(((الحب)))

الحب
الشئ اللى بنسعى له وبنتمناه
نفسى نفتح حوار بجد ونتكلم عن كل حاجه فيه
ليه بنحب وبنحب ازاى وكللللللللللل حاجه
مستنيه حد يفتح الحديث

اه على فكرة انا اقصد الحب اللى بين بنت وولد مش حب الامومه
هههههههههههههه عشان نبقى واضحين
مش جراءة زايده منى لكن حسيت ان دة بقى مرض متنشر اوى سواء حميد او خبيث هنتناقش فى دة
مستنياكوا

ههههههههه
انا كنت فاكراكى تقصدى بالحب حب تانى (..الله ورسوله ..حب الامومه.. الاخوه.. الصداقه ..الحب فالله عموما)
كنت هتناقش لما تقولولى كفايه
لكن اللى تقصديه...فتناقشوا انتو وانا هتفرج من بعيد
ولو عايزين حد يفتح الحديث
افتح انا
احسن واسمى شىء..الحب فالله
هههههه كملوا انتو بئه

ايه ده هو في حد بيدردش في الحاجات دي
بس انتي عارفة ان كل واحد كان عايش حياة مراهقة وكان طبعا فيها كتير من مراحل وتقلبات القلب والعقل لاي بنت بل كان احيانا بتكون العملية متبادلة
انتي عارفة ان حب المراهقة ده هو احلى حب لانه طاهر نقي مش في غش ولا خداع ولا في هم ولا مسؤلية ولا جواز بفلوس بحبها علشان بحبها
واكيد ربنا خلقنا نوعين علشان اكيد يحصل انجذاب بينا فهي دي الحياة
اقولك حاج بقى

قلب المرأة غرفة واحدة من يدخلها لا يحب ان يخرج منها و لكنها لا تسع الا رجلا واحدا بينما قلب الرجل فندق كامل ملئ بالغرفات و لكن هنالك جناح خاص لأمرأة واحدة فقط!!!!!!!!!!!!!!!!!!!!! صح ولا لا

هو اكيد طبعا محدش فينا هيتكلم فى الموضوع دة لانه خاص حتى لو حابب يقول كلام كتير عن الحب
ورأى ايهاب صح جدا ان قلب المرأة غرفة واحدة من يدخلها لا يحب ان يخرج منها و لكنها لا تسع الا رجلا واحدا بينما قلب الرجل فندق كامل ملئ بالغرفات و لكن هنالك جناح خاص لأمرأة واحدة فقط
بس حتى لو هناك جناح خاص لامرأة واحدة فقط دة مينسناش الغرفات التانية اللى مالية الفندق ولا اية ؟

الحب يالها من كلمة رقيقة عظيمة قد دنست اليوم
الموضوع كبير ومحتاج وقت كبير للتحدث فيه ولكن باختصار شديد ان مايحدث بين الشباب والفتيات الان مصيبة كبرى
ياعم دى علاقة بريئة وهنتهى بالزواج
ياعم انت مكبر الموضوع ليه فيها ايه لما اتنين يحبوا بعض وبعد كده يتجوزوا
بدون الدخول فى حلال وحرام اقول ان هذه العلاقة نهايتها المحتومة هى الفشل سواء لم تنتهى بالزواج او انتهت بالزواج لان ما بنى على باطل فهو باطل وسيهدم فى النهاية وهذا الموضوع يقودنا الى مواضيع اخرى كثيرة ولكن لـ اختصار الوقت والجهد ما السبب فى انتشار هذه الظاهرة ؟ وما الحل؟
السبب هو الاسرة فنجد ان الاب مشغول والام مشغولة ويتركوا ابنهم او ابنتهم وحيدة فيتولد بذلك وحدة او فراغ عند الشاب او الفتاة فـ يلجاوا الى مثل هذه العلاقات لملء هذا الفراغ والحل هو التربية السليمة وان يكون هناك روابط اسرية قوية بدلا من ان تكون الروابط الاسرية مفككة كما يحدث الان وان يجلس الاب مع ابنه او مع ابنته ويتكلم معاهم ويشوف مشاكلهم ايه
فى النهاية اشكرك على طرح هذا الموضوع الخطير وجزاكى الله كل خير

