ماذا تفعل لو كنت وزير؟؟؟؟؟؟؟؟؟؟؟؟؟؟

من طرف الملاك البرىء الخميس فبراير 24, 2011 3:48 pm

كل واحد يدخل يقول لو كان وزير يحب يكون وزير ايه وهيعمل ايه

أو على الاقل يقول اقتراحه لتغيير مصر للافضل

أتمنى المشاركة من الجميع

من طرف شهرزاد الخميس فبراير 24, 2011 10:54 pm

موضوع مهم جدا وطرح فى وقته
انا لو هكون وزيرة هختار وزارة المالية واول حاجة هعملها اشوف موارد مصر كام بالظبط ودخلها من قناة السويس والسياحة ومواردها الاخرى وبعد كده اشوف هى بتحتاج ايه كل سنة ومحاولة ايجاد فرص عمل اكثر للشباب عن طريق وضع كل شخص فى مكانه المناسب واستبعاد من هو اقل كفاءة ووضعه فى مكان اقل حتى لو كان عمره اكبر واختيار على اساس الكفاءة وليس المحسوبية وفرض ضرائب على الاغنياء فى حد معين من الاموال والممتلكات والعمل على زيادة المرتبات لتشجيع المواطنين فى مقابل حثهم على العمل والانتاج اكثر مما هم قادرون عليه

بشكرك جدا

من طرف elhour الجمعة فبراير 25, 2011 6:44 pm

من الواضح ان طموحات الناس اللى فالمنتدى مش وصلت حتى لدرجه انهم يقولوا ماذا تفعل لو كنت وزيرا؟
غير شهرزاد بس
وعالعموم انا هقولك
انا اى وزاره هبذل فيها اقصى مجهود علشان ما اخليش حد مسؤول من الوزاره دى محتاج حاجه اى وزاره بئه
او ممكن احسن رئيسه وزراء علشان اقدر اسيطر على كل الوزارات واعمل فى كل وزاره اللى يرتقى بمستوى الشعب ويبقى افضل شعب فى كل حاجه وافضل بلد من الدول المتقدمه مش الناميه او المتخلفه واقيل اى حد مش يقوم بواجبه على اكمل وجه
بس اقولك حاجه....اى حد هيقول انه هيعمل كل حاجه كويسه بس قبل ما يكون فالمكان ده فعلا زى وزراء كتير والكلام كتير بس المهم التنفيــــــــــــــــــــــــــــــــــــذ

من طرف asmaa الجمعة فبراير 25, 2011 7:27 pm

انا بصراحه مش طموحى اكون وزيره
بس نفسى بجد التعليم يبقى افضل من كده
ونفسى بجد ان وزير التربيه والتعليم فى الحكومه الانتقاليه يستعين بالدكتور احمد زويل
او لو يكون هو وزير التربيه والتعليم فى الحكومه القادمه
بجد شخصيه عبقريه وعنده مشاريع لتطوير التعليم تفوق الوصف
وده كتبه فى كتابه ( عصر العلم ) وبجد لو الكتاب ده اتطبق فى مصر
ومبقاش كلام على ورق بالتاكيد مصر هتصبح واحده من الدول المتقدمه
خلال الخمس سنوات القادمه
لان بصراحه التطوير والتقدم مش هيبتدى إلا بالتعليم وكمان الطفل المصرى اذكى طفل فى العالم يعنى الماده الخام موجوده بس عايزيين
اللى يشغلها ويصنعها صح
اما عن المدرس فلابد ان يكون راتبه هو اعلى راتب فى موظفين الحكومه
كلهم لانه هو اللى بيخرج الطبيب والمهندس والضابط والسباك والميكانيكى................. الخ
خصوصا انه فى المرحله الاخيره شهد المدرس كميه تريقه
واستهزاء فى جميع وسائل الاعلام وده كله عشان الكادر يعنى عشان
هيزود المدرس فى راتبه لازم يعذبه الاول طبعا زى ماشفتم امتحانات الكادر اللى امتحنوها المدرسين منتهى الذل والاهانه وده كله عشان هيزود الراتب حسبى الله ونعم الوكيل
والدروس الخصوصيه وماادراك من الدروس الخصوصيه
بصراحه العمليه التعليميه بأكملها عايزه اباده
وتحل محلها نظام يديرها والنظام عايز تخصص والتخصص يعنى
الدكتور احمد زويل
نقطه كمان يكون فى مراكز لللأبحاث واصحاب الاختراعات ومحاولة
تطبيقها وتنفيذها بدل السفر للخارج فبلده اولى بيها
واخيرا نداء لجميع علماء مصر اللى فى الخارج حان الوقت لتأتى بلدك
فى اصبحت بلدك حقا ومن حقها عليك ان تنتفع بك وبعلمك

من طرف الملاك البرىء السبت فبراير 26, 2011 3:19 pm

بجد أفكاركوا جميلة وشكرا على المرور بس فين بقية الاعضاء

هدفى من الموضوع وضع أكبر كم من الافكار لتحسين البلد وان شاء الله الافكار دى تتنفذ بينا ومبقاش فيه حاجة مستحيلة بعد الثورة وان شاء الله نخلى مصر أحسن

من طرف السيد اسماعيل السبت فبراير 26, 2011 4:19 pm

نفسى ابقى وزير الزراعة ..........

واحاول انفذ مشروع الدكتور فاروق الباز

وطبعا ارجع اراضى البلد الى اتخصصت بتراب الفلوس واهدم البيوت الى اتبنت على تجريد الاراضى الزراعية

واحاول اكفى احتيجات مصر من المحاصيل الزراعية دون ان تستورد وهذا بغير مستحيل

وحاجات تانية كتييييييييييييييييييييييييييييييييييييييييير

زى ان ارفع الضرائب عن الفلاح
واهتم بالبذور
وعدم استخدام الادوية التى تسببت فى سرطانة المحاصيل

يااااااااااااااااه

بس ياخسارة انا مش وزير

حلوة فكرة الموضوع

ماذا تفعل لو كنت وزير؟؟؟؟؟؟؟؟؟؟؟؟؟؟

ماذا تفعل لو كنت وزير؟؟؟؟؟؟؟؟؟؟؟؟؟؟

رد: ماذا تفعل لو كنت وزير؟؟؟؟؟؟؟؟؟؟؟؟؟؟

رد: ماذا تفعل لو كنت وزير؟؟؟؟؟؟؟؟؟؟؟؟؟؟

رد: ماذا تفعل لو كنت وزير؟؟؟؟؟؟؟؟؟؟؟؟؟؟

رد: ماذا تفعل لو كنت وزير؟؟؟؟؟؟؟؟؟؟؟؟؟؟

رد: ماذا تفعل لو كنت وزير؟؟؟؟؟؟؟؟؟؟؟؟؟؟