خاص جدااااااااا(للبنااااااااااااااااااااااااااااااااااااااات)

واااااااااااااااااااااااااااااااااااااااااااااااااااااااااااااااااااو تبدو شهية ومتعددة الاذواق فتجمع بين الكريما والشيكولا وانا عاشقة للاولى وعن التقييم النهائى فانا اتفق ان اللسان هو الحاكم الاخير فى اى لعبة مطبخية00فاجمعى افكارك على يوم مقابلة تحت البنش لكى لايتجمع عليها سوى لجنة التحكيم فقط لاعطائك لقب ملكة الحلويات00رغم شكى فى بقائها للان00فشكلها يوحى انها من النوع الذى لايقاوم وسريع التصدير لهيئة الصرف00بالطبع انا اداعبك ياسمسمتى حتى بحديثى عن العدس الذى افتتحتى به موضوع اللحوم رغم تقديرى للاول00فقط عندما تمطر لحما فامطرينا معها وهذا لايمنع اعجابى بخفة ظلك فى تناول النقيضين التى قدمتهما عبر مطبخى المتواضع0
اخيرا ياعزيزتى وبدون نفخ:ارجو الا تكتفى بالكريز فقط ومن الصحى الاستعانة ببعض الفواكه مثل الفراولة اوالموز الذى اوانه الان00ايضا الفرمسيه وجوز الهند والزبيب من مكملات التزيين بحسب الحاجة00وساخبرك ببدعة ابتكرتها جدتى واحببتها00كان يباع فى طفولتنا حلوى تسمى الشكوبن وربما مازالت00لاادرى00المهم ضعى منها بالوان مختلفة وشاهدى شكلا اخر00وادعيلى0
اترون يابنات هذا هو النشاط والا فلا(عملى ونظرى)واحسنت بوضع الصورة00ربما تثير غيرة البعض0

عندك حق الفاكهه مهمه جدا للتزيين بس التنويع مطلوب وانا اصلا مبحطش شكل معين انا بعمل وزى ما يطلع ههههههههه
على فكرة انتوا حمستونى اوى وهعمل شاتوه وهصورلكوا حته كفايه عليكوا ههههههههههه ادعوا بقى يطلع حلو هههههههههههههه

ان شاء الله هجربها بس بتحطى كيس البيكنج بودر كله

شااااااااااااتوه
لا انا عاوزه ادوق بئه
بس عندى تعليق ليكى يا سمسمه
دقيق التورته بيكون عليه مقاديره يعنى مش بنحط عليه غير بيض وكوب ماء بس ..يعنى بيكون عليه البودر والفانيليا والسكر ..ولو هنحط كل المقادير دى يبقى دقيق عادى مش دقيق تورته بئه ...اما السمنه فاللى اعرفه ان التورته مش بيتحط عليها سمنه
بصى ده اللى اعرفه وبعمل عليه على طول ولسه اخر مره من يومين
لكن الطريقه دى جديده عليه....
تقبلى تعليقى

دقيق التورته السايب بيتحط عليه كل حاجه هو بس بيبقى عليه السكر وبيكنج بودر بس انتى بتزودى عشان تبقى مسكرة اما الدقيق اللى بيتباع معلب زى بتاع ماى وى والحاجات دى بنحط بيض بس
اما السمنه فالكيكه الاسفنجيه مش بنحط عليها سمنه وبنكتر فى البيض والعاديه بنحط حوالى نص كبايه
انا حطيت معلقه واحده بس عشان تبقى اسفنجيه زى ما بتقولى
وبرضه دى المعلومات اللى عندى وماشيه بيها

دة الشاتوه وصدقونى جميل جدا بس الموبايل صينى فالتصوير مش موضح اوى و مش هتدوقوا هههههههههههه

ههههههههههه
شكله حلو ...الطريقه بئه....بس همه مش يدوقوا ..انا بس هههه
بس معلشى استحملينى
انا باستخدم دقيق التورته السايب وبيبقى مسكر يعنى مش محتاج اضافات وزى ما قلتلك بيض وكوب ماء بس وكانت كويسه جدا جربى ..وعلى كميه الدقيق دى (نص كيلو دقيق تورته)حطى خمس بيضات وكوبايه ماء بس وشوفى الفرق وابقى قوليلى

مش تنسى طريقه الشاتوه
ولو بتعملى بلح الشام قوليلى طريقتك اشوفها زى بتاعتى ولا احسن (اكيد احسن)