اولا شكرا لمشاركاتكم دى
الحور/مينفعش طول الوقت نتكلم عن الصدق مثلا ونسيب الكدب واخطاره ---طبعا حب الله والحب فى الله اسمى حب ودة مش كلامنا احنا دة كلام اعظم دين لكن مينفعش نقفل وداننا لما نسمع حب بنت وولد

ايهاب/لاول مرة اوجه كلامى لولد لكن حبيت اقولك ان مش ديما حب المراهقه بيبقى طاهر ونقى وكمان حكايه القوض دى امممم الجمله حلوة بس ازاى مثلا لما اتزوج راجل يحبنى بجد لكن ممكن يحب ستات تانيين بصراحه مش فاهمه ياريت افهمها قبل ما اتخطب عشان لو فعلا الراجل ممكن يحب اكتر من واحده يبقى بيت بابا اولى بيه ههههههه

برنسيس/انا مقصدتش ان كل واحد يقول تجربته بكل وضوح لان دة اصلا مش كويس وميصحش لكن نظرتنا عموما للموضوع

الراجى رحمه ربه/no comment
جزاكم الله خيرا ورزقكم الزوجه الصالحه خير متاع الدنيا

سؤالى للكل//ماذا تفضلون حب ما قبل الزواج ام حب ما بعد الزواج ولماذا؟اريد اسبا حقيقه لا اريد شعارات وكلام محفوظ

سؤال جميل جدا
اولا عاوز اوضح شىء مهم جدا ان مايحدث بين الشباب والفتيات لايسمى حب بل هو خداع متبادل حتى وان انتهت هذه العلاقة المحرمة بالزواج وكما قلت النهاية المحتومة هى الفشل لان مابنى على باطل فهو باطل وكما تدين تدان يعنى لو سالت احد الاخوة هل يرضى ان يقيم احدهم مع اختك مثل هذه العلاقات فستكون الاجابة بالنفى بل سنجده يقول ده لو حصل كده هدبحها طيب اتقى الله لانه كما قلت كما تدين تدان
نرجع تانى لكلام ايهاب وحب المراهقة الطاهر والشريف كما قلت هذا ليس حب بل هو خداع متبادل وفى حديث رسول الله صلى الله عليه وسلم عن السبعة الذين يظلهم الله يوم لاظل الا ظله من ضمنهم شاب نشأ فى عبادة الله عزوجل وايضا قال رسول الله صلى الله عليه وسلم (يا معشر الشباب من استطاع منكم الباءة فليتزوج ومن لم يستطع فعليه بالصوم فإنه له وجاء) مقلش حبوا او اقيموا مثل هذه العلاقات وكمان فيه حديث تانى يقودنا الى موضوع تانى ولكنه يرتبط بنفس هذا الموضوع وهو

" إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير "
وهذا مايحدث الان فى ظل هذا الغلاء فبدل ان ينظر الاب الى الدين والخلق ينظر الى الحسب والنسب والمال حتى وان كان لايصلى او سىء الخلق ولاحول ولاقوة الا بالله
وكما قلت هذا الموضوع يقودنا الى مواضيع اخرى كثيرة ولكن فى النهاية اشكرك مرة اخرى لطرح مثل هذا الموضوع الهام والخطير للنقاش وجزاكى الله كل خير ومازال الحوار مفتوحا

اولا انا بشكر ردودكم كلها الجميلة عجبتنى جدا وبينت فعلا ان كل حد فيكوا ليه شخصيته المستقلة اللى بيعبر عنها

