ادخل واتعجب

بسم الله الرحمن الرحيم



نظراً لأن البشر منذ بدء الخليقة برعوا فى التحايل على كل قانون ربانى ...

وأمتدت أساليب التحايل و الخداع حتى يومنا هذا لتضع بصمتها على كل شئ ....

سأخذكم اليوم فى جولة سريعة لفنون التحايل و النصب باسم الحجاب ... والتى جعلت منه أضحوكة (شوف الصور و أتعجب )

=========================================

رقم (1) فى عجايب الحجاب السبعة

الكـــــــــــــــــاريــــنا



تـــعريف الكارينـا ( لمن لا يعرف ) : هو بادى أسترتش يلتصق بالجسم ...

ويكون مزود بأكمام طويلة (علشان الذراعين ما يظهروش ..يا سلام على الحشمة ) ....

وأذا ارتدت الفتاة الكارينـا فيمكنها ان ترتدى فوقه أى شئ تريده (نص كم او مفتوح الصدر اى حاجة وخلاص) المهم ان البدى غطى جسمها ...

ياسلام على التحايل و الخداع ... خدوا من القانون الربانى فى الحجاب مبدأ (ستر كل البدن ) .... وتجاهلوا انه لازم ( لا يصف و لا يشف )

المصيبة الكبرى : أن الأب و الأم بيكونوا فاكرين أنه ده الحجاب الصح طالما ان مفيش جزء من جسم بنتهم باين ...

=========================================

رقم (2) فى عجايب الحجاب السبعة


المــــــــــــــايوه الشــــــــــــرعى



والله الأسم لواحـــده يــــضــحك ...

طبعاً لأن العقل البشرى مفيش حدود بتوقفه .. فأخترعوا حكاية المايوة الشرعى ده علشان البنات و الستات المحجبات اللى عايزين ينزلوا المية زى الناس العادية ..

تعريف المايوة الشرعى ( لمن لا يعرف ) : هو مايوة يغطى الجسم كله ولا يظهر منه الا الوجه و الكفين ....

بس فيه مشكلة بسيطة أوى ...

إن المايوة بيكون ملتصق بالجسم ... يعنى تفاصيل جسم المرأة كلها بتكون واضحة ..

(مشكلة بسيطة صح)

حسبى الله و نعم الوكيل

=========================================

رقم (3) فى عجايب الحجاب السبعة

العبـــاية و ما أدراك ما العبـــــاية



- للوهلة الأولى تظن أن العباية هى أفضل زى للمرأة الملتزمة .....

- للأسف هذا كان المفهموم القديم قبل أن تظهر الأنواع الجديدة

العباية الحالية ... تعرف بأسم العباية المخصرة ...

وهذه العباية تبرز تفاصيل الجسم بشكل مستفز .. بالأضافة إلى النقوش البارزة و اللامعة

بأختصـــــــــــــار أنا أمنح هذه العباءة جائزة أفضل عملية نصب و تحايل لأعوام 2007 - 2008 – 2009 على التوالى

=========================================

رقم (4) فى عجايب الحجاب السبعة

البنطلـــــون الجــــــــينز



هذا ســــأسميه أم الـــــــــكوارث

التعريـــف : هو غنى عن التعريـف ..

طبعاً لا يخفى على أحد أنتشار البنطلون الجينز بين المحجبات كأنــــتشار النار فى الهشيم ... إلا من رحـــــــم ربى

والبنطلون الجينز مفيش منه مقاسات واسعة ... هو بطبيعته بياخد شكل الجسم .. وبيجسد كل حاجة ..

يعنى مفيش أفضل من وصف المصطفى عليه الصلاة والسلام ( كاسيات عاريات ) شــــــــوف البلاغة


=========================================

رقم (5) فى عجايب الحجاب السبع

البـــــوت طــويل الــــــرقبـــة



وعلشان البنت المحجبة ما تحسـش انها متخـلفة عن خطوط الموضة .... قدموا ليها أخر صيحة ...

لو عايزة تلبسى جــيبـة عند الركبة .... بس أنتى محجبة

ولا يهمك .. الحل عندنا !!!!!!!!!

جيبة عند الركبة + بوت طويل الرقبة

مبروك المشكـــــلة أتحلت ... وطبعاً مفيش حاجة من جسمك باينة ..

قمة التحايل و النصب .. اللهم أستر بنات المسلمين


=========================================






رقم (6) فى عجايب الحجاب السبعة




ربــــــــطات الـــــحجاب




طبعاً علشان كل بنت محجبة حست بالنقص بعد تغطية شعرها اللى بتعتبره تاج جمالـــــــــــها ....




قاموا بتعويضها عن ده بانواع الربطات المختلفة ...



