رد: خاص جدااااااااا(للبنااااااااااااااااااااااااااااااااااااااات)

من طرف توأم الروح الجمعة ديسمبر 03, 2010 10:03 pm

محدش عمل حاجه تانى وللا ايه؟؟؟؟؟؟؟؟؟

من طرف ( أسيل ) السبت ديسمبر 04, 2010 4:15 pm

ميرسي ليكي بنت صاحبة الجلالة وانتي طيبة وباحسن صحة

اما عن المضرب توأم الروح انا عندي هعرفلك اسمة واقول عليه مره تانية

وكمان هبقي انزل لكم طريقة سهلة جدا لعمل التورته

تقبلوا مروري

يبدو ان حالة الركود عمت مطبخنا الاعلامى من جديد ياسمسمة
ساترك المطبخ فى رعايتك اثناء رحيلى فانت الاكثر نشاطا فى وصفاته ولكن شرط ان يتوقف العمل تلقائيا به عند دخول الامتحانات لانى لااؤمن بتشابك اكل البطون والعقول معا لان العقول تخسر كثيرا فى معركتها هذه وحتى القلوب؛فشعار المصريين هو:

(عض قلبى ولاتعض رغيفى ان قلبى على الرغيف ضعيف)

فى امااااااااااااااااااااان الله فتياتى

من طرف توأم الروح السبت ديسمبر 04, 2010 8:46 pm

فى رعياتى ليه
هتروحى فين
ومش بتفتحى ليه؟؟

من طرف elhour السبت ديسمبر 04, 2010 10:09 pm

فى رعايه الله يا بنت صاحبه الجلاله وربنا يوفقك
بصى يا سمسمه انا عملت الشاتوه وكان رائع
بس هوه الكاكاو الخام غير البودره

من طرف توأم الروح السبت ديسمبر 04, 2010 10:39 pm

اعتقد هو هو

من طرف توأم الروح الثلاثاء ديسمبر 28, 2010 8:42 pm

انا حبيت اجدد الموضوع يمكن واحده تحن علينا وتفيدنا فى الايام الحلوة دى

من طرف توأم الروح الأربعاء ديسمبر 29, 2010 8:22 pm

ازيكم يابنات
انهاردة احتفلنا بعيد ميلاد ماما وعملت شويه حاجات يعنى بسبوسه وجلاش وتورتايه وسويسرول وطبعا كل ده معروف بس حبيت انزل صور السويسرول عشان اللى عايزة تجربه
[img]

خاص جدااااااااا(للبنااااااااااااااااااااااااااااااااااااااات) - صفحة 3 225208108

[/img]

انا مقطعتوش كله عشان تشوفوه قبل ما يتقطع شكله بيبقى ازاى

[img]

خاص جدااااااااا(للبنااااااااااااااااااااااااااااااااااااااات) - صفحة 3 345605416

[/img]

المقادير
4بيضات
كبايه الا ربع سكر مطحون بودرة
كبايه دقيق
نص كيس بودر
ربع كبايه كاكاو
فانيليا

الطريقه
بكرة ان شاء الله
ههههههههههههههههه

ودى صور التورتايه بس الكاميرا وحشه اوى لكن هى بجد جميله

[img]

خاص جدااااااااا(للبنااااااااااااااااااااااااااااااااااااااات) - صفحة 3 564519721

[/img]

من طرف شهرزاد الأربعاء ديسمبر 29, 2010 8:46 pm

واااااااااااو جميلة قوى ايه المواهب دى كلها وانا معرفش مليش دعوة انا عايزة ادوق ههههههههههههههه
ومتنسيش تقوليلها كل سنة وهى طيبة وعقبال يارب مليون سنة وربنا يخليها ليكوا

