى الزقازيق ملقتش اى معلومات
بس عموما انا اول ما اشوفها تانى هسألها على كل التفاصيل اللى انتى عيزاها متقلقيش
والحاجة التانية انى كلمت د/خالد فى الموضوع ده وهوة بجد من الدكاترة اللى بجد يستاهلوا التقديررررررررررررررررر والاحتررررررررام الكامل لانه احترم كلامى واول كلامى سالته انى مش عارفة اعمل ايه اخد كورسات كمبيوتر ولغة ولا تخصص ولا استنى قالى ان فيه تدريبات بتقدمها كلية اعلام جامعه القاهرة وهيه دورات كويسة اوى وقالى انه هيشوف ارقام التليفونات ويجيبهالنا وانا مستنية لما اشوف الدكتور حالد واساله على الارقام ان شاء الله
معلشى طولت كتير

من طرف nona_e3lam الأربعاء أكتوبر 21, 2009 3:12 pm

لقاء ياقمر ميرسى لاهتمامك وانا حضرت لدكتورة هويدا والبنات قالولى انها قالت لهم المحاضرة اللى قبلها انه هتخليهم يدخلوا المكتبة اللى فيها رسائل الماجيستير اللى كانت موجودة فى الجامعة ويصوروها تقريبا ولما ناخدها هتقولنا نفرغ الجداول ازاى ونعمل اللى هيه طلبته بالظبط ازاى بس المسؤلين عن المكتبة مرضيوش يدخلوهم عشان يشوفوا الرسائل دى فقالت هكلم العميد

ميرسي اووي يا نونا وعلي فكرة انا شوفت النهاردة وانا راجعة من الجامعة عند خديقة سوزان مبارك كدا
حاجة تقريبا المركز التدريبي الاعلامي مش فاكرة الاسم اوي
بس انا ان شاء الله هروح اسال النظام ايه هناك

وياريت تسألي صاحبتك ان الشهادة دي عبارة عن ايه بالظبط وكمان المستوي كويس ولا ايه ؟؟

من طرف nona_e3lam الخميس أكتوبر 22, 2009 7:00 pm

انا سالت صاحبتى وقاليتلى ان المركز مكانه اول ما تنزلى من موقف ميت غمر قريب من الشهر العقارى ادامه تقريبا.يعنى مش بعيد عن الموقف تسالى اى حد هيدلك على مكانه.بس رقم التليفون هيه ماتعرفوش .وهى كانت قايلالى ان ديه عبارة عن دور تدريبية شامله معرفة الاعداد تقريبا.ومستواها كويس بدليل ان الدكتور اللى كان مشرف عليها لما لقاها كويسه خلاها تعمل اسكريب امتحان يعنى ولما عملته كويس خلاها تدرب فى قناة .وعموما هسالهالك تانى برده.