(((الحب)))

ولا طولتى ولا حاجه
وبجد شكراااااااااا على ردك

الملاك البرىء كتب:انا بتعجب من الانسان الذى تقدم فى كل مجالات حياته ماعدا هذا المجال ف الكلام عن الحب هو هو منذ القدم متغيرش هدخل فى الموضوع

طبعا انا المقصود من الكلام ده
هناك خلط كبير بين معنى الحب وبين العلاقة التى تحدث بين الشباب والفتيات والتى تسمى مصاحبة

الحب ما هو الحب وماهى انواع الحب الحب هو شعور انسانى سامى جدا وبدونه يتجرد الانسان من انسانيته لانه بدون حب سينعدم كل شىء من الانسان مثل الرحمة والمروءة والشهامة ده تعريفى للحب اما انواع الحب فهى كثيرة ومتعددة مثل حب الام لـ اطفالها وحب الاخ لـ اخيه وحب الصديق لـ صديقه وحب الزوجة لزوجها والعكس نقف هنا بقى هل مايحدث بين الشباب والفتيات قبل الزواج والذى يسمى بمصاحبة يسمى حبا وحتى ان انتهى بالزواج والاجابة بالطبع لا كما قلت ده بيكون خداع متبادل واذا انتهى هذا الخداع بالزواج الحقيقة تنكشف امام كلا منهما كما قلتى فهم يصورون لـ انفسهم اوهام واحلام وردية لاتوجد على ارض الواقع وبذلك يكون الفشل هو النهاية الحتمية لهذه العلاقة المحرمة وقولى ماشئتى عن معانى الحب واشكال الحب مابين الزوج وزوجته ويكفى قول الله تعالى { وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ} (21) سورة الروم
نريد تكوين بيوت مسلمة واسر مسلمة لتخريج جيل يحمل هم هذا الدين ويحمل هم هذه الامة فـ اذا كانت العلاقة من البداية مبنية على الباطل ومبنية على معصية الله عزوجل فكيف يبارك الله تعالى فى الذرية الناتجة هذه هى الخلاصة نريد ان نتقى الله عزوجل حتى يرزقنا بالذرية الصالحة

توأم الروح
وجهة نظرك سليمة جدا وبالفعل حب الله ورسوله يغنينا عن اى شىء اخر

جزاكى الله كل خير مرة اخرى واسف على الاطالة

جزاكم الله خير
بس يا جماعه انا وصلنى انى طرحت الموضوع دة لانى داخله تجربه او ما شابه ذلك
بصراحه مش عارفه اعلق اقول ايه
no comment
وبرضه مستنيه مناقشاتكاو وارائكوا

لاحول ولاقوة الا بالله
الموضوع هدفه التحذير من العلاقة المحرمة التى تحدث بين الشباب والفتيات قبل الزواج


واليكم هذا المقطع

[

يا محمد اقرى كويس قبل ما تتسرع وترد ملاك مش تقصد حاجة وبعدين هو اي حاجة ليه بنخليها حلال وحرام ولا وما ينفعش خلاص عملنا كل حاجة في حياتنا صح ومبقاش غير ده نعدل فيه دينا يسر يا محمد وليس عسر والحب انقى واعلى من اي حاجة في الدنيا وانا بجد لو جات الفرصة الي اقدر من خلالها اني احب واكون قادر اني احب واحافظ على حبي بقولك والله ها حب بس في اطار المسموح وبعدين ملاك لم تقصد بكلامها اطلاقا انت ارجع للكلام تاني هتلاقيها بتتكام عام يا رب نهدى شوية مش كل حاجة
ندخل فيها في اطار الدين يا جماعة حرام عليكم الدين والحياة اسهل من كدا خالص فالدين بتاعنا حياة ارجعوا بقى فوقوا في حاجات كتيير مش واخدين بالكم منها اكبر بكتيير من موضوع الحب الي دخلتوه في دوامة الدين

لقولكم ايه اقروا القصة دي واحكموا يلا وجع دماغ
في احد الايام ذهبت فتاة كالعادة الى السوق فاذا بها تتفاجىء بشخص لم ترى في جماله ولا ادبه واخلاقه احد
اعجبت به لدرجة وصلت للجنون
راقبته كثيرا وكثيرا اياما وشهورا حتى راودتها فكرة ان تصارحه
وجاءت الفرصة ورأته ثانيا في السوق مجددا مشت وراه مهرولة وفي لحظة وصلت ايه وامسكت به قائلة يا هذا انتبها لها خجلا من موقفها
وقف واعتدل اليها قائلا ميحك يا فتاة اي شيء تريدين قالت له خجلة اني والله ما رأيت في جمالك واخلاقك وقيمك احد والله لقد وقعت في حبك