ياحببتى يظهر انى مقدرتش اوصل المعلومه كويس
انا بحط السكر والحاجات دى لانى بخلط دقيق تورته سايب مع فاخر
والتورته مش بيتحط لها سمنه زى ما قلت عشان تبقى اسفنجيه
اما الشاتوه طريقته
المقادير
2كوب دقيق فاخر
كوب سكر
كوب لبن رايب (مش زبادى)
3معالق كاكاو خام
3بيضات
فانيليا
نص كيس بيكنج بودر

الطريقه
هنضرب السكر واللبن والكاكاو لحد ما يدوب السكر وبعدين نحجز كوب من الخليط ونحطه فى التلاجه
نضرب البيض والفانيليا مع الخليط الباقى(اللى متشلش)
نحط الخليط على الدقيق والبيكنج بودر وزى اى كيكه وندخلها الفرن
اول ما تطلع نقسمها نصين ونحشيها بنص الكبايه المتشاله والنص التانى نغطى بيه الكيكه من برة وتدخل التلاجه اقل حاجه ساعتين
وهو دة الشاتوة او الشوكليت كيك

اما بلح الشام
بعاير كبايتين ميه وعليهم معلقتين زيت ع النار ولما الميه تغلى بكون ناخله حوالى كبايتين ونص دقيق نزود بالدقيق ع الميه حبه حبه ونقلب ولما يتشرب الدقيق ويبقى السمك زى البسكوت تقريبا بشيله من النار وبرب بيضه صغيرة عليه واقلب وبسويه بالمكنه او القمع زطبعا بيكون الشربات جاهز


انا نفسى نفيد بعض كده عشان نوصل لاحسن طريقه وكلنا نبقى شطار
احنا لازم نجرب ونستفيد من بعض

Thanks

فعلا عندك حق وخصوصا ان انا لسة مدخلتش قسم الحلويات انا لسه فى الاكل العادى والمعجنات ههههههههههه

جربى الشاتوه على مسئوليتى

ان شاء الله ياقمر بس هو ايه الفرق بين الدقيق والدقيق الفاخر معلش مبتدأة استحملونى

الدقيق الفاخر هو دقيق بس ودة للحلويات وكل الحاجات الحلوة
اما دقيق التورته بيبقى عليه السكر والبودر وكله انتى بس بتحطى البيض ولو هتحطى سمنه وبتعجنى العجينه بلبن رايب او ميه
يارب اكون عرفت اوصل المعلومه

وصلت شكرا يا سمسمة

الشكر لله يا حببتى
متنسيش تقوليلى النتيجه

ان شاء الله بس مستنية اللبن يروب ههههههههههههه

ههههههههههههههههههههههههه
على فكرة عملته امبارح بلبن عادى مش رايب وبرضه عجبتهم بس مبحبش اقول حاجه الا لما اجربها
اتكلى على الله ومتستنيش لما يروب وهتدعيلى

ماشاء الله00واضح ان الامر راقكم وحدث ماكنت اتمناه00للامام قدما فتياتى فبعد الله يرجع نجاح هذه الفقرة فانتن مثلث نشط ومشرف لكل الفتيات وافخر كثيرا بتعليقاتكن وحماسكن بمطبخى الاعلامى المتواضع واليوم سانضم لكن فى مناسبة خاصة فاسمحن لى000
الى هدهدى الرحمانى بمناسبة عيد ميلادها اقدم لها وكل فتيات نوفمبر اللائى يبدان حياة جديدة بهذا الشهر مثل:عيون القمر وضوء القمر ومنة ونهال عزت ايضا
and women hell,no love for ever
ومعذرة للاخيرتين ان تاخرت ولكن دخولى متقطع ولكنكما على بالى,
yasmeen,fatma tarek,marwa,hala hasan,nora,nada ahmed,واعتذر لمن لم اذكرهن فانا اخترت الاسماء التى تدل ان اصحابها بنات والان هذه الحلوى للجميع:
اولا:المقادير
300 جرام زبدة-فانيليا-150مللى صوص كراميل-500 جرام برتقال-10 جرام بيكنج بودر-1 كجم جزر-4 بيضات-200 جرام سكر بودرة-380 جرام دقيق-قشر ليمونة مبشور0
الطريقة:توضع الزبدة فى الخلاط وتخفق جيدا ثم يضاف السكر والفانيليا مع الخفق المستمر ثم يضاف البيض وبشر الليمون والبيكنج بودر والجزر المبشور ويمزج الخليط جيدا لمدة دقيقة حتى يصبح متماسكا00اخيرا:يدهن القالب بالزبدة والدقيق ويسكب المزيج داخله ويوضع فى الفرن على درجة حرارة170 لمدة 15دقيقة ثم يترك ليبرد بعد تمام النضج ويزين بالفاكهة او بالسكر البودرة وجوز الهند0
(بالهنا والشفا)مقدما علما بنقلى اياها من مجلة النصر المصرية والخاصة بشئون القوات المسلحة00فقد خفت عليكم من وصفاتى الخاصة لتبداوا حياتكم الجديدة دون جدران بيضاء00فاستبدلت وزارة الدفاع بدلا من وزارة الصحة0