من طرف توأم الروح الأربعاء ديسمبر 29, 2010 8:58 pm

وانتى طيبه ياقمر

من طرف (جويريه) الأربعاء ديسمبر 29, 2010 9:04 pm

وانا ماليش حته انا كمان ولا اه ههههههههههه
وبعدين انتى بتحنسينا ولا اه دانا وشهرزاد مش هنسيبك ويوم السبت ان شا ء الله قشوفى
بقولك اه ماتجيش الكليه احسن
لازم ندوق

من طرف (جويريه) الأربعاء ديسمبر 29, 2010 9:14 pm

بصى ياشهرذاد ى اكله سمك انتى كنت شوفتيها ولا لاء
توام الروح انتى شوفتيها هنزلها علشان اغيظ ناس كده ههههههههههه

خاص جدااااااااا(للبنااااااااااااااااااااااااااااااااااااااات) - صفحة 3 270294600

من طرف توأم الروح الأربعاء ديسمبر 29, 2010 9:21 pm

نزلى ياختى لحسن البنات مكسلين جداا

من طرف شهرزاد الأربعاء ديسمبر 29, 2010 9:23 pm

ايوة شوفتها يا جويريه تسلم ايدك بجد كانت تحفة

من طرف توأم الروح الأربعاء ديسمبر 29, 2010 9:50 pm

(جويريه) كتب:بصى ياشهرذاد ى اكله سمك انتى كنت شوفتيها ولا لاء
توام الروح انتى شوفتيها هنزلها علشان اغيظ ناس كده ههههههههههه

بالهنا والشفا عليكوا ياقمر
ادى واحده اتشجعت عقبال الباقى هههههههه

من طرف توأم الروح السبت يناير 01, 2011 6:15 pm

انا نزلت صورة اوضح بس الصورة مش كامله معرفش ليه

من طرف الملاك البرىء الخميس يناير 13, 2011 8:26 pm

يلا بقى عايزة طريقة السويسرول

من طرف توأم الروح الأربعاء يناير 19, 2011 7:50 pm

انا اسفه يا ملاك ع التأخير
المقادير
4بيضات
كبايه الا ربع سكر مطحون بودرة
كبايه دقيق
نص كيس بودر
ربع كبايه كاكاو
فانيليا

الطريقه
افصلى الصفار عن البياض وحطى على كل طبق ريحه فاانيليا واقسمى السكر نصين ع الطبقين برضه
اضربى البياض بالمضرب الكهربى لحد ما تلاقيه عمل زى الكريمه
اضربى الصفار وابدئى حطى الدقيق والبودر وقلبى بايدك وبعدين ضيفى البياض لحد ما يبقى عجينه وحطى الكاكاو لو عايزاه غامق وهتحشيه كريمه اما لو هتحشيه مربى متحطيش كاكاو
لما يبقى سمك العجينه حلو زى الكيكه كده يعنى لا خفيفه اوى ولا تقيله اوى فضى وسوى على نار هاديه زى الكيكه
نيجى للمهم
اول ما يستوى حطيه على ورق زبده ولفيه بيها وانتى بتضغطى بالراحه
لازم وهو سخن لانه لو برد مش هيتنى وهيبرول منك
حطيه ف التلاجه ساعه مثلا لحد ما يبرد
وبعدين طلعيه وافردى بالراااااااااحه وحطى الكريمه ولفى تانى وحطيه ف التلاجه ع الاقل ساعتين لحد ما يبرد خالص وياريت تحطيه ف الفريزر
اىاستفسار انا تحت امرك

من طرف elhour الأربعاء يناير 19, 2011 7:57 pm

تسلم الايادى يا قمر
هجربه وهقولك
جزاكى الله خييييييييييييييييييييير

من طرف توأم الروح الأربعاء يناير 19, 2011 7:58 pm

[img]

خاص جدااااااااا(للبنااااااااااااااااااااااااااااااااااااااات) - صفحة 3 625841832

[/img]

[img]

خاص جدااااااااا(للبنااااااااااااااااااااااااااااااااااااااات) - صفحة 3 237163100

[/img]