انتبه الشاب عجبا الم ترين من هو خلفك انه صديقي وهو احلى واجمل واكثر مني خلقا انظري ها هو قادم قد يكون اجدر
نظرت الفتاة ولم تجد احد خلفها قالت اين هو قال لها يا فتاة انتي لم تحبيني فلو احببتيني ما نظرتي خلفك ارحلي يا فتاة

ع فكرة القصة حلوة اوى
.
.
.
.
.
بس عندى معلومة جديدة اووووووووووووى
.
فيه شيخ عندنا يؤخذ برأيه عند كثير من الناس
لما سألناه ف الموضوع دة
قال "السؤال كتر اوى ف الموضوع دة ف الوقت الحالى والاجابة الوحيدة عليه والاكيدة ان كونه حلال او حرام دة بيتوقف على النية
فمثلا اذا كان الولد او البنت بيتسلو فدة حراام اما اذا كانو بيحبو بعض بجد وكلامهم عادى مفيهوش اى حاجة خارجة ولا مقابلات او شىء من هذا القبيل فدة حلال ومفيهوش اى مشكلة "
..
صاعقة بالنسبالى رغم انها مش منطقية وانا برضو رحت لمصادر تانية عشان اتأكد من موقفى
بس ياريت اعرف اراءكم ف هذا الرأى
شكراا

الملاك البرىء كتب:أنا لا أقصدك بكلامى يا محمد وانت ليه أفترضت كده ومع احترامى ليك أنا مقرأتش تعليقك على الموضوع كتبت تعليقى بدون ما أقرأ التعليقات

اللى خلانى اعتقد كده ان انا من فترة نزلت موضوع زى ده بالظبط وكتبت فيه نفس الكلام اللى كتبته فى الموضوع ده وحضرتك الوحيدة اللى رديتى عليه يلا حصل خير وان كان حصل سوء فهم منى فـ انا اسف

اما بالنسبة ليك يا ايهاب بصراحة انا مصدوم من كلامك وكنت هنسحب من الموضوع ده بسبب كلامك ولكنى تعلمت ان المواجهة افضل بكثير من الانسحاب انا هعلق على نقطتين بس من كلامك
النقظة الاولى الدين يسر لما يسره الله لنا وليس لما نيسره نحن لـ انفسنا

النقطة الثانية وهى اننا بندخل كل حاجة فى الدين فده عشان احنا مسلمين ولينا شريعة تضبط لنا كل شىء اقوالنا وافعالنا ومشاعرنا والى غير ذلك فلابد ان نقيس كل شىء على الشريعة الاسلامية فاذا كان مخالف للشريعة نتركه وليس مثل اى صاحب ديانة اخرى يمشى حسب هواه فيشرع ويحلل لنفسه

ودى المصيبة الكبرى التى وقع فيها كثير من المسلمين اليوم فاصبح كل واحد يمشى حسب هواه فيشرع ويحلل لنفسه

اما بالنسبة للشيخ بتاع النية امر مضحك ومبكى فى نفس الوقت فـ النية الصالحة لاتصلح العمل الفاسد وبعدين الموضوع ده والله لامحتاج فتوى ولاغيره بس احنا اللى بنستبهل نسال كذا شيخ يقولنا حرام ويذكر ادلة من الكتاب والسنة واقوال السلف الصالح نفضل نسال لحد اما نلاقى شيخ يفتى حسب هواه او حسب مايريده السائل ونقول اهو شيخ بيقول كذا كذا ونترك اقوال الشيوخ والعلماء الذين لايقولون سوى قال الله قال الرسول قال السلف الصالح ونقول عليهم متشددين ومتزمتين وانا لله وانا اليه راجعون

محمد فوووووووووووووووق حرام عليك وافهم الكلام كويس
حرررررررررررررام انت لسه صغير
متبقاش كدا
بصراحة نو كومنت

بصراحه انا شايفه ان انتوا مكبرين الموضوع قوى زياده عن اللزوم
انا شايفه لو واحد حبينى وعبر طريقه ما عبرلى عن حبه وانا كنت بحبه
هعرفه شعورى وبمنتهى الاحترام هوصله انى مش بتاعت الكلام فى التليفون للصبح وبتاعت المقابلات والحاجات دى وانى هستناه لغايه ميكون نفسه وممكن اعرف مامتى واخد منها النصائح وبس
والكلام ده ليكى يا ملاك علشان انتى اللى طرحه الموضوع بس ياريت تحطى دايما قدامك قبل احترام الناس ليكى احترامك لذاتك ولاسرتك عشان متعمليش حاجه غلط من غير وعى

يا سمسمة مش انا اللى منزلة الموضوع

وحصل خير يا محمد

من رأيى لو واحد حب واحدة بجد وعايز يرتبط بيها يعرفها زى ما سمسمة كانت بتقول لو لقى منها استجابة يترك الموضوع لله ولو ملقاش ينسحب

