جمعة التطهير: الشعب يريد معرفة إيه النظام

جمعة التطهير: الشعب يريد معرفة إيه النظام
المشاركة · مناسبة عامة.



الزمان 08 أبريل · 11:00 صباحاً - 06:00 مساءً

--------------------------------------------------------------------------------

المكان مــيـــدان الــــتــــحـــريــــــر

--------------------------------------------------------------------------------

تم الإنشاء من قبل كلنا خالد سعيد

--------------------------------------------------------------------------------

المزيد من المعلومات كلنا بنشتغل وبنسعى للاستقرار وشغالين على إصلاح البلد من اللي أفسده النظام السابق لأن البناء أهم من الهدم .. بس مينفعش نسيب الأساسات فاسدة ونبني تاني غلط .. عندنا تساؤلات مشروعة عايزين نعرف إجابتها وده من حق الشعب اللي ضحى بالغالي والرخيص عشان ثورة حالمة نفسها تكون مصر في مصاف الدول المتقدمة.

فات أكتر من 50 يوم على نهاية عصر حسني مبارك .. عصر من عصور الفساد اللي تسببت في إضاعة كرامة المصريين. لحد النهاردة لسه كبار رؤوس الفساد في ...مصر متعرضوش لأي محاكمات وبالعكس بيطلعوا في التلفزيون والصحافة وبيتكلموا وكأنهم مؤيدين للثورة. لحد النهاردة الشرطة منزلتش الشارع والقيادات الفاسدة في الداخلية اللي اتسببت في موت المئات وإصابة الآلاف أو في سرقة أموال الشعب واستغلال وظائفهم متحاسبوش. لحد النهاردة فيه ثورة مضادة بيقودها نفس الشخصيات اللي أفسدت الحياة السياسية في مصر وكأنهم معملوش أي جريمة.

إحنا مش عايزين غير إن بلدنا تتطهر من الفساد واللي قتلوا الشهداء يتحاسبوا .. مش عايزين غير إننا نضمن إن اللي كان بيحصل في مصر ميحصلش تاني .. المفسدين اللي أصابوا مصر بالسرطان لازم ميقدروش يكملوا مسيرتهم. عايزين نفهم ليه المجلس العسكري والحكومة بتتأخر في المحاسبة في نفس الوقت اللي بتاخد فيها قرارات سريعة ضد البلطجية الصغيرين. عايزين البلطجية الكبار يتحاسبوا على جرائمهم. انضموا لينا. مشاهدة المزيد ...



https://www.facebook.com/event.php?eid=212651535427066