انا بقى بالنسبة ليا موضوع الحب ده شئ مهم جدا فى حياتى من غيره بصراحة مقدرش اعيش بجد طبعا حب الله ورسوله الحمد لله فى المرتبة الاولى وبعديه حب بابا وماما ربنا يخليهم ليا واخواتى طبعا
وصحابى دول حياتى وانتى طبعا يا سمسم اولهم
بس نرجع بقى لموضوعنا وهو بين الولد والبنت هو على فكرة محدش يقدر يستغنى عن الحب ده ابدا مهما حاول يدارى ويقول لأ خلينا واضحين بس لازم يكون ليه شروط ونلتزم بما يامر به ديننا وهو طبعا ماينفعش موضوع المقابلات والكلام غلط وحرام لان مفيش اختلاط بين ولد وبنت ابدا وانا مع كده
بس انا مرتبطة فعلا وبقولها ليكوا كلكوا انا بحب بجد وبفكر كتير قوى فيه كمان طبعا كلكوا مستغربين ازاى انا بقولها كده بس دى الحقيقة وانا فعلا مستنياه لان ده اللى ربنا اخترهولى يكون نصيبى اكيد هيكون احسن انسان فى الدنيا وهتكون صفاته جميلة قوى فهو ده فعلا اللى انا مستنياه بفارغ الصبر لانه هيلاقينى فى انتظاره ومش مشغولة باى حاجة غيره مع ملاحظة تفكيرى فيه كصفات وليس كشخص معين لان مينفعش انى اعلق نفسى بحد وممكن ميحصلش نصيب بينا ويمكن هو مايستاهلش ده غير انه حرام اصلا
فعشان كده انا لما اى حد يسالنى عن الموضوع ده بجد انا بقولهم انا مرتبطة لانى بجد مقدرش اعيش من غير الاحساس ده الجميل اللى اهدره الكثير من الشباب والفتيات بوهم الحب اللى هما فهمينه غلط اساسا

ربنا يرزقنا كلنا بالازواج الصالحة اااااااااامين يارب العالمين

المقطع دة 6 دقايق
ارجوكم محدش يعترض على الاشخاص
انا عايزة بس الكلام اللى فى المقطع وعايزة رايكوا
يا جماعه احنا اتخلقنا ليه؟كل واحد يفكر وحدش يقولى عشان نعبد ربنا وبس من غير اقتناع
عشان نعرف ربنا عشان نحبه ونحب كل حاجه خلقها لينا ومن ضمن المخلوقات الزوج والزوجه
لما احب زوجى يبقى كانى بقول بحبك يارب ولما اطيع زوجى يبقى كانى بطيع ربنا الكلام مش هيخلص والدنيا مش ابيض واسود لا الواااااااان كتيييييييير والسما مش قد سقف بيتكوا
مستنيه رايكوا بجد وفيه ناس كتير شاركت مرة وسكتت

مفيش ولا واحد عصر على نفسه لمونه وشاف الفيديو اللى 6 دقايق دة؟؟؟؟؟؟؟؟؟؟؟؟؟؟؟؟؟

لايكتمل ايمان الفرد حتى يكون الله ورسوله احب اليه مما سواهما ومعلش مفهتمش اخر حتة بتاعة (والدنيا مش ابيض واسود لا الواااااااان كتيييييييير والسما مش قد سقف بيتكوا)ارجو التوضيح

موضوع جميل جدا
ومعرفش ليه بعض الاعضاء محبوش يشاركوا فيه ليه؟
لكن انا شايفه انه موضوع مهم ليا انا عالاقل وانا شفت تجربه بعينى عن الحب وكانت جميله ومنتهتش بالجواز بالعكس ابتدت بيه والموضوع كله انه عرفها انه بيحبها عن طريق اخته وهى كمان كانت بتحبه وقالتله عن طريق اخته برضهبس وضحت انها معندهاش استعداد انها تكلمه عشان دينهاواحترامها لذاتها ميقلش وهو احترم ده فيها ودخلوا جامعه واحده واتقدملها وهما ف الجامعه وخطبها واول اما اتخرجوا اتجوزوا وما زالوا بيحبوا بعض زى الاول واكتر وبقى بينهم طفل جميل دى تجربه جميله كان يمكن نفسى اعيشها لكن يمكن بعيشها بطريقه مختلفه شويه هحكيها بعدين

السلام عليكم
ردود حلوة بس عاملة زى اجابات الاستبيان اكيد انتو اعلامين وعارفين الاستبان ان اكتر اللى بيجوبوا على اسئلة الاستبان لا يكون ده رايهم الحقيقة
مااحنا عارفين حب الله وهو اعظم حب وحب الرسول صلى الله عليه وسلم هذا لاناقش فيه

شكرا لردودكوا ومازال النقاش مستمر
اما بالنسبه لموضوع الالوان والسقف ههههههههههه
محدش فكر فى يوم ليه السما عاليه اوى كده
طبعا دة يدل على قدرة الله سبحانه وتعالى لكن حكمه ربنا كبيرة اوى
انا قصدى ان طالما كل واحد ميقدرش يعيش من غير الحب يبقى مش نحبس نفسنا فى نوع واحد لا وايه يغضب ربنا كمان
يعنى بدل ما اروح احب ولد عشان انا محتاجه للحب ما احب ربنا والرسول وامى واخواتى واهلى واصحابى وكل الناس ومش اشيل من اى حد مهما حصل كده فعلا هحس انى سعيده لانى حبيت بجد ومليت كل الدنيا حب
يارب وجهه نظرى تكون وصلت