[img]

خاص جدااااااااا(للبنااااااااااااااااااااااااااااااااااااااات) - صفحة 3 473995377

[/img]

دة كرواسو عملتوا انهاردة وهكتب طريقته طبعا ويااااااارب تجربوا لان بجد هتفرحوا وتفرحوا كل اللى معاكوا وتفرحونى
سمو الله ودى الطريقه

من طرف توأم الروح الأربعاء يناير 19, 2011 8:00 pm

تسلمى يا حور
ان شاء الله يظبط معاكى ويعجبك

من طرف توأم الروح الأربعاء يناير 19, 2011 8:24 pm

المقادير ياقمرات
2كوب دقيق كبار
5معالق زيت
معلقه بودر
كبايه لبن دافى
3معالق سكر
حته خميرة صغيرة
حته زبده حوالى تمن كيلو
جبنه او عجوة او شيكولاته للحشو
بيضه للدهن عشان يحمر
الطريقه
الخميرة ع السكر ونفركهم مع بعض فى ايدنا وعليهم نص كبايه ميه دفيه
وبعدين نحط كله ماعدا البيضه والزبده ونعجن لحد ما العجينه تفك م الطبق
ونخلى بالنا ان المقادير تقريبيه يعنى ممكن تحتاج شويه دقيق كده يعنى مش مسطرة
نسيبها تخمر حوالى ساعه ونص عشان البرد

نفرد العجينه على هيئه مستطيل مش ديرة ونجيب الزبده ونحطها على نص العجينه يعنى من اول العجينه لنصها وبعدين نغطى الذبده بنص العجينه الفاضى يارب اكون قدرت اوصل المعلومه ونفرد بالراحه ونسيب العجينه نص ساعه

نسيح حته سمنه
نفرد العجينه وندهنها سمنه بسيط ونطبق وهكذا 3 او اربع مرات على ما تعرفى بس بالراحه عشان الزبده
العمليه دى هى اللى هتخليه طبقات زى الجاهز
افردى على هيئه مستطيل ديما عشان

هنقطع العجينه بالطول مستطيلات وبعدين كل مستطيل نقطعه مربعات وكل مربع نقطعه مثلثين
اقروا بالراحه هتفهموها
نجيب كل مثلت ومن القاعده نحط الحشو ونلف
ونسيب مسافات فى الصينيه لان بعد ما نخلص لف هنسيبه يخمر ساعتين ونص وبعدين تضربى البيضه برشه فانيليا وتدهنى الوش
اى استفسار انا موجودة
ملحوظه
انا لسه بتعلم زيكوا مش خبيرة ولا شاطره لحسن تتغروا فيه ههههههههههه

من طرف توأم الروح الخميس يناير 20, 2011 6:10 pm

هو الكرواسو معجبش حد خالص
طب قولوا انه وحش لكن ايه الصمت دة

من طرف شهرزاد الخميس يناير 20, 2011 6:28 pm

لا ده جامد جدا بس جهل بقى تعملى ايه
ههههههه تسلم ايديكى بس لازم ادوقه مليش دعوة

من طرف توأم الروح الخميس يناير 20, 2011 7:15 pm

متقوليش جهل
ان شاء الله هبقى اعمل حبه واجبهم الجامعه الترم التانى هههههههههه

من طرف elhour الأحد يناير 23, 2011 12:38 pm

لا طبعا وحش ايه
اكيد لازم يبقى جميل مش انتى اللى عملاه
جزاكى الله خير

من طرف red rose الأحد يناير 23, 2011 2:13 pm

شكرا ليكى وهو عجبنى جدا .
انا جبت المقادير وان شاء الله اعمله ويارب يطلع حلو كده زى ما انتى عملاه

من طرف توأم الروح الأحد يناير 23, 2011 8:01 pm

ان شاء الله هيطلع احلى
ولما تعمليه ابقى فرحينى ياقمر