أشكال و ألوان و تداخلات غريبة ... والله ملفته أكتر من الشعر العادى



وأنا مش هتكلم كتير شوف الصور وأحكم





وكمــــــان علشان المرأة العملية كثيرة الحركة ... اللى بيخنقها ربطة الحجاب التقليدية أخترعوا ليها الربطة الأسبانية Spanish ...

وده أتباعاً لمبدأ ( الــــدين يــــســـر ... )

والله هم يضحك و هم يبكى



رقم (7)فى عجايب الحجاب السبعة

مساحيق التجميل – المكياج – Make Up



بناءاً على مبدأ ( انه الله جــميل يـحب الجـــمال ) ..

فيحق لكِ سيدتى أستخدام كافة أنواع مساحيق التجميل ... و اتباع أحدث خطوط المكياج العصرى ... مع مراعاة عدم ظهور الشعر (ديه أهم حاجة عندنا علشان ترضى ربنا )

بجد هو ده المفهوم عند البنات و الأباء و الأمهات فى هذه الأيام ....

ونسوا ان حتى الطيب (العطر)محرم على المرأة أذا خرجت من بيتها
عن أبي موسى الأشعري قال : قال رسول الله صلى الله عليه وسلم :"أيما امرأة استعطرت فمرت على قوم ليجدوا من ريحها فهي زانية "

طيب اللى وجهها لوحة من الألوان و الأيحاءات ...يبقى حالها أيه

اللهم طهر عقولنا و قلوبنا من الزيـــغ و الهــــوى

=========================================

وللتـــــــــــذكرة ... مع ان الكلام أصبح لا طائل منه فى زمن ماتت فى القلوب و جفت فيه دماء الغيرة على بنات المسلمين

هذه هى شروط القانون الربــــــــــانى للــــــحجاب ....

الأول: ستر جميع بدن المرأة ( ما عدا الوجه و الكفين " وفيه خلاف" )
الثاني: أن لا يكون الحجاب في نفسه زينة . (يعنى ربطات أمينة شلباية و غيرها متنفعش )

الثالث: أن يكون صفيقاً ثخيناً لا يشف .

الرابع: أن يكون فضفاضاً واسعاً غير ضيق . (يعنى الكارينا و الجينز و العباية المخصرة و المايوة متنفعش )

الخامس: أن لا يكون مبخراً مطيباً .

السادس: أن لا يشبه ملابس الكافرات .

السابع : أن لا يشبه ملابس الرجال .

الثامن : أن لا يقصد به الشهرة بين الناس .



منقول للاهميه

بصراحه انا مش عارفه اقول ايه........بس انا بئه عندى مناعه (مش بقيت بتعجب من حاجه)
بس الغرب نقل كل حاجه ما سبش حاجه حتى ديننا بيعملوا فيه موضه (استغفر الله)
بس اولا واخيرا احنا اللى بنسمحلهم وبنديهم فرصه لحاجه زى كده.......
هما بس بيعملوا وبيبعتوا واحنا نستثمر ونشترى ونقول (كمان كمان)

لما هما عايزين يبعتولنا حد من بره (دوله اجنبيه) علشان تظبط لنا الانتخابات.. مش هتدخل فى حاجه زى كده ...دى بالنسبه لهم بسيطه

بس برده محدش بيضربنا على ايدينا
ولسه فى وفى
انتى كتبه 7 عجائب.. مش تقلقى ..هيزيدوا كتيييييييير

وربنا يهدى ويغفر للمسلمين والمسلمات الاحياء منهم والاموات
جزاكى الله خير

جزاكى الله خيرا عن الاسلام والمسلمات
لقد اعجبتنى صياغة الموضوع كثيرا000
ويبدو واضحا جهدك المبذول00
فجزاكى الله عنا خير الجزاء0
تقبلى خالة جديدة لهنا00الحالية او المستقبلية-ان شاء الله-0

اى حاجة حرام يضيفوا ليه بس دينى او شرعى تبقى حلال زى مثلا
مسلسلات دينية-اغانى دينية-رقص دينى
وللاسف كثير من السذج الذى يمشى وراء هذا الكلام من باب الدين يسر وانا لله وانا اليه راجعون
جزاكى الله كل خير ويارب يجعله فى ميزان حسناتك

جزاكى الله كل خير على هذا الموضوع المهم


وربنا يسترنا فى الدنيا والاخرة
انا عن نفسى مش بلاقى حاجة تناسبنى فى الجاهز
لان الموضة بقت الوانات الطيف والمكرمش وحجات متخلفة
فبضطر لشراء القماش وتفصيله وتقريبا صحباتى كلهم وبلدنا كمان بيعملوا كده بس المشكلة تفصيل الجلباب بياخد شهر
بس نرجع ونقول المضطر .............................


ونسال الله عزوجل ان يهدى رئيسنا او يعجل لبلدنا برئيس يتقى الله فى كل شىء
ولا يسمح لهذه القذورات بالدخول لبلانا