ولا طولتى ولا حاجه
وبجد شكراااااااااا على ردك

الملاك البرىء كتب:انا بتعجب من الانسان الذى تقدم فى كل مجالات حياته ماعدا هذا المجال ف الكلام عن الحب هو هو منذ القدم متغيرش هدخل فى الموضوع

طبعا انا المقصود من الكلام ده
هناك خلط كبير بين معنى الحب وبين العلاقة التى تحدث بين الشباب والفتيات والتى تسمى مصاحبة

الحب ما هو الحب وماهى انواع الحب الحب هو شعور انسانى سامى جدا وبدونه يتجرد الانسان من انسانيته لانه بدون حب سينعدم كل شىء من الانسان مثل الرحمة والمروءة والشهامة ده تعريفى للحب اما انواع الحب فهى كثيرة ومتعددة مثل حب الام لـ اطفالها وحب الاخ لـ اخيه وحب الصديق لـ صديقه وحب الزوجة لزوجها والعكس نقف هنا بقى هل مايحدث بين الشباب والفتيات قبل الزواج والذى يسمى بمصاحبة يسمى حبا وحتى ان انتهى بالزواج والاجابة بالطبع لا كما قلت ده بيكون خداع متبادل واذا انتهى هذا الخداع بالزواج الحقيقة تنكشف امام كلا منهما كما قلتى فهم يصورون لـ انفسهم اوهام واحلام وردية لاتوجد على ارض الواقع وبذلك يكون الفشل هو النهاية الحتمية لهذه العلاقة المحرمة وقولى ماشئتى عن معانى الحب واشكال الحب مابين الزوج وزوجته ويكفى قول الله تعالى { وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ} (21) سورة الروم
نريد تكوين بيوت مسلمة واسر مسلمة لتخريج جيل يحمل هم هذا الدين ويحمل هم هذه الامة فـ اذا كانت العلاقة من البداية مبنية على الباطل ومبنية على معصية الله عزوجل فكيف يبارك الله تعالى فى الذرية الناتجة هذه هى الخلاصة نريد ان نتقى الله عزوجل حتى يرزقنا بالذرية الصالحة

توأم الروح
وجهة نظرك سليمة جدا وبالفعل حب الله ورسوله يغنينا عن اى شىء اخر

جزاكى الله كل خير مرة اخرى واسف على الاطالة

جزاكم الله خير
بس يا جماعه انا وصلنى انى طرحت الموضوع دة لانى داخله تجربه او ما شابه ذلك
بصراحه مش عارفه اعلق اقول ايه
no comment
وبرضه مستنيه مناقشاتكاو وارائكوا

لاحول ولاقوة الا بالله
الموضوع هدفه التحذير من العلاقة المحرمة التى تحدث بين الشباب والفتيات قبل الزواج


واليكم هذا المقطع

[

يا محمد اقرى كويس قبل ما تتسرع وترد ملاك مش تقصد حاجة وبعدين هو اي حاجة ليه بنخليها حلال وحرام ولا وما ينفعش خلاص عملنا كل حاجة في حياتنا صح ومبقاش غير ده نعدل فيه دينا يسر يا محمد وليس عسر والحب انقى واعلى من اي حاجة في الدنيا وانا بجد لو جات الفرصة الي اقدر من خلالها اني احب واكون قادر اني احب واحافظ على حبي بقولك والله ها حب بس في اطار المسموح وبعدين ملاك لم تقصد بكلامها اطلاقا انت ارجع للكلام تاني هتلاقيها بتتكام عام يا رب نهدى شوية مش كل حاجة
ندخل فيها في اطار الدين يا جماعة حرام عليكم الدين والحياة اسهل من كدا خالص فالدين بتاعنا حياة ارجعوا بقى فوقوا في حاجات كتيير مش واخدين بالكم منها اكبر بكتيير من موضوع الحب الي دخلتوه في دوامة الدين