تقبلن هديتى وامنياتى بمستقبل افضل واسعد0

وانتى طيبة ياقمر
وهدية حلوة اوى
شكررررررررررررا

السلام عليكم
فعلا تجربة رائعة وهايلة
الى الامام

وانتى طيبة ياعسل

وشكرا على الوصفه الجميله دى

جربتها يا سمسمة كانت حلوة بس كانت ناقصة كريمة ع الوش كسلت اعملهاههههههههههه
شكرا لوصفتك يا صاحبة الجلالة بس هى اسمها ايه

يابنات مين عندها مضرب كهربائى
انا جبت واحد وهرجعه واجيب واحد احسن لان دة حاسه انى اتغشيت فيه
عايزة واحده تقولى على نوع نضيف تكون جربته وتمنه

ممكن تجيبى براون منتجاتها حلوةمعرفش الثمن أسألى عند الغزاوى

هذه الوصفة مغشوشة او ادق منقولة من مجلة النصر كما قلت ونشرتها المجلة تحت عنوان كيكة الجزر والبرتقال
وقد خفت ان ذكرت اسمها ان ينفر ذلك البنات من التجربة فليس الجميع يفضل المسميات الصحية اكثر من المسميات المغرية الخاصة بالحلوى0


تحياتى للوصفات المميزة المجربة0
واعجابى بصاحباتها قبلها0

محدش عمل حاجه تانى وللا ايه؟؟؟؟؟؟؟؟؟

يبدو ان حالة الركود عمت مطبخنا الاعلامى من جديد ياسمسمة
ساترك المطبخ فى رعايتك اثناء رحيلى فانت الاكثر نشاطا فى وصفاته ولكن شرط ان يتوقف العمل تلقائيا به عند دخول الامتحانات لانى لااؤمن بتشابك اكل البطون والعقول معا لان العقول تخسر كثيرا فى معركتها هذه وحتى القلوب؛فشعار المصريين هو:


(عض قلبى ولاتعض رغيفى ان قلبى على الرغيف ضعيف)


فى امااااااااااااااااااااان الله فتياتى

فى رعياتى ليه
هتروحى فين
ومش بتفتحى ليه؟؟

فى رعايه الله يا بنت صاحبه الجلاله وربنا يوفقك
بصى يا سمسمه انا عملت الشاتوه وكان رائع
بس هوه الكاكاو الخام غير البودره

اعتقد هو هو

انا حبيت اجدد الموضوع يمكن واحده تحن علينا وتفيدنا فى الايام الحلوة دى

ازيكم يابنات
انهاردة احتفلنا بعيد ميلاد ماما وعملت شويه حاجات يعنى بسبوسه وجلاش وتورتايه وسويسرول وطبعا كل ده معروف بس حبيت انزل صور السويسرول عشان اللى عايزة تجربه
[img][/img]

انا مقطعتوش كله عشان تشوفوه قبل ما يتقطع شكله بيبقى ازاى

[img][/img]

المقادير
4بيضات
كبايه الا ربع سكر مطحون بودرة
كبايه دقيق
نص كيس بودر
ربع كبايه كاكاو
فانيليا

الطريقه
بكرة ان شاء الله
ههههههههههههههههه

ودى صور التورتايه بس الكاميرا وحشه اوى لكن هى بجد جميله

[img][/img]

واااااااااااو جميلة قوى ايه المواهب دى كلها وانا معرفش مليش دعوة انا عايزة ادوق ههههههههههههههه
ومتنسيش تقوليلها كل سنة وهى طيبة وعقبال يارب مليون سنة وربنا يخليها ليكوا