هل وزير التربية والتعليم الجديد على صواب ام على خطا

من طرف سارة محمد الأربعاء فبراير 24, 2010 11:35 pm

اننى اتسائل هل وزير التربيه والتعليم الجديد على صواب ام على خطا عندما اباح ضرب المدرس للطلاب
فقد شاهدت فى احد البرامج بعد تعيين الوزير الجديد ان مدرس يضرب طالب فيكسر له ذراعه .........................زفهل الوزير على صواب عندما سمح للمدرس بضرب التلميذ ام لا ؟؟؟؟؟؟؟؟؟؟؟؟؟سؤال يطرح نفسه
فقديما كان المدرس لا يستطيع ان يلمس احد تلاميذه ولو بكلمه فكان يتم تقديم الشكاوى ضده
اما الان عندما يكسر المدرس يد احد تلاميذه فالى من نشتكى
وعلى راى المثل............الشكوى لغير الله مذله

من طرف ايمى الخميس فبراير 25, 2010 9:56 am

قلتيلى بقى يا ساره انك نفسك تبقى مذيعه
ان شاء الله قريب جدا
خصوصا بعد البرنامج بتاعك دا

المهم:
الوزير مغلطش لما اباح الضرب بس هو ما قالش ان المدرس يكسر دراع التلميذ وطبعا محدش يرضى بكدا وعلى ذلك اى حد يحصل معاه موقف زى دا من حقه يشتكى فين بقى معرفش لكن فى مين ؟ فى المدرس وبس مش فى الوزير ولا المدير . المدرس وبس

من طرف sun_love_rise الخميس فبراير 25, 2010 10:25 am

فى رأيى انا الوزير غلطان والمفروض ان ميقولش كدة

ليه بقى؟ لان لما المدرس يضرب التلميذ ايا كان وسيلة الضرب وايا كان

نتيجة الضرب دة بيخلى التلاميذ تذاكر غصب عنها وطبعا 99% منهم مش

بيفهموا لانهم حافظين المنهج على اساس انهم يدخلوا الامتحان ويكتبوه

وخلاص لكن يفهموه ويطبقوه فعلا فى حياتهم اكيد لا.

والضرب كمان بيخوف التلاميذ من الاستاذ واكيد كلنا مرنا بمرحلة الضرب

يبقى ازاى التلميذ هيفهم المنهج وهو خايف من الاستاذ

لكن لو اتلغى الضرب واتلغى الخوف مفيش تلميذ هيشتكى من مدرس ولا

المدرس هيشتكى من التلميذ لا لمين ولا ليه؟

شكرا على وجه النظر وننتظر منك المزيد

من طرف محبة مصر الخميس فبراير 25, 2010 12:06 pm

طيب انا رايى انه مش غلطان بس لازم يكون فيه حدود ولوائح تحددها حتى لا يتم استخدامه بطريق خطا
فما ضاع التعليم الا عندما ضاعت هيبة المعلم واصبح حق الطالب يفوق حقوقه
ولو الوزير بقى يتم جميله ياريت يخلى تعليم الاطفال من سنه اولى الى سنه رابعه مقتصر على معلمات لانهم بيكونو افضل ف التربيه قبل التعليم وديه حاجه لمستها بنفسى ف الابتدائى لما درس ليا معلمات ومدرسين كانت المعلمات افضل بكثير واكثر شعورا بطفولتنا وارحم فى التعامل معنا
وربنا يوفق الوزير الى ما يحبه ويرضاه

من طرف PRINCESS الخميس فبراير 25, 2010 11:45 pm

انا رايى انه مغلطش بس مش الضرب بالطريقة دى ولازم كلنا نعرف ان الطلاب مابيجوش الابالضرب ولولا كدة بيفتكرو المدرس دة اى كلام ومش بيحترموه ومبيعملوش المطلوب منهم واحنا كنا كلنا كدة بس الوزير دة محترم وشغله بان من اول ماتولى الوزارة وربنا يوفقه ومش لازم عند اول حاجة تحصل نقف ونعلقله المشنقة مش ذنبه ان المدرس بيستخدم القانون غلط هو مش هيقف ورا كل مدرس

هل وزير التربية والتعليم الجديد على صواب ام على خطا

هل وزير التربية والتعليم الجديد على صواب ام على خطا

رد: هل وزير التربية والتعليم الجديد على صواب ام على خطا

رد: هل وزير التربية والتعليم الجديد على صواب ام على خطا

رد: هل وزير التربية والتعليم الجديد على صواب ام على خطا

رد: هل وزير التربية والتعليم الجديد على صواب ام على خطا