لقولكم ايه اقروا القصة دي واحكموا يلا وجع دماغ
في احد الايام ذهبت فتاة كالعادة الى السوق فاذا بها تتفاجىء بشخص لم ترى في جماله ولا ادبه واخلاقه احد
اعجبت به لدرجة وصلت للجنون
راقبته كثيرا وكثيرا اياما وشهورا حتى راودتها فكرة ان تصارحه
وجاءت الفرصة ورأته ثانيا في السوق مجددا مشت وراه مهرولة وفي لحظة وصلت ايه وامسكت به قائلة يا هذا انتبها لها خجلا من موقفها
وقف واعتدل اليها قائلا ميحك يا فتاة اي شيء تريدين قالت له خجلة اني والله ما رأيت في جمالك واخلاقك وقيمك احد والله لقد وقعت في حبك

انتبه الشاب عجبا الم ترين من هو خلفك انه صديقي وهو احلى واجمل واكثر مني خلقا انظري ها هو قادم قد يكون اجدر
نظرت الفتاة ولم تجد احد خلفها قالت اين هو قال لها يا فتاة انتي لم تحبيني فلو احببتيني ما نظرتي خلفك ارحلي يا فتاة

ع فكرة القصة حلوة اوى
.
.
.
.
.
بس عندى معلومة جديدة اووووووووووووى
.
فيه شيخ عندنا يؤخذ برأيه عند كثير من الناس
لما سألناه ف الموضوع دة
قال "السؤال كتر اوى ف الموضوع دة ف الوقت الحالى والاجابة الوحيدة عليه والاكيدة ان كونه حلال او حرام دة بيتوقف على النية
فمثلا اذا كان الولد او البنت بيتسلو فدة حراام اما اذا كانو بيحبو بعض بجد وكلامهم عادى مفيهوش اى حاجة خارجة ولا مقابلات او شىء من هذا القبيل فدة حلال ومفيهوش اى مشكلة "
..
صاعقة بالنسبالى رغم انها مش منطقية وانا برضو رحت لمصادر تانية عشان اتأكد من موقفى
بس ياريت اعرف اراءكم ف هذا الرأى
شكراا

الملاك البرىء كتب:أنا لا أقصدك بكلامى يا محمد وانت ليه أفترضت كده ومع احترامى ليك أنا مقرأتش تعليقك على الموضوع كتبت تعليقى بدون ما أقرأ التعليقات

اللى خلانى اعتقد كده ان انا من فترة نزلت موضوع زى ده بالظبط وكتبت فيه نفس الكلام اللى كتبته فى الموضوع ده وحضرتك الوحيدة اللى رديتى عليه يلا حصل خير وان كان حصل سوء فهم منى فـ انا اسف

اما بالنسبة ليك يا ايهاب بصراحة انا مصدوم من كلامك وكنت هنسحب من الموضوع ده بسبب كلامك ولكنى تعلمت ان المواجهة افضل بكثير من الانسحاب انا هعلق على نقطتين بس من كلامك
النقظة الاولى الدين يسر لما يسره الله لنا وليس لما نيسره نحن لـ انفسنا

النقطة الثانية وهى اننا بندخل كل حاجة فى الدين فده عشان احنا مسلمين ولينا شريعة تضبط لنا كل شىء اقوالنا وافعالنا ومشاعرنا والى غير ذلك فلابد ان نقيس كل شىء على الشريعة الاسلامية فاذا كان مخالف للشريعة نتركه وليس مثل اى صاحب ديانة اخرى يمشى حسب هواه فيشرع ويحلل لنفسه

ودى المصيبة الكبرى التى وقع فيها كثير من المسلمين اليوم فاصبح كل واحد يمشى حسب هواه فيشرع ويحلل لنفسه

اما بالنسبة للشيخ بتاع النية امر مضحك ومبكى فى نفس الوقت فـ النية الصالحة لاتصلح العمل الفاسد وبعدين الموضوع ده والله لامحتاج فتوى ولاغيره بس احنا اللى بنستبهل نسال كذا شيخ يقولنا حرام ويذكر ادلة من الكتاب والسنة واقوال السلف الصالح نفضل نسال لحد اما نلاقى شيخ يفتى حسب هواه او حسب مايريده السائل ونقول اهو شيخ بيقول كذا كذا ونترك اقوال الشيوخ والعلماء الذين لايقولون سوى قال الله قال الرسول قال السلف الصالح ونقول عليهم متشددين ومتزمتين وانا لله وانا اليه راجعون