من رأيى لو واحد حب واحدة بجد وعايز يرتبط بيها يعرفها زى ما سمسمة كانت بتقول لو لقى منها استجابة يترك الموضوع لله ولو ملقاش ينسحب


ملاك
لو واحد حب واحده بجد وعايز يعرف فيه استجابه منها وللا لا ف بيت اهله مفتوح ودة لو جاهز لارتباط رسمى اما لو مش جاهز فيسكت لحد ما يبقى جاهز عشان مش يشغلها لان الشيطان مش ساذج واحنا مش ملايكه

موضوع مهم فعلا
وبلا جدل او شك
فهو يشغل كل انسان يعيش بيننا الان يمر بمرحلة المراهقة.

وأعتقد ان ما يؤجج هذه المشكلة كثيرا "اقصد العلاقة بين الجنسين فى هذا السن بدون رباط شرعى" البعد عن الفهم الصحيح للدين او عدم وجود الوازع وغياب الدعاة القريبين من هذا السن الا من رحم ربى.

وعدم القدرة على "الارتباط الشرعى" لسوء الحالة الاقتصادية لدى معظم الشباب، وتحول الزووووووووووووووووووووواج الى صفقة تجارية بين اهالينا، بالإضافة الى غلاء أسعار كل متطلبات الزواج من الشقة الى الابرة.........

والاسرة ايضا مشتتة مفيش اى روابط عاطفية بين افراد الاسرة كل واحد في وادى بعيد عن التانى، بيحصل كبت وبيؤدى هذا الكبت الى محاولة البحث عن منفذ أخر لتفريغ هذه العواطف.

اما بالنسبة للدعاة فهم يصبون كل غضبهم وحنقهم على الشباب الذى يعتبر اضعف حلقة في هذه المشكلة، وعلى ما اعتقد انه ضحية لكل تلك الظروف المنيلة بستين نيلة يمر بها مجتمعنا الاسلامى والعربى.

وهؤلاء المشايخ والدعاة .على ما اعتقد ايضا اى انها وجهة نظرى....... يهتمون فقط بالمظاهر الدينية التى اصبحت مميزة لتديننا المعاصر.... وتركوا كل الاسباب التى تؤدى الى هذه الظواهر بدون انتقاد
للحالة السياسية الكوميدية التى نعيشها والتى ادت الى الكوارث الاقتصادية التى هى الاخرى بدورها ادت الى كوراث اجتماعية وبدورها ايضا ادت الى انشغال الناس بتدبير قوتهم اليومى بما شغلهم عن الاهتمام بالدين واختفى الوازع الدينى من حياتهم.

اخيرا نحن بشر
ونعيش في ظروف صعبة اقتصاديا وسياسيا
لكنها ايضا ليست مبررات
ولكنها عقبات حالت بيننا وبين الحلال
وعليكم بالصيام
وبرضه احنااااا بشر بنغلط لكن نستفيد من غلطاتنا
والحمد لله

------ كل هذا ----وجهة نظرى الخاااااااااااصة-----------

الله الله الله يا عمنا يا كبير رائف يا جامد يا بتاع الكلام الكبير قول لمحمد يا بني سمعه من اراد الباء فليتزوج ومن لم يستطع فعليه بالصيام معاكم اسئل سؤال لمحمد خصوصا
تقدر تقولي ازاي اصوم وانا في حالة منيلة بستين نيلة وفي كلية غصب عنك لازم هتلاقي
بنات قدامك في كل حتة ومش تقول النية اهم حاجة لانك اتريقت على الشيخ الي قال النية بليز رد

ايه يا جماعة انا حاسة ان الموضوع اخد اكتر من حجمه يعنى هو كل واحد ليه وجهة نظر فيه وقالها خلاص فاختلاف الراى لا يفسد للود قضية
وبعدين كلنا عارفين ان فعلا الحب مهم جدا فى حياتنا بس المفروض يكون فى اطار شرعى ومش ممكن يكون غير كده وغير كده يبقى اسمه حرااااااااااااااااااااااام

ياريت نشوف موضوعات تانيه نتناقش فيه ونحاول نفكر فيه مع بعض بما اننا اعلاميين يعنى ولا ايه؟؟؟؟؟؟؟؟
ياريت نتقبل اراء بعض وربنا يوفق الجميع

الحب أخلاق ولكن اذا كان احد من الطرفين يقوم بالتسليه واللعب بمشاعر الاخر فهذه حماقه
فالاحمق لا يتحدث عن الحب لانه لا يفهم معنى جرح مشاعر انسان
ولا يتحدث عن قيم ومبادئ الحب فهو لا يفهم معنى الحب فكيف يفهم مبادئه

مثلث هلاك المسلم فى ثلاث
الشهوات والشبهات والجهل