الشعب يريد تكريم الرئيس

من طرف elhour الجمعة فبراير 18, 2011 5:39 pm

احتشد مئات المواطنين فى ساحة مسجد مصطفى محمود بالمهندسين لتكريم الرئيس السابق حسنى مبارك، حاملين لافتات تعبر عن "حبهم وامتنانهم" للرئيس، و"أسفهم" على ما حدث فى التحرير ومطالبين بتكريمه.

بدأت المظاهرة- التى أطلقتها بعض المجموعات على الفيس بوك تحت عنوان يوم رد الجميل– عقب صلاة الجمعة مباشرة بقراءة الفاتحة على أرواح شهداء الثورة، فكانت أولى الاشتباكات التى شهدها الميدان عقب اعتراض أحد المصلين على خروج المصلين ونادى بالقصاص لأرواح الشهداء، وأدى نشوب الخلاف الثانى بين المتواجدين إلى تدخل الشرطة العسكرية وفض المتظاهرين وإبعادهم عن بعضهم.

أذاع "محبى الرئيس" كما كتبوا على المسرح الذى وضعوه فى وسط الميدان والذى تضمن
"دى جى" وعددًا من السماعات الضخمة خطابى الرئيس الثانى والثالث وسط تصفيق الحضور، مرددين الهتافات مثل "الشعب يريد تكريم الرئيس" و "يا مبارك ارفع راسك كلنا عارفين إخلاصك"، و "يا مبارك خد دواك كلنا عايزين شفاك"، و"اصح فوق مبارك يبقى أبوب "، وإحنا شباب وطنى مش حزب وطنى".

كما رفع المتظاهرون صور شهداء الثورة من الضباط مؤكدين على أحقيتهم فى التكريم، وانتشر فى الميدان باعة الأعلام والشاى كما قام بعض الأفراد لرسم علم مصر على الوجوه.
اليوم السابع
--------------------------------------------------------------------------
بعد 4 أعوام من إقامته ووضعه فى ميدان خيردالان قرب العاصمة الأذربيجانية "باكو"، طالبت المعارضة الأذربيجانية برفع تمثال للرئيس السابق محمد حسنى مبارك من الميدان فى أعقاب تنحيه الجمعة الماضية بعد ثورة شعبية أصرت على رحيله.

وقالت المعارضة، حسبما نقلت عنها وكالة فرانس برس، "طالبنا برفع التمثال لإظهار تضامنا وسعينا لتعزيز التعاون بين القاهرة وباكو".

اليوم السابع
------------------------------------------------------------------------------
تظاهر الجمعة أكثر من 10 آلاف شخص أمام مسجد مصطفى محمود بشارع جامعة الدول العربية فيما أسموه "بجمعة الوفاء" للمطالبة بتكريم الرئيس السابق محمد حسنى مبارك.

ورفع المتظاهرون أعلام مصر ولافتات تطالب بتكريم الرئيس السابق لما أعطاه لمصر خلال توليه فترة حكمه .

وأكدوا في لافتاتهم على ضرورة قيام القوات المسلحة بتكريم الرئيس السابق ، وأن يقدم الشعب المصري لفتة تقدير للعطاء الكبير الذي يعبر عن وفاء الشعب المصري مع رئيسه السابق.
مصراوى
-------------------------------------------------------------------------
[b]هما دول المصريين[/b]

من طرف هداية الرحمن الجمعة فبراير 18, 2011 8:02 pm

ده اقل تقدير للرئيس السابق محمد حسنى مبارك
سأظل احترمه طوال عمرى
شكرا على الموضوع ياقمر

من طرف hamsa السبت فبراير 19, 2011 12:00 am

السلام عليكم
مع احترامى لرايكم
تكريمه على ايه على 30 سنة قهر وتعذيب وتشريد للمصريين ونهب ثروات مصر تكريمه على العشوائيات اللى مش لاقين مكان نظيف يعيشوا فيه عايشين وسط مياة الصرف الصحى بلاكهرباء ولامياة نظيفة ولامكان امن تكريمه على الاصرار بقوة وجباروت ان يمنع عمرو خالد من التواجد فى مصر وان وجد لا يتكلم الى الشباب يردون شباب غارق فى التهوان لا يريدون افاقة الشباب بالله عليكم حد يقولى ماهى جريمة عمرو خالد انه يرد عمل نهضة لمصر
30 سنة بطالة واحتكار اعلام وشباب مغيب عن الوعى فى كليبات هيفاء ونانسى
قولوا كلمة الحق يرحمكم الله

من طرف أمير الاعلام السبت فبراير 19, 2011 3:18 pm

علي فكرة انا والله العظيم مع رايك جدا يا همسة سوري طبعا لاي حد مؤيد للرئيس السابق بس صدقوتي بكره تعرفوا الحقيقة وتقولوا اننا كان عندنا حق والله وبكره تشوفوا يا جماعة اننا مش كنا بنقول اي كلام وخلاص وادينا مع بعض اهو وياريت تقتنعوا بجد

من طرف زهرة الاسلام السبت فبراير 19, 2011 3:47 pm

انا رايى من راى همسة وامير الاعلام
مش عارفة بجد المؤيدين للريس المخلوع دول عايزين ايه
حتى لو زى مابيقول انه من ابطال حرب اكتوبر فهومش كان لوحده
بالعكس كان لازم يحافظ على الشرف ده مش يظلم ويقهر ويذل وفى الاخر يقول ((انا خدمت الشعب 62 عاما ))لا بقى دلوقتى فاق وعرف ان الشعب مش هيسكت عشان امر بضربة جوية حققت نصر اكتوبر
وكمان يقولوا يقولوا
يامبارك ارفع راسك كلنا عارفين اخلاصك
ههههههههههههههه
اخلاص ايه ده مش عارفة بجد
اخلاص 356شاب ضحوا بنفسهم عشان يخلصوا من سياسته
كل اللى بيحصل لمبارك ده من عمله مش بسبب الشعب
اتاكدوا لو انه كان حاكم عادل كان رفض الفساد اللى سكت عليه ورضى بيه 30سنه
يعنى لما تكون ثورة تنادى بخلعه دى مش جاية من فراغ ولا ترفيه
وخلى كل ظالم يشوف نهاية ظلمه ويبقى درس وعبرة لكل واحد يجى بعده

من طرف asmaa الأحد فبراير 20, 2011 7:40 pm

ياجماعه دى ثروته لوحده 70 مليار دولار
لوحده مع العلم ان 40% من الشعب المصرى تحت خط الفقر
ياريت طلب بسيط لمحبى الرئيس المخلوع
ادعوله ان ربنا يهديه فى اخر ايامه ويرجع للبلد الفلوس اللى
نهبها لان مصر بلدنا بلد غنيه مش فقيره ذى مكنا مخدوعيييييييين